२०८२ जेष्ठ ५ आईतवार

साताको पहिलो दिन सेयर बजारमा गिरावट

काठमाडौं–अघिल्लो साताभर गिरावट भएको नेपाल स्टक एक्सचेञ्ज (नेप्से) यो साताको पहिलो कारोबार दिन आइतबार गिरावट आएको छ। यो लगातार सातौँ कारोबार दिनको गिरावट हो।

अघिल्लो साताभर ४४ अंकले गिरावट आएको नेप्से आइतबार ३.७७ अंकले गिरावट आएको हो। योसँगै नेप्से २६०८ विन्दुमा कायम भएको छ।

नेप्सेमा आइतबार भएको कारोबारमध्ये १०० कम्पनीको सेयर मूल्य वृद्धि भएको छ। १४५ कम्पनीको सेयर मूल्यमा गिरावट आउँदा एक कम्पनीको मूल्य स्थिर भएको छ। कारोबारका आधारमा आज आठ अर्ब ५० करोडको सेयर कारोबार भएको छ।

आज कारोबार भएकामध्ये ओम मेगाश्री फार्मास्युटिकल लिमिटेड कम्पनी र छ्याङ्दी हाइड्रोपावर लिमिटेडको सेयर मूल्यमा सकारात्मक सर्किट लागेको छ। यस्तै, नेपाल इन्स्युरेन्स कम्पनी लिमिटेडको सेयर मूल्य ८.५२ प्रतिशतले बढेको छ।