काठमाडौँ – इन्डियन प्रिमियर लिग (आइपीएल) अन्तर्गत बहुप्रतीक्षित बेंगलुरु र कोलकाताबीचको खेल वर्षाका कारण रद्द भएको छ ।
यससँगै डिफेन्डिङ च्याम्पियन कोलकाता यस सिजनको प्लेअफ दौडबाट बाहिरिएको छ । वर्षाका कारण एक बल पनि नखेलिएको यो खेलले अंक तालिकामा कोलकाताको स्थिति झनै कमजोर बनाएको हो ।
खेल रद्द हुँदा दुवै टोलीले १–१ अंक बाँडेका छन् । तर कोलकाताका लागि यो नतिजा पर्याप्त बनेन । कोलकातालाई प्लेअफमा स्थान बनाउनका लागि आजको खेल जित्नै पर्ने दबाब थियो ।
यता बेंगलुरु भने अंक तालिकाको शिर्ष स्थानमा उक्लिएको छ । वर्षाले खेल प्रभावित बनेपछि समर्थकहरु निराश भएका थिए । आईपीएलमा आज राजस्थान रोयल्स र पन्जाब किङ्स खेल्दैछन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
