काठमाडौँ । नेपाल टेलिकमले देशकै प्रसिद्ध र सुन्दर पदयात्रा गन्तव्यका रूपमा परिचित लाङटाङ–क्यान्जिन पदमार्गमा फोरजी मोबाइल सेवा सञ्चालनमा ल्याएको छ । स्थानीय बासिन्दा तथा पदयात्री पर्यटकहरूलाई लक्षित गरी कम्पनीले हालैमात्र मोबाइल सेवा विस्तार गरेको हो ।
काठमाडौँबाट सबैभन्दा नजिकको हिमाली पदमार्गका रूपमा चिनिने यस क्षेत्रमा फोरजी सेवाले यात्राका क्रममा पर्यटकहरूलाई सांस्कृतिक, प्राकृतिक तथा भौगोलिक विविधता आफ्ना प्रियजनहरूसँग साझा गर्न सहज बनाउने कम्पनीको विश्वास छ ।
समुद्री सतहबाट करिब ३८०० मिटर उचाइमा अवस्थित क्यान्जिन उपत्यकामा नयाँ बीटीएस जडान गरेर टेलिकमले सेवा सञ्चालनमा ल्याएको हो ।
रसुवा जिल्लाको गोसाइँकुण्ड गाउँपालिका-४ मा पर्ने, स्याफ्रुबेसीबाट करिब दुई दिनको पदयात्रापछि पुगिने यो ठाउँ पुगिन्छ ।
पछिल्लो अध्यावधिक: बैशाख ३१, २०८२ १५:५७
सामाग्री श्रोत :
टेक पाना
