काठमाडौं- वाणिज्य, आपूर्ति तथा उपभोक्ता संरक्षण विभागले भण्डारी सर्जिकल हाउसलाई जरिबाना तिराएको छ।
विभागबाट मंगलबार गएको टोलीले अनुगमनका क्रममा भण्डारी सर्जिकल हाउसले कानुनविपरित काम गरेको फेला पारेपछि जरिबाना तिराएको हो।
विभागको टोलीले अनुगमनका क्रममा भण्डारी सर्जिकल हाउसले सर्जिकल सामान, मेडिकल उपकरणमा रिलेबलिङ गरेको, गुणस्तर, परिमाण, मूल्य र नापतौलमा हेरफेर गरेको पाएको थियो। टोलीले उक्त कार्य गरेको फेला पारेपछि उपभोक्ता संरक्षण ऐन २०७५ को दफा ३८ (ङ) को कसुर र सोही ऐनको दफा ३९ को १ (ख) बमोजिम कारबाही गरिएको जनाएको छ।
अनुगमनपछि काठमाडौं महानगरपालिका–११ को भण्डारी सर्जिकल हाउस प्रालिलाई २ लाख १ हजार जरिबाना तिराएको विभागले जनाएको छ।
यस्तै विभागले बूढानीलकण्ठ नगरपालिका–७ मा रहेको एभरग्रिन होम डेकोरलाई ५० हजार रुपैयाँ र मध्यपुर थिमी नगरपालिका–१ नरेफाँटको जिरे खुर्सानी रेट्रोलाई १५ हजार रुपैयाँ जरिबाना तिराएको छ।
सामाग्री श्रोत :
swasthyakhabar
