काठमाडौँ । नबिल बैंकले ‘नबिल लाइफटाइम निःशुल्क क्रेडिट कार्ड’ योजनाको म्याद थप गरेको छ । ग्राहकले उत्साहजनक सहभागिता र सकारात्मक प्रतिक्रिया दिएको भन्दै उक्त योजना असार मसान्तसम्म लम्ब्याएको बैंकले जनाएको छ ।
यो योजनाअन्तर्गत ग्राहकले क्रेडिट कार्ड लिन कुनै प्रवेश शुल्क, वार्षिक शुल्क वा सदस्यता शुल्क तिर्नु पर्दैन । ग्राहकले घर वा कार्यालयबाटै आवेदन दिई आफूलाई पायक पर्ने स्थानमा कार्ड प्राप्त गर्न सक्नेछन् ।
बैंकले यस योजनामार्फत आधुनिक बैंकिङ प्रवर्द्धन गर्नुका साथै वर्षेनी लाग्ने सेवा शुल्कबाट ग्राहकलाई मुक्त गर्ने लक्ष्य लिएको जनाएको छ । ‘बाई नाउ, पे लेटर’ सुविधाअन्तर्गत ग्राहकले शून्य ब्याजदरमा सामान खरिद गर्न सक्नेछन् । साथै विभिन्न आउटलेटहरूमा छुट पनि प्राप्त गर्न सकिनेछ ।
ग्राहकले नबिल बैंकको कुनै पनि शाखामा गई योजनासम्बन्धी थप जानकारी लिन सक्नेछन् । वा ‘लाइफटाइम फ्री क्रेडिट कार्ड’ का लागि आवेदन दिन सक्नेछन् । साथै, यो लिङ्कमा गई अनलाइनमार्फत पनि आवेदन दिन सकिने बैंकले जनाएको छ ।
पछिल्लो अध्यावधिक: बैशाख २६, २०८२ १८:४८
सामाग्री श्रोत :
टेक पाना
