काठमाडौं। पाकिस्तानले भारतको जम्मू र पठानकोटमा आक्रमण गरेपछि आईपीएलको आजको खेल रद्ध भएको छ।
धर्मशालामा पंजाब किंग्स र दिल्ली क्यापिटल्सबीचको खेल रद्ध भएको हो। पहिला ब्याटिङ गरेको पंजाबले १०.१ ओभरमा १ विकेट गुमाएर १२२ रन बनाएको छ।
मैदानबाट सबै दर्शकहरुलाई बाहिर निकालिएको छ। उनीहरुले पाकिस्तानविरुद्ध नाराबाजी गरेका छन। त्यस क्षेत्रमा पाकिस्तानी आक्रमणका कारण ‘ब्ल्याकआउट’ भएपछि मैदानका तिनवटा फ्लडलाइट निभेका थिए।
भारतीय संचारमाध्यमका अनुसार पाकिस्तानी ड्रोनहरूले जम्मू विमानस्थल र पठानकोट वायुसेना स्टेसनलाई निशाना बनाएको हो।
उक्त क्षेत्रमा साइरनको आवाजसँगै ‘ब्ल्याकआउट’ भएको भएको छ। स्थानीयका अनुसार धेरै ठाउँमा विस्फोटको आवाज सुनिएको छ।
सामाग्री श्रोत :
