बाजुरा- कल्प इम्पावर वेमेन नेपालले मातृत्व संरक्षण र महिला सशक्तीकरणको उद्देश्यले संचालन गरेको ‘भुपेन्द्रा बुढा स्मृति क्यापिएँन सी-क्याप’ नामक अभियान सुदूरपश्चिम प्रदेश बाजुरा जिल्लाको गौमुल गाउँपालिकामा सम्पन्न भएको छ। गत बैशाख ०५ गतेदेखि सुरु भएको यो अभियान बैशाख ११ गते एक औपचारिक कार्यक्रम बिच सम्पन्न भएको हो।
अभियानको औपचारिक शुभारम्भ भने चैत्र २६ गते बडीगाड गाउँपालिका, बागलुङमा गण्डकी प्रदेशका स्वास्थ्य मन्त्री कृष्ण प्रसाद पाठकको प्रमुख आतिथ्यतामा सम्पन्न भएको थियो। त्यस पश्चात अभियान रुकुम पूर्व हुँदै बाजुराको गौमुल गाउँपालिकातर्फ प्रस्थान गरेको थियो।
गौमुल गाउँपालिकामा सञ्चालन भएको कार्यक्रममा किशोरी समूहको अभिमुखीकरण र गठन, स्वास्थ्य गाउँ साक्षरता अभियान अन्तर्गत गौमुल गाउँपालिका भित्रका ६ वडाका ३९९ घरधुरीमा स्वास्थ सचेतना संचालन गरिएको थियो।गौमुल गाउँपालिका स्तरीय किशोरी समूह निशा वि.कको अध्यक्षतामा १९ सदस्यीय तदर्थ समिति चयन भएको छ।
गौमुल गाउँपालिकाको अभियान समापन कार्यक्रम गौमुल गाउँपालिकाकि उपाध्यक्ष सीता थापाले अध्यक्षता गर्नु भएको थियो भने प्रमुख अतिथिका रुपमा जिल्ला समन्वय समितीका प्रमुख अम्बर बहादुर रोकायाको उपस्थिति रहेको थियो ।त्यस्तै स्वागत मन्तव्यको क्रममा प्रशासकीय अधिकृत जगदिश भट्टले भौगोलिक विकटतामा बाचिरहेका महिलाका निम्ति मातृत्व जोगाउने अभियानको महत्वपूर्ण सन्देश रहेको धारणा राख्नुभयो।
गौमुल गाउँपालिकाकि उपाध्यक्ष सीता थापा नेपालि महिला जनप्रतिनिधिको सुकर्मलाई संचार गर्ने अभियान शी लिड्स आइकन २०८१ की बिजेता मध्ये १ हुन्। जस्ले विकटतामा समेत सुन्दर कर्म गर्दै आएकी उनी प्रेरणादायी महिला जनप्रतिनिधि हुन्।
आम नेपाली महिला भोग्दै आएको दुर्गपिडालाई मलहल लगाउने सोच र संकल्प सहित अभियानले सात वटा जिल्लाका स्थानीय तहहरू पुथा उत्तरगङ्गा (रुकुम पूर्व), बडीगाड (बागलुङ), अन्नपूर्ण (म्याग्दी), पचालझरना (कालिकोट), पटेर्वा सुगौली (पर्सा), सिगास (बैतडी) र गौमुल (बाजुरा) — मा करिब १०,००० किशोरी र महिलालाई प्रत्यक्ष लाभ पुर्याउने लक्ष्य लिएको संस्थाकी अध्यक्ष पूजा कोइरालाले जानकारी दिइन्।
सामाग्री श्रोत :
swasthyakhabar
