काठमाडौं । भूमि समस्या समाधान आयोग काठमाडौंले आयोजना गरेको सरोकारवालाको अभिमुखीकरण सम्पन्न भएको छ।
भूमि समस्या समाधान आयोग जिल्ला समिति काठमाण्डौले जिल्लाका सवै पालीकाका भूमि शाखा प्रमुख र आयोगका प्राविधिक कर्मचारीलाई अभिमुखीकरण दिएको हो।
भूमिहिन, दलित, सुकुम्वासी र अव्यवस्थीत वसोवासीको विवरण तथा तथ्यांक संकलन लगायतको विषयमा अभिमुखीकरण दिइएको आयोग काठमाडौंका अध्यक्ष कृष्णजी खड्काले बताए।
खड्काको सभापतित्वमा भएको कार्यक्रममा केन्द्रीय उपाध्यक्ष सनत कुमार कार्की, विज्ञ सदस्य टेकबहादुर साह, केन्द्रीय सदस्य गुञ्जबहादुर खड्काको प्रमुख र विशेस आतिथ्यता थियो भने उपसचिव संजिव कुमार साहको टिमले प्रशिक्षण दिएका थिए। कार्यक्रममा जिल्ला समितिका पदाधिकारी, सदस्य, ११ वटै पालिकाका भूमी शाखा प्रमुख र प्राविधिक कर्मचारीको उपस्थिति थियो।
सामाग्री श्रोत :
