काठमाडौं। शिक्षक महासंघको नेतृत्वमा भएको आन्दोलन नरोकिने भएको छ। सरकारले बैशाख १२ गते संसद बोलाएर शिक्षा बिधेयक पारित गराउने निर्णय लिए पनि शिक्षकहरूको आन्दोलन भने नरोकिने भएको अध्यक्ष लक्ष्मी किशोर सुबेदीले जानकारी दिए।
‘हिजो बैशाख २ गतेको आन्दोलनमा सहभागी सबै साथीहरुलाई धन्यवाद। आज बैशाख ३ गते सदा झैं ठिक १२ः०० बजे माइतीघर मण्डला आइपुग्नु होला । हाम्रो आन्दोलन जारी छ,’ उनले भने।
उनले अगाडि भनेको छन्, ‘पहिलो, अब हामी निर्णायक मोडमा आइपुगेका छौं। हामीले उठाएका विषयमा राज्य यथावत् अनुदार देखिन्छ। त्यसैले अझ बढी प्रतिबद्धता र सहभागिताका साथ आन्दोलन अघि बढाउनुको विकल्प छैन। दोस्रो, देश भरिका सबै साथीहरु आन्दोलनको यो निर्णायक घडीमा हामी तपाईंलाई काठमाडौंको आन्दोलनको मोर्चामा पर्खिरहेका छौं। यो आन्दोलनले तपाईंको सक्रिय सहभागिता खोजिरहेको छ । तुरुन्तै काठमाडौं आइ पुग्नु होला।’
उनको तर्क छ, ‘अनधिकृत विचार, अफवाह, षड्यन्त्र र भ्रामक समाचार प्रति सचेत रहनुहोला।’ उनले सामाजिक सञ्जालमा लेखेका छन्, ‘मेरो आन्दोलन, मेरो सहभागिता, बलियो उपस्थिति-बलियो आन्दोलन, बलियो आन्दोलन बलियो उपलब्धि।’
उता सरकारले भने आन्दोलनरत शिक्षकहरुलाई आआफ्नो कार्यथलोमा फर्किन अनुरोध गरेको छ। मन्त्रिपरिषद्को मङ्गलबारको बैठकले हाल विद्यार्थी भर्नाको समय, एसइईको उत्तरपुस्तिका परीक्षण एवं कक्षा १२ को राष्ट्रिय परीक्षासमेत भइरहेकाले विरोधप्रदर्शनका कार्यक्रम स्थगन गरी कार्यथलोमा फर्कन आग्रह गरेको हो।
शिक्षा तथा विज्ञान प्रविधिमन्त्री शिक्षामन्त्री विद्या भट्टराईले नेपाल शिक्षक महासंघको आह्वानमा भइरहेको प्रदर्शनप्रति गम्भीर ध्यानाकर्षण भएको जनाउँदै सरकारले संघीय संसदमा विचाराधीन विद्यालय शिक्षा विधेयक यथाशक्य चाँडो पारित गर्ने प्रयोजनका लागि संसद्को अधिवेशन यही वैशाख १२ गते आह्वान गर्ने निर्णय गरेको बताइन्।
मन्त्री भट्टराईले नेपाल शिक्षक महासंघले उठाएका मागहरु सम्बोधन गर्न सरकार संवेदनशील रहेको त्यसनिम्ति निरन्तर संवादमा रहेको बताइन्।
सामाग्री श्रोत :
काठमाडौँ । मेटाका प्रमुख कार्यकारी अधिकृत (सीईओ) मार्क जुकरबर्गले मानिसहरूले फेसबुक धेरै चलाऊन् भनेर एउटा अनौठो आइडिया अघि सारे । सन् २०२२ मा उनले राखेका त्यो विचार थियो, सबै फेसबुक प्रयोगकर्ताहरूको फ्रेन्ड्स लिस्ट हटाइ दिने ।
यो कुरा मेटाको सङ्घीय व्यापार आयोग (एफटीसी) सँगको प्रतिस्पर्धा विरोधी मुद्दाको सुनुवाइमा प्रस्तुत गरिएका आन्तरिक ईमेलहरूमा देखिएको कुरा द भर्जले लेखेको छ । जुकरबर्गले सबैको फ्रेन्ड लिस्ट मेटाएर फेरि नयाँ बनाउन लगाउने विचार गरेका थिए, त्यो पनि सम्भवतः वर्षमा एक पटक ।
फेसबुकको ‘सांस्कृतिक महत्त्व घट्दै गएको’ मा उनको चिन्ता थियो । धेरै मानिसहरूले फेसबुक छोडे पनि असर नपरोस् भनेर उनले सानो देशबाट यस किसिमको प्रयोग सुरु गर्ने सुझाव दिएका थिए ।
इन्स्टाग्राम र ह्वाट्सएप राम्रो चले पनि फेसबुक कमजोर भएमा कम्पनी सफल हुन नसक्ने उनको बुझाई थियो । फेसबुकका प्रमुख टम एलिसनले यस किसिमको विचार प्रति असहमति जनाउँदै व्यवहारिक नहुन सक्ने जवाफ दिएका थिए ।
बिजनेस इन्साइडरका अनुसार जुकरबर्गले प्रोफाइललाई फलो गर्ने प्रणालीमा परिवर्तन गर्ने कुराले कत्तिको काम गर्छ भनेर पनि सोधेका थिए । सोमबार एक सङ्घीय व्यापार आयोगका वकिलले जुकरबर्गलाई यो विचारबारे सोध्दा उनले भने, “जहाँसम्म मलाई लाग्छ, हामीले त्यो कहिल्यै गरेनौँ ।”
हालै मेटाले फेसबुक चलाउने तरिकालाई नयाँ रूप दिन खोजीरहेको छ । यस अन्तर्गत हालै मात्र फ्रेन्ड्सको लागि नयाँ ट्याब सुरु गरिएको छ, जहाँ प्रयोगकर्ताहरूले एल्गोरिदमले छानेको सामग्री देख्दैनन् । जनवरीमा जुकरबर्गले यस वर्ष कम्पनीको मुख्य ध्यान ‘पुरानो फेसबुक’ जस्तै बनाउनमा हुने बताएका थिए ।
पछिल्लो अध्यावधिक: बैशाख ३, २०८२ १०:२
सामाग्री श्रोत :
टेक पाना
काठमाडौं । आईसीसी यू–१९ विश्वकपको एसिया छनोटअन्तर्गत आफ्नो तेस्रो खेलमा नेपालले हङकङविरुद्ध पहिला बलिङ गर्दैछ ।
मुलपानी क्रिकेट मैदान हङकङविरुद्ध नेपालका कप्तान नरेन भट्टले टस जितेर पहिला फिल्डिङ गर्ने निर्णय लिएका हुन् । नेपालले यसअघि भएका दुवै खेलमा जित निकालेको छ भने आजको खेलका हङकङलाई हराउँदै लगातार तेस्रो जितको खोजिमा हुनेछ ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
सामाग्री श्रोत :
नेपाललाइभ
काठमाडौं- सरकारले तोकेको निर्वाह भत्ता पाउनुपर्ने माग सहित आन्दोलित आवासीय चिकित्सकलाई निजी मेडिकल कलेजहरुले फेल गराउने धम्की दिन थालेका छन्। काठमाडौंको किस्ट मेडिकल कलेज र युनिभर्सल कलेज अफ मेडिकल साइन्सेज भैरहवाले सूचना नै जारी गरेर धम्क्याएका हुन्। अन्य निजी मेडिकल कलेजका सञ्चालकले पनि आफूलाई फोन गरेर फेल गराउने धम्की दिएको आवासीय चिकित्सकहरुले बताएका छन्।किस्टले आफ्नो सूचनामा भनेको छ, ‘रेसिडेन्टहरुको हाँजिरी, लगबुक, परीक्षा, पोष्टिङका साथै थेसिसमा समेत प्रभाव पर्न जाने र सोका कारण चिकित्सा शिक्षा अध्ययन संस्थानद्वारा लिइने परीक्षामा सामेल गराउन प्रतिष्ठान बाध्य नहुने र नियम अनुसार कारवाही हुने बारे समेत सम्बन्धित सवैलाई सूचित गरिन्छ।’त्यस्तै युनिभर्सलले सबै रेसिडेन्टहरूलाई तत्काल ट विभागीय ड्युटी रोस्टर अनुसार आफ्नो ड्युटीमा फर्कन निर्देशन दिएको छ। भनिएको छ, ‘पुनः सेवा सुरु गर्न र आफू उक्त आन्दोलनमा संलग्न नभएको जानकारी गराउनका लागि मेडिकल सुपरिन्टेन्डेन्टलाई अनुमतिका लागि निवेदन दिनु पर्नेछ र सोको प्रतिलिपि सम्बन्धित सबै विभाग प्रमुखहरू तथा प्रिन्सिपलको कार्यालयमा समेत बुझाउनु पर्नेछ।’विद्यार्थीको हैसियतमा यस्ता गतिविधि उचित नभएको बताउँदै भविष्यमा हुने नकारात्मक परिणामको जिम्मेवारी आफैँले वहन गर्नु पर्ने भन्दै धम्क्याइएको छ। सरकारले आवासीय चिकित्सकलाई मासिक ४८ हजार रुपैयाँ निर्वाह भत्ता दिने निर्णय गरेको दुई महिना बितेको छ। चिकित्सा शिक्षा आयोगको १६ औं बैठकले आवासीय चिकित्सकलाई निर्वाह भत्ता ४८ हजार रुपैयाँ दिनुपर्ने निर्णय गरेको हो। आयोगको अध्यक्ष समेत रहेका प्रधानमन्त्री केपी शर्मा ओली आफैंले उक्त निर्णय गराएका हुन्। तर, प्रधानमन्त्री ओलीको उक्त निर्णयलाई निजी मेडिकल कलेजले अस्वीकार गरिदिएका छन्। प्रधानमन्त्री ओली निजी मेडिकल कलेजका अघि निरिह देखिएका छन्। बुधबार चिकित्सा शिक्षा आयोगको बैठक बस्दैछ। यस विषयलाई लिएर थप निर्णय लिइने बताइएको छ।
सामाग्री श्रोत :
swasthyakhabar
काठमाडौं । सत्तारूढ नेकपा एमाले र नेपाली कांग्रेसको उच्चस्तरीय संयन्त्रको बैठक बस्दैँछ ।
प्रधानमन्त्री केपी शर्मा ओली प्रति कांग्रेसका महामन्त्री गगन थापालगायत आक्रामक रूपमा उत्रन थाले पछि संयन्त्रको बैठक बोलाइएको हो ।
दुइ दल बिच असमझदारी देखिन थाले पछि बैठक आज साँझ बस्न लागेको जनाइएको छ ।
हिजो प्रधानमन्त्री ओली र कांग्रेस सभापति शेरबहादुर देउवा बिच भेटबार्ता भए पछि उक्त संयन्त्रको बैठक बोलाउने निर्णय भएको हो ।
सामाग्री श्रोत :
काठमाडौँ । आजकल स्मार्टफोन हाम्रो जीवनको अभिन्न अङ्ग भएको छ । हामी सधैँ सम्पर्कमा रहन र उत्पादनशील बन्नको लागि यसमाथि निर्भर हुन्छौँ ।
स्मार्टफोनमा रहेको ब्याट्रीको चार्ज घट्ने कुरा स्वाभाविक नै हो । तपाईंले आफ्नो डिभाइस अन गर्नासाथ त्यसको ब्याट्री खपत हुन थाल्छ । ब्याट्रीको आयु बढाउने सवालमा केही भ्रम र वास्तविकता बजारमा व्याप्त छन् ।
ती मध्ये केही अभ्यासहरूले ब्याट्रीको आयु बढाउन कुनै भूमिका खेलिरहेका हुँदैनन्, केही उपायहरू भने निकै प्रभावकारी हुन्छन् । यदि तपाईँ आफ्नो मजबुत र कम-मूल्यको स्मार्टफोनबाट बढी फाइदा लिन चाहनुहुन्छ भने, ब्याट्री बिग्रिनुअघि यसको आयु बढाउनेतर्फ ध्यान दिन सक्नु हुन्छ । आज हामी यहाँ फोनको ब्याट्री लाइफ बढाउने सामान्य अभ्यासहरू र केही भ्रमहरूको बारेमा चर्चा गर्दैछौँ ।
ब्याट्री लाइफ बढाउने भन्नुको अर्थ के हो ?
ब्याट्रीको लाइफ बढाउनु कुनै विशेष ट्रिक वा जुक्ति मात्र होइन । निर्माता कम्पनीले कुनै डिभाइसको आयु लगभग ६ वर्ष हुन्छ भन्छ भने त्यो एक औसत हिसाबकिताबमा आधारित हुन्छ । तर यदि अझ लामो समयसम्म प्रयोग गर्न चाहनुहुन्छ भने, त्यसको आयु बढाउने उपायहरू खोज्नु स्वाभाविक हुन्छ । ६ वर्षको औसत समय भनेको सही ढङ्गको प्रयोगमा आधारित हुन्छ । तपाईंको आफ्नै अनुभवले पनि यो अवधि कम वा बढी लाग्न सक्छ । ब्याट्रीको आयु पनि यस्तै हो । जब निर्माता कम्पनीले ब्याट्री-सेभर मोडमा २४ घण्टा वा १०० घण्टासम्म फोन टिक्छ भनिरहेको हुन्छ भने त्यो औसत अनुमान हो । त्यो अनुभव सायद मिल्दोजुल्दो होला । तर ठ्याक्कै एउटै नहुन पनि सक्छ । ब्याट्री लाइफ लम्ब्याउनुको अर्थ हुन्छ ब्याट्रीलाई सही रूपमा अनुकूल बनाउने र राम्रा तरिका अपनाउने । हाम्रो फोन प्रयोगको शैली, सफ्टवेयर सेटिङ, र डिभाइसको समग्र हेरचाहले नै ब्याट्रीको हेल्थ र यसको लाइफ निर्धारण गर्छ ।
अल्पकालिन भर्सेस दीर्घकालीन ब्याट्री हेल्थ
अल्पकालीन र दीर्घकालीन ब्याट्री सेभ गर्ने रणनीति बीच भिन्नता छुट्याउन आवश्यक छ । यदि तपाईँ आफ्नो फोन दिनभर लामो समयसम्म टिकोस् र चाँडै अफ नहोस् भन्ने चाहनु हुन्छ भने अल्पकालीन उपायको खोजीमा हुनुहुन्छ । तर, दीर्घकालीन ब्याट्री हेल्थ ख्याल गर्ने भनेको चाहिँ त्यो समयसम्म ब्याट्रीको आयु कायम राख्नु हो, जबसम्म ब्याट्रीले चार्ज धान्न छोड्दैन र फेर्नुपर्ने हुन्छ ।
यी दुई अवस्थामा अपनाउनु पर्ने विधिहरू फरक हुन्छन् । उदाहरणका लागि, ब्राइटनेश घटाउनु वा रिफ्रेश रेट कम गर्नुले तत्काल ब्याट्रीको खपत कम गर्न सघाउँछ । जुन अल्पकालीन उपाय हो । तर, तपाईँले कसरी चार्ज गर्नुहुन्छ भन्ने कुराले दीर्घकालीन रूपमा ब्याट्रीको आयुमा प्रभाव पार्छ ।
दुवै अवस्थामा, तपाईँले ब्याट्रीको समग्र स्वास्थ्यलाई ध्यानमा राख्नुपर्छ र ब्याट्री डिग्रेडेसन हुनबाट जोगाउने प्रयास गर्नु पर्छ । ब्याट्री डिग्रेडेसन भन्नाले समयसँगै ब्याट्रीको क्षमता बिस्तारै घट्दै जाने प्रक्रिया हो । यसबाट ब्याट्रीले कति चार्ज स्टोर गर्न सक्छ र कति राम्रोसँग शक्ति प्रवाह गर्न सक्छ भन्ने कुरामा असर पार्छ ।
८५% सम्म मात्र चार्ज गर्दा ब्याट्रीको आयु साँच्चिकै बढ्छ ?
छोटकरीमा भन्नुपर्दा, हो, यसले ब्याट्रीको आयु बढाउँछ । चार्ज गर्ने तरिका सबैभन्दा महत्त्वपूर्ण हुन्छ, विशेष गरी यदि तपाईँ आफ्नो ब्याट्रीको आयु लामो बनाउन चाहनुहुन्छ भने ।
तर कुरा यति सरल पनि छैन । तपाईँको चार्ज गति, जस्तै फास्ट चार्ज वा साधारण चार्ज गर्ने कुरा पनि महत्त्वपूर्ण हुन्छ । साथै, प्रयोग हुने चार्जर पनि गुणस्तरीय हुनु पर्छ । अन्य चार्जरहरूबाट नियन्त्रित पावर आउटपुट नहुँदा ब्याट्रीको लाइफमा नकारात्मक असर पार्न सक्छन् । रातभर चार्ज गर्दा ब्याट्रीमा नोक्सान पुग्छ भन्ने कुरा एक भ्रम मात्र हो ।
अधिकांश चार्जरहरूले फोन १००% पुग्ने बित्तिकै चार्ज रोक्ने गर्छन् र ब्याट्री लेभल तल झरेपछि मात्र फेरि चार्ज थप्छन् । आधुनिक स्मार्टफोनहरूमा फुल चार्ज भएपछि चार्ज रोक्नको लागि पूर्वनिर्मित सुरक्षा सुविधा हुन्छ । सबैभन्दा ठुलो चिन्ता भनेको ओभर हिटिङ हो । ब्याट्रीमा हुने विद्युतीय रासायनिक क्रियाबाट ताप उत्पन्न हुन्छ, जसले सामान्य रूपमा अलिकति फोन तताउन सक्छ ।
तर यदि फोन अत्यधिक तातो भएर छुन असहज लाग्छ भने त्यो खराब चार्जर, पोर्ट वा ब्याट्रीको सङ्केत हो । रातभर चार्ज गर्दा तपाईँले यस्तो प्रभाव परिरहेको छ कि छैन विचार गर्न नसक्ने हुन सक्छ । लिथियम-आयन ब्याट्रीहरूको लागि तपाईँले फोनको चार्ज २०% देखि ८०% बीचमा राख्नुपर्ने हुन्छ, तर फोनलाई पूर्ण रूपमा (०% मा) खाली हुन दिनु हुँदैन । किनकि यसले ब्याट्रीलाई क्षति पुरयाउँछ ।
अधिकांश फोनहरूले सुरक्षा प्रणाली प्रयोग गर्छन्, जसले ब्याट्री स्तर ०% भन्दा तल गएमा फोन बन्द गरिदिन्छ । देखाइएको ०% वास्तवमै ०% हुँदैन । तर यदि तपाईँले फोनलाई लामो समयसम्म ०% रहन दिनुभयो भने अन्ततः चार्ज गुम्ने हुन्छ । लिथियम-आयन ब्याट्रीको उत्तम अवस्था भनेको तपाईँले फोनको चार्ज लेभल ४०% देखि ८०% बिचमा राख्नुपर्छ, जसले ब्याट्रीमा पर्ने दबाब कम गर्छ र ह्रासलाई न्यूनीकरण गर्छ ।
यसले अत्यधिक चार्ज गर्ने (८०% भन्दा माथि) र गहिरो चार्ज (४०% भन्दा तल) अवस्थाबाट बचाउँछ । जुन अवस्थामा ताप उत्पन्न हुने जोखिम सामान्य चार्जिङको तुलनामा बढी हुन्छ । यदि तपाईँको डिभाइस अत्यधिक तातो भइरहेको छ भने, त्यो तपाईँको फोनको ब्याट्रीमा स्थायी क्षति आउने सङ्केत हो र यसले ब्याट्रीको आयु घटाउन भूमिका खेलिरहेको हुन्छ ।
चार्ज गर्नुअघि फोनको ब्याट्री पूर्ण रूपमा डाउन हुन दिनु राम्रो हो ?
यो मिथक पुरानो ब्याट्री प्रविधिमा आधारित थियो, जहाँ पूर्ण डिस्चार्जले ब्याट्रीको पर्फर्मेन्सलाई पुन: क्यालिब्रेट गर्न मद्दत गर्थ्यो । तर आजकलका लिथियम-आयन ब्याट्रीहरूको लागि यो अभ्यास हानिकारक हुन सक्छ । बारम्बार फोनको ब्याट्री पूर्ण रूपमा रित्याउँदा अनावश्यक तनाव आइपर्न पर्छ । बरु, ब्याट्रीलाई २०% र ८०% को बीचमा राख्ने प्रयास गर्नुहोस् ।
३. ब्याकग्राउन्डका एपहरू बन्द गर्दा ब्याट्री लाइफ बढ्छ ?
छोटो उत्तरमा भन्नुपर्दा, केहि हदसम्म हो र केहि हदसम्म होइन । यो तपाईँको फोनको सफ्टवेयरमा निर्भर गर्छ । उदाहरणका लागि, एप्पलले एप निलम्बन (app suspension) सुविधा प्रयोग गर्छ । कुनै एपलाई बन्द गरी फेरि खोल्दा, ती एपहरूलाई सस्पेन्सन गर्ने भन्दा बढी ब्याट्री खपत हुन सक्छ ।
यदि तपाईँ आफ्नो उपकरणको ब्याट्री लाइफ छोटो अवधिको लागि बढाउन खोज्दै हुनुहुन्छ भने, सामान्यतया तपाईँ ब्याकग्राउन्डमा एपहरू चल्न नदिने प्रयास गर्नुहुन्छ । ब्याकग्राउन्ड एपहरूले तपाईँको डिभाइसको प्रोसेसिङ पावरमा बोझ थप्छन् र स्थिर रूपमा लोकेसन सर्भिस र वाई-फाई नेटवर्कसँग सञ्चार गर्दा ब्याट्रीको खपत बढाउँछन् ।
अधिकांश एन्ड्रोइड फोनहरूमा ब्याकग्राउन्ड एपहरूसँग जुध्ने उपायहरू छन् । उदाहरणका लागि सामसङ फोनहरूमा ‘डिप स्लिपिङ’ एपहरूको सूची हुन्छ भने पिक्सेल फोनहरूमा ब्याकग्राउन्ड गतिविधिलाई अन/अफ गर्न मिल्ने सेटिङ हुन्छ ।
आईओएस र एन्ड्रोइड अपरेटिङ सिस्टमहरू ब्याकग्राउन्ड एपहरूलाई कुशलतापूर्वक व्यवस्थापन गर्न डिजाइन गरिएका छन्, प्रयोगमा नभएको बेला तिनीहरूलाई पज वा फ्रिज गरिन्छ । वास्तवमा जबरजस्ती एपहरू बन्द गरेर तिनीहरूलाई पुन: खोल्दा बढी ब्याट्री खपत हुन सक्छ ।
किनकि फोनले प्रत्येक एपलाई सुरुदेखि पुन: लोड गर्नुपर्ने हुन्छ । यदि कुनै एपले खराबी गरिरहेको छैन भने, सिस्टमलाई ब्याकग्राउन्ड गतिविधि ह्यान्डल गर्न दिनु नै उत्तम हुन्छ ।
डार्क मोडले ब्याट्री लाइफमा कुनै फरक पार्दैन ?
यदि तपाईँसँग ओएलईडी वा एमोलेड स्क्रिन छ (जुन नयाँ आइफोनहरू र धेरै एन्ड्रोइड मोडेलहरूका लागि सामान्य हो) भने, डार्क मोड प्रयोग गर्नाले वास्तवमा ब्याट्री लाइफ बचाउन सक्छ । यी स्क्रिनहरूमा कालो रङ देखाउँदा प्रत्येक पिक्सेलहरू बन्द हुन्छन्, जसले गर्दा तिनीहरूलाई उज्यालो पार्न आवश्यक ऊर्जा खपत कम हुन्छ ।
फरक सानो भए पनि समयसँगै यो जम्मा हुन सक्छ, विशेष गरी यदि तपाईँ धेरै फोन प्रयोग गर्नु हुन्छ भने । एलसीडी स्क्रिनको हकमा भने यसको प्रभाव न्यून हुन्छ । यद्यपि डार्क मोडले आँखाको तनाव कम गर्न र कम प्रकाशमा स्क्रिन हेर्न सजिलो बनाउन सक्छ ।
फास्ट चार्जर प्रयोग गर्दा फोनको ब्याट्री बिग्रन्छ ?
फास्ट चार्जिङ पछिल्लो समय बजारमा आइरहेका नयाँ फोनहरूमा हुने एउटा सुविधाजनक कुरा हो । तर कसैलाई यसले ब्याट्री लाइफ छोटो बनाउन सक्छ भन्ने चिन्ता हुन सक्छ । फास्ट चार्जिङले बढी तातो उत्पन्न गर्छ, जुन ब्याट्रीको लागि हानिकारक हुन सक्छ ।
तर आधुनिक फोनहरू ओभरहिटिङबाट बचाउने सुरक्षा उपाय सहित बनाइएका हुन्छन् । आईफोन र एन्ड्रोइड दुवै डिभाइसहरूले ब्याट्री उच्च स्तरमा पुगेपछि तातो कम गर्न पावर इनपुट सीमित गर्छन् । तैपनि, यदि तपाईँ बारम्बार छोटो समयको लागि चार्ज गर्दै हुनुहुन्छ भने, सकेसम्म सामान्य चार्जर प्रयोग गर्नु राम्रो हुन्छ ।
ब्याट्री खपत बढाउने कारक
-
उच्च स्क्रिन ब्राइटनेस: तपाईँको फोनको डिस्प्ले नै सबैभन्दा बढी ब्याट्री खपत गर्ने मध्येको एक हो ।
-
लोकेशन सर्भिस तथा जीपीएस: लगातार लोकेसन ट्र्याकिङले धेरै ब्याट्री खपत गर्छ ।
-
ब्याकग्राउन्ड एप रिफ्रेश र पुश नोटिफिकेसन: ब्याकग्राउन्डमा एपहरूबाट बारम्बार हुने अपडेटहरूले ब्याट्री खपत गराउँछ ।
-
कमजोर नेटवर्कः कमजोर रिसेप्सन वा नेटवर्क भएको क्षेत्रमा फोनले सिग्नल खोज्दा बढी पावर प्रयोग गर्छ ।
-
प्रयोग नभएका वायरलेस सेवाः ब्लुटुथ, वाई-फाई, र एनएफसी प्रयोगमा नभएको बेला अन राख्दा ब्याट्री खपत बढाउँछन् ।
पछिल्लो अध्यावधिक: बैशाख ३, २०८२ ९:१२
सामाग्री श्रोत :
टेक पाना
काठमाडौँ – अहिले देशभर स्थानीय वायुको प्रभाव रहेको छ । पहाडी भागमा आंशिकदेखि साधारणतया बदली रही बाँकी भागमा मौसम सफा रहने जल तथा मौसम पूर्वानुमान महाशाखाले जनाएको छ ।
आज दिउँसो कोशी प्रदेशलगायत देशका पहाडी भू–भागका केही स्थान तथा अन्य प्रदेशका एकदुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ । साथै देशका उच्च पहाडी तथा हिमाली भागका एकदुई स्थानमा हल्का वर्षा र हिमपातको पनि सम्भावना छ ।
त्यसैगरी, आज राति कोशी प्रदेशलगायत देशका पहाडी भू–भागमा आंशिकदेखि साधारणतया बदली रही बाँकी भू–भागमा मौसम सफा रहनेछ । कोशी, बागमती, गण्डकी, कर्णाली र सुदूरपश्चिम प्रदेशका पहाडी भू–भागका एकदुई स्थानमा मेघगर्जन र चट्याङसहित हल्का वर्षाको सम्भावना छ । देशका उच्च पहाडी तथा हिमाली भू–भागका एकदुई स्थानमा हल्का वर्षा र हिमपात हुनसक्ने छ ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
सामाग्री श्रोत :
नेपाललाइभ
इलाम। वैशाख लागेसँगै विद्यालयमा विद्यार्थी भर्ना अभियान चल्नुपर्ने हो । तर, देशभरका विद्यालय बन्द गरेर शिक्षकहरु आन्दोलनमा छन् । सरकारले माग सम्बोधन गरेपछि शिक्षकहरु फर्केलान्, विद्यालय खुला र विद्यार्थीको भर्ना होला । तर, इलामका उत्तरी भेगका अभिभावकलाई त्यति पनि आशा छैन । आफ्नो ठाउँमा विद्यालय नै नभएपछि उनीहरुलाई आन्दोलनको चासोभन्दा पनि बालबच्चा कहाँ पढाउने भन्ने चिन्ताले पिरोलेको छ ।
“शिक्षकको आन्दोलन भन्छन्, शिक्षा ऐन भन्छन् । हामी त बच्चा पढाउन भारत जानुपर्छ”, माइजोगमाई गाउँपालिका–५ मेग्माकी नुमा शेर्पाले भन, “गोउँमा एउटा विद्यालय छैन । अर्काको देशमा बच्चा पढाउन पठाउँदाको पीर कसैले बुझेनन् ।” उनी मात्रै होइन उत्तरी इलामका लेकाली भेगका अधिकांश अभिभावकले बालबच्चा भारतको विभिन्न विद्यालयमा पढाउनुपर्ने बाध्यता छ । यहाँका जौबारी, तुम्लिङ, मेग्मा, आलेभञ्ज्याङ, नुनथला, इङ्ला, गैरीबासलगायत गाउँका सबै बालबालिका भारतीय विद्यालय लैजानुपरेको छ ।
विद्यार्थी अभाव भएको भन्दै सामुदायिक विद्यालयहरु बन्द भएपछि भारतीय सीमावर्ती क्षेत्रका बालबालिका भारतमा पढ्न बाध्य छन् । पातलो बस्ती र जनघनत्व पनि कम भएको यी ठाउँमा केही वर्षयता विद्यालय नै बन्द भएपछि बालबालिकालाई प्राथमिक तहबाट पढाउन भारतीय क्षेत्रमा अभिभावक गएर बस्नुपर्ने बाध्यता भएको जौबारीका सोनाम शेर्पाले बताए। “घरबाट धाएर पु¥याउँदा टाढा हुन्छ । गत सालदेखि आफू उतै कोठामा बसेर नातिनी पढाइरहेकी छु”, सन्दकपुर गाउँपालिका–५ कालपोखरीकी ६९ वर्षीय निम लमुले भने।
जौबारीको राष्ट्रिय प्राथमिक विद्यालय बन्द भएको आठ वर्ष भयो । कक्षा १ देखि ५ सम्म पढाइ हुँदै आएको उक्त विद्यालय विद्यार्थी अभावका नाममा २०७२ सालमा बन्द गरिएको थियो । “सीमा क्षेत्रका धेरै बालबालिकालाई भारतीय विद्यालयमा पढ्न पठाउन थालेपछि यहाँका विद्यालयमा विद्यार्थी अभाव भयो, उक्त विद्यालय ८० जनासम्म बालबालिका अध्ययन गर्न आउने गर्थे । त्यसपछि उक्त विद्यालय स्थापनाको कुनै पहल भएको छैन”, उनले भने।
अहिले यस क्षेत्रबाट करिब १५ जना बालबालिका मानेभञ्ज्याङको रिब्स विद्यालयमा पढ्छन् । महिनाको भारु १८ देखि २० हजार खर्च हुने गरेको मानेभञ्ज्याङमा कोठा लिएर नानी पढाउन बसेकी डोमा शेर्पाले राससलाई बताइन् । जौबारीको मात्रै होइन, माइजोगमाई–२ को मेग्मामा रहेको सरस्वती प्राथमिक विद्यालय, सन्दकपुर–५ कालपोखरीमा रहेको प्राथमिक विद्यालय, सन्दकपुर–५ को मजुवामा रहेको अर्को प्राथमिक विद्यालय बन्द भइसकेको राष्ट्रिय प्रावि जौबारीका पूर्वप्रधानाध्यापक पासाङ छिरिङ शेर्पाले जानकारी दिए।
भारतीय विद्यालयमा आफ्ना नानीबाबु भर्ना गरेपछि नेपालतर्फका विद्यालय विद्यार्थी अभावकै कारण बन्द भएको जौबारीका थुक्तेन लामाले जानकारी दिनुभयो । यसरी विद्यार्थी भारत लैजाँदा पैसा त खर्च हुन्छ नै नेपालको राष्ट्रियता, स्वाभिमानजस्ता विषय नेपाली बालबालिकाले थाहा नपाउने लामाको दुखेसो छ । बन्द भएका विद्यालय जीर्ण बनिसकेका छन् ।
जौबारीको राष्ट्रिय प्राविमा भने एक वर्षअघि सशस्त्र प्रहरी बसेको थियो । उक्त विद्यालयमा बसेरै सशस्त्रले विद्यालय नजिकै आफ्नो भवन निर्माण गरेको छ । सीमा क्षेत्रमा विद्यालय सञ्चालन गर्न हालसम्म सरोकार भएका निकायले चासो देखाएका छैनन् ।
सामाग्री श्रोत :
इलामका सीमावर्ती गाउँमा विद्यार्थी छन् तर शिक्षक र विद्यालय छैनन्!
काठमाडौँ –इन्डियन प्रिमियर लिग (आईपीएल) पन्जाब किङ्सले यस सिजनकै कीर्तिमानी जित हात पारेको छ । ११२ रनको लक्ष्य पाएको कोलकाता नाइट राइडर्सलाई १६ रनले हराउँदै पन्जाबले नाटकीय जित हात पारेको हो । कलकताले १५.१ ओभरमा सम्पूर्ण विकेट गुमाउँदै ९५ रनमा जोड्यो ।
झिनो लक्ष्य पछ्याएको कलकताले ७.३ ओभरमा दुई विकेट गुमाउँदै ६२ रन जोडेको थियो । युजभेन्द्र चावलले १७ रन जोडेको अजान्का राहनेलाई आउट गरेपछि खेल पञ्जाबको पक्षमा मोडिएको हो ।
त्यसपछि चावल र ग्लेन म्याक्सवेल दुवैले कलकताको ब्याटिङ लाइनलाई धरासायी पारे । ७२ बन्दा रन अंगरिस रघुवंशी आउट भएपछि कलकता सम्हालिन सकेन ।
कलकताले त्यसपछि सात रनको अन्तरमा पाँच विकेट गुमाएको हो । ग्लेन म्याकसवेलले २ ओभरमा ५ रन खर्चेर १ विकेट लिए । आर्शदीप सिंहले नवौँ विकेटको रूपमा हर्षित वैभव आरोहालाई आउट गरेपछि मार्को जेन्सनले ११ बलमा १७ रन जोडेका मार्को जेन्सनलाई आउट गरे । जेन्सनले कुल तीन विकेट लिए । प्लेयर अफ द म्याच घोषित चावलले ४ ओभरमा २८ रन खर्चेर चार विकेट लिए ।
यस अघि टस जितेर पहिले ब्याटिङ गरेको पन्जाबले १५.३ ओभरमा सम्पूर्ण विकेट गुमाउँदै १११ रन जोडेको थियो । पन्जाबका लागि प्रभ्सिरमन सिंहले १५ बलमा ३० रन जोडे । प्रियांस आर्यले १२ बलमा २२ रनको योगदान गरे । कोलकाताका हर्षित रानाले तीन विकेट लिए भने वरुण चक्रवर्ती र सुनिल नारायणले समान दुईदुई विकेट लिए । आईपीएलको अंक तालिकामा पञ्जाव चौथो स्थानमा रहेको छ भने कोलकाता छैटौँ स्थानमा रहेको छ ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
सामाग्री श्रोत :
नेपाललाइभ
काठमाडौं। नेपाली चलचित्रका लागि नयाँ वर्ष उत्साहजनक हुने गरेको छ। अर्थात् उक्त दिन प्रदर्शनरत चलचित्र हेर्न दर्शक चलचित्र भवनमा पुग्ने गरेको देखिन्छ।
यस वर्षको सुरुआतमा दर्शकको भीडभाड चलचित्र भवनमा देखिएको छ। प्रदर्शनरत चलचित्र ‘पिताम्बर’, ‘अञ्जिला’, ‘वसन्त’, ‘कर्मा’ लगायत हेर्न दर्शकको उत्साहजनक उपस्थिति रहेको निर्माण पक्षले जनाएको छ। निर्देशक कृषा चौलागाईंले चलचित्र ‘पिताम्बर’ले नयाँ वर्षको दिन सोमबार प्राप्त गरेको शोहरू भरिभराउ रहेको बताइन्।
उनले भनिन्, “हामीले काठमाडौं उपत्यकाका अधिकांश चलचित्र भवन पुगेर दर्शक कोप्रतिक्रिया लिएका छौं। चलचित्र हेर्नेले राम्रो प्रतिक्रिया दिनुभएको छ। नेपालमा यस्तो चलचित्र बन्छ भन्ने प्रतिक्रिया दिनु नै हाम्रो सफलता हो।” उनले व्यापारिक रुपमा आफ्नो समूह सफल हुने विश्वास व्यक्त गरिन्। उक्त चलचित्रमा अभिनेता सौगात मल्ल, दयाहाङ राई, प्रदीप खड्का, अनुपविक्रम शाही, आर्यन सिग्देल, दिव्यदेव पन्त, प्रमोद अग्रहरी, दिव्या रायमाझी, सुपुष्पा भट्ट, सुरक्षा पन्त, गौरव विष्टलगायत कलाकारले अभिनय गरेका छन्।
यस चलचित्रलाई ‘मल्टीस्टारर’ भनिएको छ। उल्लेखित कलाकार कथाको मागका कारण राखिएको निर्देशक चौलागाईंले जानकारी दिएन्। उनले चलचित्र हेरिरहँदा दर्शकले हरेक कलाकारलाई कथासँग जोडिएर प्रस्तुत गरेको अनुभूति गर्ने बताइन्।
“हामीले दर्शकलाई एउटा स्तरीय चलचित्र दिने कोसिस गरेका छौं। कलाकारको भीडभाड देखिए पनि कथाअनुसार सबै आवश्यक छ। यो चलचित्रपछि अन्य निर्मातालाई यी कलाकारलाई लिएर चलचित्र निर्माण गर्ने आँट आउनेछ”, निर्देशक चौलागाईंले भनिन्। उक्त चलचित्रले सञ्चार तथा सूचना प्रविधि मन्त्रालयअन्तर्गतको ‘सेन्ट्रल म्यानेज्मेन्ट टिकट सिस्टम’ (बक्स अफिस)मा रु एक करोड ८६ लाख (ग्रस) व्यापार गरेको तथ्यांक छ।
अभिनेता विपीन कार्की, दिव्यदेव पन्त, मुकुन भुसाल, उपासना सिंह ठकुरीलगायतले अभिनय गर्नुभएको चलचित्र ‘कर्मा’ मा दर्शकको उपस्थिति उल्लेख्य देखिएको छ। सौरभ चौधरीले निर्देशन गरेको चलचित्र द्वन्द्व प्रधान विधामा तयार भएको छ।
प्रकाश सपूतले अभिनय तथा निर्देशन गरेको चलचित्र ‘वसन्त’, नेपाली राष्ट्रिय महिला फुटबल टोलीकी कप्तान तथा गोलरक्षक एञ्जिला तुम्बापो सुब्बाको जीवनीमा आधारित चलचित्र ‘अञ्जिला’ मा पनि नयाँ वर्षमा दर्शकको उत्साहजनक उपस्थिति रहेको छ। ‘बक्सअफिस’ मा यस चलचित्रले रु एक करोड ७७ लाख (ग्रस) कारोबार गरेको तथ्यांक छ।
‘अञ्जिला’ चलचित्रका निर्देशक मिलन चाम्सले प्रदर्शनको पाँचौँ हप्तामा प्राप्त दर्शकको साथले निर्माण समूह कृतज्ञ रहेको बताए । उनले भने, “पहिलोपटक खेलाडीको जीवनीमा बनेको नेपाली चलचित्रले सफलता पाएको छ। यसले आगामी दिनमा अन्य क्षेत्र झै खेलाडीको विषयलाई चलचित्रमा ल्याउन निर्मातालाई आँट दिएको छ । साथै, हामीले कप्तान सुब्बाको घर बनाउने भनेका छौं, यो पनि छिट्टै पूरा हुने भएको छ ।”
उक्त चलचित्रमा कप्तान सुब्बासँगै दयाहाङ राई, सिर्जना सुब्बा, माओत्से गुरुङलगायत कलाकारले अभिनय गरेका छन्।
सामाग्री श्रोत :
