ताप्लेजुङ । सुक्खा पहिरोले ताप्लेजुङको फक्ताङलुङ गाउँपालिका-३ लिङखिम दिबुङमा एक घर पुरेको छ।
स्थानीय देउप्रसाद निरौलाको ढुंगा, माटो, टिनको छाना भएको तीनतले घर पुरिएको प्रहरीले जनाएको छ।
घरमा लत्ताकपडा, मकै १३ मुरी, कोदो ४ मुरी, धान २० मुरी, दाल २ मुरी, आलु २ मुरी, भाँडाबर्तन, ल्यापटप, मोबाइल, गरगहना गरी ३४ लाख ७४ हजार बराबरको क्षति भएको जिल्ला प्रहरी कार्यालय तालेजुङले जनाएको छ।
यही घरमा डेरा गरी बस्ने वडासचिव ओमप्रकाश पौडेलको ल्यापटप, प्रिन्टर, बायोमेट्रिक हाजिरी मेसिन, टेबल, खातापाता, छाप, लत्ताकपडा लगायत १ लाख ७७ हजार रुपैयाँ बराबरको क्षति पुगेको प्रहरीको भनाइ छ।
सामाग्री श्रोत :
