काठमाडौं –आइसिसी यु–१९ विश्वकप एसिया छनोटमा नेपालले आज युएई संग खेल्दैछ । खेल आइतबार (आज) देखि मुलपानी अन्तर्राष्ट्रिय क्रिकेट मैदानमा सुरू हुनेछ । जसमा उद्घाटन खेलमा नेपालले युएईसँग खेल्न लागेको हो ।
तल्लो मूलपानी अन्तर्राष्ट्रिय क्रिकेट मैदानमा खेल बिहान ९ बजे सुरू हुनेछ । सन् २०१९ यता नेपाल र युएईबीच तीन खेल भएको छ । तीनै खेलमा नेपाल विजयी भएको छ ।
छनोट प्रतियोगितामा नेपाल,ओमान, हङहङ र अफगानिस्तान छन् । आजै अफगानिस्तान र ओमानबीच माथिल्लो मुलपानी मैदानमा खेल हुनेछ ।
नेपाली टोली नरेन्द्र भट्टको कप्तानीमा अभिषेक तिवारी, निरज यादव, साहिल पटेल, सिब्रिन श्रेष्ठ, रोशन विश्वकर्मा, दर्श सोनार, दिलसाद अली रहेका छन् । यस्तै, सन्तोष यादव, अशोक धामी, दयानन्द मण्डल, अपराजित पौडेल, युवराज खत्री र बिपिनप्रसाद शर्मा टोलीमा छन् । नेपालले गत वर्ष दक्षिण अफ्रिकामा भएको विश्वकप खेलेको थियो ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
सामाग्री श्रोत :
नेपाललाइभ
