काठमाडौं । डिजिटल वालेट खल्तीमार्फत वर्ल्डलिंक कम्युनिकेसन्सको नयाँ इन्टरनेट जडान गर्दा ५०० देखि एक हजार रुपैयाँसम्म क्यासब्याक पाउन सकिने भएको छ । खल्तीमार्फत नयाँ इन्टरनेट कनेक्सन लिन चाहनेका लागि यो सुविधा ल्याइएको हो ।
यस प्रक्रियामा खल्ती एप खोल्दा ‘Recharge and Bill Payments’ अप्सनमा रहेको ‘Internet/TV’ मा ट्याप गर्नुपर्छ ।
त्यसपछि तेस्रो अप्सनमा रहेको ‘Go Direct Mini’ मा ट्याप गर्दा वर्ल्डलिंकको नयाँ जडानको पेज खुल्नेछ । यहाँ ग्राहकले नयाँ जडानको लागि आफ्नो नाम, मोबाइल नम्बर, ठेगाना र इच्छाएको योजना छनोट गर्न सक्नेछन् ।
यो प्रक्रियामार्फत तीन महिनाको योजना छनोट गर्दा पाँच सय रुपैयाँ र एक वर्षको योजना छनोट गर्दा एक हजार रुपैयाँ खल्ती वालेटमा क्यासब्याक पनि प्राप्त गर्न सक्नेछन् ।
ग्राहकले ‘Proceed only if you are requesting a new connection or installation’ अप्सन चयन गरेपछि मात्र प्रक्रिया अघि बढ्ने बताइएको छ ।
यो सुविधासँगै वर्ल्डलिंकका नयाँ ग्राहकले घरमै बसी खल्ती एपबाट सजिलै नयाँ इन्टरनेट जडान प्रक्रिया पूरा गर्न सक्ने कम्पनीले जनाएको छ ।
यदि रिफर कोडबाट क्यासब्याक र ३० दिन निःशुल्क इन्टरनेट पाउन चाहनुहुन्छ भने वर्ल्डलिकको वेबसाइटबाट खरिद गर्नुपर्ने छ ।
पछिल्लो अध्यावधिक: चैत २५, २०८१ १७:१
सामाग्री श्रोत :
टेक पाना
