काठमाडौं । नयाँ वर्ष २०८२ को अवसरमा नामी ईभीका आधिकारिक वितरक एमएडब्लू वृद्धि मोटर्स प्रालिले ‘न्यु इयर, न्यु अफर’ कार्यक्रम सार्वजनिक गरेको छ । कम्पनीले आगामी २९ चैतसम्म देशव्यापी रूपमा एक्सचेन्ज तथा टेस्ट ड्राइभ क्याम्प सञ्चालन गर्ने घोषणा गरेको हो ।
उक्त क्याम्पको उद्देश्य ग्राहक संलग्नता बढाउनु र नामीका गाडीहरूको प्रत्यक्ष अनुभव प्रदान गर्नु रहेको कम्पनीले जनाएको छ । कार्यक्रममा सहभागी ग्राहकले नामीको ‘बिग ह्याच’ तथा ‘फाइभ स्टार लक्जरी’ मोडेलको निःशुल्क टेस्ट ड्राइभ गर्न सक्नेछन् । साथै, टेस्ट ड्राइभमा सहभागी सबैलाई नि:शुल्क उपहार पनि प्रदान गरिने कम्पनीको भनाइ छ ।
नयाँ अफरअन्तर्गत ग्राहकले पाँच लाख ९९ हजार रुपैयाँदेखि सुरु हुने डाउनपेमेन्टमै गाडी बुकिङ गर्न सक्नेछन् । बुकिङ भएको मितिबाट दुई कार्य दिनभित्र ग्यारेन्टीसहित गाडी डेलिभरी गरिने कम्पनीले जनाएको छ । साथै, यो योजनामा ग्राहकले एक लाख रुपैयाँसम्मको थप लाभसमेत प्राप्त गर्न सक्नेछन् ।
गाडी खरिद प्रक्रियालाई थप सहज बनाउन कम्पनीले अधिकतम ८० प्रतिशतसम्म फाइनान्सिङ सुविधा पनि उपलब्ध गराउने बताइएको छ । यसले ग्राहकको प्रारम्भिक लगानी घटाउने र सम्पूर्ण खरिद प्रक्रिया सरल बनाउने कम्पनीको विश्वास छ ।
कम्पनीले यो अफर तथा क्याम्पलाई देशभरका ग्राहकसम्म पुर्याउने उद्देश्यले विभिन्न सहरमा सञ्चालन गर्ने तयारी गरेको छ ।
पछिल्लो अध्यावधिक: चैत २३, २०८१ १८:३८
सामाग्री श्रोत :
टेक पाना
