२०८१ चैत्र २४ आईतवार
२०८१ चैत्र २४ आईतवार

सामुदायिक विद्यालयमा काठमाडौं महानगरपालिकाले थाल्यो स्मार्ट बोर्ड जडानको काम

काठमाडौं । काठमाडौं महानगरपालिकाले सामुदायिक विद्यालयको शिक्षण सिकाइलाई प्रविधिमैत्री बनाउन स्मार्ट बोर्ड जडान थालेको छ । महानगरले शुक्रबार रामशाह पथस्थित पद्मोदय माध्यमिक विद्यालयको कक्षा १० (ए) मा स्मार्ट बोर्ड जडान गरी यो कार्यक्रमको सुरुवात गरेको हो ।

महानगर अन्तर्गतको शिक्षा विभागले शिक्षण क्रियाकलाप र सिकाइमा लगानी बढाएर नतिजा सुधार गर्ने उद्देश्यले यो कार्यक्रम ल्याएको जनाएको छ । सार्वजनिक खरिद प्रक्रियामार्फत ल्याइएका ३१३ ओटा स्मार्ट बोर्ड सूचना प्रविधि विभागबाट बोलपत्रको स्पेसिफिकेसन अनुसार प्राविधिक जाँच गरेर जडान गर्न लागिएको महानगरले जनाएको छ ।

स्मार्ट बोर्ड उपयोगका विषयमा सहरी योजना आयोगका सदस्य इन्जिनियर शैलेन्द्र झाले विद्यालयमा स्मार्ट बोर्ड उपयोग गर्ने स्थान, शिक्षकको तत्परता र क्षमताका आधारमा बोर्ड जडान गर्दै जाने बताए ।

“हामी क्रमशः सबै कक्षामा स्मार्ट बोर्ड राख्नेछौं,” उनले भने, “बोर्ड चलाउनका लागि शिक्षक तालिम आवश्यक छ । तालिम लिइसकेका शिक्षक भएका विद्यालयलाई पहिलो प्राथमिकतामा राखेर बोर्ड जडान गर्नेछौं । तालिम नलिएका विद्यालयका शिक्षकहरूका लागि पहिला तालिम दिइनेछ र त्यसपछि बोर्ड जडान गरिनेछ ।”

महानगरको ‘गरी खाने शिक्षा, महानगरको इच्छा’ कार्यक्रमअन्तर्गत सूचना प्रविधिमैत्री विद्यालय, डिजिटल शिक्षण सिकाइ कार्यक्रमका लागि चालु र क्रमागत गरेर करिब २० करोड रुपैयाँ विनियोजित रहेको निमित्त शिक्षा अधिकारी केशव ज्ञवालीले जानकारी दिए ।

महानगरका अनुसार कक्षा कोठामा जडाड भएका यी बोर्डको डिस्प्लेको क्षमता ५० हजार घण्टाको छ । त्यस्तै यी डिस्प्ले सामान्य ठक्करबाट चिर्किने वा नफुट्ने महानगरको दाबी छ ।

 

 

पछिल्लो अध्यावधिक: चैत २३, २०८१ १४:१





सामाग्री श्रोत :
टेक पाना

छुटाउनुभयो कि ?

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।

ताजा अपडेट