काठमाडौं । गुगलले आफ्नो एआई नोट लिने टुल नोटबुक एलएम (NotebookLM) मा डिस्कभर (Discover) नामक फिचर थप गरेको छ । यो फिचरले प्रयोगकर्ताले खोज्न चाहेको विषयवस्तु अनुसार इन्टरनेटबाट आफैं स्रोत खोजी गरेर जानकारी संक्षेपमा प्रस्तुत गर्ने कम्पनीले जनाएको छ ।
पहिले प्रयोगकर्ताले स्रोतका रूपमा कागजात वा युट्युब लिङ्कहरू अपलोड गर्नुपर्ने थियो । तर, अब प्रयोगकर्ताले ‘Discover’ बटन थिचेर खोज्न चाहेको विषय विवरण दिन सक्नेछन् । यसपछि नोटबुकएलएमले वेबमा उपलब्ध सयौं सोर्समध्ये उपयुक्त सामग्रीको लिस्ट पेस गर्नेछ ।
गुगलका अनुसार यस फिचरले सोर्सको सान्दर्भिकता अनुसार संक्षेप व्याख्यासहित १० ओटा रिकमेन्डेसन सोर्सहरू देखाउनेछ । यसलाई प्रयोगकर्ताले FAQs, Briefing Docs, Audio Overviews जस्ता अन्य फिचरमा उपयोग गर्न सक्नेछन् ।
एक साताभित्र सबै प्रयोगकर्तालाई उपलब्ध गराउने गरी गुगलले यो नयाँ फिचर यो नयाँ फिचर गएको बुधबारदेखि परीक्षण सुरु गरेको छ । ‘Discover Sources’ फिचरसँगै ‘I’m Feeling Curious’ नामक अर्को अप्सन पनि ल्याइएको छ । यसले प्रयोगकर्तालाई कुनै पनि (random) विषयमा जानकारी खोज्ने अवसर दिन्छ ।
पछिल्लो अध्यावधिक: चैत २२, २०८१ १३:२९
सामाग्री श्रोत :
टेक पाना
