काठमाडौं। युनाइटेड मोदी हाइड्रोपावर लिमिटेडको साधारण सभा चैत २७ गते बस्ने भएको छ ।
कम्पनीले उक्त प्रस्तावित हकप्रद सेयर अनुपात घटाएर अब १ः०.६५ (६५ प्रतिशत) अनुपातमा मात्र हकप्रद सेयर जारी गर्ने प्रस्ताव गरेको हो । यस्तै,, हकप्रद सेयर जारी गर्नका लागि अधिकृत र जारी पुँजी वृद्धि गर्ने, नियमनकारी निकायमा आवश्यक अभिलेखनका लागि सञ्चालक समितिलाई अख्तियारी दिने प्रस्ताव पनि छ ।
आव २०८०–८१ को वार्षिक प्रतिवेदन, नाफानोक्सान हिसाब तथा नगद प्रवाह विवरणमा छलफल गरी पारित गर्ने प्रस्ताव पनि रहेको छ ।
कम्पनीले लाभांश सम्बन्धी भने कुनै पनि प्रस्ताव पेश गरेको छैन । सभामा कम्पनीले गत जेठ २७ मा बसेको आव २०७९–८० को साधारण सभाबाट पारित १ः१ (१०० प्रतिशत) अनुपातमा हकप्रद सेयर जारी गर्ने प्रस्तावलाई संशोधन गर्ने मुख्य प्रस्ताव राखेको छ ।
सभा प्रयोजनका लागि युनाइटेड मोदीले चैत ८ गते बुक क्लोज गरिसकेको छ । तसर्थ, चैत ७ गतेसम्म कायम सेयरधनीले मात्र सााधारण सभामा भाग लिन पाउनेछन् ।
सामाग्री श्रोत :
