इजिप्टको गिजा प्रान्तमा सोमबार एउटा भवन भत्किँदा कम्तीमा १० जनाको मृत्यु हुनुका साथै अन्य तीन जना घाइते भएका छन्।

गीजा पिरामिड नजिकै केरडासा क्षेत्रमा रहेको तीन तले भवनको दोस्रो तल्लामा विस्फोट भएको हो।

घाइतेहरुलाई नजिकैका अस्पतालहरुमा सारिएको छ। विष्फोटका कारण भएको आगोलाई नागरिक सुरक्षा बलले निभाएको समाचारमा जनाइएको छ।

ग्यास चुहिएर विस्फोट भएको हुन सक्ने प्रारम्भिक अनुसन्धानले देखाएको छ।

सो विश्वविद्यालयको छात्राबासमा नेपाली विद्यार्थी प्रकृति लम्सालको मृत्यु भएको र त्यसपछि नेपाली विद्यार्थीमाथि भएको व्यवहारका सन्दर्भमा आफूले आज बिहानदेखि नै सम्पर्कमा रहेर आवश्यक कूटनीतिक पहल थालेको उनले बताएकी हुन्।

एक औपचारिक कार्यक्रमका लागि हाल ओमनमा रहेकी मन्त्री डा  राणाले यससम्बन्धी समाचार आएपछि विषयलाई गम्भीर रूपमा लिएर आज बिहानदेखि नै कूटनीतिक पहल सुरु गरेको उनको सचिवालयले जानकारी दिएको हो।

मन्त्री डा राणाले सम्बद्ध पक्षसँग सम्पर्कमा रहनुका साथै आफूले भारतका लागि नेपाली राजदूत डा शंकर शर्मालाई घटनाको वास्तविकता बुझेर नेपाली विद्यार्थीको समस्याबारे आवश्यक तत्परता लिइ काम गर्न निर्देशन दिएकोसमेत जानकारी दिइएको छ।

सोहीबमोजिम राजदूत डा शर्माले काम गरिरहेको र केहीबेरअघि नेपाली दूतावास नयाँ दिल्लीले विज्ञप्ति पनि प्रकाशन गरिसकेको उनले बताइन्।

“यसका साथै आज अपराह्न नेपालका लागि भारतीय राजदूत नवीन श्रीवास्तवसँग नेपाली विद्यार्थीको सुरक्षाको वातावरणका लागि फोनमा कुरा गरेको छु। उहाँले पनि यसका लागि आवश्यक पहल र समन्वय गरिरहेको जानकारी दिनुभएको छ। यस विषयमा परराष्ट्र मन्त्रालयले आवश्यक तत्परताका साथ काम गरिरहेको छ र मन्त्रालयले पछिल्लो अवस्थाबारे जानकारी पनि गराउने छ”, मन्त्री डा देउवालाई उद्धृत गर्दै उनको सचिवालले भनेको छ।

काठमाडौँ – भारतको उडिसास्थित कालिङ्गा इन्स्टिच्युट अफ इन्डस्ट्रियल टेक्नोलोजी (केआइआइटी)ले नेपाली विद्यार्थीहरूलाई विश्वविद्यालयबाट निष्कासन गर्ने निर्णय फिर्ता लिएको छ।

विश्वविद्यालयको होस्टेलमा नेपाली विद्यार्थी प्रकृति लम्साल मृत भेटिएको घटनाबारे अनुसन्धान गर्न माग गरेपछि विश्वविद्यालयले नेपाली विद्यार्थीहरूलाई निष्कासन गरेको थियो।

चौतर्फी विरोधपछि विश्वविद्यालयले सोमबार साँझ सूचना निकालेर नेपाली विद्यार्थीहरूलाई फिर्ता भएर अध्ययन सुचारु गर्न अपील गरेको हो।

‘केआइआइटी प्रशासनले शैक्षिक गतिविधिहरू सुचारु गर्न क्याम्पस र छात्रावासमा सामान्य अवस्था ल्याउन प्रयास गरिरहेको छ। क्याम्पस छाड्ने वा योजना बनाएका हाम्रा सम्पूर्ण नेपाली विद्यार्थीहरूलाई फर्केर कक्षाहरू सुचारु गर्न अपिल गरिन्छ,’ विश्वविद्यालयले भनेको छ।

साथै विश्वविद्यालयले प्रकृतिको मृत्यु प्रकरणसँग जोडिएका आरोपीलाई प्रहरीले पक्राउ गरिसकेको पनि जानकारी गराएको छ।

केआइआइटीले नेपाली विद्यार्थीहरूमाथि दमन गरेर निष्कासन गरेको भन्दै सामाजिक सञ्जालमा चर्को विरोध भएको थियो।

भारतस्थित नेपाली दूतावासले पनि विज्ञप्ति जारी गरी प्रकृति लम्सालको मृत्युसम्बन्धमा निष्पक्ष छानबिन गर्न र त्यहाँ अध्ययनरत नेपाली विद्यार्थीहरूको सुरक्षाका लागि भारतको केन्द्र सरकार, राज्य सरकार र विश्वविद्यालय प्रशासनसँग निरन्तर संवाद भइरहेको बताएको थियो।

प्रकृति लम्सालको न्यायका लागि भारतीय दूतावासअगाडि प्रदर्शन (तस्बिरहरू)

नयाँ ऊर्जा सवारी निर्माता बिवाइडीले आफ्नो मुख्यालय सेनझेनमा डिपाईलट एडभान्स्ड इन्टेलिजेन्ट ड्राइभिङ असिस्टेन्स सिस्टम (डिपाईलट सिस्टम) सार्वजनिक गरेको छ।

डिपाईलट ६००, डिपाईलट ३००, र डिपाईलट १०० सहितको यो सिस्टमले सबै ग्राहकका लागि उच्चस्तरीय स्मार्ट ड्राइभिङ प्रविधिलाई सहज बनाउन बीवाईडीको प्रतिबद्धता देखाउँछ। यसले सवारी उद्योगको प्रविधिगत रूपान्तरणलाई निकै तीव्र बनाउनेछ।

बीवाईडीले भने यो सुविधा आफ्ना सबै मोडलमा बिना कुनै अतिरिक्त शुल्क दिने जनाएको छ। सबैभन्दा कम मुल्यको मोडल सिगलमा समेत यो सुविधा उपलब्ध हुनेछ, जसको मूल्य ९,५५५ डलर मात्र रहेको छ।

कम्पनीले नयाँ प्रविधिसँगै ग्राहकलाई सुरक्षित र स्मार्ट ड्राइभिङ अनुभव प्रदान गर्ने लक्ष्य राखेको छ। अहिलेसम्म, सेन्सर र क्यामेरा जस्ता उच्च प्रविधि भएका सेल्फ ड्राइभिङ सिस्टमहरू महँगा गाडीमा मात्र उपलब्ध हुने गथ्र्यो। तर बीवाईडी ले अब यो परिवर्तन गर्दै यस्ता प्रविधि केवल महँगा गाडीहरूमा सीमित नराखी, सबैलाई सहज रूपमा उपलब्ध गराउँदै छ। बी.वाई.डी का सिईओ वाङ छुवान्फुले ले भनेका छन्, “राम्रो प्रविधिमा सबैको पहुँचमा हुनुपर्छ। डिपाईलट सिस्टम तीन भिन्न संस्करणहरूमा उपलब्ध छ। डिपाईलट ६०० मा तीनवटा लिडार छन्, जसलाई मुख्यतः याङवाङ मोडेलहरुमा प्रयोग गरिनेछ। डिपाईलट ३०० मा एउटा लिडार छ, जुन मुख्य रूपमा डेन्जा र केही बीवाईडी मोडेलहरूमा प्रयोग गरिनेछ ।’

त्यस्तै, डिपाईलट १०० मा तीनवटा क्यामेरा छन्, जुन बीवाईडीका विभिन्न मोडेलहरूमा प्रयोग गरिनेछ।

विशेष गरी डिपाईलट १०० मा फ्रन्ट–फेसिङ तीन क्यामेरा 5R12V सेन्सिङ हार्डवेयर र एन्ड–टु–एन्ड कन्ट्रोल एल्गोरिदम समावेश छ, जसले प्रविधि, सेन्सर, एल्गोरिदम, र डेटा क्षेत्रमा ठूलो प्रगति देखाउँछ। यसले ग्राहकहरूलाई सबैभन्दा आवश्यक पर्ने सुविधा प्रदान गर्छ। राजमार्ग र शहरी एक्सप्रेसवेहरूमा, हाई स्पिड नेभिगेसन अन अटोपाईलट प्रणालीले नेभिगेसन मार्ग पछ्याएर र्‍याम्पबाट प्रवेश वा निकास गर्ने, लेन ठीक राख्ने, स्थिर गतिमा चल्ने, आफै लेन परिवर्तन गर्ने, र केही अवरोधहरू छलेर अगाडि बढ्नेजस्ता काम पूरा गर्न सक्छ।

यसका साथै, अटोमेटेड भ्याले पार्किङ प्रणालीले ड्रप–अफ र गो, गाडी लक गरेपछि आफै पार्क हुने जस्ता सुविधाहरू प्रदान गर्छ। यो प्रणाली प्रयोगकर्ताको पार्किङ बानीहरू र विभिन्न ड्राइभिङ परिस्थितिहरूअनुसार काम गर्न सक्छ, जसले पार्किङलाई अझ सहज बनाउँछ।

उडिसा। भारतको ओडिसा राज्यस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयले माफी मागेको छ। एक जना नेपाली विद्यार्थीको हत्या भए पछि नेपाली विद्यार्थी माथि लगाइएको अस्थायी निलम्बन फिर्ता लिएको घोषणासमेत गरेको छ।

केआईआईटीले सोमबार एक विज्ञप्ति जारी गर्दै भनेको छ, ‘विद्यार्थीहरूलाई क्याम्पसमा फर्किन प्रोत्साहन गरिन्छ र सामान्य शैक्षिक गतिविधिमा भाग लिनेछन् जुन चाँडै पुनर्स्थापित गरिनेछ, यस अवधिमा उनीहरूको शैक्षिक पक्षलाई बाधा पुर्‍याइने छैन र विश्वविद्यालयले उनीहरूको हेरचाह गर्नेछ।’

शैक्षिक कक्षा र छात्रावासको अस्थायी निलम्बन तुरुन्तै फिर्ता लिइएको जनाउँदै विज्ञप्तिमा भनिएको छ, ‘शान्ति कायम राख्न र उचित न्याय सुनिश्चित गर्ने उद्देश्यले यो कदम चालिएको हो।’

केआईआईटीले थप अप्रिय घटनाहरू हुन नदिन र सहज र निष्पक्ष अनुसन्धान सुनिश्चित गर्न नेपाली विद्यार्थीलाई स्थानीय सोधपुछ भइरहेकोसमेत जनाएको छ।

आइतबार २० वर्षीया नेपाली छात्रा प्रकृति लम्साल होस्टेलमा मृत अवस्थामा भेटिएकी थिइन्। उनले आत्महत्या गरेको आशंका गरिए पनि सो कारण अप्रत्याशित रूपमा विश्वविद्यालय प्रशासनले नेपाली विद्यार्थी माथी धरपकड गरिएको थियो।

सो घटनाका बारेमा प्रधानमन्त्री केपी शर्मा ओली र परराष्ट्र मन्त्री आरजु राणा देउवाले पनि चासो व्यक्त गरेकी थिइन् ।

काठमाडौं । भारतको ओडिसा राज्यमा अवस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा नेपाली विद्यार्थी प्रकृति लम्सालको मृत्यु भएको घटनाले सामाजिक सञ्जालमा तरंग पैदा गरेको छ।

यस घटनापछि केआईआईटीले सयौं नेपाली विद्यार्थीलाई कलेज छोड्न निर्देशन दिएको थियो, जसको कारण उनीहरू रेल स्टेसनमा विजोग अवस्थामा रहेका थिए। तर, विश्वविद्यालयले पछिल्लो सूचना जारी गर्दै नेपाली विद्यार्थीहरूलाई क्याम्पस नछोड्न र कक्षामा फर्किन आग्रह गरेको छ।

केआईआईटीका अनुसार, मृतक छात्रा प्रकृति लम्सालको प्रेमीलाई प्रहरीले उत्पीडनको आरोपमा पक्राउ गरेर अनुसन्धान अगाडि बढाएको छ। प्रकृतिका साथीहरूले उनका प्रेमी अद्विक श्रीवास्तवले तीन वर्षको सम्बन्धमा प्रकृतिलाई शारीरिक र मानसिक यातना दिएको आरोप लगाएका छन् र उनीहरू न्यायको माग गरिरहेका छन्।

प्रकृतिले यो अवधिमा निरन्तर उत्पीडन सहनु परेको थियो। यसैबीच, शवलाई क्यापिटल अस्पतालमा पोस्टमार्टमको लागि पठाइएको छ र प्रकृतिका अभिभावकहरूलाई यस घटनाबारे जानकारी गराइएको छ।