काठमाडौं । मंगलबार बिहानैदेखि नेपाल टेलिकमको इन्टरनेट सेवा सुस्त बनेको छ । एक अन्तर्राष्ट्रिय सेवा प्रदायकको नेटवर्कमा प्राविधिक समस्या आएपछि सेवा प्रभावित भएको कम्पनीले जनाएको छ ।
कम्पनीका अनुसार आज बिहान ९:३० बजे एउटा सेवा प्रदायकको नेटवर्कमा समस्या देखिएको थियो । समस्यालगत्तै सम्पूर्ण इन्टरनेट ट्राफिकलाई वैकल्पिक लिंकमार्फत सञ्चालनमा ल्याइएको छ ।
तर, वैकल्पिक सञ्जालमा एकैपटक सम्पूर्ण ट्राफिकको चाप पर्दा इन्टरनेटको गतिमा असर परेको कम्पनीको भनाइ छ ।
कम्पनीले एक सूचना जारी गर्दै तत्काल समस्या समाधान गरी सेवालाई पूर्ण रूपमा पुनर्स्थापना गर्ने प्रयास जारी रहेको बताएको छ । साथै, अप्रत्याशित परिस्थितिका कारण ग्राहकमा पर्न गएको असुविधाप्रति कम्पनीले क्षमा मागेको छ ।
पछिल्लो अध्यावधिक: असार २४, २०८२ १३:२०
सामाग्री श्रोत :
टेक पाना
