जनकपुर- प्रजातन्त्रवादी चिकित्सकहरूको मधेश प्रदेश कार्यकारिणी समिति सर्वसम्मत चयन भएको छ।
पूर्व प्रधानमन्त्री तथा नेपाली कांग्रेसका सभापति शेरबहादुर देउवाको प्रमुख आतिथ्यमा भएको अधिवेशनले डा किशोर कुमार देवको सभापतित्वमा कार्यकारिणी समिति सर्वसम्मतले चयन भएको संघका महासचिव डा संयुक्त आचार्यले जानकारी दिए।
अधिवेशनबाट प्रजातन्त्रवादी चिकित्सकहरूको मधेश प्रदेश कार्यकारिणी समितिको उपसभापतिमा डा अश्विनी कुमार झा, महामन्त्रीमा डा विपिनकुमार यादव, सहमहामन्त्रीमा डा राजेश शाह, डा सितेश गोइत, डा सञ्जय कुमार सिंह, डा अमित कुमार यादव, डा मिशा महासेठ र डा सन्तोष साह चयन भएका छन्।
यसैगरी, कोषाध्यक्षमा डा भावना रौनियार, सहकोषाध्यक्षमा डा राजेश साह र डा पर्शुराम चौधरी चयन भएका छन्।
जिल्ला संयोजकहरुमा डा मनोज यादव (बारा), डा कुश राज गिरी (पर्सा), डा मनोज कौशल (रौतहट), डा विजय कापर (सर्लाही), डा अनिल ठाकुर (महोत्तरी), डा मनोज कुमार साह (धनुषा), डा तेज शंकर यादव (सिरहा) र डा अनिल कुमार यादव (सप्तरी) संयोजकका रुपमा चयन भएका छन्।
यस्तै धनुषाको सचिवमा डा विवश गोइत, सिरहा सचिवमा डा महेश्वर चौधरी, सर्लाही सचिवमा डा अभिशेक राज र सप्तरी सचिवमा डा अभिशेक अमर सर्वसम्मत चयन भएको डा आचार्यले जानकारी दिए।
मधेश प्रदेश कार्यकारिणी समितिको अधिवेशनमा कांग्रेस सभापति देउवासहित पूर्व उपप्रधानमन्त्री विमलेन्द्र निधि, कृष्ण प्रसाद सिटौलाज्यू, कांग्रेस सह महामन्त्री महेन्द्र यादव, प्रदेश सभापति कृष्ण यादव एवं प्रजातन्त्रवादी चिकित्सक संघका पूर्व पदाधिकारीहरुको उपस्थिति थियो।
नेपाली काँग्रेसको उर्वराशक्ति भएको मधेश प्रदेशमा गठित यस कार्यकारिणी समितिले प्रजातन्त्रवादी चिकित्सक संघको केन्द्रीय कार्यकारिणी समितिसँग समन्वय गरी मधेश कार्यकारिणी समितिलाई मधेश प्रदेशमा आबद्ध सम्पूर्ण जिल्लाहरूमा संघले निर्धारण गरेका सम्पूर्ण गतिविधिहरूलाई सक्रिय रूपमा अगाडी बढाउँदै संघलाई थप सक्रिय र जुझारू बनाउने प्रतिबद्धता जाहेर गरिएको व्यहोरा अवगत गराउँदछु,’ अधिवेशनपछि संघका महासचिव आचार्यद्वारा हस्ताक्षरित विज्ञप्तिमा भनिएको छ।
सामाग्री श्रोत :
swasthyakhabar
