काठमाडौं । नेकपा माओवादी केन्द्रका सांसद देवेन्द्र पौडेलले नीति तथा कार्यक्रमको छलफल निरर्थक हुने देखिएको बताएका छन्।
मंगलबार प्रतिनिधिसभा बैठकमा सरकारको नीति तथा कार्यक्रममाथिको छलफलमा भाग लिदै पौडेलले अर्थ मन्त्रालयले अगामी आर्थिक वर्षको बजेट लक गरिसकेको भन्दै नीति तथा कार्यक्रमको छलफल निरर्थक हुने देखिएको बताएका हुन्।
उनले नीति तथा कार्यक्रममा आएका जनताका सरोकारका सुझावहरु अब बजेटमा समेटिने अवस्था न्यून रहेको धारणा राखे। पौडेलले नीति तथा कार्यक्रम, प्रि बजेट तथा बजेटको छलफलको श्रृंखला नमिलेको तर्क गरे।
चालू आर्थिक बर्षको योजनाहरु बजेट अभावका कारण अल्झेर बसेको अवस्थामा उक्त आयोजनालाई निरन्तरता नदिदा थप समस्या हुने देखिएको उनले बताए।
त्यस्तै उनले सरकारको कार्यक्रमले मुलुकको अर्थतन्त्र चलायमान गराउने नदेखिएको समेत आरोप लगाए।
सामाग्री श्रोत :
नीति तथा कार्यक्रममाथिको छलफल निरर्थक हुने देखियो : देवेन्द्र पौडेल
