काठमाडौं- १८ वर्ष मुनिका किशोरीहरुको डिम्बको कारोबार गरेको आरोपमा पक्राउ परेका बबरमहलस्थित होप फर्टिलिटी एण्ड डायग्नोस्टिक प्रालीका पाँच हाजिर जमानतमा छुटेका छन्। जसले आमजनमा डिम्ब भण्डारण अर्थात् ‘एग फ्रिजिङ’का बारेमा चासो बढेको छ।
के हो डिम्ब फ्रिजिङ, कस्तो हुन्छ प्रक्रिया ?
एग फ्रिजिङ भन्नाले भविष्यमा प्रयोग गर्न मिल्नेगरी अण्डाहरू सुरक्षित तरिकाले जम्मा गरेर राख्ने प्रक्रिया हो।
१०–१२ दिनसम्म हर्मोनको इन्जेक्सन दिनुपर्छ, त्यसपछि सानो सर्जरीबाट अण्डा निकालिन्छ र फ्रिजमा सुरक्षित गरेर राखिन्छ।
३० वर्षको उमेरभन्दा अगाडि अण्डा फ्रिज गर्नाले सम्भवतः सबैभन्दा धेरै स्वस्थ अण्डाहरू प्राप्त हुनेछन्, यदि ३० देखि ३५ वर्षको उमेरका छन् भने यो संख्या अलि कम हुन्छ भने ३५ वर्षभन्दा माथिका छन् भने यो संख्या अझै कम हुन्छ।
३५ वर्षभन्दा माथिको उमेरमा पनि अण्डा फ्रिज गर्न सम्भव हुन्छ। तर सफलतापूर्वक गर्भधारणको सम्भावना बढाउनका लागि — धेरै संख्यामा अण्डा जम्मा गर्नु आवश्यक पर्न सक्छ किनभने एग फ्रिजिङ गरिएका डिम्बबाट बच्चा पाउने सम्भावना उमेरसँगै घट्छ।
डिम्ब फ्रिज गर्दा केही साइड इफेक्टहरू सामान्य देखिन्छन्। यी धेरैजसो हर्मोनको स्तर बढ्दा हुने प्राकृतिक प्रतिक्रिया हुन् – गम्भीर भने हुँदैनन्।
प्रक्रिया सुरू हुँदा मुड बदलिने, अचानक शरीर तात्ने, टाउको दुख्ने, वाकवाकी लाग्ने जस्ता समस्या देखिन सक्छ भने अण्डा निकाल्ने प्रक्रियापछि केही महिलालाई पेट फुल्ने, पेट दुख्ने वा ऐंठन हुने, हल्का दुखाइ महसुस हुन सक्छ।
यी सबै लक्षणहरू प्रायः केही दिनमै निको हुन्छन्। तर असजिलो धेरै भएमा तुरुन्त चिकित्सकको सल्लाह लिनु पर्छ
सामाग्री श्रोत :
swasthyakhabar
