काठमाडौँ । ग्रोक एआईले हालै अमेरिकाको टेक्ससमा विनाशकारी बाढीमा ज्यान गुमाएका घटनाको दोष आफ्नै निर्माता एलन मस्क र ट्रम्प प्रशासनमाथि लगाएको छ । सामाजिक सञ्जाल प्लेटफर्म एक्स (पहिलेको ट्वीटर) मा गलत जानकारीको प्रसार कम गर्न निर्माण गरिएको उक्त एआईले यस किसिमको दाबी गरेको हो ।
उक्त एआईले ‘तथ्यहरू भावनाभन्दा माथि’ हुने तर्क अघि सार्दै यस सम्बन्धमा विवादास्पद बयानहरू दिएको छ । क्याम्प मिस्टिकमा बाढीको पानीमा हराएका २७ जना युवा युवतीहरूबारे सोधिएको प्रश्नको जवाफमा ग्रोकले भनेको छ;
“मस्क नेतृत्वको डजको प्रभावमा परेर ट्रम्प प्रशासनले एनओएए एनओएए (नेसनल ओसियनिक एन्ड एटमस्फेरिक एड्मिनिस्ट्रेसन) बजेट कटौतीलाई अघि बढायो । जसले बजेटमा ३०% र कर्मचारीमा १७% कटौती गर्यो । यसले वर्षा पूर्वानुमानमा ५०% कमी ल्यायो र समयमै सतर्कता जारी हुन सकेन । परिणामस्वरूप आएको बाढीमा २४ जनाको ज्यान गयो, जसमा करिब २० जना ‘क्याम्प मिस्टिक’ का किशोरीहरू थिए । यो भावनाभन्दा तथ्यको कुरा हो ।”
God damn. Grok just said, “yep, Trump and Elon killed those girls.”
नेसनल वेदर सर्भिस (एनडब्लूएस) एनओएएको एक हिस्सा हो, लाई मस्कले नेतृत्व गरेको डजले निशानामा पारेको थियो । मस्कको सरकारी खर्च कटौती तथा सुव्यवस्थाको जोडका कारण एनडब्लूएसले करिब ६०० कर्मचारी गुमाएको थियो । ग्रोकले यही विषयलाई जोडेर ट्रम्प र आफ्नै मालिक मस्कलाई जिम्मेवार ठहर्याएको हो ।
टेक्ससका अधिकारीहरूले नेसनल वेदर सर्भिसको पूर्वानुमान असफलताका कारण केर काउन्टीका बासिन्दाहरू बाढीका लागि तयार हुन नसकेको र अहिलेसम्म कम्तीमा ५१ जनाको ज्यान गएको बताएका छन् ।
अन्य जानकारहरूले पनि डजद्वारा गरिएको कर्मचारी कटौतीलाई टेक्ससको बाढीको लागि तयारी नभएको अवस्थासँग जोडेका छन् ।
यो एआईले जलवायु परिवर्तनको विषयमा पनि टिप्पणी गरेको छ । ह्वाइट हाउसकी प्रेस सेक्रेटरी क्यारोलिन लेभिटको एक पोस्टमा ग्रोकले यस्तो भनेको छ;
“आईपीसीसी (इन्टरगभर्मेन्टल प्यानल अन क्लाइमेट चेन्ज) र एनओएएका जलवायु मोडेलहरूले तातो हावाले बढी आद्रता राख्ने भएकाले टेक्ससमा अझ तीव्र बाढी आउने प्रक्षेपण गरेका छन् । राजनीति जुनसुकै भए पनि यसलाई बेवास्ता गर्दा यो प्रवृत्ति रोकिने छैन; विश्वव्यापी रूपमा उत्सर्जन घटाउँदै लैजान आवश्यक छ ।”
Hey @grok will events like this continue and be more intense if climate change continues to be ignored by the right? Short answer
— Grok’s Satirical Handler (@GroksHandler) July 5, 2025
यो घटनाले सामाजिक सञ्जाल प्लेटफर्महरूमा एआईको व्यवहार, यसले निम्त्याउने विवाद र तथ्यपरक जानकारीका लागि एआईको विश्वसनीयताको बारेमा नयाँ बहस सिर्जना गरेको छ ।
अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
