कायरो–इजिप्टको उत्तरी मेनुफिया गभर्नरेटमा शुक्रबार एउटा ट्रक (लोरी) र माइक्रोबस ठोक्किँदा कम्तीमा १८ जनाको मृत्यु भएको छ र चार जना घाइते भएका छन् ।
स्थानीय सञ्चारमाध्यम ‘डोस्टोर’ का अनुसार, मृतकहरू ५ देखि १८ वर्ष उमेरका थिए र अधिकांश काफर सनाबिसाह गाउँका बासिन्दा हुन्।
दुर्घटनापछि मेनुफियाको स्वास्थ्य निर्देशनालयले सबै सरकारी अस्पतालमा आपतकालीन स्थिति घोषणा गरेको छ।
प्रारम्भिक अनुसन्धान अनुसार, माइक्रोबस तीव्र गतिमा यु-टर्न लिँदै गर्दा ट्रकसँग ठोक्किएको हो।
हालै सरकारले सडकहरू सुधार गर्ने प्रयास गरे तापनि, लापरवाह ड्राइभिङ र कमजोर सडक अवस्थाका कारण इजिप्टमा यस्ता घातक दुर्घटनाहरू बारम्बार हुने गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
