काठमाडौं । पाकिस्तानका पूर्व प्रधानमन्त्री इमरान खानले भारत र पाकिस्तानबीचको हालैको द्वन्द्वबारे टिप्पणी गर्दै भनेका छन्, “देश मेरो हो र सेना पनि मेरो हो।”
इमरान खानले सामाजिक सञ्जाल प्लेटफर्म एक्समा भने “भारतसँगको हालैको तनावले फेरि एक पटक पाकिस्तान एक बहादुर राष्ट्र हो भनेर प्रमाणित गरेको छ।”
उनले भने, “जसरी हाम्रा सैनिकहरूले सीमामा मोदीलाई पराजित गरे, त्यसरी नै पाकिस्तानी जनताले विशेष गरी सामाजिक सञ्जालमा विश्वभर मोदी र आरएसएसको कथालाई पराजित गरे।”
इमरान खानले विज्ञप्तिमा भनेका छन्, “मोदीले पाकिस्तानमा नागरिक बालबालिका, महिला, वृद्धवृद्धा र प्रतिष्ठानहरूलाई निशाना बनाएर कायरता देखाएका छन्, जसको जवाफ हाम्रा सेनाहरूले पूर्ण शक्ति र सटीकताका साथ दिए।”
बीबीसी उर्दूका अनुसार इमरान खानले भने, “मोदीले पाकिस्तानलाई आर्थिक रूपमा पनि हानी पुर्याउन हरसम्भव प्रयास गर्नेछन्; कुनै पनि नयाँ आक्रमणको अवस्थामा देश तयार र एकताबद्ध रहनुपर्छ।”
सामाग्री श्रोत :
पाकिस्तानका पूर्व प्रधानमन्त्री इमरान खानले भने ‘देश पनि मेरो, सेना पनि मेरो’
