सुर्खेत |काठमाडौंबाट सुर्खेतका लागि उडेको श्री एयरलाइन्सको कलसाइन ९एन१२२ को विमान सुर्खेत विमानस्थलमा अवतरण गर्ने क्रममा असहज परिस्थितिको सामना गर्नु परेको छ।
सोमबार मध्यान्ह काठमाडौंबाट उडेको श्री एयरको कलसाइन ९एन१२२ जहाज अवतरणको क्रममा रनवेमा कुकुर देखिएपछि आपतकालीन स्थिति सिर्जना भएको हो। दिउँसो सवा १ बजे अवतरणका लागि तयारी गरिरहेको जहाज रनवेमा कुकुर दौडिन थालेपछि रोकिएको थियो।
पाइलटले समयमै निर्णय लिँदै जहाजलाई ओभरसुट गरी सम्भावित दुर्घटना टार्न सफल भए। जहाजले छिन्चुको आकाशमा तीन पटक परिक्रमा गरेपछि सुर्खेत विमानस्थलमा सुरक्षित रूपमा अवतरण गर्यो।
सकुशल अवतरणपछि यात्रुहरूले राहतको श्वास फेरेका छन्। अहिले उक्त जहाज सुर्खेतबाट पुनः काठमाडौंका लागि उडिसकेको छ।
समाचार र भिडियो हेर्न तल का लिंकहरु मा क्लिक गर्नुहोस् :
श्रोत : साझासबल मिडिया
