मलेखु (धादिङ) धादिङ जिल्लाको थाक्रे गाउँपालिका-८ सोप्याङखोलामा आज बिहान मोटरसाइकल दुर्घटनामा एक जना युवकको मृत्यु भएको छ।
हाप्सेचौरतर्फबाट फोकटपुर आउँदै गरेको बा प्र ०२-०५० प ९६२० नम्बरको मोटरसाइकल दुर्घटना हुँदा थाक्रे गाउँपालिका-८, फोकटपुरका २२ वर्षीय सुमन थापाको मृत्यु भएको हो।
मुख र ढाडमा गम्भीर चोट लागेका थापालाई प्राथमिक उपचारपछि थप उपचारका लागि प्रादेशिक स्वास्थ्य केन्द्र गजुरी पुर्याइएको थियो।
‘दुर्घटनापछि प्रहरी टोली घटनास्थलमा खटिएको थियो। तीव्र गतिका कारण मोटरसाइकल दुर्घटना भएको देखिन्छ’, उपचारका क्रममा निजको मृत्यु भएको जानकारी दिँदै प्रहरी नायब उपरीक्षक सुवास हमालले हमालले भने।
सामाग्री श्रोत :
काठमाडौँ । एक ह्याकर समूहले नेपाल सरकारको जल तथा मौसम विज्ञान विभागको वेबसाइट डिफेस गरिदिएको छ । ‘मिडनाइट अप्स नेपाल’ नामक ह्याकर समूहले शनिबार बिहान वेबसाइटमा अनधिकृत पहुँच लिई पेज परिवर्तन गरेको हो ।
ह्याकरहरूले वेबसाइटको अपलोड पेजको मूल सामग्री हटाई “HAHAHA UR SECURITY SUCKS !!!” शीर्षक राख्दै “This site has been hacked by MidNight Ops Nepal” “Your Democracy has beed hacked” र “Security is just an illusion” भन्ने सन्देश डिस्प्ले गरेका छन् ।
त्यही पेजमा प्रधानमन्त्री केपी शर्मा ओली, पूर्व प्रधानमन्त्रीहरू शेरबहादुर देउवा र पुष्पकमल दाहाल ‘प्रचण्ड’को तस्बिरमा मूत्र विसर्जन गरेजस्तो कार्टुन देखाइएको छ, जसलाई अपमानजनक रूपमा प्रस्तुत गरिएको छ । साथै, ‘मिडनाइट अप्स नेपाल’ ले आफ्नो टेलिग्राम लिंक र सम्पर्क ईमेल पनि पेजमा राखेको छ ।
उक्त ह्याकर समूहले टेकपानालाई पठाएको ईमेलमा आफूले जल तथा मौसम विज्ञान विभागको वेबसाइट ह्याक गरेको दाबी गर्दै यो डिफेस आक्रमण नेपालको सरकारी डिजिटल पूर्वाधार कति असुरक्षित छ भन्ने कुराको ‘public demonstration’ (सार्वजनिक प्रदर्शन) भएको जनाएको छ । “हामीले कुनै डेटा चोरेनौँ, आन्तरिक प्रणालीमा क्षति पुर्याएनौँ । यो नष्ट गर्ने होइन, देखाउने प्रयास थियो,” ईमेलमा उल्लेख छ ।
ह्याकर समूहका अनुसार वेबसाइटमा पुरानो प्रविधिको प्रयोग, गलत रूपमा कन्फिगर गरिएको पहुँच र कुनै पनि आधुनिक सुरक्षा संयन्त्रको अभावका कारण ह्याक गर्न सजिलो भएको थियो । “हामीले गर्न सकेका छौं भने विदेशी ह्याकरले के गर्न सक्छन् भन्ने कल्पना गर्नुहोस्,” मिडनाइट अप्स नेपालले चेतावनीस्वरूप लेखेको छ ।
यस घटनाबारे टेकपानाले विभागका अधिकारीहरूसँग बुझ्न खोज्दा सम्पर्क हुन सकेन ।
पछिल्लो समय एकपछि अर्को गर्दै सरकारी वेबसाइट ह्याक भइरहेका छन् । यसले सरकारको साइबर सुरक्षाप्रति गम्भीर प्रश्न उठाएको छ ।
पछिल्लो अध्यावधिक: जेठ ३१, २०८२ १७:५८
सामाग्री श्रोत :
टेक पाना
काठमाडौं– विश्व क्रिकेटका ठूला प्रतियोगितामा सफलताको नजिक पुगेर पनि लगातार चुक्दै आएको दक्षिण अफ्रिकाले अन्ततः शनिबार वर्ल्ड टेस्ट च्याम्पियनसिपको उपाधि जितेको छ । दक्षिण अफ्रिकाले लर्डसमा भएको फाइनलको चौथो दिन अस्ट्रेलियालाई पाँच विकेटले पराजित गर्न सफल रह्यो ।
जितका लागि २ सय ८२ रनको लक्ष्य पाएको दक्षिण अफ्रिकाले एक दिन भन्दा बढीको खेल बाँकी छँदै पाँच विकेट गुमाएर त्यसलाई पछ्याएको हो । दक्षिण अफ्रिकाको जितका नायक रहे, ओपनर एडेम मारक्रम । उनले १ सय ३६ रनको शतकीय इनिङ्स खेले ।
उनले २ सय ७ बलको सामना गरे र १४ चौका प्रहार गरे । नट आउट ब्याटरमध्ये डेविड बेडिनघमले २१ रन बनाए । यस्तै कप्तान टेम्बा बभुमाले ६६ रनको योगदान दिए । दक्षिण अफ्रिकाले यसअघि अन्तर्राष्ट्रिय क्रिकेट काउन्सिल (आईसीसी) ले आयोजना गर्ने आधिकारिक प्रतियोगिता जितेको भनेको सन् १९९८ मा हो ।
अस्ट्रेलिया आफ्नो दोस्रो इनिङ्समा २ सय ७ रन बनाएर अलआउट भएपछि दक्षिण अफ्रिकाले चुनौतीपूर्ण लक्ष्य पाएको हो । त्यस अगाडि पहिलो इनिङ्समा अस्ट्रेलियाले २ सय १२ रन बनाएयता त्यसको जवाफमा दक्षिण अफ्रिकाले १ सय ३८ रन जोडेको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौं। नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले संसदको गतिरोध अन्त्यका लागि माओवादी र एमालेबीच भएको सहमतिका बारेमा पार्टीमा समिक्षा हुने बताएका छन्।
शनिबार काठमाडौंमा माओवादी दोलखा काठमाडौं सम्पर्क समन्वय समितिको अधिवेशन उद्घाटन गर्दै श्रेष्ठले माओवादी र एमालेबीच भएको दुई बुँदे सहमतिपछि विभिन्न प्रतिक्रियाहरु आइरहेको भन्दै यसबारे पार्टीमा समिक्षा हुने बताएका हुन्।
यसबारेमा पार्टी अध्यक्ष प्रचण्डसंग छलफल हुन नपाएको उल्लेख गर्दै उनले दुई बुँदे सहमति माओवादीको सुशासनको अभियानलाई हित पुग्ने गरी भयो कि भएन भन्नेमा छलफल हुने धारणा राखे।
श्रेष्ठले भ्रष्टाचारविरुद्ध माओवादी निरन्तर लड्दै आएकाले भिजिट भिसासम्बन्धी मुद्दालाई त्यसै नछाड्ने बताए। प्रचण्डले समग्र लेखाजोखा गरेर नै सहमति गर्ने निष्कर्षमा पुगेको हुन सक्ने श्रेष्ठले बताए।
सामाग्री श्रोत :
माओवादी र एमालेबीच भएको सहमतिका बारेमा पार्टीमा समिक्षा हुन्छः नारायणकाजी श्रेष्ठ
काठमाडौं– नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टीप्रति आकर्षण बढेको देखेपछि घेराबन्दी र बदनाम गर्ने उद्देश्यले पार्टीभित्र र बाहिरबाट निरन्तर षड्यन्त्र भइरहेको बताएका छन् ।
मोरङको उर्लाबारीमा आयोजित पार्टी प्रवेश कार्यक्रमलाई सम्बोधन गर्दै उनले प्रतिक्रियावादी शक्तिहरू माओवादीको बढ्दो जनाधार देखेर आत्तिएको कारण षड्यन्त्रहरू गरिरहेको बताए ।
प्रचण्डले भने, ‘हाम्रो पार्टीप्रति आकर्षण बढेपछि यथास्थितिवादी कांग्रेस र एमाले जस्ता पार्टीहरू माओवादीलाई बदनाम गराउने र घेराबन्दी गर्न लागिरहेका छन् । माओवादीभित्रै कसरी अन्तर्विरोध बढाउने भन्ने षड्यन्त्रमा लागिरहेका छन् ।’
उनले आफू नेतृत्वको सरकारले सुशासन, सामाजिक न्याय र समृद्धिका पक्षमा महत्त्वपूर्ण काम गरेको स्मरण गरे । प्रचण्डले थपे, ‘राम्रो काम गर्दागर्दै षड्यन्त्रपूर्वक सरकारबाट बाहिरिनुपरे पनि हामी हाम्रो अभियान लिएर जनताको घरघरमा पुग्यौँ, उनीहरूसँग बसेर दुःखसुख बाँड्यौँ। यही कारणले माओवादी केन्द्रप्रति जनताको विश्वास झनै बलियो बन्दै गएको छ ।’
पूर्वी नेपालका झापा र मोरङ जिल्लामा माओवादी केन्द्रले अघिल्लो स्थानीय चुनावमा उल्लेखनीय सफलता हासिल गरेको उनले बताए । उनले आगामी स्थानीय, प्रदेश र संघको निर्वाचनमा नयाँ रेकर्ड बन्ने गरी जाने दाबी गरे । कार्यक्रममा विभिन्न राजनीतिक दलहरू परित्याग गरी ३७० जना नेता तथा कार्यकर्ता नेकपा पार्टीमा प्रवेश गरेको बताइएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौं- औषधिको मुल्य-नीति सुझाव समितिको प्रतिवेदनको विरोध गर्दै औषधि तथा स्वास्थ्य सेवा क्षेत्रका विभिन्न १२ वटा संघसंगठनले आन्दोलन चर्काउने भएका छन्।
सरकारले सरोकारवालाहरुलाई पन्छाउँदै एकपक्षीय रुपमा प्रतिवेदन बनाएको विरोधमा औषधि र स्वास्थ्य क्षेत्रका विभिन्न १२ संस्थाले सामुहिक रुपमा औषधि क्षेत्र नै पर्णरुपमा बन्दै गर्दै आन्दोलन अगाडि बढाउने निर्णय गरेका हुन्।
`औषधि, स्वास्थ्य सेवा तथा स्वास्थ्य सामग्री सरोकार समिति´मा रहेका १२ वटा संस्थाको शनिबार बसेको बैठकले थप आन्दोलनका कार्यक्रम गर्ने निर्णय गर्दै औषधि क्षेत्र नै पूर्ण रुपमा बन्द गर्ने गरि अगाडि बढ्न लागेका हुन्।
छलफलमा सहभागि एक प्रतिनिधिका अनुसार बैठकले औषधि क्षेत्र नै पूर्ण रुपमा बन्द गर्ने निर्णय गरेका छन्।
उनीहरुले शुक्रबार औषधि व्यवस्था विभागको केन्द्रीय कार्यालय सहित विभिन्न शाखा कार्यालयमा मुखमा कालोपट्टी बाँध्दै धर्ना दिएका थिए।
प्रतिवेदनको विरोधमा सुरुमा पाँच वटा संस्था विरोधमा थिए। पछि उक्त संख्या बढ्दै ९ हुँदै १२ पुगेको औषधि उत्पादक संघका उपाध्यक्ष सन्तोष बरालले जानकारी दिए।
समितिका अध्यक्ष महेश प्रधानले आफ्नो सहमतिबिना नै प्रतिवेदन तयार पार्दै एक्लौटी ढंगले सरकार अगाडि बढेपछि विरोध गरेको बताए। उनका अनुसार प्रतिवेदनमा सेवाग्राही र व्यवसायीहरुलाई मानसिक त्रास, असुरक्षा, लगानीको जोखिम र अपमानको भावनाका साथै चिकित्सक र स्वास्थ्यकर्मीहरुलाई गम्भीर लाञ्छना लगाइएको छ।
आन्दोलनरत पक्षले आन्दोलनमा उत्रनुको कारणमा मुख्य दुई विषय रहेको बताएका छन्। पहिलो औषधि मूल्य नीति सुझाव समितिको प्रतिवेदन तत्काल खारेज गर्नुपर्ने र दोस्रो नयाँ नीति निर्माणमा उत्पादक, आयातकर्ता, वितरक र उपभोक्ता प्रतिनिधिहरूसँग विस्तृत छलफल र समन्वय गर्नुपर्ने रहेको छ।
नेपाल औषधि उत्पादक संघ, नेपाल औषधी व्यवसायी संघ, नेपाल औषधी आयातकर्ता संघ, नेपाल मेडिकल एशोसिएसन, नेपाल पशुपंक्षी औषधी व्यवसायी संघ, रसायन तथा मेडिकल आपूर्ति संघ, नेपाल आयुर्वेद औषधी उत्पादक संघ, एशोसिएसन अफ प्राइभेट हेल्थ इन्स्टिच्यूसन नेपाल (अफिन) र नेपाल औषधि थोक व्यवसायी संघ लगायतले विरोध चर्काउन लागेका हुन्।
सामाग्री श्रोत :
swasthyakhabar
काठमाडौं । नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले पार्टीले ०८४ मा बहुमत नल्याए देश थप संकटमा फस्ने बताएका छन्।
शनिबार काठमाडौंमा आयोजित दोलखा–काठमाडौं सम्पर्क समन्वय समितिको छैटौँ सम्मेलनलाई सम्बोधन गर्दै उनले पार्टी अध्यक्ष पुष्पकमल दाहाल प्रचण्ड नेतृत्वको सरकारले गरेको कामकै कारणले अहिले माओवादीप्रति आकर्षण बढेको सुनाए। वरिष्ठ उपाध्यक्ष श्रेष्ठले कांग्रेस र एमालेलाई भ्रष्ट तत्वको संज्ञा दिए।
श्रेष्ठले भिजिट भिसा प्रकरणमा सरकारमा रहेका दुई राजनीतिक दलहरूसँग गरेको सम्झौता पार्टी हितमा भए÷नभएको बारेमा समीक्षा हुनुपर्ने बताएका छन्।
उनले सरकारमा रहेका दुई राजनीतिक दलहरूसँग दुई बुँदे सम्झौता भएपछि संसद् खुलेको बताए। उनले त्यसबारेमा विभिन्न प्रतिक्रियाहरू आइरहेकाले पार्टी अध्यक्षसँग प्रत्यक्ष छलफल हुन नसकेको र अध्यक्षले समग्र परिस्थितिको लेखाजोखा गरेर त्यस्तो निष्कर्षमा पुग्नुभएको हुनसक्ने बताए।
उनले भने, ‘देशलाई संकटबाट मुक्त गराउन हाम्रो पार्टीको नेतृत्व आवश्यक छ। ०८४ को चुनाव आउँदैछ। देश बर्बाद भयो भन्ने अनि माओवादीलाई बहुमतको सरकार बनाउने ठाउँमा पुर्याउन सकेन भने देश झन् संटकमा फस्छ,’ उनले अगाडि भने,‘भ्रष्टहरूलाई खबरदारी गर्न हामीले जनताकहाँ गएर अभियान चलाएका छौं। जनतासँग बसेर खबरदार गरेका छौं। आफूलाई नसच्याए अर्को ठूलो जनआन्दोलनको सामना गर्न र त्यसको परिणाम भोग्न तयार रहनू भनेर चेतावनी पनि दिइरहेका छौं।’
संसद खुलाउन भएको दुई बुँदे सहमतिका बारेमा विभिन्न प्रतिक्रियाहरु आइरहेकाले त्यसबारेमा पार्टी अध्यक्षसँग प्रत्यक्ष छलफल र भेटघाट गरेर निष्कर्षमा पुग्ने बताए। उनले हाल आफ्नो पार्टीले लिएको मुद्दा नछाड्ने र भ्रष्टाचार विरुद्धको अभियान जारी राख्ने प्रतिक्रिया दिए।
सामाग्री श्रोत :
२०८४ को चुनावमा माओवादीले बहुमत नल्याए देश संकटमा फस्छ : नारायणकाजी श्रेष्ठ
काठमाडौँ । ५५ वर्षअघि चीनको हुबेई प्रान्तमा जन्मिएका लेई जुनको पारिवारिक अवस्था निकै कमजोर थियो । शिक्षक रहेका उनका बुबाले त्यतिबेला महिनामा १७.२२ युआन अर्थात् अहिलेको बजार अनुसार नेपाली १० हजार हाराहारी) कमाउँथे । यो तलबले उनको घरखर्च मुस्किलले चल्थ्यो । त्यही बेलादेखि इलेक्ट्रोनिक्स काममा रुचि भएका लेईले विभिन्न सामग्री जम्मा गरेर बल्ब बनाए । उनैले बनाएको बल्बले पहिलो पटक घरमा उज्यालो छायो ।
आज तिनै लेईले निर्माण गरेको कम्पनी साओमीले विश्वलाई नै उज्यालोतर्फ लम्काइ रहेको छ । एक समय विश्वमा मोबाइल बजार केही स्थापित कम्पनीको कब्जामा थियो । त्यहाँ नयाँ खेलाडी सायदै जन्मिन्छ भन्ने ठानिन्थ्यो । तर, यिनै दूरदर्शी लेई जुनले प्रविधिको दुनियाँमा एउटा नयाँ क्रान्तिको जग बसाले । उनले स्थापना गरेको साओमी (Xiaomi) आज विश्वको ठुलो र सफल स्मार्टफोन निर्माता कम्पनीमध्ये एक हो । एप्पलले स्मार्टफोन क्रान्तिको सुरुवात गरे पनि प्रयोगकर्तामैत्री सुविधा र सर्वसुलभ मूल्यका कारण साओमीले करोडौंको मन जितेको छ । यो कथा शून्यबाट अर्बौं डलरको साम्राज्य खडा गर्ने एक व्यक्तिको सङ्घर्ष, कडा परिश्रम र सफलताको प्रेरणादायी यात्रा हो । उनै लेईलाई आज ‘चीनका स्टिभ जब्स’ भनेर चिनिन्छ ।
लेई जुनको जन्म १६ डिसेम्बर १९६९ मा चीनको सियान्ताओ सहरमा भएको थियो । उनको बाल्यकाल औद्योगिक सहर वुहान नजिकै कठिनाइमा बित्यो । बुबामात्रै होइन कुनैबेला आमा पनि शिक्षक थिइन् । चीनको सांस्कृतिक क्रान्तिपछि शिक्षक पेसालाई एक अपमानित पेसा मानिन्थ्यो । बुबाको मासिक तलब जम्मा ७ डलर भए पनि उनले लेईको इलेक्ट्रोनिक्सप्रतिको रुचिलाई सधैं प्रोत्साहन गरे । बाल्यकालदेखि नै लेईलाई रेडियो जस्ता उपकरण खोल्ने र जोड्ने काममा गहिरो लगाव थियो । उनले केवल दुई ओटा ब्याट्री, एउटा बल्ब, केही तार र आफैँले बनाएको काठको बक्स प्रयोग गरेर आफ्नो समुदायमा पहिलो बिजुली बत्ती बनाएका थिए ।
यही असाधारण प्रतिभा भएका लेईले सन् १९९१ अर्थात् २२ वर्षको उमेरमा वुहान विश्वविद्यालयबाट चार वर्षको कम्प्युटर विज्ञानको डिग्री प्राप्त गरे । चार वर्षको यो डिग्री उनले केवल दुई वर्षमै पूरा गरेको बताइन्छ ।
कलेज पढ्दादेखि नै उनी एप्पलका सह-संस्थापक स्टिभ जब्सबाट अत्यन्तै प्रभावित थिए र विश्वस्तरको कम्पनी बनाउने सपना देख्थे । उनलाई उद्यम र स्टिभ जब्सको व्यक्तित्वप्रति रुचि बढाउने पुस्तक हो ‘फायर इन द भ्याली’ ।
न्युयोर्क टाइम्ससँग कुरा गर्दै लेईले खुला रूपमा आफू ‘फायर इन द भ्याली’ पुस्तक, त्यसमा पनि स्टिभ जब्सबाट निकै प्रभावित भएको बताएका छन् । यो पुस्तक मुख्यगरी पीसी (पर्सनल कम्युटर) उदयसँग सम्बन्धित छ । कसरी पीसी युग सुरु भयो, अनि त्यसमा एप्पल र माइक्रोसफ्टको भूमिका के छ भन्ने विषयमा यसमा उल्लेख छ । साथै बिल गेट्स र स्टिभ जब्स जस्ता प्रविधि क्षेत्रका दिग्गज व्यक्तिको रणनीति खुलाइएको छ । लेई यी दुई व्यक्तित्व त्यसमा पनि बढी स्टिभ जब्सबाट प्रभावित भएका थिए । यतिसम्म कि उनी साओमीको कुनै फोन सार्वजनिक गर्दा प्रायः स्टिभ जब्सकै शैलीमा सार्वजनिक गर्छन् ।
आफ्नो करियरको सुरुवात उनले सन् १९९२ मा चिनियाँ सफ्टवेयर कम्पनी किङ्गसफ्टमा इन्जिनियरको रूपमा गरे । कडा परिश्रम र क्षमताका कारण उनी त्यहाँ आवद्ध भएको झन्डै छ वर्ष अर्थात् सन् १९९८ मा कम्पनीको सीईओ बन्न सफल भए । कम्पनीको नेतृत्व गर्ने जिम्मेवारी पाएका लेईले सन् २००७ मा कम्पनीलाई हङकङ स्टक एक्सचेन्जमा सफलतापूर्वक सूचीकृत गराए । यसैबिच उनले सन् २००० मा जोयो डटकम (joyo.com) नामक अनलाइन पुस्तक पसल स्थापना गरे । यसलाई पछि सन् २००४ मा सात करोड ५० लाख अमेरिकी डलरमा अमेजनलाई बेचे । किङ्गसफ्ट छाडेपछि उनी यूसी वेब र वाईवाई (YY) जस्ता कम्पनीमा लगानी गरेर एक सफल लगानीकर्ताको रूपमा पनि चिनिए ।
४० वर्षको उमेरसम्ममा एक सफल व्यवसायी र लगानीकर्ता बनिसके पनि लेई जुन आफ्नो सबैभन्दा ठुलो सपना पूरा गर्न चाहन्थे । त्यो हो- एप्पल र सोनी जस्तो विश्व बजारमा प्रभाव पार्ने विश्वस्तरीय चिनियाँ कम्पनी निर्माण गर्ने ।
बजारको आवश्यकता बुझ्न सक्ने खुबी भएका लेईले स्मार्टफोनको बजारमा एउटा ठुलो अवसर देखे । त्यतिबेला एकातिर एप्पल र सामसङ जस्ता अत्यन्तै महँगा फोन थिए भने अर्कोतिर चीनमा बनेका कम गुणस्तरका सस्ता फोनहरू थिए । चीनमा बनेका ग्याजेट्सलाई प्रायः मजाक उडाइन्थ्यो । कमजोर गुणस्तरका फोन निर्माण गरे पनि चिनियाँ बजारले स्मार्टफोन चलाउन चाहने मानिसहरूको माग केही हदसम्म पूरा गरेको थियो ।
अर्थात् राम्रो गुणस्तर र उचित मूल्यको स्मार्टफोनको माग पूरा गर्ने कोही थिएन । यही खाडल पुर्नका लागि उनले सन् २०१० मा अन्य छ जना साझेदारहरूसँग मिलेर साओमी स्थापना गरे । यसमा गुगलका पूर्व कार्यकारी लिन बिन पनि थिए ।
साओमीको रणनीति परम्परागत कम्पनीहरूको भन्दा बिल्कुलै फरक थियो । फोन बनाउनुअघि उनीहरू सफ्टवेयरमा ध्यान केन्द्रित भए । १६ अगस्ट २०१० कम्पनीले एन्ड्रोइडमा आधारित आफ्नै अपरेटिङ सिस्टम मियूआई लन्च गर्यो । यो गुगलको एन्ड्रोइडभन्दा बढी फिचर र राम्रो युजर एक्सपिरियन्स दिन डिजाइन गरिएको थियो । मियूआई तत्कालै यति हिट भयो कि, यसले साओमीलाई फोन सार्वजनिक हुनुअघि नै लाखौंको प्रयोगकर्तामाझ लोकप्रिय बनाइदियो । उनीहरूको व्यापार मोडेल सरल थियो । उनीहरू ठुला ब्रान्डले जस्तै उच्च गुणस्तरका सामग्री प्रयोग गर्ने तर बिचौलिया हटाएर अनलाइन माध्यमबाट सीधै उपभोक्तालाई बेच्ने । त्यस्तै विज्ञापनमा पनि उनीहरूले फरक रणनीति अपनाए । खर्चिलो तरिकाले विज्ञापन नगरी उनीहरू सामाजिक सञ्जालमा ग्राहकसँग अन्तरक्रिया गर्न थाले । यसले गर्दा ग्राहकलाई कम्पनीप्रति झनै विश्वास बढ्दै गयो । उता कम्पनीले पनमि आफ्ना लोयल ग्राहक पाउने भयो ।
अगस्ट २०११ मा साओमीले आफ्नो पहिलो स्मार्टफोन एमआई वन अनलाइन सार।वजनिक गर्यो र यसले बजारमा तहल्का नै मच्चायो । यतिसम्म कि साओमीका संस्थापक लिई फोन लिएर बाटोमा हिडिरहेका मान्छेलाई त्यसबारे जानकारी दिन थाले । सुरुवाती समयमा यसबारे थाहा नपाएका मान्छेलाई बुझाउन उनलाई सकस नै परेको थियो ।
तर फोन निम्न तथा मध्यम वर्गीय मानिसहरूमा केन्द्रित थियो । सस्तो फोनमा आकर्षिक फिचर उपलब्ध गराएको थियो । त्यसैले पनि अनलाइनमा साओमी हिट भयो । त्यसपछिका वर्षहरूमा साओमीले पछाडि फर्केर हेर्नुपरेन । सन् २०१४ मै साओमीको बजार भ्यालु ४६ अर्ब अमेरिकी डलर पुग्यो । यो त्यतिबेलाको सबैभन्दा मूल्यवान स्टार्टअप थियो । २०१४ को अप्रिलमा साओमीले १२ घण्टाभित्र २१ लाख युनिट फोन बिक्री गरेको थियो । त्यतिबेका एक दिनमा अनलाइनबाट सबैभन्दा बढी फोन बिक्री गर्ने रेकर्ड पनि साओमीले राखेको थियो । साथै साओमी चिनकै सबैभन्दा शीर्ष स्थानको स्मार्टफोन निर्माता कम्पनी बनेको थियो ।
त्यसपछिका वर्षमा एमआई टु, एमआई थ्री जस्ता सफल मोडल ल्याउँदै कम्पनी आफूलाई विश्व बजारमा विस्तार गर्न अघि बढ्यो । सिङ्गापुर, भारत, युरोप लगायतका बजारहरूमा प्रवेश गर्दै साओमीले स्मार्टफोनका साथै स्मार्ट टिभी, ल्यापटप र अन्य स्मार्ट डिभाइसको विशाल इकोसिस्टम निर्माण गर्यो । प्रतिस्पर्धाका कारण सन् २०१५ मा केही धक्का लागे पनि कम्पनीले अनुसन्धान, विकास र नवीनतामा ध्यान केन्द्रित गरेर आफूलाई अझ बलियो बनायो ।
सन् २०१८ मा लेई जुनले साढे एक अर्ब डलर बोनस पाएका थिए । स्थापनाको आठ वर्षमै कम्पनीलाई विश्वव्यापी सफल कम्पनी बनाएकोमा उनलाई कम्पनीले उक्त रकम बोनस दिएको थियो । यो त्यतिबेला प्रविधि कम्पनीका सीईओलाई दिइएको त्यसबेलासम्मको सबैभन्दा ठुलो भुक्तानी थियो ।
यिनै सफलताको सिढी चढिरहेको साओमी सन् २०१९ मा फर्च्युन ग्लोबल ५०० सूचीमा पर्ने सबैभन्दा युवा कम्पनी बन्यो ।
विश्वभर मियूआई लोकप्रिय भए पनि त्यसमा केही कमजोरी थिए । विश्वबजारमा आफ्नो प्रभाव झनै मजबुत बनाउन कम्पनीले १७ अक्टोबर २०२३ मा हाइपर ओएस सार्वजनिक गर्यो । र, यो साओमी १४ सिरिजमा औपचारिक रूपमा उपलब्ध गराउन थालियो । सँगै कम्पनी इन्ट्रीदेखि मिडरेञ्ज हुँदै प्रिमियम फोन निर्माणमा केन्द्रित भयो ।
स्मार्टफोन र आईओटी डिभाइसमा अग्रसर यस कम्पनीले सन् २०२४ मा आफ्नो पहिलो विद्युतीय गाडी ‘एसयूभी सेभेन’ सार्वजनिक गरेको थियो । कम्पनीले एक लाख युनिट गाडी निर्माणको कोशेढुङ्गा पार गरेपछि लेईले आफू फ्याक्टरीमै सुतेको फोटो सार्वजनिक गरेका थिए । उक्त फोटोले त्यसबेला विश्वव्यापी रूपमा चर्चा पाएको थियो । २०२५ मा आइसक्दा साओमीले डेढ लाख बढी ईभी वितरण गरिसकेको छ । पछिल्लो समय एआईको प्रयोग बढेसँगै साओमी आफूलाई एआई चिप निर्माणमा पनि अघि सार्न खोजिरहेको छ । हाकै मात्र कम्पनीले थ्री-नानोमिटर मोबाइल चिप घोषणा गर्दै अबको १० वर्षमा चिपमा सात अर्ब डलर लगानी गर्ने प्रतिवद्धता दिएका थिए । यसका लागि साओमीले चिप निर्माता कम्पनी एनभिडियासँग पनि सहकार्य गरिरहेको छ ।
स्मार्टफोन बिक्री गर्ने सवालमा पनि चीनमा यस कम्पनीले एप्पललाई पछि पारेको छ । अहिले एप्पल आफूलाई चिनमा विस्तार गर्न सङ्घर्ष गरिरहेको छ । घरेलु कम्पनीलाई प्राथमिकता दिने चिनियाँ नीति र विश्वबजारको प्रतिस्पर्धाका कारण एप्पल चीनमा पछि परिरहेको छ ।
आज साओमी विश्वको शीर्ष ५ स्मार्टफोन निर्माताहरू मध्ये एक हो । यस कम्पनीको वार्षिक राजस्व अर्बौं डलर छ । लेई जुन आज ४१ अर्ब डलरभन्दा बढीको सम्पत्तिका मालिक छन् भने उनको कम्पनी साओमी १६९ अर्ब डलर भ्यालुएसनका विश्वका शीर्ष ८९ औं कम्पनीमा छ । बिल गेट्सको परोपकारी कामबाट प्रभावित उनी एक सफल व्यवसायी मात्र नभएर एक उदार परोपकारी पनि हुन् । उनले आफ्नो पुरानो विश्वविद्यालयलाई अर्बौं युआन दान गरेका छन् ।
लेई जुनका प्रमुख प्रेरक भनाइहरूः
“उत्कृष्ट काम गर्ने एकमात्र तरिका भनेको आफूले गर्ने कामलाई माया गर्नु हो ।”
“यदि तपाईं केही विकास गर्न चाहनुहुन्छ भने,तपाईं असहज हुन तयार हुनुपर्छ ।”
“पहिले कहिल्यै हासिल नगरेको कुरा प्राप्त गर्न तपाईं पहिले कहिल्यै नबनेको व्यक्ति बन्नुपर्छ ।”
“सबैभन्दा ठुलो जोखिम कुनै पनि जोखिम नलिनु हो ।”
“आफ्नो प्रतिस्पर्धीबाट सिक्नुहोस् तर कहिल्यै नक्कल नगर्नुहोस् । नक्कल गर्नुभयो भने तपाईं सकिनुहुन्छ ।”
“मलाई लाग्छ यदि तपाईं आफूले साँच्चै मन पराउने विषयमा काम गर्नुहुन्छ भने तपाईंलाई कसैले धकेल्नु पर्दैन । दूरदृष्टिले आफैँ तान्छ ।”
“म भाग्यमा विश्वास गर्दिनँ । म पसिना, दृढ संकल्प र कडा परिश्रममा विश्वास गर्छु ।”
पछिल्लो अध्यावधिक: जेठ ३१, २०८२ १५:१९
सामाग्री श्रोत :
टेक पाना
काठमाडौं– बिहीबार भारतको अहमदावादमा भएको जहाज दुर्घटनामास्थलमा शनिबार थप उक शव फेला परेको छ । बिजे मेडिकल कलेजको होस्टलबाट खण्डहर हटाउँदै गर्दा विमानको पुच्छरमा फसेको एक शव फेला परेको हो ।
पोस्टमार्टमपछि उक्त शव एयर होस्टेजको रहेको पुष्टि भएको छ । यता दुर्घटनामा मरेका व्यक्तिहरुको डीएनए परीक्षणको काम जारी रहेको छ । सिभिल अस्पतालबाहिर मृतकका परिवार जम्मा भएका छन् ।
अस्पतालमा अहिलेसम्म २७० भन्दा बढी शवको पोस्टमार्टम भइसकेको छ । यसबाहेक २३० जनाको डीएनए स्याम्पलिङ पनि गरिएको छ । आड शवको शनाखत भएको भारतीय सञ्चारमाध्यमहरुले जनाएका छन् ।
उक्त दुर्घटनामा अहिलेसम्म २७५ जनाको मृत्यु पुष्टि भएको छ । विमानमा क्रू र यात्री गरी २४२ जना सवार थिए । जसमध्ये एक जना मात्र बच्न सफल भएका छन् ।
बिजे मेडिकल होस्टलमा रहेका ३४ जनाको मृत्यु भएको छ । जसमा पाँच जना चिकित्सक रहेका छन् भने ३१ जना अन्य स्टाफ थिए । शनिबार अहमदावादबाट उडेको जहाज दुई मिनेटमै होस्टलको बिल्डिङमा ठोक्किएर दुर्घटनाग्रस्त बनेको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौं । नेपाली कांग्रेसका महामन्त्री गगन थापाले पार्टीका कुनै सदस्य भ्रष्टाचारमा संलग्न देखिएमा त्यसको भारी सिंगो पार्टीले नबोक्ने बताएका छन्।
शनिबार काठमाडौंमा आयोजित तेस्रो प्रदेश सभा क्षेत्रीय सम्मेलनलाई सम्बोधन गर्दै उनले कुनै व्यक्ति चुकेको अवस्थामा कांग्रेसले कोहीसँग सम्झौता गर्न नसक्ने बताए।
उनले भने, नागरिकको असन्तुष्टिलाई हामीले मान्नुपर्छ। जनताले नेताहरुले आफ्नो स्वास्र्थको लागि मात्र सोचे घुस खाए। एउटा महामन्त्री अथवा कोही व्यक्तिले गल्ती गरे सारा पार्टीले गाली खानुपर्छ। भारी बोक्नुपर्छ। भ्रष्टाचार गरे भन्ने छ। भ्रष्टाचार गर्ने जतिपनि कुरा आउँछ त्यसमा कुनै पार्टी सदस्यको संलग्नता भएको कुरा आयो भने त्यसको भारी उसैले बोक्नुपर्छ। यसमा कांग्रेसले कोहीसँग सम्झौता गर्दैन। व्यक्ति चुक्न सक्ला कोही सार्वजनिक जबाफदेहिताको विषयमा चुक्ला, तर पार्टीको पोजिसन एउटै रहन्छ। ठिक ढङ्गले पार्टीलाई प्रस्तुत गर्न सक्नुपर्छ।’
त्यस्तै उनले पार्टीमा गुटबन्दी अन्त्य गर्नको लागि क्रियाशील सदस्यबाट प्रत्यक्ष रूपमा पार्टी सभापति चुन्ने व्यवस्था गर्नुपर्ने धारणा राखे। उनले आफ्नो प्रस्तावमा पार्टीका सबै साथीहरू तयार भए गुटबन्दी अन्त्य गर्न सकिने दाबी समेत गरे।
उनले भने, कांग्रेसमा अहिले ८ लाख ६६ हजार क्रियाशील सदस्य छन्। सबै गर्दा १२ लाख छन्। पार्टीको अधिवेशनमा के हुन्छ, १२ लाख क्रियाशील मान्छे एकै पटक जान्छ र बुथमा गएर हामी आफ्ना प्रतिनिधि छान्छौँ, त्यो छानिएको प्रतिनिधिले अर्को प्रतिनिधि छान्दै छान्दै गएर अन्तिममा काठमाडौँमा पाँच हजार प्रतिनिधिबाट महाधिवेशन गर्छौँ। १२ लाख मान्छेलाई बुथमा निकाल्छौँ, उसलाई अधिवेशनमा टिक लगाउन दिन्छौँ भने प्रविधिको जमानामा त्यो १२ लाख मान्छेले अप्रत्यक्ष निर्वाचन गरेर कांग्रेसको सभापति छान्ने व्यवस्था गरौँ न। जसले गुट बनायो त्यो ध्वस्त भन्यो भनौं न।’
सामाग्री श्रोत :
कांग्रेसको कोही सदस्य भ्रष्टाचारमा मुछिए त्यसको भारी पार्टीले बोक्दैन् : गगन थापा
