31 March 2020 कोरोना अपडेट :
साइप्रस को स्वास्थ्य मन्त्रालयले आज 83 वर्षीय वृद्ध को कोरोनाको कारण मृत्यु भएको बताएको छ । मन्त्रालयले दिएको जानकारी अनुसार थप 32 जनामा कोरोना संक्रमण पुष्टि भएको छ । यो सङै सन्क्रमित को संख्या 262 पुगेको छ ।
आज पुस्टि भएका बिरामी मध्य एक गर्भवती महिला हुन् ।
१७ चैत २०७६ निकोसिया साईप्रस । साईप्रसमा आज सोमवार थप एक जनाको कोरोना भाईरसबाट मृत्यु भएको छ भने १६ जना नया विरामी भेटिएका छन । योसगैं मृतकको सख्यां ७ पुगेको छ जम्मा २३० जना ( ५ जना बेलायती नागरिक सहित) कोरोना संक्रमितहरु भेटिएको स्वास्थ्य मन्त्रालयजले जनाएको छ ।
सोममवार मृत्यु भएका ७७ बर्षिय पुरुष हुन । अब ६ जना पुरुष र एक जना महिला गरि ७ जनाको मृत्यु भएको स्वास्थ्य मन्त्रालयले जनाएको यहाका विभिन्न सचांर माध्यमहरुले उल्लेख गरेका छन । उता उत्तरी साईप्रसमा आज थप पाचं जनालाई कोरोनाबाट संक्रमीत बिरामी भेटिएका छन यो सगै उत्ररी साईप्रसमा कोरोनाका बिरामीहरुको सख्यां ६९ जना रहेको साईप्रस मेलले उल्लेख गरेको छ ।
उत्तरी साईप्रसको कारपासिया क्षेत्रबाट एक जना ,२ जना लापिथोस र दुई जना किओनेली क्षेत्रका रहेका छन । गत हप्ता ७३ बर्षिय एक जर्मन नागरिक (पर्यटक)को मृत्यु भएको थियो । योसगै उत्तरी साईप्रसमा अहिले सम्मा एक जनाको मात्रै मृत्यु भएको छ ।
समिम मियाँ
३० मार्च/लिमासोल
साइप्रस सरकारले लक डाउन थप कडा बनाउन आज नयाँ कदमको घोषणा गरेको छ ।
अब अत्यावश्यक परेको खण्डमा प्रती दिन एक Sms मात्र पठाउन मिल्ने बताएको हो । अब कमजोर र वृद्ध (65 वर्ष माथी) का व्याक्ती ले मात्र डिक्लेरेसन पेपर लिन मिल्ने बनाइएको छ ।
यो नियम भोलि बिहान 6 बजे बाट लागू हुने छ भने दैनिक रातमा कर्फ्यु लाग्ने छ। । राती 9 बजे देखि बिहान 6 बजे सम्म कर्फ्यु लाग्ने छ । इम्प्लोयर बाट यो अवधिमा फर्म ए पाएका ले मात्र बाहिर निस्कन अनुमती दिइएको छ। यश अघिको घोषणामा अत्यावश्यक परिस्थितिमा जो सुकैले पनि sms वा डिक्लेरेसन फर्म भरेर निस्कन मिल्ने थियो ।
अब यो नियम नमानेको खण्डमा जरिवाना लाई दोब्बर पारिएको छ । पहिले 150 युरो को जरिवाना भोलीबाट 300 युरो हुनेछ । जरिवाना तिर्नु परेमा 15 दिन भित्र तिरी सक्नु पर्ने बताएकी छ अन्यथा प्रहरीले केश बनाएर अदालत मा उपस्थित गराउन सक्ने व्यवस्था गरिएको स्थानीय मिडियाले जनाएको छ ।
रास्ट्रपति निकोस अनास्ट्सियादास को अध्यक्षतामा बसेको कोभिड १९ सम्बन्धी मन्त्रीको समितीले सोमबार बिहान यो निर्णय गरेको स्वास्थ्य मन्त्रीले बताउदै कोरोना नियन्त्रणमा कडाइ गर्न यो घोषण गरिएको बताए ।
दिनेश गौतम ,
युरोप साईप्रस २९ मार्च २०२० । कोराना भाईरसको कारणले आज आईतवार थप एक जनाको मृत्य भएको छ भने ३५ जना मानिसहरुमा थप नया कोरोना भाईरस फेला परेको छ । यो सगै साईप्रस देशमा कोरोनाबाट मर्नेहरुको सख्या ६ जना र जम्मा कोरोना भाईरसका संक्रमीत बिरामीहरुको सख्यां २१४ भएको स्वास्थ्य मन्त्रालयले जानकारी दिएको छ ।
संक्रमित बिरामहिरुमा ५ जना बेलायती नागरिक रहेको डा. लुईजो मारियोस्ले बताएका छन । उहाका अनुसार ३१ जना बिरामीहरुलाई मानिसहरुको सम्पर्कबाट , २ जना युरोपियन देशबाट फर्केका हुन भने २ जनालाई अनुसान्धानका क्रममा भेटिएको बताए । आज मृत्यु भएका बृद्धाका ४७ बर्षिय छोराको गत हप्ता मृत्यु भएको डा. लाकीस् प्लाजिज्ले जानकारी दिएको साइृप्रसका विभिन्न संचार माध्यमहरुले समाचार छापेका छन ।
त्यस्तै आईतवार स्वास्थ्य मन्त्रि कोस्तान्तीनोस् आन्नोउले यो सख्यां अहिले सम्मकै उच्च रहेकोले कोही पनि बिना काम घर भन्दा बाहिर नजानका लागि अनुरोध गरेका छन । उहाका अनुसार केही बिरामीहरु साथीहरुको सगंत र भेटघाट गरेर कोरोना सरेको बताउदै साइृप्रसको नियमलाइृ पालना गरिदिन सबै जनताहरुलाई आग्रह गरेका छन ।
दिनेश गौतम युरोप साईप्रस मार्च २८ २०२०
विश्वमा महामारीको रूपमा फैलिएको कोरोना भाईरसका कारण दुनिया अक्रान्त बनिरहेको अवस्थामा सबै देशहरुले आफनो नागरिकहरुलाई निगरानीमा राखि रहेका छन ।
यसै गरि नेपाल सरकार तथा मातहतका निकायहरूबाट पनि बैदेशिक रोजगारीका अध्ययनका लागी बिभिन्न देशमा रहेका नेपालीहरूको अवस्थालाई मध्य नजर गर्दे कसरी सहज र छिटो आफ्ना नागरिक नजिक पुग्न सकिन्छ भनेर अनलाईन मार्फत बिदेशमा रहेका आफ्ना नागरिकहरूको बिवरण लिन थालेको छ।
यहि क्रमलाई निरन्तरता दिदै नेपाली राजदुताबास ईजरायलले पनि आफ्ना मतहतमा रहेको देश इजरायल र साईप्रसमा रहेका नेपालीहरूको ब्यक्तीगत बिबरण अनलाईन मार्फत डाटा संकलन शुरू गरेको छ ।
कोरोना महामारीमा विभिन्न तवरले सहयोग, समन्वय गर्न र भविष्यमा आइपर्ने समस्याका लागि पूर्वतयारी गर्न पनि सहजीकरण हुने उद्देश्यका साथ दूतावासले दूवै देशमा बस्ने नेपाली नागरिकहरुको अनलाईन रजिस्ट्रेसन सुरु गरेको हो ।
साईप्रसका नेपाली राजदुतावास ईजरायलका अनुसार साइृप्रसमा रहेका सबै विद्यार्थी, कामदार तथा अन्य कामका लागि बसिरहेका सबै नेपाली समुदायहरुले दुतावासले दिएको लिकंमा गएर अनलाईन फारम भर्न अनुरोध गरेको छ ।
यदि फारम भर्दा कसैले नबुझेको खण्डमा गैरअवसिय नेपाली सघंका पदाधिकारीहरुसगं समन्वय गरि भर्न सकिने एन.आर.एन.एन.साईप्रसका महासचिव कृप थापाले जानकारी दिएका छन ।
दिनेश गौतम
मार्च २५ / युरोप साईप्रस
विश्वब्यापी महामारीको रुपमा आएको कोरोना भाईरसबाट दुनिया असर परिरहेको अवस्थामा यसको प्रत्यक्ष असर युरोपेलि मुलुक साईप्रसमा पनि परेको छ । यस महामारीको प्रत्यक्ष असर यहाँ रहेका सबै भन्दा बढि विद्यार्थी तथा केही कामदारहरुमा परेको गैर आवासिय नेपाली सघं साईप्रस का युवा संयोजक कुन्दन कार्कीले जानकारी दिएका छन ।
कार्कीका अनुसार यहाँ रहेका करिब ३ हजार भन्दा बढि विद्यार्थीहरुलाई गत मगंलवार देखि साइप्रस सरकारले लकडाउन गर्ने वित्तिकै खाना र अवासको पैसा तिर्न धेरै नै गाह्रो पर्ने भन्दै यसका लागि यहाँ रहेका सबै समाजिक संघसस्थाहरुलाई सहकार्यका लागि अह्वान गर्नु भएको छ ।
यहाँ रहेका विद्यार्थीहरुमा खास गरि यो महामारीले गर्दा काम पनि नभएको र काम भएकाहरुको पनि कामबाट छुट्टी भएकोले अब यसबाट प्रत्यक्ष पर्न सक्ने समस्यालाई निराकरणका लागि एन.आर.एन.ए साईप्रसका महासचिव कृप थापालाई सघंसस्थाहरुसगं समन्वय गरि यथासिघ्र राहत लगाएतका कार्यक्रम ल्याउनका लागि जिम्मेवारी दिईएको सचिव पुरन मगरले बताए ।
उनका अनुसार गैर आवासिय नेपाली सघंले यहाँका समस्या लगाएत ५ बुँदागत रुपमा साइप्रसलाई हेरिरहेको नेपाली राजदुतावास ईजरायललाई पत्र लेखेको बताए । साईप्रसमा अहिलेको प्रमुख समस्या विद्यार्थीहरुको घरभाडा , खाना , भिषाको समस्या , नेपाल छुट्टीमा गएकाहरुको लागि भिषा सजिलो बनाउनु पर्ने , विद्यार्थीहरुले आफ्नो अभिभावकहरुसगं पैसा मगाउनका लागि केही समयका लागि नो अब्जेक्शन लेटर बिना पैसा पठाउन मिल्ने , नेपालीहरु जो नेपाल जान चाहेका छन्।
उहाहरुको लागि कमसेकम सरकारले अन्य देश जस्तै जहाज पठाएर जान मिल्न सक्ने लगाएतका मुद्दाहरु उल्लेख गरिएको एन.आर.एन साईप्रसकी अध्यक्ष दिल कुमारी तिलीजा पुनले जानकारी दिनु भएको छ । पुनका अनुसार आज बुधवार आफुले साईप्रस देशलाई हेर्दै आईरहेको राजदुत डा. अन्जान शाक्यसगं ईमेल मार्फत कुराकानी भएको र यसको बिषयमा उहाले पररास्ट्र मन्त्री सगं कुराकानी भएको बताईन ।
साईप्रसमा रहेका समस्याका बारेमा राजदुतावास , नेपाल सरकारले छिट्टै केही ठोस योजना ल्याउने बताउदै तत्काल साईप्रसमा रहेका सघंसस्थाहरुसगं मिलेर राहत कार्यक्रम वितरण गरिने पुनको भनाई छ ।
अहिले साईप्रस लक डाउनमा रहेकोले स रकारसंग अनुमति लिएर राहत वितरणका लागि अत्यन्तै गम्भिर रहेको बताउदै समस्याबाट नडाराउनका लागि सबै साईप्रसमा रहेका नेपालीहरुलाई सामाजिक संजाल मार्फत आग्रह गरिरहेको जानकारी दिनुभयो ।
यता साईप्रसमा रहेका सामाजिक सघंसस्थाहरु मध्ये एन.आर.एन. साईप्रस, साईप्रस नेपाल.कमले भामा पसल निकोसियासगं सहकार्य गरि तिर्न सक्नेले एक युरोको खाना खाने र तिर्न नसक्नेहरुको लागि निशुल्क खानाको ब्यवस्था गरेको थियो तर लकडाउन भएपछि आफुहरु यो सुविधाबाट बन्चित भएको विद्यार्थी दिपेन्द्र गौतम बताए ।
आफुहरुको समस्याका लागि सबै सघंसस्थाहरु सहयोग गरिनुपर्ने गौतमको भनाई छ भने यहा अहिलेको यस्तो समास्यामा आफुहरुको कुराहरुलाई नेपाली राजदुतावास गम्भिर नभएको साईप्रसमा लामो समय बस्दै आउनुभएका बिकास श्रेष्ठले आरोप लगाए ।
श्रेष्ठका अनुसार साईप्रसमा समाजिक तथा राजनितिक गरि कम्तीमा २२ वटा सघंसस्थाहरु रहेको बताउदै सस्थाहरु नाचगानका लागि बनाईएको कि यहा रहेका पिडित नेपाली समुदायहरुको दुःखमा सहयोग गर्नका लागि भनी प्रश्न गरे ? त्यसकारण अहिलेको यो विष्म परिस्थीतीमा सबै सघंसस्थाहरु मिलेर पिडित नेपाली विद्यार्थी तथा कामदारहरुलाई सहयोग गर्नुपर्ने श्रेष्ठले आग्रह गर्नु भयो ।
त्यसै गरि विद्यार्थी समर क्षेत्रीका अनुसार आफुहरुको प्रमुख समास्या खाना र घर भाडा रहेको र यहाका सामाजिक सस्थाहरुले आफुहरुलाई सहयोग गरिने आशा रहेकाले यथासिघ्र आफुहरुलाई राहतको जरुरी रहेको बताए ।
त्यसै गरि आजै साइप्रसमा रहेको नेपाली जनसम्पर्क समितिका महामन्त्रि कुमार सिहंले एक प्रेस विज्ञप्ती जारी गर्दै यहा रहेका विद्यार्थी तथा कामदारहरुको समस्या प्रति गम्भिर रहेको र सघसस्थाहरुसग मिलेर छिट्टै राहत वितरणका लागि लागी पर्ने उल्लेख गरेको छ । साथै विज्ञप्तीमा पहिलो चरणमा ३० जना विद्यार्थीहरुलाई तिन हप्ता पुग्ने गरि राहत प्याकेज ल्याईएको र त्यसका लागि आफनो समितिका पदाधिकारीहरुलाई विभिन्न समिति बनाई परिचालन गरिएको जनाएको छ ।
दिनेश गौतम
युरोप साईप्रस मार्च २४ , । साईप्रसमा आज कोरोना भाईरसका कारण थप दुई जनामा मृत्यु र ८ जना नया विरामी फेला परेको स्वास्थ्य मन्त्रालयले जनाएको छ । अब यो मृत्युहु नेहरुको सख्या ३ जना पुगेको छ भने कोरोनाको बिरामी १२४ (३ जना बेलायती नागरिक) जनालाई भएको पुष्टि भएको छ ।
कोरोनाका कारण मृत्यु हुनेमा ६४ बर्षिय बेलायती नागरिक जो लिमासोल जनरल अस्पताला र ५८ बषिय एक साईप्रस नागरिक जो निकोसिया हस्पिटलमा उपचारत थिए । ६३ बर्षिय बेलायती नागरिक आफनो नातेदारलाई बेलायत भेटघाट गरि फर्केका थिए भने साईप्रसका नागरिकलाई उपचारका क्रममा मृत्यु भएको स्वास्थ्य मन्त्रालयले जनाएको छ । मन्त्रलायका आनुसार आज आठ जना मध्ये ३ जनालाई भेटघाटबाट भाईरस सरेको छ , दुई जना युरोपियन देशबाट फर्केकाहरुलाई जाचं पछि कोरोना लागेको र ३ जनालाई अनुसन्धानका क्रममा कोरोना भेटिएको बताएको छ । यस्तो अवस्थामा सबै मानिस आफनो घरमै बसेर सरकारलाई सहयोग गर्न मन्त्रालयले आग्रह समेत गरेको छ ।
समिम मियाँ
२४ मार्च/ लिमासोल
राष्ट्रपति निकोस अनास्टसियाडेसले कोरोना को महामारी रोक्न मंगलबार देखि देश लक डाउन गर्ने घोषणा गर्नु भएको छ।
हिजो सोमबार राष्ट्रको नाम मा सम्बोधन गर्दै राष्ट्रपतिले मंगलबार बेलुकी ६ बजे देखि लागु हुने गरि अप्रिल १३ सम्म लक डाउन गर्ने घोषणा गर्नु भएको हो। अत्यन्तै जरुरी काम बाहेक बाहिर निस्किन निषेध गरिएको छ।
“हामी युद्दमा छौ। यो त्यस्तो युद्ध हो जुन हामीले आफ्नो स्थानमा बस्यौं भने मात्र जित्न सकिन्छ। ” राष्ट्रपति निकोस भन्नु भयो।
‘अदृश्य दुश्मन’ कोरोनाले दिएको चुनौतिलाई परास्त गर्न कठोर भन्दा कठोर उपायाहरु अवलम्बन गर्नु पर्ने आवश्यकता छ। उहाँले जोड्नु भयो।
पार्क, बच्चा खेल्ने स्थानहरु, समुन्द्रतट, सार्वजनिक पार्क तथा सभा स्थल , मारिनाहरु, ड्याम , निर्माणस्थल साथै चर्च तथा मस्जिद लगायतका धार्मिक स्थलमा जान समेत निषेध गरिएको छ।
मार्च ९ मा पहिलो पटक कोरोना संक्रमण देखिए पछि एकै दिन मा अहिले सम्मकै ठुलो संख्या २१ जनामा सोमबार भेटिएको थियो। दक्षिण साइप्रसमा मात्र ११६ र उत्तरी साइप्रसमा ३९ जनामा संक्रमण पुस्टि भै सकेको छ।
सरकारले यस अघि नै शैक्षिक संस्था , हवाई उडान, सपिङ्ग मल होटेल र मनोरंजन स्थल हरु बन्द गरिसकेको छ।
मार्च २४ बाट अप्रिल १३ सम्म लागु हुने लक डाउन मा के गर्न पाइन्छ त ?
निम्न कारणहरु हुदा बाहिर निस्किन सकिन्छ।
- अनुमति प्राप्त काममा जान र आउन
- अनुमति प्राप्त भएको स्टोर बाट दैनिक उपभोग गर्ने समान किन्न
- फार्मेसी वा डाक्टर मा जान
- बैक मा जान
- असहाय, कम्जोर र अपाङ्लाइ सहयोग गर्न जान
- बिवाह, मलामी र नाम राख्ने समारोह मा जान , धेरै मा १० जना सम्म जम्मा हुन मिल्ने
- आफ्नो घरको वरिपरि व्यायाम गर्न र कुकुर डुलाउन जान , बढिमा २ जना
यो पनि पढ्नुहोस् : कोरोना प्रभाव : साइप्रसमा विद्यार्थीलाई न काम न दाम
घर बाहिर यी कारणले निस्किन परेमा भिसा(पिङ्क) कार्ड वा पासपोर्ट वा परिचय खुल्ने आवश्यक कागजात लिएर मात्र निस्कन भनिएको छ। सरकारले कडाइका साथ लागु गरेको यी नियम नमानेको खण्डमा १५० युरो जरिवाना तिर्नु पर्ने स्पस्ट पारेको छ।
यो निषेधाज्ञामा कुन कुन पसल हरु खुल्ला हुन्छन त ?
सरकारले निम्न श्रेणीका पसल तथा स्टोरलाई खोल्न अनुमति दिएको छ।
- सुपरमार्केटहरु
- बेकरी
- कियोस्क
- माछा तथा मासु मार्केट
- फार्मेसी
- अपाङ्गका लागि सामान बेच्ने पसलहरु
- घरपालुवा जनावरका पसल
- कार तथा बाइक का पार्ट्स पसल र ग्यारेज
- टायर पसल
- अप्टिसियन ( चश्मा पसल )
- पोस्ट अफिस
- टेलिकम सेवा को बिल जम्मा गर्ने रिटेल शपहरु
खुल्ल्ला मार्केट , बजारहरु र सडक छेउ राखेर गरिने स-साना पसल हरु पनि संचालनमा निषेध गरिएको छ।
यो पनि पढ्नुहोस : कोरोना भाइरस (कोभिड-१९) – भ्रम र यथार्थ
२२ मार्च / लिमासोल
साइप्रसको स्वास्थ्य मन्त्रालयले जना बिरामीमा कोरोना संक्रमण भएको बताएको छ। जसबाट कोरोना पुष्टि भएका बिरामीहरुको संख्या ९५ पुगेको छ।
नयाँ बिरामीहरु मध्य ४ जना पापोस हस्पिटल संग संबन्धित व्याक्तिहरु हुन् भने अर्का ४ जनाले हालै युके र म्याक्सिको भ्रमण गरि फर्केका थिए। पापोस हस्पिटलमा ६८० जना काम गर्दछन् जसले आज कोरोना जसले परीक्षणको लागि नमूनाहरू दिएका छन्।
कोरोनाको लक्षण देखिन थाले पछि उनीहरुले सम्बन्धित निकायमा सम्पर्क गरेका थिए। २ जना भने पुस्टि भएका ब्याक्तिको सम्पर्कमा आउनाले संक्रमित भएको बताइएको छ।
बाकि १ जनालाइ कसरि संक्रमण भायो भनेर अनुसन्धान चलिरहेको जानकारी स्वास्थ्य मन्त्रालयले दिएको छ।
यी ९४ मध्य ५० जना कोरोनाको संक्रमण भएका को सम्पर्क मा आउनाले कोरोना सरेको बताइएको छ।
यता टर्की शासित साइप्रसमा पनि आज ३ जनामा कोरोना देखिएको छ यो संगै कोरोना संक्रमित को संख्या ३८ पुगेको छ जसमा ३१ जना जर्मन पर्यटक रहेका छन्। कोरोना फैलिन नदिन त्यहा पनि ‘लकडाउन ” गरिएको छ।
यो पनि पढ्नुहोस : साइप्रस सरकारको आग्रह घर मै बस्नुहोस्
आइतबार एक ट्विट गर्दै साइप्रस मेडिकल एसोसिएसन (सिएमए )ले अन्य देशले जस्तै साइप्रसले पनि लक्डाउन गर्नु पर्ने बताएको छ।
सीएमएले ग्रीसका प्रधानमन्त्री किरियाकोस मिट्सोटाकिसले रास्ट्रको नाम मा सम्बोधन गर्दै त्यहाँ सबै बन्द गरि कर्फ्यु लागु हुने भएको घोषणा गरेको टिभी प्रशारणलाइ रि-ट्वीट गरेको थियो।
आइतबार एक दिनमा मात्रै ९४ जनामा संक्रमण पुस्टि भएपछी ग्रीसमा कोरोना भाइरसको महामारी रोक्न सोमबार विहान देखि कर्फ्यु लागु हुदैछ। संक्रमितको संख्या ६२४ जना पुगेको छ भने १५ जनाको मृत्यु भै सकेको छ।
२१ मार्च / लिमासोल
साइप्रसको स्वास्थ्य मन्त्रालयले आज गरिएको टेस्टमा ९ जनामा कोरोना संक्रमण भेटिएको बताएको छ। आज सम्म गरि ८४ जनामा कोरोना पुस्टि भएको हो।
मन्त्रालयले जनाए अनुसार पापोस अस्पतालमा काम गर्ने एक जना नर्स , एक बिमान कम्पनीमा कार्यरत कर्मचारी, बेलायत, पोल्याण्ड र स्पेनको यात्रा बाट फर्केका चार जना , र कोभिड १९ पुस्टि भएका व्याक्तिको सम्पर्कमा आउनाले ३ जनामा सरेका बिरामी हुन्।
अहिले १३ जनाको फामागुस्ता अस्पतालमा उपचार भै रहेको छ भने लिमासोल अस्पताल आईसीयूमा उपचार गरिरहेका ३ जनाको अवस्था स्थिर छ। एक जनाको निकोसिया अस्पतालमा उपचार भइरहेको छ।
