काठमाडौं । विश्वका धनी टेस्ला, एक्स र स्पेस एक्सका सीईओ एलन मस्कसँग जोडिएको एक सनसनीपूर्ण दाबी सार्वजनिक भएको छ । जसले अहिले सामाजिक सञ्जालमा तहल्का मच्चाएको छ। इन्फ्लुएन्सर तथा लेखिका एशली सेण्ट क्लेयरले सामाजिक सञ्जालमा हंगामा मच्चाएकी छिन् । उनले दाबी गरेकी छिन् कि उनले मस्कको १३औँ बच्चालाई जन्म दिएकी छिन्। हालै उनले न्यूयोर्क पोस्टलाई दिएको अन्तर्वार्तामा यस बारे विस्तृत रूपमा कुरा गरेकी छिन्।
उनले भनेकी छिन्, म कहिल्यै यस्तो सम्बन्धमा फस्न चाहन्नथेँ, तर पहिलो कदम मस्कले नै चाले। शायद मेरो सोझोपनका कारण म मस्कको प्रेममा फसेँ। सेण्ट क्लेयरका अनुसार उनीहरूबीचको पहिलो भेट अनलाइनमार्फत भएको थियो। मस्क निकै रमाइलो स्वभावका, स्मार्ट र डाउन टू अर्थ व्यक्ति थिए। उनीहरूको कुराकानी (पहिले ट्विटर) मा शुरू भएको थियो। मस्कले उनलाई डायरेक्ट म्यासेज गरेका थिए । सायद मस्कले पोष्ट गरेको कुनै मिममा प्रतिक्रिया जनाएपछि कुराकानीको सिलसिला अघि बढेको थियो।
सुरुमा उनलाई मस्कमा कुनै विशेष चासो थिएन । तर ट्विटर खरिदको मामिलामा जिज्ञासा थियो। मस्कले उनको निलम्बित ट्विटर अकाउन्ट पुनर्स्थापना गरिदिएका थिए । जुन ८ महिनासम्म सस्पेन्ड गरिएको थियो। केही समयपछि मस्कले उनलाई सोधे, तिमी कहिल्यै सान फ्रान्सिस्को वा अस्टिन आउँछौ ? त्यसपछि मस्कले उनलाई सान फ्रान्सिस्को बोलाएर अन्तर्वार्ता लिने प्रस्ताव राखे।
अन्तर्वार्तापछि मस्कले उनलाई टेक्स्ट गरेर प्रोविडेन्स (रोड आइल्यान्ड) जाउँ भन्ने प्रस्ताव गरे । यहीँबाट उनीहरूको प्रेम कहानी सुरू भयो। यही भयो शारीरिक सम्बन्ध । जसबाट उनले मस्कको गर्भ बोकिन् । मस्कले उनलाई एक विलासी अपार्टमेन्ट प्रदान गरे । त्यहाँ सुरक्षाको व्यवस्था गरे । तर कुनै रोमान्स थिएन। उनी आफूलाई एक्लो महसुस गरिरहेकी थिइन्, तर आफ्ना बच्चाको सुरक्षाका लागि मौन बस्न बाध्य भइन्।
सेण्ट क्लेयरका अनुसार, जब ट्याब्लोइड मिडियाले उनको गर्भावस्थाबारे थाहा पाए र सार्वजनिक गर्न लागेका थिए । तब उनले नै सामाजिक सञ्जालमार्फत सत्य बाहिर ल्याउने निर्णय गरिन्। एलन मस्कले भने अहिलेसम्म यी दाबीहरूलाई न त पुष्टि गरेका छन् न खण्डन। अहिले सामाजिक सञ्जालमा यो विषयले व्यापक चर्चा पाइरहेको छ। के साँच्चै सेण्ट क्लेयर मस्कको १३औँ बच्चाको आमा हुन् ? यो अझै रहस्यकै विषय छ ।
प्रकाशित मिति : २०८१ फाल्गुन ६ गते मङ्गलवार
श्रोत : www.janaboli.com
काठमाडौं । अनलाइन जुवा खेलाएर डेढ अर्बभन्दा बढीको कारोबार गरेको आरोपमा प्रहरीले २४ जना भारतीयलाई पक्राउ गरेको छ।
काठमाडौं उपत्यका अपराध अनुसन्धान कार्यालयले बुढानिलकण्ठ नगरपालिका-५ स्थित एक घरमा छापा मारेर मंगलबार भारतीयहरूलाई पक्राउ गरेको हो।
कार्यालयका प्रमुख प्रहरी वरिष्ठ उपरीक्षक (एसएसपी) रमेशकुमार बस्नेतका अनुसार पक्राउ परेका २२ जना बिहार राज्य र एक ज दुई जना उत्तरप्रदेशका हुन्।
विश्वभर सञ्चालन हुने अनलाइनहरूमा बेटिङ साइटको प्रयोग गरी एजेन्टसँग सम्पर्क गरेर उनीहरूले जुवा खेलाएको बस्नेतले बताए।
‘उनीहरूले ह्वाट्सएप र टेलिग्राममा सम्पर्क गरेर अनलाइन जुवा खेलाएको देखिएको छ, हारजित भएको रकम भारतका विभिन्न बैंक खातामा जम्मा भएको र निकालेको देखिन्छ,’ बस्नेतले भने।
बस्नेतका अनुसार भारतीयहरूले घर नै भाडामा लिएर अनलाइन जुवा खेलाइरहेको पाइएको छ। उनीहरूले हालसम्म एक अर्ब ६४ करोड ३९ लाख ५७ हजार ३४० रुपैयाँ बराबरको कारोबार गरेको देखिएको छ।
मुलुकी फौजदारी अपराध संहिता २०७४ अनुसार जुवा र सट्टाबाजी गर्न नहुने तथा विदेशी विमिमय नियमित गर्ने ऐन २०१९ अनुसारको कसुरमा पक्राउ परेकाहरूमाथि अनुसन्धान थालिएको छ।
कार्यालयले २४ जनालाई नै थप कारबाहीको लागि जिल्ला प्रहरी परिसर भद्रकाली पठाएको छ।
श्रोत : www.dcnepal.com
काठमाडौं । भारतको ओडिसा राज्यस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा नेपाली विद्यार्थीको सुरक्षा व्यवस्था गर्नका लागि नेपाल प्रहरीको टोली पुगेको छ ।
परराष्ट्रमन्त्री आरजु राणा देउवाले मंगलबार बिहान नेपाल प्रहरीका दुई वरिष्ठ अधिकारी विद्यालय पुगेको जानकारी गराएकी हुन् । उक्त कलेजको होस्टेलमा बुटवलकी प्रकृति लम्साल शंकास्पद रुपमा मृत भेटिएपछि स्थिति तनावग्रस्त बनेको छ।
नेपाली विद्यार्थीको अवस्था बुझ्न र त्यहाँ रहेका नेपाली विद्यार्थीलाई कलेजमा सुरक्षाको वातावरण मिलाउने सन्दर्भमा नेपाली राजदूतावास नयाँ दिल्लीबाट नेपाल प्रहरीका दुई वरिष्ठ अधिकारी आज बिहानै विश्वविद्यालय पुगेको परराष्ट्रमन्त्री राणाको भनाइ छ।
‘घटनाको आवश्यक अनुसन्धानका लागि भारतीय सुरक्षाकर्मीसँग समन्वय गर्न तथा नेपाली विद्यार्थीलाई आवश्यक सहयोग र होस्टलमा सुरक्षित रूपमा रहनका लागि विश्वविद्यालय प्रशासनसँग समन्वय गर्न निर्देशन दिइएको छ,’ उनले भनिन्।
यस विषयमा नेपाली दूतावास दिल्लीले आवश्यक पहल गरिरहेको उनको भनाइ छ । हिजोको कूटनीतिक प्रयासपछि कलेजले विद्यार्थीलाई होस्टेलमा फर्कन अपिल गरिसकेको उनले बताइन्।
श्रोत : www.dcnepal.com
जनकपुरधाम – सामुहिक बलात्कारको घटनामा परेकी किशोरीले आत्महत्या गरेको घटनामा मधेस प्रदेश प्रहरी कार्यालयले छानबिन समिति गठन गरेको छ।
मधेस प्रदेश प्रहरी कार्यालयले प्रहरी वरिष्ठ उपरीक्षक शान्तिराज कोइरालाको नेतृत्वमा छानबिन समिति गठन गरेको हो।
मधेस प्रदेश प्रहरी कार्यालयद्वारा गठन गरिएको समितिले सोमबार र मंगलबार घटनास्थलमा गई घटनाबारेमा बुझी अनुसन्धान गरिरहेको मधेस प्रदेश प्रहरी कार्यालयका प्रवक्तासमेत रहेका प्रहरी वरिष्ठ उपरीक्षक कोइरालाले जानकारी दिए।
उनले गत माघ ३० गते सिरहाको नगराजपुर गाउँपालिका–१ भगवतिपुरकी १७ वर्षीया रिंकुकुमारी सदाय आफ्नै घरमा झुण्डिएको अवस्थामा मृत फेला परेकी थिइन्।
घटनाको भोलिपल्ट मृतकका काकाले इलाका प्रहरी कार्यालय लहान सिरहामा आत्महत्या दुरुत्साहन शीर्षकमा मुद्दा दर्ता गराएकाले र त्यसमा अनुसन्धान भइरहेको उनले जानकारी दिए।
घटनाका आरोपीहरु फरार रहेकाले उनीहरुको खोजी भइरहेको तथा शवको परीक्षणको लागि बिपी कोइराला स्वास्थ्य विज्ञान प्रतिष्ठान धरानमा पठाएकोमा हालसम्म परीक्षण प्रतिवेदन प्राप्त नभएको प्रवक्ता कोइरालाले बताए।
के हो घटना?
गत माघ २७ गते राति करिब ९ बजे शौच गर्न निस्किएकी रिंकु भोलिपल्ट बिहान करिब ३ बजे रुँदै घर पुगेकी थिइन्। उनको शरीरमा चोटपटक लागेकाले आमाले सोधपुछ गर्दा आफूमाथि सामूहिक बलात्कार भएको बताएकी थिइन्।
उनले स्थानीय रुपेश मण्डल, चन्दन साह र रामविनय मण्डलले जबरजस्ती करणी गरेको बताएकी थिइन्।
घटनाबारे गाउँमा हल्ला भएपछि केही स्थानीयको पहलमा घटनालाई मिलाउन माघ २९ गते पञ्चायत बसेको थियो। पञ्चायतमा घटनाका मुख्य आरोपित रुपेशले डेढ लाख रुपैयाँ पीडितलाई दिनुपर्ने निर्णय भएको थियो।
रुपेशका आफन्तले घटनामा तीन जना रहेकाले तीनै जनाले भाग लगाउनुपर्ने भनेपछि गत बुधबार सोही विषयमा फेरि पञ्चायत बसेको थियो। पञ्चायतमा पैसा तिर्ने कुरामा पुनः विवाद भएपछि पीडित परिवार घर फर्किएका थिए।
पञ्चायतको भोलिपल्ट रिंकु झुण्डिएको अवस्थामा आफ्नै घरमा फेला परेकी थिइन्।
श्रोत : deshsanchar.com
काठमाडौं । भारतको ओडिसा राज्यस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा नेपाली विद्यार्थीको सुरक्षा व्यवस्था गर्नका लागि नेपाल प्रहरीको टोली पुगेको छ । परराष्ट्रमन्त्री आरजु राणा देउवाले मंगलबार बिहान नेपाल प्रहरीका दुईजना वरिष्ठ अधिकारी विद्यालय पुगेको जानकारी गराएका हुन् ।
उक्त कलेजको होस्टेलमा बुटवलकी प्रकृति लम्साल शंकास्पद रुपमा मृत भेटिएकी थिइन् । सो घटनापछि विकसित परिस्थितिलाई सरकारले निरन्तर फलोअप गरिरहेको परराष्ट्रमन्त्री राणाले बताएकी छिन् । ‘नेपाली विद्यार्थीको अवस्था बुझ्न र त्यहाँ रहेका नेपाली विद्यार्थीलाई कलेजमा सुरक्षाको वातावरण मिलाउने सन्दर्भमा नेपाली राजदूतावास नयाँ दिल्लीबाट नेपाल प्रहरीका दुईजना वरिष्ठ अधिकारी आज बिहानै विश्वविद्यालय पुग्नुभएको छ,’ परराष्ट्रमन्त्री राणाले भनिन् ।
परराष्ट्रमन्त्री राणाले घटनाको आवश्यक अनुसन्धानका लागि भारतीय सुरक्षाकर्मीसँग समन्वय गर्न तथा नेपाली विद्यार्थीलाई आवश्यक सहयोग र होस्टलमा सुरक्षित रूपमा रहनका लागि विश्वविद्यालय प्रशासनसँग समन्वय गर्न निर्देशन दिएको बताएकी छिन् । ‘यस विषयमा नेपाली दूतावास दिल्लीले आवश्यक पहल गरिरहेकै छ । हिजोको कूटनीतिक प्रयासपछि कलेजले विद्यार्थीहरूलाई होस्टेलमा फर्कन अपिल गरिसकेको छ,’ उनले भनिन् ।
प्रकाशित मिति : २०८१ फाल्गुन ६ गते मङ्गलवार
श्रोत : www.janaboli.com
काठमाडौं । पूर्वमन्त्री एनपी साउदले सरकारले अध्यादेश जारी गरेपछि विभिन्न खालको प्रश्नहरू उठ्न थालेको भन्दै प्रजातन्त्रमा संसदलाई नजरअन्दाज गरेर कुनै पनि शासन अगाडि बढ्न नसक्ने बताए। मंगलबार काठमाडौंमा आयोजित नेपाल प्रेस युनियनका शाखा अध्यक्षको राष्ट्रिय सम्मेलन उद्घाटन समारोहमा उनले यस्तो बताएका हुन्।
उनले भने, ‘सरकारका माथिल्लो निकायका व्यक्तिहरूले जसरी आर्थिक विकासको लागि अध्यादेश ल्याएको भनेर भन्दै छन्। त्यो जिम्मेवार अनुकुलको अभिव्यक्ति छैन्। यसले अर्को प्रश्न पनि उठाएको छ। के संसदले बनाउने कानुनले आर्थिक विकास र सुशासनमा कुनै बाधा पुर्याएको छ? अध्यादेशबाट मात्र विकास हुने कुरा सम्भव छैन्। प्रजातन्त्रमा संसदलाई नजरअन्दाज गरेर कुनै पनि शासन अगाडि बढ्न सक्दैन।’
यस्तै, उनले सत्ताले आफ्नो सिमा मिच्न खोज्दा पत्रकारहरुले आफ्नो कलमले सत्ता र सरकारलाई सिमा देखाउनुपर्ने भन्दै सत्तासँग पत्रकारको गहिरो सम्बन्ध हुने बताए।
उनले भने, ‘सत्तासँग पनि पत्रकारहरुको गहिरो सम्बन्ध हुन्छ। सत्ता शक्तिमा आधारित हुन्छ, सन्दर्भमा कहिलेकाही शक्तिले आफ्नो सीमा मिच्न खोज्दा पत्रकार साथीहरुले आफ्नो कलमले सत्ता र सरकारलाई सीमा देखाउनुपर्छ। अहिले यो गठबन्धनको सरकार आएपछि जनताको आशा अपेक्षाहरु पूरा गर्ने सन्दर्भमा सरकार जिम्मेवार बन्नुपर्छ भनेर लगातार खबरदारी गरिरहेका छौं।’
पत्रकार महासंघका अध्यक्ष निर्मला शर्माले अभिव्यक्ति स्वतन्त्रतालाई कहिले पनि फौजदारीकरण र अपराधीकरण गर्न नहुने भन्दै दण्डित गर्नको लागि अन्य कुनै तरिका अपनाउन सकिने बताएकी छन्।
उनले भनिन्, ‘लामो समयदेखि अभिव्यक्ति स्वतन्त्रताका लागि लड्दै आएका छौं। यसमा हामीले सम्झौता गर्नु पनि हुँदैन। लोकतन्त्रमा विश्वास गर्ने यति ठूला पार्टीहरूले पक्कै त्यस्ता कानूनहरु ल्याउनु हुँदैन भन्ने आशा गरेको छु। अहिले सामाजिक सञ्जाल विधेयक लगायतका अरु पनि विधेयकहरु संसदमा छन्। सरोकारवाल व्यक्तिहरुलाई पनि छलफल गरेर अगाडि बढाउनुपर्ने थियो र अहिले पनि पर्छ भनेर भन्दै आएका छौं। अभिव्यक्ति स्वतन्त्रतालाई कहिले पनि फौजदारीकरण र अपराधीकरण गर्न हु्ँदैन। दण्डित गर्ने हो भने पनि आर्थिक रुपमा जिम्मेवार बनाएर अगाडि बढ्न सकिन्छ कि भन्ने मेरो धारणा छ।’
नेपाल प्रेस युनियनका अध्यक्ष शिव लम्सालले पनि संविधानमा लेखेको प्रेस तथा अभिव्यक्ति स्वतन्त्रताको अधिकारमा कुनै प्रभाव पर्न नदिने गरि नेपाल प्रेस युनियन अगाडि बढ्ने बताए।
उनले भने, ‘राज्यले सुरु गरेको बाटो अर्थात अहिले सरकारले तय गरेको बाटो सामाजिक सञ्जालका नाममा ल्याइएको विधेयक प्रेस तथा अभिव्यक्ति स्वतन्त्रतालाई कुण्ठित गर्ने मनसायका साथ आएको छ। विधेयक पास गरेर अगाडि बढ्ने बाटो र आम सञ्चार सम्बन्धी विधेयक संशोधन बिना अगाडि बढ्यो भने त्यसको प्रतिकार युनियनले गर्छ।’
श्रोत : www.dcnepal.com
काठमाडौं । राष्ट्रिय सभा बैठकमा भारतका विश्वविद्यालयमा नेपाली विद्यार्थी असुरक्षित भएको विषयमा आवाज उठेको छ ।
मंगलबारको बैठकमा शून्य समयमा बोल्ने अधिकांश सांसदहरूले भारतको ओडिसा राज्यस्थित कलिंगा इन्स्टिच्यूट अफ इण्डष्ट्रियल टेक्नोलोजीमा अध्ययरत छात्रा प्रकृति लम्सालको रहस्यमय मृत्युको विषयले नेपाली विद्यार्थीहरु भारतमा असुरक्षित भएको भन्दै सरकारको ध्यानाकर्षण गराएका हुन् ।
सांसद रेणु चन्दले भारतका विश्वविद्यालय नेपाली विद्यार्थीका लागि असुरक्षित भएकै हो भन्दै तुरुन्त नेपाल सरकारले भारतसँग कुरा गरोस् भनिन् । उनले केआईआईटी विश्वविद्यालयमा नेपाली विद्यार्थीमाथि बर्बर दमन भएको भन्दै आक्रोश व्यक्त गरिन् ।
सांसद रुक्मिणी कोइरालाले प्रकृति लम्सालको मृत्यु शंकास्पद देखिएको भन्दै नेपाली विद्यार्थीहरुको उद्धारबारे सरकारले पहलकदमी लिनुपर्ने बताइन् । नेपाली युवती स्वदेश र विदेशमा किन यस्तो घटनामा पर्छन् भन्दै उनले असन्तुष्टि जनाइन् ।
सांसद विष्णुकुमारी सापकोटाले भारतसँग कूटनीतिक वार्ता गरेर सरकारले नेपाली विद्यार्थीको उद्धार गर्नुपर्ने बताइन् ।
सांसद विष्णुकुमार पुडासैनीले काठमाडौं उपत्यकाका सडकको अवस्था हेरिनसक्नु भएको भन्दै सडक खाल्डाखुल्डी हुन नदिन सडक निर्माण गर्दा एकैपटक गर्न र समन्वय गर्नुपर्ने बताइन् । उनले बागमती नदी दुर्घन्धित भएको भन्दै सरकारले सफाइ गर्नुपर्ने धारणा व्यक्त गरिन् ।
श्रोत : www.dcnepal.com
काठमाडौँ । नेपाल भाषाको लवजमा गीत गाएर गायक कुमा सागरलाई गिज्याएको आरोपमा ३ जना कमेडियन विरुद्ध प्रहरीमा निवेदन दर्ता गरिएको छ । नेवार समुदायका व्यक्तिहरूले कमेडियन सजन श्रेष्ठ, सुशान्त प्रधान र उत्सव सापकोटा विरुद्ध निवेदन दिएका हुन् ।
कुमा सागरलाई गिज्याएर सम्पूर्ण नेवार समुदायको आत्मसम्मानमा चोट पुगेको निवेदनमा दाबी गरिएको छ । विवादबारे दुवै पक्षलाई राखेर छलफल गराइने जिल्ला प्रहरी परिसर काठमाडौँका एक जना अधिकृतले बताए ।
प्रकाशित मिति : २०८१ फाल्गुन ६ गते मङ्गलवार
श्रोत : www.janaboli.com
काठमाडौं । अमेरिकी राष्ट्रपति डोनाल्ड ट्रम्पले फेरि एक पटक कर लगाउने आफ्नो कुरा दोहोर्याएका छन्। यसमा उनले विश्वका देशहरूमा ‘रेसिप्रोकल ट्यारिफ’ लगाउने कुरा गरेका छन्।
“व्यापारमा पारदर्शिताको लागि मैले पारस्परिक शुल्क लगाउने निर्णय गरेको छु,” उनले एक्समा लेखे “यसको अर्थ कुनै देशले अमेरिकामा जस्तो किसिमको कर लगाउँछ हामी पनि त्यो देशमा त्यही किसिमको शुल्क लगाउनेछौं। न कम न बढी।”
“यो सबैका लागि निष्पक्ष हुनेछ,” ट्रम्पले भने “कुनै पनि देशले यसबारे गुनासो गर्न सक्दैन। कतिपय अवस्थामा, यदि कुनै देशलाई अमेरिकाले धेरै उच्च शुल्क लगाइरहेको छ भन्ने लाग्छ भने त्यो देशले अमेरिका विरुद्ध लगाइँदै गरेको शुल्क घटाउनु वा हटाउनु पर्नेछ।”
“यदि तपाईंका उत्पादनहरू अमेरिकामा बनेका छन् भने, तिनीहरूमा कुनै शुल्क लाग्नेछैन,” ट्रम्पले लेखे।
वास्तवमा, अमेरिकी राष्ट्रपति डोनाल्ड ट्रम्पले फेब्रुअरी १३ मा एक ज्ञापनपत्रमा हस्ताक्षर गरेका थिए, जसमा पारस्परिक करको योजना बनाउन आदेश दिइएको थियो।
यस विषयमा ह्वाइट हाउसले भन्यो, “राष्ट्रपति डोनाल्ड ट्रम्पले निष्पक्ष, स्वतन्त्र, पारस्परिक व्यापारको योजना घोषणा गर्नुभएको छ।”
ट्रम्पले भनेका छन् “संयुक्त राज्य अमेरिकाले अब अर्को देशले गरेको अत्यधिक मूल्य निर्धारण सहन सक्दैन। संयुक्त राज्य अमेरिकासँग संसारको सबैभन्दा खुला अर्थतन्त्रहरू मध्ये एक छ, तैपनि हाम्रा व्यापारिक साझेदारहरूले अमेरिकी निर्यातका लागि आफ्नो बजार बन्द राख्छन्।”
श्रोत : www.dcnepal.com
दाङ– लुम्बिनी प्रदेश सरकारको मन्त्रिपरिषद् बैठकले विभिन्न महत्वपूर्ण निर्णयहरू गरेको छ ।
मंगलबार मुख्यमन्त्री चेतनारायण आचार्यको अध्यक्षतामा मुख्यमन्त्री तथा मन्त्रिपरिषद्को कार्यालय राप्ती उपत्यका(देउखुरी)मा सम्पन्न बैठकले विभिन्न चार वटा निर्णय गरेको हो ।
बैठकले उजिरसिंह रंगशाला निर्माणका लागि आवश्यक बजेट तथा अख्तियारी प्रदान गर्ने निर्णय गरेको छ । प्रदेश पूर्वाधार विकास प्राधिकरणलाई उक्त रंगशाला निर्माण कार्यान्वयन गर्न जिम्मेवारी दिने निर्णय गरिएको सरकारका प्रवक्ता तथा कृषि, भूमि व्यवस्था तथा सहकारी मन्त्री दिनेश पन्थीले जानकारी दिए ।
प्रदेश सरकारको निर्णयअनुसार चालु आर्थिक वर्ष २०८१\८२ का लागि तीन करोड बजेट विनियोजन गरेको थियो । अव उक्त बजेट प्रदेश पूर्वाधार विकास प्राधिकरणलाई निकासा गर्दै निर्माण कार्यलाई अघि बढाइनेछ ।
यसअघि, सामाजिक विकास मन्त्रालयमार्फत सञ्चालन हुँदै आएको उक्त आयोजना हालै गठन भएको युवा तथा खेलकुद मन्त्रालयमा हस्तान्तरण गरिएको थियो ।
रंगशाला निर्माण स्थल वन क्षेत्रमा पर्ने भएकाले नेपाल सरकार मन्त्रिपरिषद्ले गत असोज १८ गते वन क्षेत्र प्रयोग गर्ने स्वीकृति प्रदान गरेको थियो । हाल निर्माण प्रक्रियालाई अघि बढाउन प्रदेश सरकारको मन्त्रिपरिषद्ले आर्थिक मामिला तथा योजना मन्त्रालयको सहमतिअनुसार आवश्यक बजेट व्यवस्थापनको निर्णय लिएको हो ।
यस्तै बैठकले प्रदेश पूर्वाधार विकास प्राधिकरणका उच्चस्तरीय निर्देशक समितिका विज्ञ सदस्यहरूको राजीनामा स्वीकृत गर्ने निर्णय गरेको छ । भू–प्रविधि विज्ञ मन्दीप सुवेदी र कानून विज्ञ पदमप्रसाद वैदिकले दिनु भएको राजीनामा स्वीकृत गर्ने निर्णय गरिएको हो ।
यस्तै वन तथा वातावरण मन्त्रालयको प्रस्तावअनुसार वन क्षेत्रभित्रका खोलाखोल्सी व्यवस्थापन कार्यविधि, २०८१ (पहिलो संशोधन लाई स्वीकृति प्रदान गरिएको छ ।
यस्तै सामाजिक विकास मन्त्रालयले प्रदेशस्तरीय मदरसा शिक्षा व्यवस्थापन कार्यविधि, २०७६ को तेस्रो संशोधनका लागि प्रस्ताव गरेको थियो, जसलाई मन्त्रिपरिषद्ले स्वीकृति प्रदान गरेको छ ।
श्रोत : deshsanchar.com
