साइप्रस-नेपाल
१२ नोभेम्बर / लिमासोल
राष्ट्रिय जनमुक्ति पार्टीको प्रवास समिति साइप्रसको पहिलो अधिवेशन सम्पन्न भएको छ । पार्टीको प्रवास समिति राष्ट्रिय जनमुक्ति मंच साइप्रसले गत आइतबार लिमासोल स्थित नेपाली भेटघाट रेस्टुरेन्टमा पहिलो अधिवेशन गरेको हो ।
अधिवेशनबाट अध्यक्षमा तारा राइ, वरिस्ट उपाध्यक्षमा गुडिया गुरुङ र उपाध्यक्षमा नविन राई निर्वाचित हुनु भएको हो । त्यसै गरि महासचिवमा खम माया पुन, सचिवमा अम्बिका राई र सह सचिवमा मनिला राई निर्वाचित हुनु भएको छ भने कोषाध्यक्षमा सविता राई र सह कोषाध्यक्षमा खुसि राई निर्वाचित हुनु भएको छ । साथै सक्रिय सदस्य विमला राई र सदस्यहरुमा सवि श्रेष्ठ, अचिता तामांग, तारा देवी राई र रमेश गुरुङ चयन हुनु भएको छ । संस्थाको सल्लाहकारमा सन्तोष मगर चयन हुनु भएको छ ।
कार्यक्रमका प्रमुख अतिथि एनआएनए साइप्रस कि महिला प्रतिनिधि सरिता चौधरीले विधार्थी र हाउसमेडको समस्या बारे आफ्नो सस्थाले नेपाल सरकारको सम्बन्धित निकायमा जनाकारी गराई समस्या प्रति गम्भीर हुन आग्रह गरेको बताउदै हाउसमेडको लागि सेल्टरको रुपमा ‘सेफ हाउस’ संचालनमा आइसकेकोले समस्यामा हुनु भएका हाउसमेडले सम्पर्क गर्न सक्ने जानकारी दिनु भयो। प्रवाशी नेपाली एकता मंच साइप्रसका नवराज अविजितले विधार्थीका आम समस्या प्रति स्थानीय नेपाली संघसंस्थाले ध्यान दिनु पर्ने बताउदै सहकार्य गर्नु पर्नेमा जोड दिनु भयो ।
कार्यक्रममा जनसम्पर्क समिति साइप्रसका प्रतिनिधि कुसुम गुरुङ , संघीय लिम्बुवान सामाजिक मंच साइप्रस का प्रतिनिधि बाल कुमार लिम्बु , नेपाली संघीय समाज साइप्रसका प्रतिनिधि विष्णु लिम्बु , चितवन सेवा समाज साइप्रसका प्रतिनिधि नैना गुरुङ, नेपाल मगर संघ का प्रतिनिधि अमृता मगर, किरात याक्थुङ्ग चुम्लुङ्ग साइप्रसका अध्यक्ष सबिन सिगु, तमु समाज साइप्रसका प्रतिनिधि अंशु गुरुङ लगायतका संघसस्थाको उपस्थिथि थियो । कार्यक्रमलाई खम माया पुनले संचालन गर्नु भएको थियो भने गुडिया गुरुङले स्वागत मन्तव्य राख्नु भएको थियो ।
साइप्रस-नेपाल
नोभेम्बर १ / लिमासोल
प्रदर्शनीमा आएको चौथो हप्तासम्म पनि उत्साहजनक व्यापार गरि रहेको नेपाली चलचित्र ‘छ माया छपक्कै ‘ अब साइप्रसका दर्सकले पनि हेर्न पाउने भएका छन् । आउँदो १० नोभेम्बरमा निकोसिया स्थित पानाथिओन सिनेमा हलमा बिहान ११ बजे प्रदर्शन हुन लागेको हो । मनोरंजनले भरपुर चलचित्र हेर्न भने ७ युरो टिकट दर तोकिएको छ ।
देशको वर्तमान राजनैतिक बिषयलाई व्यङ्गात्मक ढंगले प्रस्तुत गरेर निर्माण गरिएको फिल्म ‘छ माया छपक्कै’लाई सञ्चारकर्मी दीपेन्द्र लामाले निर्देशन गरेका हुन्। फिल्ममा दीपकराज गिरी, केदार घिमिरे, जितु नेपाल, केकी अधिकारी, सुपुष्पा भट्ट, अनुराग कुँवर, प्रकाश घिमिरे, रमा थपलिया, विष्णु सापकोटालगायतको अभिनय रहेको छ भने कथा दीपेन्द्र लामाको हो भने पटकथा दीपकराजले तयार गरेका हुन्।
‘आमा सरस्वती मुभिज्’, ‘रोहित अधिकारी फिल्मस्’ र ‘आईएमई’को संयुक्त ब्यानरमा निर्माण भएको यस फिल्मका निर्माता रोहित अधिकारी हुन्। फिल्मलाई हरि हुमागाइँले खिचेका हुन् भने विपिन मल्लले सम्पादन गरेका छन्। यसैगरी फिल्ममा रोशन श्रेष्ठको द्वन्द्व र कविराज गहतराजको कोरियोग्राफी छ।
विभिन्न समयमा साइप्रसमा पनि नेपाली चलचित्र प्रदर्शन हुदै आएका छन् । छक्का पन्जा , ब्लाइण्ड रक्स, दुई रुपैया , क्याप्टेन, छक्का पन्जा दुई लगायतका चलचित्र प्रदर्शन भए पनि व्यवसायिक सफलता हासिल गर्न हाम्मे हामे परेको थियो । उत्कृस्ट नेपाली सिनेमा प्रति साइप्रसवासी नेपालीहरु सिनेमा हल सम्म तानिन सकिरहेका छैनन् तर ‘छ माया छपक्कै’ ले साइप्रसका दर्शकको मन जित्ने अपेक्षा गरिएको छ ।
सो फिल्म अमेरिकामा पनि नोभेम्बरको पहिलो सातादेखि प्रदर्शन हुने भएको छ।
टिकटको लागी सम्पर्क –
96578420, 96 751378
96 889259, 96 193868
96 872086, 96 043853
साइप्रस–नेपाल
२८ अक्टोवर /लिमासोल
नेपाल तामाङ्ग घेदुङ साईप्रसले तेस्रो वार्षिक उत्सव तथा शुभकामना आदानप्रदान कार्यक्रम सम्पन्न गरेको छ । गत आइतबार लिमासोल स्थित गोर्खा किचन रेष्टुरेन्टमा आयोजित कार्यक्रममा अध्यक्ष साङमो थोकर तामाङको सभापतित्वमा सम्पन्न भएको थियो । प्रमुख अतिथि गैर आवासीय नेपाली संघ, साईप्रसका महासचिव कृपा थापाले शुभकामना मन्तव्य राख्दै नेपालीका समस्याहरु समाधान गर्न एनआरएनए साइप्रस सधै तत्पर रहेको बताए । साथै हाउसमेडका लागी सेफहाउस सञ्चालनमा आइसकेको जानकारी दिए ।
संस्थापक अध्यक्ष नानू गोन्जाले संस्थाको प्रगतीमा योगदान पु¥याउने सम्पुर्णलाई धन्यवाद दिइन् भने घेदुङकी सचिव सुनिला दोङ तामाङले स्वागत मन्तव्य राखिन् भने महासचिव लक्ष्मी ब्लोन तामाङले वार्षिक कार्य विधिहरु प्रस्तुत गर्नु भयो ।
कार्यक्रममा चितवन सेवा समाज साईप्रस, शेर्पा किदुक साईप्रस, ह्योल्मो समाज साइप्रस, तमु सेवा समाज, तामाङ बौद्ध महासंघ साईप्रस र जनसम्पर्क समिति साईप्रस लगायतका संघसंस्थाका प्रतिनिधिहरुको उपस्थिती थियो । प्रमुख अतिथि र सभापतिले संयुक्त रुपमा छ्योमेमा नाङसल बालेर कार्यक्रम उद्घाटन गरेका थिए । निर्मला थीङ तामाङ, सुनिला दोङ तामाङ, मिना लामाले स्वागत गीत र सुनी तामाङ, सोनम घलेले स्वागत नृत्य प्रस्तुत गर्र्दै मनोरञ्जन प्रदान गरे ।
तामाङ जातिको उत्थान, भाषा, धर्म र संकृतिको सम्वद्घन भन्ने मुल नाराका साथ २०१६ मा स्थापना भएको घेदुङले स्थापनाकाल देखि नै साइप्रसमा विविध कारण पीडित भएका तामाङहरुको उद्धार, आर्थिक स्थिती कमजोर भएका रोगी तथा बिरामीहरूलाई सहयोग गर्दै आएका छन् ।
दिनेश गौतम
साईप्रस / ८ अक्टोबर
युरोपको साईप्रस देशमा गैर-आवासिय नेपाली संघ र स्थानीय संघसस्थाको सहयोगमा दशै उत्सव कार्यक्रम सम्पन्न भएको छ । एन.आर.एन.ए. साईप्रसकी अध्यक्ष दिल कुमारी पुनको अध्यक्षता तथा अबैतानिक महावाणिज्य दुतावासका प्रमुख डा. राम जिवन पन्जियरको प्रमुख अतिथ्यतामा भएको कार्यक्रममा साईप्रसमा रहेका नेपालीहरुले यहाँको कानुन विपरित कुनै पनि काम कसैले नगर्न र नेपाली समुदायलाई दुःखका बेला सकभर सहयोग गर्नुपर्ने सहभागिहरुले बताएका थिए ।
एन.आर.एन.ए. साईप्रसकी महिला प्रतिनिधि सरिता चौधरीको स्वागत तथा सचिव पुर्ण मगरको सचांलनमा भएको कार्यक्रमको उद्घाटन गर्दै होनरी कन्सुलेट डा. पन्जियारले साईप्रसमा दिनहुँ नेपालीहरुको संख्या बढ्दै गैरहेको र अब आउने दिनहरुमा नोपलीबाट नेपाली नै ठगीमा पर्ने बढि रहेका सम्भावना रहेकोले यस विषयमा यहाँ रहेका सबै नेपालीहरु सचेत भएर यस्ता विकृतिलाई अन्त्य गर्नुपर्ने बताएका थिए । त्यस्तै कार्यक्रममा बोल्दै एन.आर.एन.(आई.सि.सि.) सदस्य रन्जित महतोले साईप्रसमा निर्माण भैरहेको सुरिक्षत अवास गृह सबै नेपालीहरुको भएकोले अब यसलाई निरन्तरता दिनका लागि सबै नेपालीहरु लाग्नुपर्ने बताएका थिए ।
साथै नेपाल भ्रमण बर्ष २०२०लाई भब्यताका साथ सम्पन्न गर्नका लागि सबै नेपालीहरु आ -आफनो ठाउँबाट लागेर सफल बनाउन आग्रह गरेका थिए। कार्यक्रमलाई सफल बनाउनका लागि नेपाल आईडल सिजन एक का रनर अप प्रताप दासले विभिन्न सांगीतिक प्रस्तुती दर्शहरुलाई मनोरन्जन दिलाएका थिए भने स्थानीय कलाकारको बेजोड प्रस्तुतिले दर्शक मन्त्रमुक्त भए। यता साईप्रसमा सुरक्षित अवासको एकदम खाँचो रहेकोले यसलाई निरन्तरता दिनका लागि सहयोग गर्ने उद्देश्यले यस्तो कार्यक्रमको आयोजना गरिहेको एन.आर.एन.ए साईप्रसका वरिष्ठ उपाध्यक्ष अन्तेश राउतले जानकारी दिए ।
सुरक्षित गृहका प्रमुख संरक्षक तथा एन.आर.एन.ए साईप्रसका पुर्व अध्यक्ष सुवास मल्लले यहाँ रहेका नेपाली चेलीहरुको पहिचान गरि वास्तविक नेपाली पिडितहरुलाई बास दिने जानकारी गराएका थिए । कार्यक्रममा किरात याक्थुगं साईप्रसका अध्यक्ष सविन सिबु, नेपाल मगर सघं साईप्रसका अध्यक्ष खगेन मगर लगाएत विभिन्न संघसंस्थाका प्रनिनिधिहरुको उपस्थीति थियो ।
साइप्रस-नेपाल
१५ सेप्टेम्बर/ लिमासोल
गैर -आवासीय नेपाली संघ साइप्रसको आठौं अधिवेशनबाट २५ सदस्सिय नयाँ कार्यसमिती निर्विरोध चयन भएको छ ।
२०१९-२०२१ कार्यकालका लागि नव निर्वाचित अध्यक्ष दिल कुमारी तिलिजा पुन को कार्यसमितीमा अन्तेस राउत, जसु माया पुन र किस्मत पौडेल गरि तिन जना उपाध्यक्ष चयन भएका छन् । समितिमा महा-सचिव कृपा थापा, सचिव पुरन बहादुर थापा मगर,सह -सचिव दया सागर अर्याल, कोषाध्यक्ष दिनेश दकाल, सह-कोषाध्यक्ष अनिल भन्डारी , युवा प्रतिनिधि कुन्दन कार्की र महिला प्रतिनिधिमा सरिता कुमारी चौधरीको चयन भएको हो ।
संघको प्रवक्तामा दिनेश हरिजन गौतम मनोनीत भएका छन् ।
त्यसैगरी सदस्यहरुमा कालिका थापा, धिराजन कुमार खड्का, रन्जित सापकोटा ,दयाराम थापा, उजिर अन्सारी , संजय कुमार मन्डल, राजन श्रेष्ठ , नितेश कुमार सरदार, सुरज रानाभाट, सरस्वती खनाल, सरु नेपाल, कल्पना राई र राधा पोखेरल रहेका छन् ।
निकोसियामा सम्पन्न कार्यक्रममा प्रमुख अतिथि अवैतनिक राजदुत डा. राम जीवन पंजियार ले नेपाली दाजुभाई दिदी बहिनीहरुले भोग्दै आइरहेको समस्यालाई समाधान गर्न आफु एनआरएनए संग हातेमालो गरि काम गर्ने बताउदै विदेशमा कमाएको धन खर्च गर्ने भन्दा पनि बचत गर्न आग्रह गर्नु भयो । साथै नेपाली कन्सुलेटले गर्दै आइरहेको सहयोग निरन्तर हुने पनि उद्धोष गर्नु भयो । आइसिसि सदस्य रंजित महतोले नव निर्वाचित कार्यसमितिलाई बधाई दिदै सफल कार्यकालको शुभकामना व्यक्त गर्नु भयो ।
कार्यक्रमका सभापति सुबास मल्लले २०१७- १९ का कार्यसमिति विघटन गर्दै संघ प्रतिका लगाब, पदाधिकारी साथीहरूले दिएको महत्त्वपूर्ण योगदान र विश्वास प्रति कृतज्ञता व्यक्त गर्नु भयो । नवनिर्वाचित समितिका पदाधिकारीहरुलाई निर्वाचन समितिका प्रमुख सुरेश कुमार शाहले सपथ ग्रहण गराएका थिए ।
कार्यक्रममा महिला प्रवक्ता नानु गोम्जा तामांगले स्वागत मन्तब्य, महासचिव अन्तेस राउतले प्रगति प्रतिवेदन, कोषाध्यक्ष सरिता कुमारी चौधरीले आर्थिक प्रतिवेदन प्रस्तुत गर्नु भयो । साइप्रसमा क्रियाशील रहेका विभिन्न संघसस्थाका प्रतिनिधिको पनि उपस्थिति थियो । साथै विभिन्न संघसस्थाका प्रतिनिधिहरुले शुभकामना मन्तब्य राख्नु भएको थियो ।
cyprus-nepal.com
Sep 14/Limassol
1. विश्वासिलो र भरपर्दो ट्राभल अफिस वा आधिकारिक एयरलाइन्सको अनलाइन बेब्साइट वा अफिस बाट मात्र टिकट लिनुहोस् ।
2. विभिन्न देशमा ट्राण्जिट हुँदै जाने फ्लाइट छ भने लार्नाका देखि काठमाडौ सम्म कति केजि लगेज र ह्यान्ड ब्याग लैजान पाइन्छ राम्रो सङ सोधपुछ गरेर कन्फर्म गर्नुहोस् ।
3. सस्तो टिकट पाए भनेर मख्ख नहुनु होस् , यदि तपाईं को फ्लाइट छुट्यो भने समान्य जरिवाना तिरेर रि-बुक गर्न मिल्छ मिल्दैन बुझ्नुस् नत्र पुरै पैसा तिरेर नयाँ टिकट काट्नु पर्ने बाध्यता हुन सक्छ । टिकटको मिति परिवर्तन गर्न मिल्छ मिल्दैन राम्रो सङ बुझ्नुहोस् ।
4. प्रायः नाम चलेका एयरलाइन्सले तपाईं को ब्यागेज को इन्स्योरेन्स गरेको हुन्छ यदि तपाइको ब्यागेज हराएमा तपाईं लाई क्षतिपूर्ति दिने ब्यवस्था गरिएको हुन्छ ।
5. यदि भारतको विभिन्न शहर बाट ट्रान्जिट हुँदै जाने र आउदै हुनु हुन्छ भने तपाईंले केही कुरा मा विशेष ध्यान दिनु पर्ने हुन्छ ।
A. लार्नाका देखि काठमाडौ पुग्दा वा काठमाडौ देखि लार्नाका आउदा सम्म भारत मा इमिग्रेसन चेन्ज गर्नु पर्छ कि पर्दैन ?
चेन्ज गर्नु पर्ने भए भारत हुँदै किन जान लागेको भनी सोधपुछ र दिल्ली स्थित नेपाली दूतावासको NOC लेटर र अन्य कागजात पनि माग हुन सक्छ । यो सोधपुछ हुनुको कारण भनेको भारत हुँदै अन्य देशमा मानव तस्करी को शंका हुने भएर हो ।
B. लगेज वजन मा फरक पर्न सक्छ । लार्नाका देखि लेबनान वा बहराइन हुदै दिल्ली वा मुम्बई सम्म जाने फ्लाइट मा लजेग वजन 30 वा 46 किलो सम्म हुने र दिल्ली देखि काठमाडौ को फ्लाइट मा जम्मा 20 किलो हुन सक्छ । टिकट काट्दा राम्रो सङ बुझ्नुपर्छ नत्र ब्यागेज को वजन को Extra Charge लाग्छ जुन निकै महङो हुन्छ ।
6. टिकट लिइ सक्नु भएमा आफ्नो फ्लाईट बारे बुझ्न ईन्टरनेट वा मोबाइल मा App मार्फत पनि हेर्न सक्नु हुन्छ । जसमा checkmytrip.com_ वा संबंधित एयरलाइन्सको वेबसाइटबाट पनि हेर्न सकिन्छ । टिकट निकाल्न सकिन्छ । जसको लागि इटिकट नम्बर वा बुकिङ रिफरेन्स नम्बर र तपाईं को थर हाल्नु पर्छ । Check for Qatar Airways , Check For Emirates Airlines , Check For Gulf Air , Check For MEA
7. टिकट काटी सकेपछी आफ्नो नाम मिलेको छ कि छैन हेर्नुस् , फ्लाइट को टाइम 24 घन्टे घडी अनुसार स्थानीय समय मा बनाइएको हुन्छ । यस्मा सजिलै झुकिन सक्छ । जस्तै 19:25 को फ्लाइट छ भने बेलुकि 7:25pm को हुन्छ ।
8. नेपालबाट आउँदा अरु को नासो लिएर आउँदा नासो खोलेर, हेरेर मात्र लिएर आउनुहोस् । तपाइको लगेजमा भएको सामान को जिम्मेवारी खुद तपाइ नै हो । निशेधित गरिएका सामान वा औषधि भेटिए सजायको भागिदार तपाईं आफै हो त्यसैले सतर्कता अपनाउनुस् । थप जानकारी को लागि यहाँ क्लिक गर्नुहोस ।
9.नेपाल बाट सामान मगायर साइप्रस मा बिक्री बितरण गर्ने हेतुले ल्याइने सामान तोकिएको आयात सिमा भन्दा धेरै माथी भए त्यसै अनुसारको आयात कर लाग्न सक्छ जुन एयरपोर्ट मै तिर्नु पर्ने हुन्छ । तिर्न नसकेमा समान जफत हुन सक्छ । नेपालमा पनि यहि नियम लागू हुन्छ । जानू पुर्व के के सामन लादा वा लिएर आउदा भन्सार वा आयात कर लाग्छ । यसबारे राम्रो सङ बुझ्नु पर्छ ।
10. Handbag मा toothpaste, spray, नङ्कटर, ब्याट्रीहरु क्रीम लगायत का सामानहरु लैजान मनाही हुन्छ जानू पुर्व संबंधित एयरलाइन्सको अफिस वा वेबसाईट मा सम्पुर्ण विवरण हेर्नुपर्छ ।
यी सामान्य जानकारी तपाईंलाई राम्रो लागे सेयर गर्नुहोस् ।
सरकारले वैदेशिक रोजगारमा जाने कामदारहरूलाई बैंक खाता अनिवार्य रूपमा खोल्नुपर्ने व्यवस्था लागू गरेको छ। वैदेशिक रोजगार विभागले सोमबारदेखि परीक्षणका रूपमा यो व्यवस्था लागू गरेको हो। वैदेशिक रोजगारमा रहेको नपालीहरूले कमाएर रेमिट्यान्स हुन्डीका रूपमा कारोबार हुने प्रवृत्तिलाई पूर्ण रूपमा नियन्त्रण गर्न बैंक खाता अनिवार्य गरेको हो। खाता अनिवार्य गरिएपछि अब नेपाली कामदारले कमाएको पैसा बैंकमार्फत पठाउनुपर्छ।
नेपाली कामदारले कमाएको पैसा बैंक खाता मार्फत नल्याएको खुलेमा उसलाई अर्कोपटक श्रम स्वीकृति नदिइने विभागले जनाएको छ। अब श्रम स्वीकृतिका लागि कामदारले आफ्नो वा आफ्नो हकवालाको नाममा बैंकमा खाता खोलेको प्रमाण अनिवार्य पेस गर्नुपर्नेछ ।
विभागको अनलाइन सूचना व्यवस्थापन प्रणाली (एफईआईएमएस) मा समेत बैंक खातासहितको विवरण अनिवार्य रूपमा प्रविष्ट गर्नुपर्ने विभागले जनाएको छ।
श्रोत: इकान्तिपुर
पापोस परिवार साइप्रसले तीज कार्य्रक्रम आयोजना गर्ने भएको छ ।
आगामी सेप्टेम्वर १ तारिक आइतबार कातो पापोस स्थित बिंगो हलमा हरितालिका तिज मनाइने आयोजक ले जनाएको छ ।
भरपुर सांगीतिक मनोरन्जन संगै दर खाने व्यवस्था रहेको छ ।
कार्यक्रममा प्रवेश युरो लिमासोलबाट १४ युरो र निकोसिया बाट १५ युरो शुल्क तोकिएको छ । कार्यक्रम भब्य बनाउन सबैलाइ आयोजक समुहले अनुरोध गरेको छ ।
लिमासोलको लागि सम्पर्क आना राइ 96694859 र प्रेमा शेर्पा 96117798 निकोसियाको लागि सम्पर्क दैया राइ 96067475
सांगीतिक प्रस्तुति देखाउन चाहनु हुने कलाकारले आयोजक टिम संग सिधा सम्पर्क राख्न अनुरोध गरिएको छ । जानकारीको लागि निशा राई : 96538366
सुबास लामा : 95144330 राजन श्रेष्ठ : 99194307 Adrin Adrik : 96678749
साइप्रस-नेपाल
लिमासोल/२७ अगस्ट
गैर आवासीय नेपाली संघ, राष्ट्रिय समन्वय परिषद साइप्रसले २०१९-२०२१ को लागि नयाँ सदस्यता वितरण र नविकरण खुला गरेको छ। आगामी सेप्टेम्बर १५ मा निकोसियामा आठौं महाधिवेशनमा हुदैछ ।
प्रवाशी नेपालीका हकहितका बिषयमा पूर्ण रुपमा सम्बोधन नभएकाले अधिकार माग्न एकजुट भै संस्थामा आवाद्द हुनु पर्ने देखिएकोले सदस्यता लिन एनआरएनए साइप्रसले अनुरोध गरेको छ । सदस्यता लिन गैर आवासीय नेपाली संघ, अन्तराष्ट्रिय परिषदको Global MIS (Management of Information System) मा गइ नयाँ सदस्यता आवेदन दिनुपर्ने बताइएको छ ।
सदस्यता फारम आगामी सेप्टेम्बर १० तारिक २०१९ सम्म मात्र खुल्ने यसमा भरिएको सम्पूर्ण जानकारी सुरक्षित रहने हुनाले गलत प्रयोग हुन नसक्ने बताइएको छ।
अनलाइन मार्फत फारम भरिने हुँदा नयाँ सदस्यतता लिनका लागि पासपोर्ट साइजको डिजिटल फोटो, पासपोर्टको कपि वा फोटो सहितको साइप्रस आईडी कार्ड , भिसा वा राहदानीमा डिपार्चर भएको पानाको फोटो साथै दुई वर्ष वा दुई वर्ष भन्दा वढी विदेशमा रहेको आधिकारीक कुनै प्रमाण (दक्षिण एसियाली मुलुक बाहेकको) नेपाल सरकार ले जारी गरेको एन आर एन एन कार्ड को प्रतिलिपी वा विदेश बाट जारी भएको सवारी चालक अनुमति पत्रको प्रतिलिपी सहित १० युरो सदस्यता शुल्क लाग्ने छ ।
अनलाइन फारम भर्न यहाँ क्लिक गर्नुहोस्
गैर आवासीय नेपाली संघ साइप्रसको सदस्यता किन लिने ?
नेपालमा विधिवत रुपमा दर्ता भएको गैर-आवाशिय नेपाली संघ हाल संसारको ८० देशमा फैलिएको छ । प्रवाशमा छरिएर रहेका नेपालीका आवाजलाई एकजुट गराउन सफल भएको सस्थाले साइप्रसमा बस्ने नेपालीको अधिकार सुरक्षित गराउन पहल गरिरहेको छ , नेपाल र नेपालीको दुःख सुखमा साथी बन्ने गरेको छ र प्रवासमै रहेर पनि मातृभूमिका लागि योगदान गर्न सकिन्छ भन्ने उदाहरण बन्न पनि यसको सदस्यता लिनु पर्छ ।
“नेपालीका लागि नेपाली” भन्ने नारा सहित अगाडी बढेको यो विशुद्ध सामाजिक तथा गैर-राजनीतिक संस्था हो सदैब प्रबासमा बस्ने नेपालीका हकहित तथा अधिकारका लागि लडिरहेको छ र प्रयत्नशील छ विभिन्न देशमा प्रवाशी नेपालीका मागलाई सरोकारवाला निकाय सम्म पुर्याउने माध्यम बनेको संस्थाले साइप्रसमा पनि विभिन्न सामाजिक कार्य गर्दै आएको छ । विधार्थी र घरेलु कामदारको दुख पिडा र समस्यालाई स्थानीय सरकार, नेपाली नियोग र नेपाल सरकार सम्म पुर्याउन, पीडितलाई उद्दार गर्न, जन्मभूमि र कर्म भुमि प्रतिको मायामा कोशे ढुंगाको काम गर्दै आएको छ । साइप्रसका नेपालीले महत्वपूर्ण रुपमा हेरेको र बहुप्रतिक्षित “सेफ हाउस” सेप्टेम्बर ८ बाट संचालन मा आउनेछ जसलाई संचालन गर्न गैर आवासीय नेपाली संघ साइप्रसको योगदान सम्मानयोग्य छ ।
अनलाईन फाराम भर्न आज बाट सुरू भएको छ फारम भर्दा कुनै समस्या परेमा तलका सदस्यता नवीकरण समितिका सदस्यहरु संग सम्पर्क गर्नु सकिनेछ
१) Antesh raut महासचिब – 97 646724
२) jasu pun magar – महिला प्रतिनिधि – 96 517955
३) Sita maya Tamang – ( Nanu Gomja ) – spokespersons-96 739953
४) Bikash Duwadi – युवा संयोजक -96 019931
५) Shanti Rai ( sen sham) महिला संयोजक – 96 634122
६) Kabita bhandari – 96471947
Honorary Consulate of Nepal
Cyprus
Honorary Consulate of Nepal in Cyprus
The Embassy of Nepal in Israel is also accredited to the Republic of Cyprus. However, in the absence of resident mission of Nepal in Nikosia, the Honorary Consul of Nepal in Cyprus is the representative of the Government of Nepal on various matters including issuance of visas and other commercial issues. Following is the contact details of the Hon. Consulate of Nepal in Cyprus:
Dr. Ram Jiwan Panjiyar
Honorary Consul of Nepal to the Republic of Cyprus
Stavrou Avenue -71, Strovolos-2035
Nicosia,Cyprus.
Office B001
Tel: +357-22-255511
Fax: +357-22-519903, Mobile: +357-99-666401
E-mail: panjiyar@cablenet.com.cy
