साइप्रसमा चासोक तङ्नाम ५०८४ मनाइने भएको छ। आगामी आइतबार लिमासोल को ब्रिटानिया म्युजिक हलमा चासोक तङ्नाम ५०८४ को शुभकामना आदनप्रदान तथा साँस्कृतिक कार्यक्रम हुने भएको हो।
किरात याक्थुङ चुम्लुङ साइप्रसको आयोजनामा डिसेम्बर १५ मा आयोजना हुने सो कार्यक्रममा बेलायतबाट कलाकार गायक नरेश तुम्बाहाङ्फे (फुर्के लाउरे) को विशेष प्रस्तुति समेत रहने बताइएको छ।
आयोजकका अनुसार के लाङ् (च्याब्रुङ नाच) र या लाङ् (धान नाच ) सहित स्थानिय कलाकारले विभिन्न सांस्कृतिक नृत्य प्रस्तुत गर्ने बताइएको छ।
कार्यक्रमका लागि साइप्रस भरि का मुख्य शहर बाट बस सेवा पनि उपलब्ध गराइएको छ भने कार्यक्रममा मौलिक खाना र खाजा को व्यवस्था रहने छ। कार्यक्रम को प्रवेश शुल्क २० युरो तोकिएको छ।
