काठमाडौं । जुवातास खेलिरहेको अवस्थामा काठमाडौंका दुई ठाउँबाट प्रहरीले १६ जनालाई नियन्त्रणमा लिएको छ । काठमाडौं महानगरपालिका–१५ डल्लुस्थित ६० वर्षीय दिलबहादुर लाम्गादेको घरमा जुवातास खेलिरहेको अवस्थामा ७ जना र नागार्जुन नगरपालिका–३ गैरीगाउँस्थित हर्कबहादुर गुरुको घरमा जुवातास खेलिरहेको अवस्थामा दोर्जे लामा समेत ९ जनालाई प्रहरीले नियन्त्रणमा लिएको हो ।
प्रहरी वृत्त स्वयंभूबाट खटिएको प्रहरीले डल्लुबाट नगद ६३ हजार २ सय ८० रूपैयाँ र ३ बुक तास सहित ७ जनालाई शनिबार राती पक्राउ गरेको हो । यस्तै, नागार्जुन नगरपालिका–३ गैरीगाउँ बाट समेत ९ जनालाई शनिबार दिउँसो प्रहरीले नियन्त्रणमा लिएको जानकारि दिएको छ । गैरीगाउँबाट प्रहरीले नगद २ लाख ९९ हजार ७ सय ४५ रूपैयाँ र ३ बुक तास सहित पक्राउ गरेको जानकारि गराएको छ ।
प्रहरीले पछिल्लो समय जुवातास विरुद्धको कारबाही र सर्च अप्रेशनलाई तिब्रता दिएको छ । काठमाडौं उपत्यकासहित देशभरका विभिन्न स्थानबाट जुवातासको खालमै पुगेर प्रहरीले मोटो रकमसहित व्यक्ति पक्राउ गर्दैआएको छ ।
यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : [email protected]
पुरा समाचार र भिडियो हेर्न तल का लिंकहरु मा क्लिक गर्नुहोस्
Source
