०२ नोभेम्बर २०२०/ लिमासोल
चक्कु प्रहार गरि हत्या गरेको आरोपमा पक्राउ परेका ५ भारतीयको मुद्दामा आज अदालतले फैसला सुनाएको छ। गत जुन २१ मा निकोसियाको लिद्रामा २१ वर्षीय भारतीय नागरिकलाई भिसा सम्बन्धी कलह हुँदा चक्कु प्रहार गरेका मुख्य आरोपीलाई निकोसियाको अदालतले जन्मकैदको सजाय सुनाएको छ।
हत्यामा सहभागी अन्य ३ जनालाई १४ वर्ष जेलको सजाय सुनाएको छ भने अर्का एक आरोपीलाई १७ वर्ष कैदको फैसला सुनाएको हो। हत्यामा संलग्न अर्का एक आपराधि हाल फरार छन्।
चक्कु प्रहार गर्ने मुख्य अभियुक्तले हत्या गरेको कबुल गरेको, हत्या षड्यन्त्र, शारीरिक हानी नोक्सानी, चोटपटकको आरोपमा दोषी ठहरिए पछि जन्म कैद को फैसला भएको स्थानीय मिदियाले खबर छापेका छन्। अन्य चार जना पनि हत्या, गम्भीर शारीरिक चोटपटक लगायतका कार्यमा दोषी ठहरिएका थिए।
जुन २१ को घटनामा २ अन्य पनि घाइते भएका थिए। घटनाको सिसिटिभी फुटेज सामाजिक संजालमा भाइरल भएको थियो।
