५ अक्टोबर २०२०
साइप्रसमा कोरोना संक्रमित को संख्या दिनदिनै बढ्दै गैरहेको छ। यस अवस्थालाई मध्य नजर गर्दै लार्नाका र फामागुस्ता जिल्लामा खास नियम पनि लागु गरिएको छ। पछिल्लो २४ घन्टामा यहाको स्वास्थ्य मन्त्रालयले २३ जनामा नयाँ संक्रमण पुस्टि भएको जानकारी दिएको छ। प्राइभेट ल्याब, बोर्डर, एयरपोर्ट, सरकारी ल्याबमा २७३६ नुमना टेस्ट गरिएको थियो।
‘कन्ट्याक ट्रेसिंग ‘ मार्फत सय जनामा गरिएको टेस्टमा ५ जनामा कोरोना पोजेटिभ देखियो भने एयरपोर्टमा १७५६ जनाको टेस्ट बाट १० जना यात्रुमा कोरोना पुस्टि भएको छ। अन्य आठ जनाको सरकारी र प्राइभेट ल्याब मा परिक्षण गर्दा कोरोना पुस्टि भएका छन्। कन्ट्याक ट्रेसिंग गरिएका मध्य २ जना फुटबल खेलाडी रहेको खुलेको छ। आजको विवरण अनुसार हाल सम संक्रमित को संख्या १८४७ पुगेको छ। २२ जनाले कोरोनाका कारण ज्यान गुमाएका छन् भने हाल सम्म १३६९ जना कोरोना बाट निको भैसकेका छन्। ४५६ जनामा कोरोना सक्रिय छ जसमध्य ८ जना फामागुस्ता जेनेरल हस्पिटल, २ जना निकोसिया जेनेरल हस्पिटल र १ जना अन्य हस्पिटल मा उपचाररत रहेका छन्।
