काठमाडौं- लुम्बिनी प्रदेश सरकारले आगामी आर्थिक वर्ष २०८२–०८३ का लागि स्वास्थ्यमा ४ अर्ब ९५ करोड बजेट छुट्याएको छ। समग्र बजेट भने ३८ अर्ब ९१ करोड रुपैयाँको बजेट सार्वजनिक गरेको छ ।
जसमध्ये चालुतर्फ १२ अर्ब १ करोड ४७ लाख ८६ हजार अर्थात् ३० दशमलव ८८ प्रतिशत र पुँजीगततर्फ २३ अर्ब ४७ करोड १४ लाख ६५ हजार अर्थात् ६० दशमलव ३२ प्रतिशत विनियोजन भएको छ ।
आइतबार लुम्बिनी प्रदेशसभाको छैठौं अधिवेशनको तेह्रौं बैठकमा आर्थिक मामिला तथा योजना मन्त्री धनेन्द्र कार्कीले बजेट प्रस्तुत गर्दै सरकारले कृषि, उद्योग, पर्यटन र पूर्वाधार निर्माणमा बजेटलाई प्राथमिकतामा राखेको जनाएका छन् । बजेट वित्तीय हस्तान्तरणका लागि ३ अर्ब ४२ करोड ३७ लाख ४९ हजार अर्थात् ८ दशमलव ८० प्रतिशत अनुमान गरिएको छ ।
सामाग्री श्रोत :
swasthyakhabar
महेन्द्रनगर । मधेस प्रदेश सरकारले आगामी आर्थिक वर्ष २०८२/८३ का लागि प्रस्तावित बजेट मन्त्रिपरिषद्को बैठकबाट पारित गरेको छ।
मुख्यमन्त्री तथा मन्त्रिपरिषद्को कार्यालय जनकपुरधाममा आज बसेको बैठकले बजेट अनुमोदन गरेपछि अब सो बजेट प्रदेशसभामा प्रस्तुत गर्ने तयारी गरिएको हो।
मुख्यमन्त्री सतिशकुमार सिंहले मन्त्रिपरिषद्को बैठकबाट बजेट पारित भइसकेको जानकारी दिँदै अब प्रदेशसभा बैठकमा अर्थमन्त्रीले बजेट प्रस्तुत गर्ने बताए।
उनले भने, ‘मन्त्रिपरिषद्को बैठकबाट बजेट पारित भइसकेको छ । अब प्रदेश सभा बैठकमा अर्थमन्त्रीले बजेट प्रस्तुत गर्नुहुनेछ।’ प्रदेशका अर्थमन्त्री सुनिलकुमार यादवले प्रदेशसभामा बजेट वक्तव्य पेस गर्ने कार्यक्रम रहेको मुख्यमन्त्री सिंहले जानकारी दिए।
प्रदेश सरकारले आगामी आवका लागि नीति तथा कार्यक्रम केही दिनअघि सार्वजनिक गरिसकेको छ। नीति तथा कार्यक्रममा समेटिएका प्राथमिकता, लक्ष्य र घोषणालाई कार्यान्वयन गर्न आगामी वर्षको बजेटले आर्थिक रूपले आधार बनाउने अपेक्षा गरिएको छ।
सामाग्री श्रोत :
काठमाडौँ । इजरायल र इरानबिच सुरु भएको युद्धलाई मध्यनजर गर्दै नेपाल सरकारले त्यहाँ रहेका आफ्ना नागरिकलाई उच्च सतर्कता अपनाउन आग्रह गरेको छ । परराष्ट्र मन्त्रालयले शनिबार एक विज्ञप्ति जारी गर्दै सम्भावित आपत्कालीन अवस्थामा सहयोग वा जानकारीका लागि सम्पर्क गर्न हटलाइन नम्बर उपलब्ध गराएको हो ।
मन्त्रालयका अनुसार इजरायलमा रहेका साढे चार हजार र इरानमा रहेका १२ जना नेपाली हालसम्म सुरक्षित छन् । विज्ञप्ति अनुसार परराष्ट्रमन्त्री डा. आर्जु राणा देउवाले तेल अभिभ र दोहास्थित नेपाली राजदूतसँग टेलिफोनमा कुरा गरी नेपाली नागरिकको सुरक्षालाई उच्च प्राथमिकतामा राख्न निर्देशन दिएकी छन् ।
मन्त्री देउवाले नेपाली समुदायसँग निरन्तर सम्पर्कमा रहन र सम्बन्धित देशले जारी गरेका सुरक्षा सतर्कतासम्बन्धी सूचनाहरू तत्काल प्रवाह गरी नेपालीहरूलाई निरन्तर सुसूचित गर्न पनि आग्रह गरेकी छन् । सरकारले विकसित घटनाक्रमलाई नजिकबाट नियालिरहेको र नेपालीको हित सुनिश्चित गर्न आवश्यक कदम चाल्ने जनाएको छ ।
कुनै पनि आपत्कालीन अवस्था वा आवश्यक जानकारीका लागि इजरायलमा रहेका नेपालीले तेल अभिभस्थित नेपाली राजदूतावासका नियोग उपप्रमुख कुमारबहादुर श्रेष्ठलाई फोन नम्बर +९७२-५३५३६०७४८ वा ०३५१००१११ मा तथा ईमेल [email protected] मा सम्पर्क गर्न सक्नेछन् ।
त्यसैगरी इरान मामिला हेर्ने दोहास्थित नेपाली राजदूतावासमा मिनिस्टर काउन्सिलर कुमार राईलाई +९७४-५५६१६०८०, +९७४-४४६७५६८१, ४४६७५६८३ वा ४४१७७९६२ मा तथा ईमेल [email protected] मा सम्पर्क गर्न सकिने मन्त्रालयले जनाएको छ ।
पछिल्लो अध्यावधिक: असार १, २०८२ २०:१८
सामाग्री श्रोत :
टेक पाना
काठमाडौं– पूर्वगृहमन्त्री एवं राष्ट्रिय स्वतन्त्र पार्टी (रास्वपा) का सभापति रवि लामिछानेसहित २९ जनाविरुद्ध पर्सा जिल्ला अदालतमा मुद्दा दर्ता भएको छ ।
वीरगञ्जको सानो पाइला बचत तथा ऋण सहकारी संस्थाको रकम अपचलनमा मुद्दा दर्ता भएको हो ।
प्रहरीले अनुसन्धान सकेर करिब १ महिना अघि सरकारी वकिल कार्यालय पर्सालाई प्रतिवेदन बुझाएकोमा शुक्रबार अदालतमा मुद्दा दायर भएको हो ।
सरकारी वकिलको कार्यालयले अध्ययनपछि लामिछानेसहित २९ जनाविरुद्ध जिल्ला अदालतमा अभियोग पत्र दर्ता गरेको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौं- स्वास्थ्य तथा जनसंख्या मन्त्री प्रदीप पौडेल र औषधिको मुल्य-नीति सुझाव समितिको प्रतिवेदनको विरोध गर्दै आन्दोलनमा उत्रेका १२ वटा संस्थाका प्रतिनिधिहरुबीच आइतबार छलफल भएको छ।
स्वास्थ्य मन्त्रालयमा भएको छलफलमा मन्त्री पौडेलले आन्दोलनरत पक्षका विषयहरुलाई थप छलफल र परामर्श गरी प्रतिवेदनलाई अन्तिम रुप दिने प्रतिबद्धता जनाएपछि आन्दोलनरत पक्षले विरोधका सबै कार्यक्रम स्थगित गरेका छन्।
मन्त्रीसँगको छलफलमा मन्त्री पौडेलले पोषराज पाण्डेको अध्यक्षतामा गठित समितिले बुझाएको प्रतिवेदनलाई सबै सरोकारवाला पक्षहरूसँग थप छलफल र परामर्श गरी मात्र अन्तिम रूप दिने प्रतिबद्धता व्यक्त गरेका छन्।
छलफलमा मन्त्री पौडेलले नेपाल सरकार नेपाली जनतालाई सहज रूपमा उचित मूल्यमा गुणस्तरीय औषधि उपलब्ध गराउने सुनिश्चितताप्रति दृढ रहेको पनि बताए। साथै, नेपाली औषधि उद्योगी, आयातकर्ता र व्यवसायीहरूलाई व्यवसायमैत्री वातावरण सिर्जना गर्न मन्त्रालय सधैँ तत्पर रहेको उनले जोड दिए।
‘निकट भविष्यमा सरोकारवालाहरूसँग थप छलफल गरी मन्त्रालयले ठोस कदम चाल्ने र आगामी १५ दिनभित्र यो प्रक्रिया सुरु गर्ने प्रतिबद्धता मन्त्रीले व्यक्त गर्नुभएको छ,’ मन्त्री पौडेलसँगको छलफलपछि औषधि, स्वास्थ्य सेवा तथा स्वास्थ्य सामग्री सरोकार समितिद्वारा जारी विज्ञप्तिमा भनिएको छ।
सरोकार समितिले मन्त्रालयको उक्त प्रतिबद्धतालाई सकारात्मक रूपमा लिँदै मन्त्रीले दिएको समयसीमालाई ध्यानमा राखेर आफ्ना संघर्षका कार्यक्रमहरूलाई केही समयका लागि स्थगन गरेको जनाएको छ। समितिले मन्त्रालयलाई १५ दिनभित्र छलफल प्रक्रिया सुरु गर्न अल्टिमेटम दिएको छ। साथै, समितिले आफ्ना मागहरूप्रति एकबद्ध र दृढ रहेको स्पष्ट पारेको छ।
सामाग्री श्रोत :
swasthyakhabar
जनकपुर। आगामी आर्थिक वर्ष २०८२/०८३ को लागि मधेश प्रदेश सरकारले ४६ अर्ब ५८ करोड २९ लाख ५१ हजारको बजेट ल्याएको छ।
चालुमा १६ अर्ब ७२ करोड ५ लाख १७ हजार विनियोजन गरिएको छ भने पुँजीगततर्फ ३० अर्ब २६ करोडको बजेट विनियोजन गरिएको हो
सार्वजनिक गरेको बजेटमा शिक्षा, रोजगारी, कृषि र पर्यटन क्षेत्रलाई उच्च प्राथमिकता दिएको छ।
आइतबार प्रदेश सभा बैठकमा बजेट प्रस्तुत गर्दै अर्थमन्त्री सुनिल कुमार यादवले समाजको आधारभूत आवश्यकता र दीर्घकालीन विकास लक्ष्यलाई मध्यनजर गर्दै विभिन्न मन्त्रालयका लागि उल्लेख्य बजेट विनियोजन गरिएको जानकारी दिए।
शिक्षा, विज्ञान, युवा तथा खेलकुद मन्त्रालयतर्फ ३ अर्ब ५७ करोड ६६ लाख ५५ हजार रुपैयाँ बजेट विनियोजन गरिएको छ। प्रदेश सरकारले गुणस्तरीय शिक्षा, सांस्कृतिक संरक्षण, र युवालाई खेल र नवप्रवर्तनमा अभिप्रेरित गर्ने कार्यक्रमहरू सञ्चालन गर्ने योजना बनाएको छ।
मधेशको इतिहास, संस्कृति र परम्परालाई जगेर्ना गर्ने उद्देश्यले महोत्तरीमा मधेश सांस्कृतिक ग्राम निर्माण गर्न बजेट विनियोजन गरिएको छ। यसले आन्तरिक पर्यटन प्रवद्र्धनमा योगदान पुर्याउने सरकारको विश्वास छ।
कृषि मन्त्रालयतर्फ २ अर्ब ८३ करोड रुपैयाँ विनियोजन गरिएको छ। कृषिमा यान्त्रिकीकरण, व्यवसायीकरण र उत्पादन अभिवृद्धिमा बजेट केन्द्रित गरिएको छ। वन तथा वातावरण मन्त्रालयतर्फ २ अर्ब ३७ करोड ५६ लाख ३८ हजार रुपैयाँ विनियोजन गरिएको छ। वातावरणीय सन्तुलन र जैविक विविधताको संरक्षणमा बजेट लाग्नेछ।
उद्योग, बाणिज्य तथा पर्यटन मन्त्रालयतर्फ ३ अर्ब ८ करोड ७१ हजार रुपैयाँ छुट्याइएको छ। यसले पर्यटन प्रवद्र्धन, स्थानीय उत्पादनलाई बजार विस्तार र रोजगारी सिर्जनामा टेवा पुर्याउने अपेक्षा गरिएको छ।
श्रम तथा यातायात मन्त्रालयतर्फ ५७ करोड १४ लाख ५० हजार रुपैयाँ विनियोजन गरिएको छ। सरकारले स्वरोजगारलाई प्रोत्साहित गर्न ‘हात–हातमा सवारी, घर–घरमा रोजगारी’ भन्ने कार्यक्रम सञ्चालनमा ल्याउनेछ।
विशेषगरी शिक्षा, कृषि र स्वरोजगारमुखी कार्यक्रमले मधेशको स्थानीय अर्थतन्त्रलाई सबल बनाउने सरकारको विश्वास छ।
सामाग्री श्रोत :
काठमाडौँ । नेपाली टाइपोग्राफर तथा डिजाइनर प्रशान्त पन्तले बनाएको ‘माताङ्गी’ फन्ट गुगल फन्ट्समा उपलब्ध भएको छ । शुक्रबारदेखि सो फन्ट औपचारिक रूपमा गुगल फन्ट्समा उपलब्ध भएको हो ।
यो नै गुगल फन्ट्समा सूचीकृत हुने नेपालबाट डिजाइन तथा निर्माण गरिएको पहिलो भेरिएबल फन्ट भएको पन्तको दाबी छ । “यो नेपालबाट गुगल फन्ट्समा उपलब्ध भएको पहिलो भेरिएबल फन्ट हो,” पन्तले टेकपानासँग कुरा गर्दै भने, “यसलाई आवश्यकता अनुसार विभिन्न तरिकाले प्रयोग गर्न सकिन्छ ।”
भेरिएबल फन्ट भनेको एउटै फन्ट फाइलभित्र धेरै स्टाइल (जस्तै पातलो, मोटो, फराकिलो, साँघुरो, इटालिक आदि) राख्न मिल्ने फन्ट हो । यसले गर्दा फरक-फरक स्टाइलका लागि छुट्टाछुट्टै फन्ट फाइल राख्नु नपर्ने हुन्छ । एउटै फन्ट फाइल प्रयोग गरेर आवश्यकता अनुसार मोटोपना, चौडाइ वा झुकाव सजिलै मिलाउन सकिन्छ ।
यस फन्टलाई विश्वभरका प्रयोगकर्ताले निःशुल्क डाउनलोड तथा प्रयोग गर्न सक्नेछन् । सार्वजनिक भएको दुई दिनमै यो फन्टले विश्वव्यापी चर्चा कमाएको छ । हालसम्म २ लाख ७२ हजार पटकभन्दा बढी डाउनलोड भइसकेको यो फन्ट गुगल फन्ट्सको ट्रेन्डिङको दोस्रो नम्बरमा परेको छ ।
फन्ट डिजाइनर पन्तका अनुसार उनले सन् २०१९ देखि यो फन्ट निर्माणको यात्रा सुरु गरेका थिए । गुगल फन्ट्सको कडा मापदण्ड पूरा गर्न लामो समय लागेको उनले बताए । “गुगल फन्ट्समा सूचीकृत हुन नेपाली (देवनागरी) लिपि मात्र भएर पुग्दैनथ्यो,” पन्तले भने, “यसमा संस्कृत, मराठी लगायत ४०० भन्दा बढी अन्य भाषाहरूलाई पनि सपोर्ट गर्ने बनाउनु पर्यो । यसका लागि करिब १,७०० भन्दा बढी क्यारेक्टर डिजाइन गर्नु पर्यो ।” यो सबै प्रक्रिया पूरा गरिसकेपछि हालै मात्र फन्ट औपचारिक रूपमा उपलब्ध भएको हो ।
गुगलको कपीराइट नीति निकै कडा हुने भएकाले फन्ट सूचीकृत हुनका लागि पृथक् नाम हुनुपर्छ । हिन्दु धर्ममा आस्था राख्ने पन्तले ‘माताङ्गी’ देवीलाई समर्पण गर्दै फन्टको नाम राखेको बताए । हिन्दु धर्म अनुसार गाढा हरियो वा नील वर्णकी माताङ्गी देवी उग्र वा रहस्यमय स्वरूपकी मानिन्छिन् ।
पन्त ‘द ग्राफिक एन्ट’ नामक आफ्नो स्टुडियोमार्फत फ्रिल्यान्स डिजाइनरको रूपमा काम गर्छन् । “कुनै बेला हामी नेपालीहरू देवनागरी फन्टका लागि अन्य देश, विशेषगरी भारतको गुगल फन्टमा भएको योगदानको प्रशंसा गर्थ्यौँ,” उनले भने, “आज हाम्रो पनि एउटा सानो फन्ट उनीहरूको छेउमा उभिन पाएकोमा निकै खुसी लागेको छ ।”
ओपन फन्ट लाइसेन्स अन्तर्गत उपलब्ध यो फन्ट जोकोहीले व्यक्तिगत तथा व्यावसायिक दुवै प्रयोजनका लागि निःशुल्क प्रयोग गर्न सक्नेछन् । पन्तले यस सफलताले नेपालमा टाइपोग्राफी र टाइप डिजाइनको क्षेत्रमा थप ऊर्जा मिल्ने र भविष्यमा नेपालबाट अझ धेरै फन्टहरू गुगलमा सूचीकृत हुने आशा व्यक्त गरेका छन् । फन्ट डाउनलोड गर्न यहाँ क्लिक गर्न सक्नुहुन्छ । यसअघि पन्तले वैदेही, षोडशी, ऐक्य, कामाक्षी, उग्रतारा, त्रिपुरा, पूर्णागिरि, कात्यायनी लगायतका फन्ट ल्याइसकेका छन् । यी फन्ट भने पन्तको वेबसाइटमा उपलब्ध छन् ।
पछिल्लो अध्यावधिक: असार १, २०८२ १९:१६
सामाग्री श्रोत :
टेक पाना
कास्की– गण्डकी प्रदेश सरकारले आगामी आर्थिक वर्ष २०८२/०८३ का लागि ३१ अर्ब ९७ करोड ९९ लाख ९९ हजार रुपैयाँको बजेट सार्वजनिक गरेको छ ।
आर्थिक मामिला मन्त्री टकराज गुरुङले आइतबारको प्रदेशसभा बैठकमा चालु आर्थिक वर्षभन्दा ९९ करोड ८५ लाख ७६ हजार रुपैयाँ कम रकमको बजेट सार्वजनिक गरेका हुन् । चालु आर्थिक वर्षमा सरकारले ३२ अर्ब ९७ करोड ८५ लाख ७५ हजारको बजेट ल्याएको थियो ।
आगामी आर्थिक वर्षको कुल बजेटमध्ये चालुतर्फ १२ अर्ब ६३ करोड ६६ लाख ७५ हजार, पुँजीगततर्फ १९ अर्ब ९ करोड ३३ लाख २४ हजार र वित्तीय व्यवस्थातर्फ २५ करोड रुपैयाँ विनियोजन गरिएको छ । चालुतर्फ ३९.५ प्रतिशत, पुँजीगततर्फ ५९.७ र ०.८ प्रतिशत विनियोजन गरिएको हो । कुल विनियोजनमध्ये १ करोड ५४ लाख ५२ हजार रुपैयाँ सरकारको कोषलाई भार पर्ने मन्त्री गुरुङले बताए ।
आगामी आर्थिक वर्ष वित्तीय समानीकरण अनुदानबापत ७ अर्ब ७३ करोड ८९ लाख, सशर्त अनुदानबापत ३ अर्ब ३५ करोड ६४ लाख, समपूरक अनुदानबापत ६३ करोड ९७ लाख, विशेष ४९ करोड ८६ लाख रुपैयाँ प्राप्त हुने सरकारको अनुमान छ । यस्तै राजस्व बाँडफाँटबाट ९ अर्ब ७९ करोड २९ लाख ४० हजार, रोयल्टी बाँडफाँडबाट ४९ करोड ८९ लाख ७७ हजार र आन्तरिक आम्दानीबाट ५ अर्ब ४५ करोड ८४ लाख ८८ हजार रुपैयाँ प्राप्त हुने अनुमान गरिएको छ । चालु आर्थिक वर्षको बजेटबाट २ अर्ब २४ करोड ५० लाख ९४ हजार नगद मौज्दात बचत हुने अनुमान रहेको मन्त्री गुरुङले बताए ।
आगामी आर्थिक वर्षका लागि अपुग हुने रकममध्ये १ अर्ब ७५ करोड आन्तरिक ऋणबाट पूर्ति गरिनेछ । हालसम्म कानुनी र संस्थागत व्यवस्थाको अभावमा आन्तरिक ऋण संकलन नगरिएकोमा आगामी आर्थिक वर्ष ऋण परिचालनका लागि आवश्यक व्यवस्था गरिने मन्त्री गुरुङले बताए । उक्त ऋण रकम उत्पादनमूलक, रोजगारी सिर्जना र उच्च प्रतिफलयुक्त योजनामा खर्च गरिने उनको भनाइ छ ।
सरकारले चालु आर्थिक वर्षमा ल्याएको बजेटमध्ये जेठ मसान्तसम्म ४८.०६ प्रतिशत खर्च भएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौं । ऊर्जा, जलस्रोत तथा सिंचाईमन्त्री दिपक खड्काले बंगलादेशमा विद्युत् व्यापारबाट मासिक २५ करोड भन्दा बढी आम्दानी हुने बताएका छन्।
ऊर्जा मन्त्रालयमा आइतबार आयोजित पत्रकार सम्मेलनमा मन्त्री खड्काले नेपालबाट बंगलादेशमा दैनिक ४० मेगावाट विद्युत् निर्यात गरि मासिक २५ करोड भन्दा बढी आम्दानी गरि पाँच महिनामा एक अर्ब २५ करोड भन्दा बढी आम्दानी हुने बताएका हुन्।
दक्षिण एसियाबाट तेस्रो मुलुक विजुली निर्यात गर्ने पहिलो देश नेपाल भएको र बंगलादेशसँग पहिलो पटक विद्युत ब्यवसायिक रुपमा विक्री सुरु हुनु देश र जनताको लागि निकै गर्व र खुसीको कुरा भएको मन्त्री खड्का भनाई छ।
ऊर्जा क्षेत्रबाटै समृद्दी हासिल हुने भन्दै मन्त्री खड्काले १० बर्षमा २८ हजार ५ सय मेगावाट विद्युत उत्पादन गरि भारतलाई १० हजार र बंगलादेशलाई ५ हजार मेगावाट निर्यात गरेर आर्थिक रुपमा समृद्दी हासिल गरिने बताए। उनले बजेटमा भूलबस टेक एन्ड पे शब्द आएको भन्दै त्यसलाई हटाउने प्रक्रिया अघि बढिसकेको जानकारी दिए।
नेपाल विद्युत प्राधिकरणले शनिबार राती १२ बजेबाट भारतीय प्रसारण लाईन हुँदै ४० मेगावाट विद्युत बङ्गलादेश विद्युत् निर्यात गरेको थियो। बंगलादेशमा निर्यात सुरु गरिएको विद्युत् आगामी नोभेम्बर १५ सम्म बिक्रि गरिनेछ।
पाँच महिनाको अवधिमा १४ करोड ६८ लाख ८० हजार युनिट विद्युत् निर्यात हुने मन्त्री खड्काले बताए। उक्त विद्युत नेपालको ४०० केभी ढल्केबर सबस्टेशनबाट भारतको मुजफरपुर, बेहरामपुर हुँदै बंगलादेशको भेरमारा सबस्टेशनसम्म पुग्ने मन्त्रालयले जनाएको छ।
सामाग्री श्रोत :
बंगलादेशसँगको विद्युत् व्यापारबाट मासिक २५ करोड बढी आम्दानी हुनेछ : ऊर्जामन्त्री खड्का
काठमाडौँ । सामाजिक सञ्जाल टिकटक प्रयोग गरी प्रतिष्ठित व्यक्ति तथा संस्थाको चरित्र हत्या गरेको आरोपमा प्रहरीले एक महिलालाई पक्राउ गरेको छ । नेपाल प्रहरीको साइबर ब्युरोले खोटाङ घर भई हाल भक्तपुरमा बस्दै आएकी ३१ वर्षीय रमा बस्नेतलाई आइतबार पक्राउ गरेको हो ।
ब्युरोका अनुसार आरोपित बस्नेतले टिकटकमा नियमित र नियोजित रूपमा जातीय तथा साम्प्रदायिक भावना भड्काउने सामग्री पोस्ट गर्दै आएकी थिइन् । उनले विभिन्न प्रतिष्ठित व्यक्ति र संस्थालाई लक्षित गरी तथ्यहीन र आधारहीन विषय उठान गरेर समाजमा नकारात्मक धारणा फैलाउने र चरित्र हत्या गर्ने गरेको ब्युरोको आरोप छ ।
सामाजिक सञ्जालमा भ्रामक र द्वेषपूर्ण सामग्रीबारे उजुरी परेपछि ब्युरोले प्राविधिक विश्लेषण र अनुसन्धान अगाडि बढाएको थियो । अनुसन्धानका क्रममा बस्नेतको संलग्नता खुलेपछि ब्युरोबाट खटिएको प्रहरी टोलीले उनलाई भक्तपुरबाट नियन्त्रणमा लिएको हो ।
पक्राउ परेकी बस्नेत विरुद्ध विद्युतीय (इलेक्ट्रोनिक) कारोबार ऐन, २०६३ अन्तर्गतको कसुरमा हिरासतमा राखी अनुसन्धान थालिएको ब्युरोले जनाएको छ । रमा बस्नेतको टिकटकम प्रधानमन्त्री केपी शर्मा ओली, काठमाडौँ महानगरकी उपप्रमुख सुनिता डङ्गोल विरुद्ध तथा रास्वपाका सभापति रवि लामिछाने र काठमाडौँ महानगरका मेयर बालेनको पक्षमा बनाएका भिडिओहरू देख्न सकिन्छ ।
पछिल्लो अध्यावधिक: असार १, २०८२ १८:२१
सामाग्री श्रोत :
टेक पाना
