काठमाडौँ । राइड हेलिङ एवम् फुड डेलिभरी सेवा प्रदायक पठाओले नियमित राइड र फुड अर्डर गर्ने ग्राहकलाई लक्षित गर्दै ‘पठाओ सेभर प्याक’ सार्वजनिक गरेको छ । बेटा भर्सनमा उपलब्ध यस योजना विशेषतः क्याम्पस र अफिस जाने यात्रुहरूका लागि तयार गरिएको कम्पनीले जनाएको छ ।

यस प्याक अन्तर्गत तीन ओटा प्याकेज उपलब्ध छन्- स्टुडेन्ट प्याक, अफिस प्याक र सुपर सेभर प्याक ।

स्टुडेन्ट प्याकको मूल्य २९९ रुपैयाँ राखिएको छ । यो प्याक खरिद गर्ने विद्यार्थीले २६ ओटा बाइक राइडमा प्रत्येक राइडमा ४५ रुपैयाँ छुट पाउनेछन् । विद्यार्थीका लागि सस्तो, भरपर्दो र नियमित यात्राको सजिलो विकल्प दिने उद्देश्यले यो प्याक ल्याइएको कम्पनीले जनाएको छ । प्याक खरिद गर्न विद्यार्थी परिचयपत्र अनिवार्यरूपमा देखाउनु पर्नेछ ।

अफिस प्याकको मूल्य ४९९ रुपैयाँ तोकिएको छ । यस अन्तर्गत ग्राहकले १८ ओटा बाइक राइडमा प्रत्येकमा ४० रुपैयाँ छुट, तीन ओटा कार लाइट राइडमा प्रत्येकमा १२० रुपैयाँ छुट र तीन ओटा कार प्लस राइडमा प्रत्येकमा १५० रुपैयाँ छुट पाउनेछन् ।

सुपर सेभर प्याकको मूल्य ९९९ रुपैयाँ निर्धारण गरिएको छ । यस प्याकमा १५ ओटा बाइक राइडमा प्रत्येकमा ४० रुपैयाँ छुट, पाँच ओटा कार–लाइट राइडमा प्रत्येकमा १५० रुपैयाँ छुट, पाँच ओटा कार प्लस राइडमा प्रत्येकमा २०० रुपैयाँ छुट उपलब्ध हुनेछ । साथै, पाँच ओटा फुड अर्डरमा १० प्रतिशत वा अधिकतम २०० रुपैयाँसम्म छुट पाउने सुविधा पनि यसमा रहेको छ । यो प्याक नियमित राइड तथा फुड अर्डर गर्ने ग्राहक‍लाई लक्षित गरी ल्याइएको कम्पनीको भनाइ छ ।

सेभर प्याकले ग्राहकको खर्च बचत गर्न सहयोग गर्ने कम्पनीको विश्वास छ । ग्राहकले यी प्याकेजहरू पठाओको वेबसाइटको ब्लग सेक्सनमार्फत खरिद गर्न सक्नेछन् ।

कम्पनीले प्रयोगकर्ताको सुझाव र प्रतिक्रियाका आधारमा आगामी दिनमा थप सुधार तथा परिमार्जन गर्दै यो प्याकको पूर्ण संस्करण ल्याउने जनाएको छ ।‍

पछिल्लो अध्यावधिक: असार ४, २०८२ १६:५६

काठमाडौं– सशस्त्र प्रहरी बल नेपालका महानिरीक्षक राजु अर्यालले सशस्त्र प्रहरी अतिरिक्त महानिरीक्षक (एआईजी) पदमा बढुवा भएका गणेश बहादुर ठाडा मगरलाई औपचारिक रूपमा दर्ज्यानी चिन्ह प्रदान गरेका छन्।

बढुवा समितिको सिफारिसका आधारमा ठाडा मगरलाई हालै एआईजी पदमा बढुवा गरिएको हो।

बुधबार सशस्त्र प्रहरी बलको मुख्यालय, हलचोकमा आयोजित विशेष कार्यक्रममा आईजी अर्यालले ठाडा मगरलाई पद अनुसारको दर्ज्यानी चिन्ह लगाइदिएका हुन्।

कार्यक्रममा सशस्त्र प्रहरीका वरिष्ठ अधिकृतहरू, कर्मचारी, तथा अन्य सुरक्षाकर्मीहरूको उपस्थिति रहेको थियो।

कार्यक्रमको अवसरमा महानिरीक्षक अर्यालले ठाडा मगरको पेशागत योगदान, कार्यकुशलता र नेतृत्व क्षमताको प्रशंसा गर्दै नयाँ जिम्मेवारीमा सफल कार्यकालको शुभकामना व्यक्त गरे।

बढुवापछि ठाडा मगरले आफ्नो जिम्मेवारीलाई इमानदारी, पारदर्शिता र राष्ट्रसेवामा समर्पित भावनाका साथ पूरा गर्ने प्रतिबद्धता व्यक्त गरेका छन्।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

काठमाडौँ । ताइवानले पहिलो पटक चिनियाँ प्रविधि र चिप निर्माता कम्पनी ह्वावे र सेमिकन्डक्टर म्यानुफ्याक्चरिङ इन्टरनेसनल कर्प (एसएमआईसी) लाई कालोसूचीमा राख्दै अमेरिकाको प्रविधि नियन्त्रण अभियानमा साथ दिएको छ ।

ताइवान सरकारले अबदेखि यी कम्पनीहरूसँग कुनै पनि व्यापार गर्न पूर्वस्वीकृति अनिवार्य रूपमा लिनुपर्ने नीति ल्याएको छ । यो कदमलाई अमेरिकासँग प्रविधि साझेदारी मजबुत बनाउने र चीनमा प्रविधि हस्तान्तरण रोक्ने रणनीतिक प्रयासको रूपमा हेरिएको छ ।

ताइवानी राष्ट्रपति लाइ छिङ-तेले ‍गएको अप्रिलमा अमेरिकालाई निर्यात नियन्त्रणबारे चासो सम्बोधन गर्ने वाचा गरेपछि लिएको यो पहिलो ठोस निर्णय हो । अमेरिकी राष्ट्रपति डोनल्ड ट्रम्पको दोस्रो कार्यकाल सुरु भएदेखि नै ताइवानमाथि यस्तो कदम चाल्न दबाब दिइएको थियो ।

अमेरिकी कंग्रेसको चीनसम्बन्धी समितिले पनि ताइवानको निर्णयपछि साझेदार राष्ट्रहरूसँग सहकार्यलाई अझै मजबुत बनाउने बताएको रोयटर्समा उल्लेख छ । 

विश्लेषकहरूका अनुसार यो कदमले ताइवानलाई चीनसँगको प्रविधि प्रतिस्पर्धामा सक्रिय बनाएको छ । यसअघि अमेरिकी प्रतिबन्धविपरीत ताइवानको टीएसएमसी ‍कम्पनीले ह्वावेका लागि २९ लाख एआई चिप उत्पादन गरेको तथ्य बाहिर आएको थियो । त्यसपछि अमेरिकी दबाबमा टीएसएमसीले उक्त बिचौलिया कम्पनीसँग सम्बन्ध तोडेको थियो ।

यद्यपि यो प्रतिबन्धले तत्काल ठुलो व्यापारिक असर नपार्ने विश्लेषण गरिएको छ । किनभने धेरै चिनियाँ कारोबार ताइवान कम्पनीका चिनियाँ शाखामार्फत हुँदै आएका छन् । चिनियाँ विदेश मन्त्रालयले भने ताइवानले अमेरिकालाई खुसी पार्न आफ्नै हित गुमाएको आरोप लगाएको छ । चीनले ताइवानलाई आफ्नो भूभाग दाबी गर्दै आवश्यक परे बल प्रयोग गरेर एकीकरण गर्ने बताउँदै आएको छ ।

पछिल्लो अध्यावधिक: असार ४, २०८२ १६:३६

काठमाडौं– महानगर यातायातका अध्यक्ष सन्तोष खतिवडाले नक्कली महानगर यातायातका कारण कम्पनी तथा यात्रुहरूले समस्या झेल्नुपरेको गुनासो गरेका छन्।

नाम, रङ र डिजाइनसमेत नक्कल गरी एउटै रुटमा सञ्चालन गरिएको विषयमा पटक पटक सम्बन्धित निकायको ध्यानाकर्षण गराउँदासमेत कुनै कारबाही नभएको अध्यक्ष खतिवडाले बताएका हुन्।

उनले विद्यामान नियम, कानुनको धज्जी उडाउँदै महानगर यातायात सञ्चालनको सुरुवाती दिनदेखि नै नक्कली महानगर यातायात सोही रुटमा सञ्चालन हुनु र नियमनकारी निकायले ध्यान नदिने दुःखको विषय भएको स्पष्ट पारे।

‘हालसम्म त्यस्ता नक्कली महानगर यातायात तथा मिल्दोजुल्दो नाम हुबहु रङ र डिजाइन राखी सवारी साधन सञ्चालन गर्ने व्यवसायीहरूप्रति नरम रुपमा प्रस्तुत हुँदै आएको भएपनि अब उप्रान्त यस कम्पनीको नाम र रङको डिजाइन आफ्ना सवारी साधनबाट नहटाइएमा क्षतिपूर्तिको मागसहित जस्तोसुकै कानुनी कारबाही गर्न पनि नपर्नेसमेत जानकारी गराउन चाहन्छु,’ उनले भने।

सडक दुर्घटना, सामान छुट्ने लगायतका घटनामा पीडित यात्रुले न्याय पाउन नसकिरहेको अवस्थासँगै महानगर यातायातले पनि अनावश्यक झन्झट व्यहोर्नु परेको उनले दाबी गरे।

अध्यक्ष खतिवडाले लाखौं यात्रुको सेवा र सुरक्षासँग जोडिएको विषय भएकाले अब उपरान्त महानगरको नाम र डिजाइन सवारी साधनबाट नहटाएमा क्षतिपूर्तिको मागसहित कानूनी कारबाही गर्नसमेत पछि नपर्ने चेतावनी दिएका छन्।

‘महानगर यातायातकै नाम, रङ र डिजाइनसमेत नक्कल गरी सोही आकार प्रकारको बस यात्रु झुक्याउने गरी एकै रुटमा चलिरहँदा हामी सञ्चालकमात्र नभएर यात्रुहरूले समेत समस्या झेलिरहेका छन्,’ उनले भने, ‘यसबारे पटक पटक सम्बन्धित निकायको ध्यानाकर्षण गराउँदासमेत कुनै कारबाही भएको छैन। नियमानुसार सम्बन्धित निकायमा दर्ता गराई आवश्यक प्रक्रिया पुर्‍याएर गरिएको व्यवसायमा सोही काम र नामको अर्को कम्पनी सञ्चालन गर्ने अनुमति सम्बन्धित निकायले दिँदैन।’

कैयौं पटक केही बसहरूको नियमित सेवा समेत रोकिने र यात्रुले पाएको दुःखसँगै कम्पनीलाई हुने आर्थिक नोक्सानीको कुनै लेखाजोखा नै नहुने अवस्था रहेको उनको गुनासो थियो।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

काठमाडौँ । नेपाल टेलिकमले आफ्ना ग्राहकका लागि मोबाइल एप ‘NT App’ सञ्चालन गरिरहेको छ । ग्राहकको आवश्यकता र प्रविधिसँगै बदलिंदो प्रवृत्तिलाई मध्यनजर गर्दै कम्पनीले एपमार्फत धेरैजसो सेवा एउटै स्थानबाट उपलब्ध गराएको छ ।

एपबाट मोबाइल सेवासम्बन्धी सम्पूर्ण विवरण हेर्नदेखि डिजिटल भुक्तानीसम्मका काम गर्न सकिन्छ । ‘Company Info’ सेक्सनमार्फत कम्पनीको वार्षिक साधारणसभा सूचना, वित्तीय विवरण, स्मारिका र महत्त्वपूर्ण उपलब्धिहरूको जानकारी लिन सकिनेछ । ग्राहकले आफ्नो मोबाइल सेवाको हालको ब्यालेन्स, प्रयोग गरिरहेका प्याकेजको स्थिति, बाँकी डेटा वा मिनेट र ‘Usage History’ को पाँच दिने विवरण हेर्न सक्छन् ।

मोबाइल एपबाटै ईसिम (eSIM) दर्ता गर्न मिल्ने सुविधा थप्ने तयारीमा रहेको टेलिकमले ‘नमस्ते पे’ लाई एपसँगै एकीकृत गरेको छ । यसले डिजिटल भुक्तानीलाई थप सहज बनाएको देखिन्छ । ‘Complain Section’ मार्फत विभिन्न समस्याको गुनासो दर्ज गरेर सिधै सम्बन्धित विभागमा कल गर्न सकिन्छ ।

एपमार्फत ब्यालेन्स ट्रान्सफर, डेटा वा भ्वाइस प्याक गिफ्ट गर्नु, केवाईसी अपडेट, बायोमेट्रिक सेटअप, पासवर्ड परिवर्तन, कल वेटिङ वा फरवार्डिङ जस्ता सेवा सक्रिय/निष्क्रिय गर्न सकिन्छ । साथै, भीएएस (VAS) सेवा, रिचार्ज, बिल तिर्ने, फ्रेन्ड्स एन्ड फ्यामिली नम्बर थप्ने जस्ता सुविधा पनि सहजै प्रयोग गर्न सकिन्छ ।

एपमा टेलिकमका सबै सेवाहरूको महसुल दरबारे जानकारी पनि दिइएको छ । पहिलोपटक एप डाउनलोड गर्ने प्रयोगकर्तालाई १ जीबी निःशुल्क डेटा दिने व्यवस्था गरिएको छ भने एप प्रयोग गर्दा टेलिकम नेटवर्कमा डेटा शुल्क नलाग्ने व्यवस्था छ । टेलिकमको वेबसाइट खुल्दा पनि इन्टरनेट शुल्क लाग्दैन ।

पछिल्लो अध्यावधिक: असार ४, २०८२ १५:२२

काठमाडौं– राष्ट्रपति रामचन्द्र पौडेलले संघीय संसदको दुवै सदनबाट पारित भएको एक विधेयक प्रमाणीकरण गरेका छन्।

उनले शहीद दशरथ चन्द स्वास्थ्य विज्ञान विश्वविद्यालय सम्बन्धी विधेयक प्रमाणीकरण गरेका हुन्।

राष्ट्रपतिले नेपालको संविधानको धारा ११३ को उपधारा (२) बमोजिम विधेयक प्रमाणीकरण गरेको राष्ट्रपति कार्यालय शीतल निवासकी प्रवक्ता शैलजा रेग्मी भट्टराईले विज्ञप्तिमार्फत जानकारी दिएकी छन्।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।