दिनेश गौतम

युरोप साईप्रस मार्च २४ , । साईप्रसमा आज कोरोना भाईरसका कारण थप दुई जनामा मृत्यु र ८ जना नया विरामी फेला परेको स्वास्थ्य मन्त्रालयले जनाएको छ । अब यो मृत्युहु नेहरुको सख्या ३ जना पुगेको छ भने कोरोनाको बिरामी १२४ (३ जना बेलायती नागरिक) जनालाई भएको पुष्टि भएको छ ।
कोरोनाका कारण मृत्यु हुनेमा ६४ बर्षिय बेलायती नागरिक जो लिमासोल जनरल अस्पताला र ५८ बषिय एक साईप्रस नागरिक जो निकोसिया हस्पिटलमा उपचारत थिए । ६३ बर्षिय बेलायती नागरिक आफनो नातेदारलाई बेलायत भेटघाट गरि फर्केका थिए भने साईप्रसका नागरिकलाई उपचारका क्रममा मृत्यु भएको स्वास्थ्य मन्त्रालयले जनाएको छ । मन्त्रलायका आनुसार आज आठ जना मध्ये ३ जनालाई भेटघाटबाट भाईरस सरेको छ , दुई जना युरोपियन देशबाट फर्केकाहरुलाई जाचं पछि कोरोना लागेको र ३ जनालाई अनुसन्धानका क्रममा कोरोना भेटिएको बताएको छ । यस्तो अवस्थामा सबै मानिस आफनो घरमै बसेर सरकारलाई सहयोग गर्न मन्त्रालयले आग्रह समेत गरेको छ ।

समिम मियाँ

२४ मार्च/ लिमासोल

राष्ट्रपति निकोस अनास्टसियाडेसले कोरोना को महामारी रोक्न मंगलबार देखि देश लक डाउन गर्ने घोषणा गर्नु भएको छ।

हिजो सोमबार राष्ट्रको नाम मा सम्बोधन गर्दै राष्ट्रपतिले मंगलबार बेलुकी ६ बजे देखि लागु हुने गरि अप्रिल १३ सम्म लक डाउन गर्ने घोषणा गर्नु भएको हो। अत्यन्तै जरुरी काम बाहेक बाहिर निस्किन निषेध गरिएको छ।

“हामी युद्दमा छौ। यो त्यस्तो युद्ध हो जुन हामीले आफ्नो स्थानमा बस्यौं भने मात्र जित्न सकिन्छ। ” राष्ट्रपति निकोस भन्नु भयो।

‘अदृश्य दुश्मन’ कोरोनाले दिएको चुनौतिलाई परास्त गर्न कठोर भन्दा कठोर उपायाहरु अवलम्बन गर्नु पर्ने आवश्यकता छ। उहाँले जोड्नु भयो।

पार्क, बच्चा खेल्ने स्थानहरु, समुन्द्रतट, सार्वजनिक पार्क तथा सभा स्थल , मारिनाहरु, ड्याम , निर्माणस्थल साथै चर्च तथा मस्जिद लगायतका धार्मिक स्थलमा जान समेत निषेध गरिएको छ।

मार्च ९ मा पहिलो पटक कोरोना संक्रमण देखिए पछि एकै दिन मा अहिले सम्मकै ठुलो संख्या २१ जनामा सोमबार भेटिएको थियो। दक्षिण साइप्रसमा मात्र ११६ र उत्तरी साइप्रसमा ३९ जनामा संक्रमण पुस्टि भै सकेको छ।

सरकारले यस अघि नै शैक्षिक संस्था , हवाई उडान, सपिङ्ग मल होटेल र मनोरंजन स्थल हरु बन्द गरिसकेको छ।

मार्च २४ बाट अप्रिल १३ सम्म लागु हुने लक डाउन मा के गर्न पाइन्छ त ?

निम्न कारणहरु हुदा बाहिर निस्किन सकिन्छ।

• अनुमति प्राप्त काममा जान र आउन
• अनुमति प्राप्त भएको स्टोर बाट दैनिक उपभोग गर्ने समान किन्न
• फार्मेसी वा डाक्टर मा जान
• बैक मा जान
• असहाय, कम्जोर र अपाङ्लाइ सहयोग गर्न जान
• बिवाह, मलामी र नाम राख्ने समारोह मा जान , धेरै मा १० जना सम्म जम्मा हुन मिल्ने
• आफ्नो घरको वरिपरि व्यायाम गर्न र कुकुर डुलाउन जान , बढिमा २ जना

यो पनि पढ्नुहोस् : कोरोना प्रभाव : साइप्रसमा विद्यार्थीलाई न काम न दाम

घर बाहिर यी कारणले निस्किन परेमा भिसा(पिङ्क) कार्ड वा पासपोर्ट वा परिचय खुल्ने आवश्यक कागजात लिएर मात्र निस्कन भनिएको छ। सरकारले कडाइका साथ लागु गरेको यी नियम नमानेको खण्डमा १५० युरो जरिवाना तिर्नु पर्ने स्पस्ट पारेको छ।

यो निषेधाज्ञामा कुन कुन पसल हरु खुल्ला हुन्छन त ?

सरकारले निम्न श्रेणीका पसल तथा स्टोरलाई खोल्न अनुमति दिएको छ।

• सुपरमार्केटहरु
• बेकरी
• कियोस्क
• माछा तथा मासु मार्केट
• फार्मेसी
• अपाङ्गका लागि सामान बेच्ने पसलहरु
• घरपालुवा जनावरका पसल
• कार तथा बाइक का पार्ट्स पसल र ग्यारेज
• टायर पसल
• अप्टिसियन ( चश्मा पसल )
• पोस्ट अफिस
• टेलिकम सेवा को बिल जम्मा गर्ने रिटेल शपहरु

खुल्ल्ला मार्केट , बजारहरु र सडक छेउ राखेर गरिने स-साना पसल हरु पनि संचालनमा निषेध गरिएको छ।

यो पनि पढ्नुहोस : कोरोना भाइरस (कोभिड-१९) – भ्रम र यथार्थ

२२ मार्च / लिमासोल

साइप्रसको स्वास्थ्य मन्त्रालयले जना बिरामीमा कोरोना संक्रमण भएको बताएको छ। जसबाट कोरोना पुष्टि भएका बिरामीहरुको संख्या ९५ पुगेको छ।

नयाँ बिरामीहरु मध्य ४ जना पापोस हस्पिटल संग संबन्धित व्याक्तिहरु हुन् भने अर्का ४ जनाले हालै युके र म्याक्सिको भ्रमण गरि फर्केका थिए। पापोस हस्पिटलमा ६८० जना काम गर्दछन् जसले आज कोरोना जसले परीक्षणको लागि नमूनाहरू दिएका छन्।

कोरोनाको लक्षण देखिन थाले पछि उनीहरुले सम्बन्धित निकायमा सम्पर्क गरेका थिए। २ जना भने पुस्टि भएका ब्याक्तिको सम्पर्कमा आउनाले संक्रमित भएको बताइएको छ।

बाकि १ जनालाइ कसरि संक्रमण भायो भनेर अनुसन्धान चलिरहेको जानकारी स्वास्थ्य मन्त्रालयले दिएको छ।

यी ९४ मध्य ५० जना कोरोनाको संक्रमण भएका को सम्पर्क मा आउनाले कोरोना सरेको बताइएको छ।

यता टर्की शासित साइप्रसमा पनि आज ३ जनामा कोरोना देखिएको छ यो संगै कोरोना संक्रमित को संख्या ३८ पुगेको छ जसमा ३१ जना जर्मन पर्यटक रहेका छन्। कोरोना फैलिन नदिन त्यहा पनि ‘लकडाउन ” गरिएको छ।

यो पनि पढ्नुहोस : साइप्रस सरकारको आग्रह घर मै बस्नुहोस्

आइतबार एक ट्विट गर्दै साइप्रस मेडिकल एसोसिएसन (सिएमए )ले अन्य देशले जस्तै साइप्रसले पनि लक्डाउन गर्नु पर्ने बताएको छ।

सीएमएले ग्रीसका प्रधानमन्त्री किरियाकोस मिट्सोटाकिसले रास्ट्रको नाम मा सम्बोधन गर्दै त्यहाँ सबै बन्द गरि कर्फ्यु लागु हुने भएको घोषणा गरेको टिभी प्रशारणलाइ रि-ट्वीट गरेको थियो।

आइतबार एक दिनमा मात्रै ९४ जनामा संक्रमण पुस्टि भएपछी ग्रीसमा कोरोना भाइरसको महामारी रोक्न सोमबार विहान देखि कर्फ्यु लागु हुदैछ। संक्रमितको संख्या ६२४ जना पुगेको छ भने १५ जनाको मृत्यु भै सकेको छ।

२१ मार्च / लिमासोल

साइप्रसको स्वास्थ्य मन्त्रालयले आज गरिएको टेस्टमा ९ जनामा कोरोना संक्रमण भेटिएको बताएको छ। आज सम्म गरि ८४ जनामा कोरोना पुस्टि भएको हो।

मन्त्रालयले जनाए अनुसार पापोस अस्पतालमा काम गर्ने एक जना नर्स , एक बिमान कम्पनीमा कार्यरत कर्मचारी, बेलायत, पोल्याण्ड र स्पेनको यात्रा बाट फर्केका चार जना , र कोभिड १९ पुस्टि भएका व्याक्तिको सम्पर्कमा आउनाले ३ जनामा सरेका बिरामी हुन्।

अहिले १३ जनाको फामागुस्ता अस्पतालमा उपचार भै रहेको छ भने लिमासोल अस्पताल आईसीयूमा उपचार गरिरहेका ३ जनाको अवस्था स्थिर छ। एक जनाको निकोसिया अस्पतालमा उपचार भइरहेको छ।

यो पनि पढ्नुहोस : 3 जना निको भए, ७७९क्वारेन्टाइनमा

मार्च २१ / लिमासोल

सोमबार दिउँसो देखि शनिबार सम्म 779 जनालाई क्वारेन्टाइनमा राखिएको छ भने युके बाट आज 439 जनालाइ उद्दार गरि ल्याइदै छ ।

यी सबै लाई पनि सरकारले बनाएको क्वारेन्टाइनमा राखिने छ । साइप्रस सरकारले 22 होटेललाई क्वारेन्टाइनको रुपमा प्रयोगमा ल्याएको छ ।

यता हवाइ सम्बन्धि संस्था IATA ले साइप्रस पासपोर्टधारी नागरिकलाई 16 देशमा यात्रा गर्न नपाउने गरि बन्देज लगाएको छ ।

स्वास्थ्य मन्त्रालयले पनि अझै केही दिन नाजुक अवस्था रहने हुनाले सबैलाई घर मै बस्न अनुरोध गरेको छ । हिजो मात्र 8 जनामा कोरोना संक्रमण पुष्टि भएको थियो ती सबै स्वास्थ्य कर्मी हुन् । आज सम्ममा 75 र टर्की शासित साइप्रस तर्फ शनिबार बिहान थप एक जना सन्क्रमित देखिएको छ यो सङै टर्किस साइड्मा संक्रमीत को संख्या 34 पुगेको छ ।

सुखद खबर भने शुक्रबार आएको थियो जहाँ 3 जनामा कोरोना संक्रमण भएका बिरामी निको भएर घर फर्किए । कोभिड १९ पुष्टि भएको 10 दिन पछि शुक्रवार गरिएको टेस्टमा कोरोना भाइरस नदेखिएकाले ऊनीहरुलाई डिस्चार्ज गरिएको हो ।

ती 3 मध्य २ जनाको उमेर 70 र 80 वर्ष रहेको साइप्रस न्युज एजेन्सीले जनाएको छ ।

यो पनि पढ्नुहोस : साइप्रस आउँन नयाँ नियम

मार्च २०/लिमसोल

स्वास्थ्य मन्त्री कोस्तानटिनोस इउवान्नु ले राज्य अहिले आपतकालीन अवस्थाबाट गुज्रिरहेको बताउनु भएको छ । शुक्रबार भएको पत्रकार सम्मेलनमा बोल्दै अहिले कोरोना भाइरसको व्यापक प्रकोप रोक्ने सबै किसिमको प्रयासमा सरकार केन्द्रित भएको बताउनु भयो ।
कुनै पनि देशसँग एकै समयमा जनसंख्याको ठूलो प्रतिशतको उपचार गर्न अस्पतालमा असीमित बेडहरु उपलब्ध छैनन् साइप्रस पनि यो अपवादमा छैन। उहाले भन्नू भयो ।
सरकारले गरिरहेको प्रयास र उपायबारे बताउदै नागरिकले सरकारले बताएको निर्देशन कडाइका साथ पालना गर्नु पर्ने पर्छ भन्नू भयो ।
अझै केही दिन सबै जना घर भित्र बस्न उहाले आग्रह गर्नु भयो । निर्देशन पालना नगरे सरकारले झन कडा कदम उठाउन सक्ने संकेत दिएको छ ।

कोरोना सन्क्रमित ब्याक्ती क कस्को छेउमा वा सम्पर्क मा थियो त्यो पत्ता लगाउने काम भै रहेको र त्यस्ता ब्याक्तीको पनि कोरोना परिक्षण भै रहेको जानकारी दिइएको थियोे । हिजो मात्र 400 जना मा कोरोना परिक्षण गरिएको थियो । हाल परिक्षण ल्याब मा एक दिन मा एक हजार टेस्ट गर्न मिल्ने क्षमताको मेसिन अमेरिकाबाट झिकाइएको छ ।

स्वास्थ्य मन्त्रालयले बिहीवार दिउँसो दिएको जानकारी अनुसार थप 9 जनामा कोरोना संक्रमण भएको छ । यो संगै पुष्टि भएका बिरामीको जम्मा संख्या 67 भएको छ ।
आजका 6 जना बिरामीहरु केही दिन अघि कोरोना भएका व्याक्तिको सम्पर्कमा आउदा सरेको मन्त्रालयले जनाएको छ ।
बाकी 3 जना भने बुल्गेरिया, युके र इटालीबाट फर्किएर सेल्फ आइसोलेसनमा बसेका थिए । उनि हरुले कोरोनाको लक्षण देखिन थाले पछि सम्बन्धित निकायलाई जानकारी गराएका थिए ।

बिहिबार अबेर साँझ दिएको जानकारी अनुसार उत्तरी साइप्रसमा पनि कोरोना संक्रमित को संख्या ३३ पुगेको छ।

ति मध्य ३० जना जर्मन नागरिक हुन् भने ३ जना टुर्किस सिप्रियोट हुन्। आज आएको परिक्षण रिपोर्टमा भने १३ जनामा संक्रमण पुस्टि भएको हो।

विदेश बाट आएका २०० भन्दा बढीलाइ क्वारेन्टाइनमा रखिएको छ।। कोरोना भाइरस फैलिदै थाले पछि उत्तरी साइप्रसमा पनि कडा कदम उथाइएको स्थानीय संचार माध्यमले जनाएका छन्।

ग्रीन लाइन का दुवै साइडमा हेर्ने हो भने  कोरोना संक्रमित को सख्या १०० पुगेको छ।  

साइप्रस नेपाल / १७ मार्च

स्वास्थ्य परिक्षणको रिपोर्ट नलिई आएका ३ जना नेपाली लाई साइप्रस प्रवेश नदिएको स्थानीय मिडियाले जनाएका छन् । दोहा ट्रान्जिट हुदै आएका ति नेपालीले कोरोना संक्रमण नभएको भनि  कागजात देखाउन नसक्दा दोहा नै फिर्ता पठाएको संचारमाध्यम ले बताएका छन्।  

साइप्रस सरकारले १६ मार्च दखि साइप्रस प्रवेश गर्न स्वास्थ्य परिक्षण गराएर कोरोना  नेगेटिभ भएको रिपोर्ट देखाउनु पर्ने र १४ दिन सरकारी क्वारेन्टाइनमा अनिवार्य बस्नै पर्ने नियम बनाएको छ।  १६ मार्च देखि 30 अप्रिल सम्म यो नियम लागू हुने सरकारले बताइसकेको छ ।

यी नियम नमानेमा साइप्रस प्रवेश नदिने सरकारले स्पस्ट पारेको छ। कोरोना भाइरस को संक्रमण रोक्न सरकारले कडा कदम उठाई रहेको छ। 

विभिन्न देशका लागि कोरोना परिक्षण गर्ने ल्याब बारे सरकारले नामावली जारि गरेको भए पनि नेपाल का लागि भने परिक्षण ल्याब तोकिएको छैन जसले थप अन्यौलता सृजना गरेको छ।

दैनिक जीवनमा अत्यावश्यक पर्ने सेवाहरू जस्तै सुपरमार्केटहरू, फार्मेसीहरू, बेकरी, पेट्रोल स्टेशन,कियोस्क र निजी स्वास्थ्य सेवाहरू बाहेक अन्य सबै निजि कम्पनि को कामकाज ४ हप्ताको लागि बन्द गराई सकेको छ।

यो पनि पढ्नुहोस् :साइप्रस आउँन नयाँ नियम, क्वारेन्टाइन बस्नै पर्ने बाध्यता

निजि कम्पनीहरु जस्तै सपिङ्ग मल, पसलहरु, सिनेमा, थिएयटर, सलुन, मसाज सेन्टर, बार तथा पब, लाइब्रेरी ,क्यासिनो तथा बेटिङ सेन्टर, पुरातात्त्विक स्थानहरु, डिपार्टमेन्टल स्टोर, थिम पार्क संग्रहालयहरु र क्याफे तथा कफि सफ , रेस्टुरेन्टहरु बन्द छन्। जसको प्रत्यक्ष मार मा नेपाली विधार्थी पनि परेका छन्।

मंगलबार बेलुकी स्वास्थ्य मन्त्रालयले ४९ जना मा संक्रमण भेटिएको  बताएको छ।  टर्कीस साइप्रसमा पनि ७ जनामा कोरोना पुस्टि भएको छ।

यो पनि पढ्नुहोस् :शरीरका १० अंगमा रहेका कोठीले दिन्छन् यस्ता संकेत

साईप्रस भूमध्य सागरमा अवस्थित एक टापु मुलुक हो । पूर्वी युरोपमा पर्ने यो मुलुक भूमध्य सागरको तेस्रो सबैभन्दाठूलो टापु हो ।

जसमध्ये  नेपाली मूलका मानिसहरूको उक्त जनसंख्यामध्ये ८ हजारजति कामदार भिसा र ४ हजारको हाराहारीमा विद्यार्थी भिसामा आएका मानिसहरू छौं ।

एक बर्ष अघि साइप्रस पुगेका गोरखा विशाल गुरुङ  यतिखेर घर न घाट झैं भएका छन् । खाना डिलिभरको काम बल्लतल्ल पाएका थिए  । तीन महिना अघि देखि सुरु गर्दै आएका उनी अहिले कोरोना भाइरस(कोभिड-१९) को प्रकोप बढेसँगै समस्यामा परेका हुन् ।

यस्तै, अर्को कहिलेकाँही  पेन्टिङमा काम गर्दै आएका नरेन्द्र पनि चिन्तामा छन । कसरी खाना खाने, कोठा भाडा र कलेजको शुल्क तिर्नमा चिन्तित  छन । साइप्रसमा ठण्डीयाममा त्यति काम पाइदैन।साइप्रसमा खेतीको काम त्यति धेरै  हुन्न । 

पर्यटकिय  देश भएकाले होटेल र  रेस्टुरेन्ट कोभिड-१९ को प्रभावले गर्दा बन्द भए। जसले होटल  कर्मचारी र उनी जस्ता दर्जनौं नेपाली कामविहीन भएका छन् ।अब काम हुन्न भनेर साहुले बिदा दियो । होटेल रेस्टुरेन्टमा काम खोजौं टुरिस्ट नआएर चलेका छैनन् । पैसा कमाउन आएका  उल्टो घरबाटै पैसा मगाएर खानुपर्ने भयो,’पीडितले दुखेसो पोखे ।

उहाँ जस्ता  हजारौं विद्यार्थीको जीवन दिन प्रती दिन कष्टकर हुदै आएको छ र अहिले आएर कोरोनाले बिद्यार्थीलाई झन पिर मर्काले पिरोलेको छ।  गर्मीयाम आउदै छ म जस्ता हजारौं विद्यार्थी चिन्ताजनक रहेको छ। दैनिक काम गरेर खाने विधार्थी भोलि के खाने र कसरी भाडा तिर्ने भनेर  पिरालिएका छन ।

त्यसो त, कोरोनाको मार साइप्रस मात्रै होइन युरोप भरिकै नेपालीलाई परेको छ । फ्रान्स, इटाली, पोर्चुगल, जर्मनी,अस्ट्रेलिया  स्विजरल्याण्डलगायतका दर्जनौं देशमा नेपालीहरुको अवस्था कठिन हुने देखिन्छ ।

 

कोरोनाको असरबाट‍ नेपाली विद्यार्थी अझ धेरै समस्यामा परेका छन् ।साइप्रसमा  हाल लगभग चार हजार नेपाली विद्यार्थी विभिन्‍न कलेजमा अध्ययनरत छन् । ती बिद्यार्थीली  सेमेस्टर अनुसार सत्तरी युरो कलेजलाई रजिस्ट्रार शुल्क बुझाउनुपर्छ। कसैको भिसाको लागि पैसा तिर्नु पर्ने छ  किनभने धेरै जसो विद्यार्थी गर्मीमा काम पाइन्छ भनेर कलेजको शुल्क बुझाउदछन ।

 सानो कोठा भाडामा लिए पनि महिनाको कम्तीमा पनि सय युरो माथि तिर्नुपर्छ । अधिकांश विद्यार्थीले विभिन्न होटेल, रेस्टुरेन्ट,बारमा काम गर्छन् । विद्यार्थीहरुलाई दिनको दुई घण्टा मात्रै पार्टटाइम काम गर्ने अनुमति हुन्छ । तर दैनिक खर्च र कलेजको शुल्क तिर्न तिनले रोजगारदातासँगको सहमतिमा पूर्णकालीन कामदारका रुपमा काम गर्छन् । 

साइप्रस सरकारले हालै सम्पूर्ण स्कुल , कलेज ,सपिङ्ग महल , पसलहरु , सिनेमा , थिएयटर, लाईब्रेरी , क्यासिनो तथा बेटिङ सेन्टर , पुरातात्त्विक स्थानहरु, डिपार्टमेन्ट स्टोर , थिम पार्क सङ्ग्रहालयहरु , क्याफे था कफी सफ ,होटेल र रेस्टुरेन्टर बारहरु अप्रिल ३० सम्मका  लागि बन्द गरिदिएको छ जुन लम्बिने निश्चित छ जसले विधार्थीको अवस्था नाजुक बनाउने देखिएको छ ।

सरोज  खड्का भन्छन्, ‘होटेल रेस्टुरेन्ट नै बन्द भएपछि अब कलेजको शुल्क कसरी तिर्ने भन्ने भएको छ । व्यवसाय नै बन्द भएपछि साहुले पनि पैसा दिने कुरो हुन्न । धेरै समय बन्द भयो भने त हामीले कोठा भाडासमेत तिर्न सक्ने अवस्था छैन । हामी जस्ता हजारौं विद्यार्थीको त बिजोगै हुनेवाला छ र हुँदै पनि आएको थियो र अब त झन काम नहुनेहरुको त बिजोगै हुन सक्छ।

एनआरएनए सचीव  पुरन थापा जापानिज खाना  सुसिका राम्रो सेफ हुन। सो कोरोनाको प्रभावले रेस्टुरेन्ट सुनसान भएपछि यतिखेर विदामा कोठमा छन । आम्दानीको श्रोत नै बन्द हुँदा अब के हुन्छ भन्ने चिन्तामा छन । कोभिड-१९ को त्रासपछि ग्राहकहरु स्वात्तै घटे ।  पछि सो रेस्टुरेन्ट बन्द भएको छ ।

यस्तो अवस्थामा धेरै नेपाली पर्न सक्छन् । रेस्टुरेन्ट बन्द भए पछि साहुले पैसा तिर्छ कि नाई  भन्ने जिज्ञासामा उनले भने “सरकारी कानुनअनुसार रीत पुर्‍याएर काम गरेकाहरुलाई पनि सरकारले दिने घोषित तलबको ६० प्रतिशतमात्रै हो । ६० प्रतिशतका दरले मासिक करिब चार सय युरो बुझ्लान् । त्यति तलबले त परिवार धान्नै पुग्दैन। रोजगारदाता इमानदार परे उसले आफ्नो कर्मचारीलाई दिन्छ । इमानदार नपरे रोजगारदाताले नै खाइदिन्छ ।’सबै साहु इमानदार हुँदैनन् । साहु राम्रो परे त देला । नदिए मुद्दामामिला गरेर असुल्न नेपालीले कानुन जान्दैनन् । भाषा हुन्न । साहु गतिलो परेन भने त त्यही पैसा पनि साहुले खाइदिन्छ । धेरै नेपाली हेरेको हेर्‍यै हुन सक्छन्,’ । 

उहाँ जस्ता धेरै जागीरको चिन्तामा छन ।

कोरोना भाइरस को प्रकोप बढे सँगै अवैतनिक नेपाली बाणिज्य दुतावास साइप्रसले यसलाई कसरी हेरेको छ ? यो अवस्थालाइ कसरी लिएको छ भन्ने प्रश्न सबै को मन मा  उब्जिएको छ। किनभने हामी नेपाल लगभग १२ हजार भन्दा बडी नेपालीहरु साइप्रसमा बसोबास गर्छौ र साइप्रसमा अहिले काे अबस्थामा यस्तै कुराले साइप्रसमा सबैभन्दा धेरै पिडामा विद्यार्थी रहेका देखिन्छ । यस बारे साइप्रसमा रहेका विभिन्न संघसंस्थाहरूकाे धारणा के रहेछ ,  म जस्ता हजारौं विद्यार्थीले साेच्ने र तपाईंलाई साेध्ने प्रश्न हाे? त्यसले सबै एक एकजुट भएर हामी सबैले योजना बनाउदा धेरै राम्रो होला कि ?

चीनमा कम हुँदै गएको कोभिड-१९ को प्रकोप युरोप र अमेरिकामा  भने बढ्दै गएको छ । आइतबार मात्रै इटालीमा ३६८ जनाको मृत्यु भएको छ । सोमबार दिउँसोसम्म इटालीमा एक हजार ८ सय  २०, स्विजरल्यान्डमा १४ र जर्मनीमा १३ जनाको मृत्यु भएको छ भने मंगलबार साझ सम्म साइप्रसमा ४९ जना संक्रमित भएको स्वास्थ्य मन्त्रालयले जनाएको छ  ।

१६ मार्च /लिमासोल

आज १३ जना कोरोना संक्रमित को खबर छ।  ति मध्य ११ जना स्वास्थ्यकर्मी हुन् जो बिरामीको उपचार को क्रम मा संक्रमित भएका थिए। 

बाकि २ जना भने हालै ग्रीस र युकेबाट फर्किएका ब्याक्ति हुन् जसमा कोरोनाको लक्षण देखिएको थियो योसंगै साइप्रस मा कोरोना संक्रमितको संख्या ४६ पुगेको छ 

एनआरएनए साइप्रस ले एक विज्ञप्ति जारि गर्दै सुरक्षित रहदै संयमता अपनाउन अपिल गरेको छ साथै नेपाली कन्सुलेट निकोसियाले पनि उच्च सतर्कता अपनाउन विशेष अनुरोध गरेको छ।

यो पनि पढ्नुहोस् : साइप्रस आउँन नयाँ नियम, क्वारेन्टाइन बस्नै पर्ने बाध्यता