दिनेश गौतम
२९ अप्रिल २०२०
युरोप , साईप्रस साईप्रस तथा ईजरायलमा कार्यरत , बसोबास गरिरहेका नेपालीहरुलाई आफना समास्या सहितका विवरण पेरि पेश गर्न नेपाली राजदुतावास ईजरायलले आग्रह गरेको छ ।

कोरोना भाईरस (केभिड १९ ) को संक्रमण फैलिरहेको बेला यसको जोखिममा नेपाली श्रमिक , विद्यार्थीहरुलाई पनि परिरहेको भन्दै सबैको अवस्था थाहा पाउनका लागि केही दिन पहिला पनि अनलाईन मार्फत विवरण संकलन गर्न अनुरोध गरे पनि साईप्रसबाट लगभग दुई हजार आठ सय मात्रको संख्यामा विवरण बुझाएकाले फेरि छुटेकाहरुले विवरण बुझाउन दुतावासले आग्रह गरेको जनाएको छ ।

नेपाली राजदुतावासका प्रवक्ता अर्जुन घिमिरेले आज साईप्रस नेपाल डटकमसगं कुराकानी गर्दै साईप्रसमा रहेका नेपाली विद्यार्थीहरु , श्रमिकहरु यस अघि टिपाएका , सिधै म्यसेज गरेकाहरुको समास्याहरु पनि ब्यवस्थीत रुपमा अभिलेख राख्ने र समास्या समाधानका लागि पहल भैरहेको जानकारी दिनु भयो । hhtps://il.nepalembassy.gov.np/emergency-registration-form/ लिकंमा गएर आबेदन भर्न सकिने छ ।

यो लिकं खोलेर आफना विवरणहरु भरिसके पछि आवेदनको अन्तिममा रहेको सबमिट बटनमा थिच्नुपर्नेछ । जति सक्दो चाडो आफनो विवरण भर्न पनि दुतावासले सबै साईप्रसमा रहनु भएको नेपालीहरुलाई आग्रह गरेको छ ।

विवरणमा उपलब्ध गराएका सुचनाहरु गोप्य राखिने पनि दुतावासका प्रवक्ता घिमिरेले बताएका छन । उहाले फारम भर्न कुने समास्या भए सिधै +972543306070 whatsApp or Viber मार्फत सम्पर्क गर्न अनुरोध गरेका छन

२८ अप्रिल २०२० मंगलवार
युरोप साईप्रस
विदेशमा रहेका सबै नेपालीहरुको सुख दुखमा साथ दिने गैर आवासीय नेपाली सघं अन्र्तराष्टिय समान्वय परिषद साईप्रसमा रहेका नेपालीहरुको हरेक पलमा साथ दिने आई.सि.सि. साईप्रस प्रतिनिधि एवमं उद्यामी रन्जित महतोले बताउनु भएको छ ।

उहाले गैरआवासीय नेपाली संघको कोरोना भाईरस ( कोभिड ः १९ ) सम्वन्धी उच्चस्तरीय समितिले राहत, स्वदेश फिर्ता र पुनर्स्थापना को कार्यक्रम अघि सारेको बताएका छन । उहाले विश्वका ४१ देशका १५० भन्दा बढी क्षेत्र , शहरमा ९०० भन्दा बढी स्वयमसेवकहरु राहतमा खटिएका जानकारी दिनुभएको छ ।

महतोका अनुसार २४ हजार भन्दा बढी गैरआवासीय नेपालीहरुले प्रत्यक्षरुपमा राहतको सामाग्री प्राप्त गर्नुका साथै एनसिसि र आईसिसिले स्थापना गरेको २४औं घण्टे हटलाईनबाट ७ हजार भन्दा बढी नेपालीहरुले परामर्श लिएको बताउनु भयो ।

आज महतोले साईप्रस नेपाल डटकम सगं कुरा गर्दै भन्नु भयो :- अन्तर्राष्ट्रिय समन्वय परिषदले रु ५ करोडको राहत कोष लक्ष्य सहित फण्ड रेजिङ क्याम्पेन अगाडी बढाएको छ भने अब स्थानियरुपमा सहयोग जुटाउन अफ्ठेरो परेका देशहरुमा आईसिसिले राहत रकम वितरण गर्न शुरु गरिएको जानकारी दिए ।

केही दिन पहिला मात्रै मध्यपूर्वका कुबेत, युएई, सउदी अरबलाई पाच पाच हजार युएस डलर र युरोपको साईप्रसलाई ३ हजार युएस डलर रकम निकाशा भएकोले यसबाट साईप्रसमा रहेका विद्यार्थी एवमं अन्य प्रभावितहरुमा केही राहत हुने महतोको बुझाई छ ।

महतो आफै एन.आर.एन.ए आर्थिक उच्च स्तरीय समितिमा रहेकोले आज आई.सि.सि.मा पाच सय डलर र साईप्रसमा थप पाच सय डलर ब्यक्तिगत रुपमा सहयोग दिने जानकारी दिनु भएको छ ।

आफुहरुले नियन्त्रित र सुरक्षित स्वदेश फिर्ताको रणनितिक योजना बनाई सरकारलाई बुझाएका छौं, र पुनर्स्थापन तथा स्वदेश फिर्ता भएका नेपालीहरुलाई कसरी पुनर्स्थापन गर्न सकिन्छ, उनीहरुले बाहिर सिकेको ज्ञान र सिपलाई कसरी देश विकासमा सदुपयोग गर्न सकिन्छ भन्ने बारे योजना बनाई रहेको जानकारी दिए ।

गैर अवासिया नेपाली सघंले थप कार्यक्रमको लागि नेपाल सरकार, सरोकारवाला निकायहरु, विदेश स्थित नेपाली कुटनितिक नियोगहरु र अन्तर्राष्ट्रिय सँघ सँस्थाहरुसँग निरन्तर सम्पर्क र सहकार्यमा काम गर्न प्रतिबद्ध रहेको महतोले बताए ।

उहाले एनआरएन.एले साईप्रस देशलाई धेरै नाजिकबाट नियाली रहेको बताउदै यहा रहेका समाजिक सघंसस्थाहरुको कामले सबै नेपालीहरुमा एकताको बल जगाएकोले यस कार्यलाई अब गैर आवासीय नेपाली सघं साईप्रसले निरन्तर जारी राख्न सुझाव दिए ।

दिनेश गौतम
युरोप ,साईप्रस
विश्वभरमा कोरोना भाईरसले विश्वभरमा हरेक क्षेत्रमा असर गरिहेको बेलामा युरोपको साईप्रस देशमा पनि उत्तिकै असर पारेको देखिएको छ ।

यहाको ब्यवासायहरुमा झनै असर परेको देखिएको छ । साईप्रसमा काम गरिरहेका खास गरि केही घरेलु कामदार( रिलिज लिएर बाहिर बसेका) एवमं विद्यार्थीहरु काम विहिन भएका छन ।

यत्ति मात्रै होईन साईप्रस देशमा सिमित नेपालीहरुले ब्यवसाय समेत गरेर बसेका थिए तर यो कोरोना भाईरसले गर्दा पुरा ब्यापार ठप्प छ , अफिसको भाडा, बत्ति , पानी ईनटरनेटको पैसा पनि तिर्नु परेकोले झन समास्यामा परेको ट्भल एण्ड टुर ब्यवासायी निरज खनालले बताए ।

• 

खनालका अनुसार बिक्री भई सकेको टिकटवालाहरुको मिति परिवर्तन गरेर फेरि अर्को डाटामा राख्दा ग्राहकहरुलाई टेलीफोन , ईमेल आदी मार्फत सम्पर्क गर्न खोज्दा खर्च झन बढेको बताए ।

उहा अनुसार साईप्रस आउने वा साईप्रसबाट नेपाल जानेहरुको हकमा कुनै एक देशको लकडाउन खुल्दैमा आवत जावत गर्न नपाईने भएकोले आफुबाट टिकट काटेकाहरुले केही दिन पर्खिनुपर्ने बताउनु भयो ।

साईप्रसमा लामो बसाई गरि ब्यावसाय गरिरहेका खनालले भने कतार एयर लाईन्सले नेपालीहरुको हकमा साईप्रस देश , नेपाल र कतार वा ट्न्जीट पर्ने देश खुलेमा मात्रै आफुहरुले उडान भर्न सक्ने ईमेल मार्फत जानकारी गराएको बताए ।

यसका साथै कतार एयरलाईन्सले जुन महिनाको ७ तारिखबाट देशको अवस्थालाई हेरि आफना्े समय तालिका बनाउने खनालको भनाई थियो ।

खनालले कोरोना भाईरसले गर्दा साईप्रसबाट धेरै नै नेपाली नेपाल जाने वा केही नेपालीहरु फर्कने सम्भावना रहे पनि एयरलाईन्सहरुको ब्यावसाय पुरानो अवस्थामा आउनाका लागि सन २०२१ कुर्नुपर्ने बताए ।

उता लिमासोल सहरमा गोर्खा किचन रेष्टुरेन्ट संचालन गर्दै आउनु भएकी ज्ञानु लामाले कोरोनाका कारण आफनो ब्यापार पुर्ण रुपमा ठप्प रहेको बताईन ।

लामाका अनुसार साईप्रस सरकारले होटल , रेष्टुरेन्टहरु खोल्ने कुरा गरेको छ त्यो धेरै राम्रो हो तर आफुहरु पहिलाको जस्तो ब्यापार गर्न धेरै नै मिहनेत गर्नु पर्ने हुन्छ किनकी अब यो बर्ष पर्यटकहरु पनि कमै आउने सम्भावना रहेको जानकारी दिईन ।

यता साईप्रसमा केही विद्यार्थीहरु समेत पार्टटाईम काम गरिरहे पनि उनिहरु पुर्ण रुपमा बेरोजगार भएकोले अब अगामी दिनमा कसरी कलेज शुल्क आदी तिर्ने भन्ने बारेमा अत्यन्त चिन्तीत भएको विद्यार्थी एवमं एन.आर.एन.ए. साईप्रसका कार्यसमिति सदस्य नितेश सरदारले बताए ।

साईप्रस , निकोसिया
विश्वब्यापी कोरोना भाईरसबाट बढि प्रभावित नेपालीहरुको बसोबास रहेका देशका गैरआवासीय नेपाली सघंका पदाधिकारीहरुसगं आज सोमवार परराष्ट मन्त्रि प्रदिप ज्ञवालीले अनलाईन भिडियो छलफल गर्नु भएको छ ।

मन्त्रि ज्ञवालीले मन्त्रालयबाट विदेशमा रहेका साईप्रस सहित १६ देशका प्रतिनिधिहरुसगं कोरोना भाईरसको कारणले उत्पन्न भएको समस्याका बारेमा जानकारी लिनु भएको हो ।

छलफलमा गैरआवासीय नेपाली सघं साईप्रसकी अध्यक्ष दिल कुमारी तिलीजा पुनले साईप्रसमा रहेका विद्यार्थीहरुको समास्या( खाना , बस्न , कलेज शुल्क) , नेपाली श्रमिकहरुको सवालहरु बारेमा मन्त्रि ज्ञवाली समक्ष राखेकी थिईन ।

अध्यक्ष पुनले साईप्रसमा रहेका विद्यार्थीहरु अहिले ठुलो समास्याबाट गुज्रीरहेकोले यस तर्फ नेपाल सरकार लगाएत सरोकारवालाहरु गम्भिर बन्न आग्रह गर्नुभएको थियो ।

जवाफमा मन्त्रि ज्ञवालीले आफु समास्या समाधान गर्न सकारात्मक रहेको प्रतिक्रिया दिनुभएको अध्यक्ष पुनले जानकारी दिईन ।

सो छलफलमा साईप्रस सहित बेल्जियम , नेदरल्याण्ड , केन्या , कतार , क्यानाडा , अमेरिका लगाएतका एन.आर.एनंए. अध्यक्षहरुको सहभागिता रहेको थियो ।

दिनेश गौतम
युरोप साईप्रस , लोकतन्त्र , शान्ति ,बिकास र समाजिक कार्य गर्ने उद्देश्यका साथ समाजसेबी रिता दुलालको संयोज्कत्वमा साईप्रसमा जिपि कोईराला फाउण्डेशन स्थापना भएको छ ।

फाउण्डेशनकी केन्द्रिय अध्यक्ष एवम. पुर्ब उप प्रधानमन्त्रि सुजाता कोईरालाले गत फेरबुरी महिनामा साईप्रसका लागि रिता दुलाललाई संयोजकमा नियुक्त गर्नु भएको थियो ।

यस्तै फाउण्डेशनको सचिवमा निर्मााला सापकोटा , सह सचिवमा लक्ष्मी पौडेल , कोषाध्यक्षमा रीता थापाहरुलाई चयन हुनु भएको छ भने सदस्यहरुमा नन्दन गौतम ,गिता रसाईली , निमचन्द्र शेर्पा , रोशन थापा , रुबिन महर्जन , मनिष कुमार अधिकारी रहनु भएको छ ।

यस्तै फाउण्डेशनले तिन जना विदेशी सल्लाहकार समेत गठन गरेको संयोजक दुलालले जानकारी दिनुभएको छ ।

दुलालका अनुसार सल्लाहकारहरुमा पाओलो निकोल (ईटाली ) मुलेन्को भिक्टोरिया ( युक्रेन ) अन्दी अन्थोनी ( साईप्रपस) रहनु भएको बताएकी छिन ।

नेपालको शान्ति प्रक्रियामा महात्वपुर्ण भुमिका खेलेका , लोकतान्त्रीक अन्दोलनका नायक गिरिजा प्रसाद कोईरालाको नाममा उहाकी छोरी सुजाता कोईरालाले जिपी फाउण्डेशन स्थापना गरेर विश्वमा रहेका नेपालीहरुको हकहितका लागि अवाज उठाउने शान्ति ,लोकतन्त्र , बिकास र समाजिक कार्यमा साथ दिने हेतुले स्थापना गरिएको छ ।

युरोप साईप्रस २५ अप्रिल २०२०
साईप्रसमा रहेका नेपालीहरुका लागि खुलाईएको अपतकालिन दर्ता विवरणमा अहिले सम्म दुई हजार ७ सय ४२ जनाले आफनो नाम दर्ता गराएको नेपाली राजदुतावास ईजरायलले जनाएको छ ।
दुतावासका प्रवक्ता एवमं उप नियोक प्रमुख अर्जुन घिमिरेका अनुसार साईप्रसमा नेपालीहरुको संख्या १२ हजार भन्दा बढि भएको खबर पाएपछि दर्ताका लागि अह्वान गरे पश्चाप्त यत्ति थोरै संख्यामा यहा रहेका नेपालीहरुले आफनो विवरण दर्ता गराउनु भनेको अत्यन्त न्युन भएको बताएका छन ।
घिमिरेका अनुसार साईप्रसमा नेपालीहरु यस विश्व ब्यापी महामारी कोरोना भाईरसबाट सबै भन्दा बढि प्रभावित नेपाली विद्यार्थीका साथै घरेलु कामदारहरु समेत रहेकोले यस विषयमा राजदुतावास अत्यन्त गम्भिर पुर्बक काम गरिरहेका जानकारी दिनुभयो ।
उहाले साईप्रसमा खास गरि पछिल्लो समय नेपाल जान चाहनेहरुको माग बढेकोले दुतावासले नेपाल फर्कन चाहनेहरुको लागि नाम दर्ता फारम खुलाएमा अहिले सम्म ३३७ जनाले मात्रै आफनो विवरण उपलब्ध गराएको जानकारी दिए ।
यो दुतावासले अह्वान गरेको आपतकालिन दर्ता प्रक्रियामा साईप्रसमा रहेका सबै नेपालीहरुले भरेमा मात्र नेपालीहरुको जम्मा संख्या थाहा हुने भएकाले फेरि पनि आपतकालिनका लागि खुलाईएका अनलाईन फारम भर्न सबैलाई आग्रह गरेको छ ।
प्रवक्ता घिमिरेका अनुसार साईप्रसमा अहिले यहा रहेका विभिन्न समाजिक सघंसस्थाहरु मिलेर नेपाली समुदायका विद्यार्थी एवमं अत्यन्त कमजोर आर्थिक स्थिति रहेकाहरुलाई राहत वितरण गरिहेको कार्य अत्यन्त सरहनिय रहेको बताउदै राजदुतावासले साईप्रस सरकारलाई त्यहा रहेका विद्यार्थीहरुको समास्या ,कामदार , लगाएत सम्पुर्ण नेपालीहरुको अवस्थाका बारेमा बारम्बार चिठि लेखेर अवगत गराईरहेको बताए ।
यसका साथै साईप्रस सरकारले लकडाउन बढाएको खबर पाएसगै अब दुतावासले साईप्रस सरकारलाई पत्र लेखि त्यहा रहेका विभिन्न अन्र्तराष्टिय सघंसस्था एवमं नेपाली समाजिक सघंसस्थाहरु मार्फत नेपाली समुदायलाई राहत दिलाउनका लागि पहल गरिने बताए । साईप्रसमा अहिलेको समास्या भनेको विद्यार्थीहरुको घर भाडा छुट , कलेज , विश्वविद्यालयको शुल्क र काम नपाउने रहेको छ ।
यहा रहेका संघंसस्थाहरुले अबको कार्य योजना राहत वितरण भन्दा पनि समास्यामा परेकाहरुलाई कसरी उद्दार गरेर नेपाल फर्काउने बाताबरण मिलाउने कुरामा ध्यान दिन जरुरी रहेका तर्क छ पत्रकार समिम मियाको ।

मियाका अनुसार नया आएका विद्यार्थीहरु या भिषा नलगेको र कलेज शुल्क बुझाई सकेकाहरुको पैसा फिर्ता गर्ने सम्बन्धमा नेपाली राजदुतावासले पहल गर्नु पर्ने बताए ।

नेपाल फर्कन चाहनेहरुको हकमा भने जसको ईमिग्रेशन भएको छैन उनिहरुले कलेज वा विश्वविद्यालयमा तिरेको पैसा फिर्ता गराउन अब दुतावास लाग्नु पर्ने मियाको तर्क छ ।

२५ अप्रिल २०२०
साईप्रस लिमासोल
नेपाली जन सम्पर्क समिति साईप्रसले हिजो शुक्रवार देखी चौथो बर्षमा प्रवेश गरेको अवसर पारेर दोस्रो चरणको राहत वितरण सूरु गरेको छ ।

नेपाली कागं्रेसको भातृसंगठनको रुपमा रहेको जनसम्पर्क समिति साईप्रसमा चार बर्ष अघि स्थापना भएको थियो ।
समितिले पछिल्लो कोरोना भाईरसको महामारीबाट असरमा परिरहेका साईप्रसका नेपाली विद्यार्थी एवमं अन्य नेपालीहरुलाई राहत बितरण गर्दै आईरहेका आफनो समाजिक संजाल फेसबुक मार्फत सार्बजनिक गरेको छ ।
दोस्रो चरणको राहत वितरण सुरु गरिएकोमा हिजो मात्रै निकोसिया र लिमासोल गरि ५१ जनालाई राहत वितरण गरिएको समितिकी सह महामन्त्रि ईन्दीरा खडका उप्रेतीले जानकारी दिनुभएको छ ।

दिनेश गौतम
युरोप साईप्रस २४ अप्रिल २०२०
कोरोना भाईरसले साईप्रसमा असर गरिहेको अवस्थामा गैर आवासीय नेपाली सघं आईसिसिकी महिला उपाध्यक्ष रबिना थापाले एन.आर.एन.ए साईप्रसको आपतकालिन कोषमा पाच सय युरो सहयोग गर्नु भएको छ ।

थापा हाल अमेरिकामा बसोबास गर्दै आए पनि साईप्रसमा रहेका नेपालीहरुलाई नजिकबाट नियाल्दै सो रकम सहयोग गरेको जानएकी छिन ।

यस्तै लामो समय साईप्रसमा बसोबास गरि यहा रहेका नेपालीहरुको अवस्था , समाधान लगाएतका बारेमा वकालत गर्दै आएका उद्यामी एवमं गैर आवासीय नेपाली सघंका आईसिसि साईप्रस प्रतिनिधि रन्जित महतोले ५०१ युरो आपतकालीन कोषमा सहयोग गर्नु भएको एन.आर.एन.ए साईप्रसका कोषाध्यक्ष दिनेश ढकालले जानकारी दिनु भएको छ ।

साईपसमा रहेका नेपालीहरुको राहतमा केही सहयोग पुग्ने उद्देश्यले सहयोग जुटाई रहेको सहकोषाध्यक्ष अनिल भण्डारीले जानकारी दिए ।

भण्डारीका अनुसार केही दिन पहिला साईप्रसमा रहेको अबैतानिक बाणिज्य दुतावासका बाणिज्य दुत डा. राम जिवन पन्जियार र उहाकी धर्मपत्नीले ५०१ युरो सहयोग गरेको बताए ।

उहाका अनुसार अब यी रकम साईप्रसमा रहेका शारर्णाथी , बाहिर बसेर काम गर्ने नेपालीहरु, छुटेका विद्यार्थी लगाएहरुलाई राहतका कार्यक्रममा समाबेश गरिने बताए ।

युरोप साईप्रस अप्रिल २२ तारिख

नेपाल सरकारका प्रधानमन्त्री केपी शर्मा ओली र साईप्रसका रास्ट्रपति निकोस अन्थासिदेशसगं आज बुधवार टेलीफोन वार्ता भएको छ ।

प्रधानमन्त्री ओलीले अहिले साईप्रसमा रहेका नेपाली विद्यार्थीहरुको अवस्था , यहाँ कार्यरत श्रमिकहरुको सवाल र दुवै देशले आगामी दिनमा आपसी दुई पक्षिय हित एवमं सहयोगका बारेमा कुराकानी भएको नेपाली राजदुतावासका ईजरायलका प्रवक्ता अर्जुन घिमिरेले जानकारी दिनु भएको छ ।

प्रधानमन्त्री ओलीले पनि आज आफनो सामाजिक संजाल ट्विटर मार्फत आफुले साईप्रसका रास्ट्रपतिसगं साईप्रसमा रहेका नेपाली विद्यार्थी सहित अन्य पेसामा रहेका नेपालीहरुको बारेमा मैले चासो राखे ।

रास्ट्रपतिले नेपालीहरुको उपयुक्त हेरविचार भैरहेको र कुनै अप्ठयारो पर्न नदिन मलाई अश्वस्त पार्नु भयो भनी उल्लेख गरेका छन ।

उता साईप्रसका लागि नेपाली राजदुतावास ईजरायलकी राजदुत डा. अन्जान शाक्यले साईप्रसमा रहेका नेपालीहरु प्रति चिन्तीत रहेको र साईप्रस सरकार संग नियमित रुपमा नेपालीहरुको समस्या समाधानका लागि आग्रह गरिहेको प्रवक्ता घिमिरेले जनाए ।

दिनेश गौतम
१९ अप्रिल २०२०
युरोप साईप्रस । कोरोना भाईरसबाट सृजना भएको नेपाली समुदायहरुको समास्याहरु प्रति नेपाल सरकार गम्भिर हुदै साईप्रस सरकारलाई फेरि पत्र पठाएको नेपाली राजदुतावास ईजरायलले जानकारी दिएको छ ।

अहिले साईप्रसमा बसोबास गरिरहेका नेपाली विद्यार्थीहरुको समास्यालाई मध्य नजर गर्दै नेपाली दुतावास ईजरायलले साईप्रस सरकारलाई चिठी लेखि कलेज वा विश्वविद्यालयको शुल्कका बारेमा , घर भाडाको समस्याको बारेमा अवगत गराई रहेको दुतावासका उपनियोग प्रमुख एवमं प्रवक्ता अर्जुन घिमिरेले जानकारी दिए ।

कोभिड १९ संक्रमणबाट उत्पन्न भएको समास्यालाई मध्य नजर गर्दै नेपाली राजदुतावास ईजरायलले आज आईतवार देखि साईप्रस र ईजरायलबाट नेपाल जान चाहनेहरुका लागि विवरण संकलन कार्य सुरु गरेको छ । कोरोना भाईरसका कारणले रोजगार गुमाएका , काम नभएर समस्यामा परेकाहरु , विभिन्न समस्यामा परेकाहरुले साईप्रस र ईजरायललाई विट मार्दै नेपाल फर्कनेहरुको स्पस्ट विवरण संकलन गर्ने हेतुले अनलाईन फारम भर्न व्यवस्था गरिएको दुतावासले जनाएको छ ।

दुतावासका अनुसार यो फारम भर्ने वित्तिकै तत्काललै नेपाल फर्काउने भन्ने नभएर नेपाल जान चाहनेहरुको स्पस्ष्ट संख्या भए पछि आफुहरु यी दुबै देशमा रहेका नेपालीहरुलाई उद्दारका लागि नेपाल सरकारलाई अनुरोध गरिने र नेपाल सरकारको प्रतिक्रिया पश्चाप्त सुचना निकालेर सबैमा जानकारी दिने बताएको छ ।

फारममा नेपाल जान चाहनेहरुले दुतावासको अनलाईन फारम मार्फत आफनो नाम ,राहदानी नम्बर , तपाई साईप्रस कि ईजरायल बस्नुहुन्छ ? के पेशामा हुनुहुन्छ ? सम्पर्क नम्बर उल्लेख गर्नुपर्ने हुन्छ । दुतावासले फारम भरि सकेपछि पनि अत्यवाश्वयक समस्या भएको खण्डमा दुतावासको फेसबुक पेज वा ईमेल मार्फत सिधै सम्पर्क गर्न अनुरोध गरेको छ ।

फारम भर्न तल क्लिक गर्नुहोस्