प्रहरीले बैंक लुटेर भाग्ने दुई जनालाई पक्राउ गरेको छ। शुक्रबार दिउँसो मध्यान्हमा स्त्रोभोलोस एभिन्यु स्थित एक बैंकको शाखामा लुटपाटको आरोपमा पक्राउ गरेको हो। आरोपीले हुडि लगाएर बैन्क प्रवेश गरेका थिए । बैक कर्मचारीका अनुसार लुटेराले चक्कु देखाएर करिब तीस हजार युरो लुटेर भागेका थिए।
प्रहरीका प्रवक्ताका अनुसार आरोपी आफ्नो घरमा लुकेर बसेको अवस्थामा पक्राउ गरिएको हो। आरोपी बाट लुट्न प्रयोग भएको चक्कु र पैसाले भरिएको ब्याग पनि फेला परेको छ। आरोपी मध्य एकजना गृक सिपिरयोट युवक र अर्का आरोपी कुन देशका नागरिक हुन् भनेर खुलाइएको छैन

१२ अगस्ट २०२०
कोरोना सन्कट को सकियो कि भनेर ढुक्क भएको केहि हप्ता नबित्दै एकाएक फेरि देखिएको संक्रमणले साइप्रसको स्वास्थ्य मन्त्रालयमा खतराको घण्टी बजाइदियो । लकडाउन को विभिन्न चरण पछि राहत महशुस गरेका सर्वसाधारणले सामाजिक दुरि , मास्क र अन्य व्याक्तिगत सुरक्षाको उपायमा लापरबाही गर्दा संक्रमण पुनः फैलिएको देखिन्छ जसको परिणाममा साइप्रसमा चाडपर्व उत्सब र कार्यक्रमहरु रोकिएका छन् ।
तर अगस्ट १५ बाट सुरु हुने सार्वजनिक विदालाई मध्यनजर गर्दै मन्त्रालयले लिमासोलमा हुने जमघट को प्रतिबन्धमा लचकता दिएको छ । बुधबार देखि लागू हुने गरि अब लिमासोलमा ५० जना सम्म एक साथ जम्मा हुने सकिनेछ। सार्वजनिक स्थलमा यस अघि १० जना भन्दा बढी जम्मा हुन मनाही थियो।
संक्रमण को फैलावट रोक्न लिमासोलमा नयाँ नियम लागू गरिएको छ ।
१. घर वा सार्वजनिक स्थलमा ५० जना भन्दा बढी जम्मा हुन नपाइने । मास्क अनिवार्य
२. रेस्टुरेन्ट तथा बार भित्र ७५ जना र बाहिर १५० जना मात्र
३.चर्च भित्र प्रोटोकोल अनुसार ७५ जना मात्र
४. अन्य स्थानमा लगाइएको नियम कायम नै रहेको छ जस्तै अनिवार्य मास्क प्रयोग

केही हप्ता देखि एकाएक कोरोना संक्रमणमा वृद्धि भए पछि मङलबार २५ संक्रमण संगै एक ७७ वर्षीय वृद्ध को मृत्यु भएको थियो । यता, वुधवार को पत्रकार सम्मेलनमा थप १४ जनामा कोरोना संक्रमण पुष्टि भएको स्वास्थ्य मन्त्रालय ले जानकारी दिएको छ । पछिल्लो २४ घन्टा मा ३७७५ टेस्ट गरिएको थियो । बुधबार को डाटा सहित आज सम्म कोरोना संक्रमीत को जम्मा संख्या १२९१ पुगेको छ।

१२ अगस्ट २०२०

आज बुधबार राती आकाशमा उल्कापिन्ड को वर्षा देखिने सकिने खगोलिय सोसाइटी ले बताएको छ । नेपाली बोलचाली को भाषामा तारा खसेको भनिन्छ जुन राती ११ बजे देखि नग्न आँखा ले पनि देख्न सकिनेछ। खगोलविद् का अनुसार यस्तो घटना जुलाइ 17 सुरु भएको हो जुन अगस्ट  24 सम्म हुने बताइएको छ । तर आज १२ अगस्ट को राती भने धेरै उल्कापिन्ड खसेको देख्न सकिनेछ। एक घन्टा मा करिब १०० उल्कापिन्ड खस्ने अनुमान छ ।
तारा खसेको रोमाञ्च दृश्य राती ११ बजे पछि उत्तरपुर्वी दिशामा हेर्न सकिन्छ ।

११ अगस्ट २०२०
कोभिड १९ बाट सन्क्रमित भइ मङ्लबार एक वृद्ध को मृत्यु भएको छ । ७७ वर्षका वृद्धको अन्य रोगबाट ग्रसित शारीरिक समस्याबाट पनि जुध्दै थिए । यस अघि १९ जनाको कोरोना को कारण मृत्यु भै सकेको छ । आज सम्म मर्नेमा १४ पुरुष र ६ महिला छन् । जसको सरदर उमेर ७१ वर्ष रहेको छ ।

साइप्रसको स्वास्थ्य मन्त्रालयले मंगलवार दिएको जानकारी अनुसार पछिल्लो २४ घन्टामा २५ जनामा कोरोना पोजिटिभ देखिएको छ । मन्त्रालयले ४,०२४ टेस्ट गरिएको जानकारी दिएको छ । यी टेस्टहरु सरकारले हरेक जिल्लामा गरिने दस हजार टेस्ट , व्याक्तिगत डाक्टर को सिफारिस, एयरपोर्ट मा गरिने टेस्ट तथा सरकारी ल्याब र विभिन्न प्राइभेट ल्याब ले गरेका टेस्ट बाट आएको नतिजा हो । १३ जना कन्ट्याक ट्रेसिङ गरिएको थियो ।
आजको २५ जना बिरामी सहित कोरोना सन्क्रमित को संख्या १२२७ पुगेको छ ।

१० अगस्ट २०२०
पछिल्लो २४ घन्टामा गरिएको २६१९ टेस्ट मध्य १० जनामा कोभिड १९ संक्रमण पुष्टि भएको छ । साइप्रसको स्वास्थ्य मन्त्रालयले जानकारी दिए अनुसार १० मध्य ५ अस्पतालमा उपचाररत छन् तर कोहि पनि आइसियु मा भने भर्ना भएका छैनन् ।
आजको डाटा सहित कोरोना सन्क्रमित को जम्मा संख्या १२५२ पुगेको छ । वोल्डोमिटरका अनुसार कोरोना भाइरस सक्रिय बिरामी को संख्या ३६३ छ । यो संख्या भनेको हस्पिटल मा उपचाररत र क्वारेन्टाइनमा बसेको बिरामीको संख्या हो ।
कोरोना बाट हाल सम्म साइप्रस मा १९ जनाको मृत्युु भै सकेको छ भने ८७० पुर्ण निको भै सकेका छन् ।
पछिल्लो केही हप्तामा कोरोन धमाधम देखिन थाले पछि सरकारले मास्क लगाउन अनिवार्य गरेको छ । नियम पालन नगर्नेलाई प्रहरीले ३०० युरो जरिवाना तिर्नु पर्ने छ । यसरी लाग्ने जरिवाना १५ दिन भित्र नतिरे यसको ५०% थपेर १ महिना भित्र तिरिसक्नु पर्ने हुन्छ यदि महिना दिन भित्र पनि नतिरेमा अदालतमा केश खुल्ने नियम छ ।

१० अगस्ट २०२०

लिमासोलमा बिहान एक भ्यानमा विस्फोट भएको छ । सोमबार बिहान निकोउ र डेस्पिना पत्ती स्ट्रीट मा ज्वलनशील रासायनिक सामग्री ट्रान्स्पोट गर्ने भ्यानमा बिस्फोट भएको हो ।भ्यानमा फस्फिन नामक पदार्थ ले भरिएको ब्यारेल राखिएको थियो । फस्फिन एक किसिमको ज्वलनशिल रङहिन बिस्फोटक ग्यास हो जुन सामान्य तापमान मा लसुन वा सडेको माछाको गन्ध जस्तै हुन्छ ।

बिस्फोट को खबर पाउना साथ प्रहरी, दमकल र एम्बुलेन्स सेवा घटनास्थलमा पुगेको थियो । भ्यानमा क्षति पुगे पनि स्थिति सामान्य र सुरक्षित बनाउन प्रहरीले आसपासका पसल बन्द गराइ र स्थानीय बासिन्दाको घर खाली गराएको थियोे । बिस्फोट बाट अन्य केही क्षति नभएको स्थानीय मिडियाले बताएका छन् ।

रोमानिया बाट आएको पानी जहाजमा अन्न संगै सो केमिकल ल्याइएको जानकारी स्थानीय प्रशासनले दिएको छ । नस्ट गर्न भनेर स्थानिय कम्पनीले सो पानी जहाज मार्फत सो केमिकल मगाएको बताइएको छ ।

युरोप , साईप्रस
विश्वभरमा रहेका नेपाली आदीबासीहरुले आफनो देश चिनाउनका लागि महात्वपुर्ण योगदान दिएको ईजरायल तथा साईप्रसका नेपाली राजदुत डा. आन्जान शाक्यले बताउनु भएको छ ।

२६ औ विश्व आदीबासी दिवसको अवसर पारेर राजदुत डा. शाक्यले साईप्रस नेपाल डटकमसगंको टेलिफोनमा कुराकानी गर्दै ईजरायल तथा साईप्रसमा रहेका नेपाली एवमं अन्य देशका आदीबासीहरु संयुक्त रुपमा मिलेर कार्यक्रम गर्नु नै सारा आदीबासीहरु एक भएको बुझिएका बताईन ।

डा. शाक्यका अनुसार नेपाली आदीबासी जनजातिहरु देशका गहना भएकोले राज्यले उहाहरुको भाषा , संस्कृतिलाई जगेर्न गर्न कुनै कसुर बाकी राख्न नहुने तर्क गर्नु भयो । नेपालमा रहेका आदीबासीहरुको जायज मागलाई नेपाल सरकारले केही हद सम्म पुरा गरे पनि बाकी रहेका मागहरुलाई सरकारले यथासिघ्र सम्बोधन गर्नुपर्ने नेपाली राजदुतावास ईजरायलका प्रवक्ता एवमं उपनियोक प्रमुख अर्जुन घिमिरेले बताउनु भयो ।

प्रवक्ता घिमिरेले प्रवासमा रहेका आदीबासीहरुलाई सारा नेपालीहरुले सम्मान गर्दै उहाहरुको संस्कृतिलाई जोगाउन सबै लाग्नुपर्ने बताउनु भयो ।

यता २६ औ आदीबासी दिवसको अवसरमा गैरआवासीय नेपाली सघं साईप्रसका प्रवक्ता दिनेश गौतमले शुभकामना दिदै नेपाली आदिबासी जनजातिहरु सारा नेपालीहरुको गहन भएको बताउनु भएको छ ।

प्रवक्ता गौतमले जनजातिहरुको अधिकारका सवालमा नेपाल सरकार गम्भिर भएर उहाहरुको भाषा , सस्कृतिलाई जगेर्न गर्नुपर्ने माग गरेका छन ।

यस्तै साईप्रसमा रहेको किरात याकथुगं चुम्लुगं साईप्रसकी सचिव रेश्मा लिम्बुले पनि शुभकामना दिर्दै सबै आदिबासीहरु एक हुनुपर्ने बताईन । सचिव लिम्बुले आज साईप्रस नेपाल डटकमसगंको टेलिफोनमा कुराकानी गर्दै सो कुरा बताउनु भएको हो । यस्तै साईप्रसमा रहेका तमु समाज साईप्रस , नेपाल तमागं घेदुगं साईप्रस , तमागं बौद्ध महासघं , नेपाल मगर सघं , किरात राई यायोख्खा साईप्रस , गिरिजा प्रसाद कोईराला फाउण्डेशन , लगाएतका विभिन्न समाजिक सघंसस्थाहरु ,लगाएतले शुभकामना दिदै सबै आदीबासी जनजातिहरु एक भएर सस्कृतिलाई जगेर्न गर्नुपर्ने बताएका छन ।

९ अगस्ट २०२०

लिमासोल जिल्लाको प्राटिसो अभ्डिमु गाउँ नजिकै डढेलो लागेको छ । आइतबार दिउँसो करिब २ बजे आगो आगेको जानकारी आए पछि दमकल सेवा तुरुन्तै सो स्थानमा पठाइएको थियो । सुख्खा घास भएका इलाकामा ढडेलो लागेको र नियन्त्रण को प्रयास भैरहेको फायर सर्भिस का प्रवक्ता ले बताएका छन् ।

आगो नियन्त्रण गर्न ८ दमकल र अग्नि नियन्त्रक कर्मचारी तैनाथ गरिएको छ । तिव्र हावा चलेका कारण ढडेलो नियन्त्रण मा मुस्किल भैरहेको बताइएको छ ।

हेलिकप्टर र दमकल निरन्तर प्रयासमा रहेको जानकारी छ ।

८ अगस्ट २०२०

पछिल्लो २४ घन्टामा गरिएको टेस्ट मा कोरोना संक्रमण भएका ११ बिरामी फेला परेका छन् । साइप्रस को स्वास्थ्य मन्त्रालयले दिएको विवरण अनुसार 3314 ल्याब टेस्ट गरिएको थियो । जसमध्य ११ जना पोजेटिभ भेटिएको हो । यो संगै कोरोना सन्क्रमित को संख्या १२३३ पुगेको छ ।

फामागुस्त जेनेरल हस्पिटल मा अहिले ५ जना कोभिड १९ का बिरामी उपचाररत छन् उनिहरुको अवस्था सामान्य रहेको छ ।

लक्डाउन खुलुको भए संगै कोरोना संक्रमण फैलिन थाले पछि सरकारले देश भर मास्क को प्रयोगलाई अनिवार्य गरेको थियो । लिमासोल मा १० जना भन्दा बढी एकै स्थान मा जम्मा हुन प्रतिवन्ध गरिएको छ । भिडभाड हुने स्थानमा अनावश्यक नजान र जानै परे व्याक्तिगत सुरक्षा को उपाय संगै सामाजिक दुरि कायम गर्न सरकारले अनुरोध गरेको छ ।

८अगस्ट २०२०/ लिमसोल

शनिबार बिहान २ बजे देखि लागेको आगो अझै नियन्त्रणमा आउन सकेको छैन । पापोस र लिमासोल को बीचमा पर्ने माउसेरे, अर्चिमान्ड्रिटा, र डोरा क्षेत्रहरूमा आगलागी भएको हो । करिब २० किलोमीटर क्षेत्र मा लागेको आगो निभाउन ३० भन्दा बढी दमकल, ठुलो संख्या मा अग्नि नियन्त्रक स्टाफ र हवाइ मद्द्त लिएको छ ।

९ बटा अग्नि नियन्त्रक हवाइ सेवा प्रयोगमा ल्याइएको छ । अतिरिक्त अग्नि नियन्त्रण बल लाई सो स्थानमा तैनाथ गरिएको छ । यद्यपि कतै पनि जनधनको क्षति नभएको बताइएको छ । सुरक्षाका लागि डोरा गाउलाई प्रहरि र सिभिल डिफेन्स को सहयोगमा खाली गराइएको छ ।
तेज हावा चलेका कारण आगलागि नियन्त्रणमा आउन सकिरहेको छैन ।