२८ अक्टोबर २०२०/ लिमासोल
पछिल्लो २४ घन्टामा नोबेल कोरोना भाइरसका ११३ बिरामी फेला परेका छन्। स्वास्थ्य मन्त्रालयले ३१२२ नमुना परिक्षण गर्दा थप ११३ मा संक्रमण भएको पुष्टि गरेको हो ।
आजको ताजा विबरण सहित हाल सम्म कोरोना सन्क्रमितको जम्मा संख्या ३९३० पुगेको छ। कोरोना को दोस्रो लहर सुरु भए संगै अस्पताल भर्ना हुनेको संख्या मा पनि वृद्धि देखिएको छ। निकोसिया जेनेरल हस्पिटल र फामागुस्ता हस्पिटल गरि अहिले ३८ जना उपचाररत छन् । जसमध्य ९ जना आइसियु मा छन् ।
आज कन्ट्याक्ट् ट्रेसिङ बाट ३५ जना, एयरपोर्ट यात्रुबाट ४ जना, सरकारि ल्याब बाट १३ जना, स्कुल परिक्षण कार्यक्रम अन्तरगत विधार्थी , शिक्षक, र कर्मचारीको परिक्षण बाट १२ जना र व्याक्तिगत रुपमा परिक्षण गराउन जाने व्याक्ती बाट ४९ जना मा कोभिड १९ पुष्टि भएको हो ।
युरोप भरीका विभिन्न देशमा कोरोना संक्रमण बड्न थाले पछि फ्रान्स, यु के, जर्मनी लगायतमा पुनः लकडाउन हुने बताइएको छ। साइप्रसमा आगामी नोभेम्बर ९ सम्म मास्क अनिवार्य गरिनुका साथै राती ११ बजे देखि बिहान ५ बजे सम्म कर्फ्यु लागू छ।
