जुलाइ २८ / लिमासोल
साइप्रसमा २ जना नेपाली माथी छुरा प्रहार गरि हत्या प्रयास भएको छ। लिमासोल सिटि स्थित मोलोस पार्क छेउमा शनिबार बिहान ४ बजे नेपाली माथी छुरा प्रहार भएको थियो। आक्रमणमा परि घाइते भएका धरानका ३३ वर्षिय गणेश मगर र चितवनका २५ वर्षीय आषिस पौडेलको अहिले लिमासोल जेनेरल हस्पिटल मा उपचार भै रहेको छ । घाइते गणेश मगरको अवस्था गम्भीर रहेको डाक्टरले बताएका थिए। मगरको ढाडमा गहिरो चोट लागेकोले उनको इमर्जेन्सीमा शल्यक्रिया गरिएको छ । उनलाई आइसियुमा राखेर उपचार भै रहेको भए पनि आइतबार दिउँसो वार्ड मा सारिने बताइएको छ। घाइते मगर होसमा आइसकेको आफन्तले जानकारी दिएका छन् ।
अर्का घाइते आशिष पौडेलको दाहिने काँध र टाउकोमा गहिरो चोट लागेको छ। आशिषको शनिबार साँझ अपरेसन गरिएको छ। पौडेल अहिले खतरामुक्त रहेको बताइएको छ।
प्रहरीका अनुसार शनिबार बिहान ४ बजे अफ्रिकन मुलका अज्ञात व्याक्तीले नेपाली माथी हमला गरी फरार रहेको र खोजी कार्य सुरु गरिएको छ ।
के कारणले हत्याको प्रयास भएको हो भनेर अझै सम्म खुलेको छैन। लिमासोल सिआइडिले एक टोलि बनाई घटनाको छानबिन सुरु गरेको छ।
साइप्रस नेपाल डट कमले सो घटनाको सिसिटिभी फुटेज र अपराधी हुन सक्ने व्याक्ती को तस्बिर पनि प्राप्त गरेको छ।
सिसिटिभी फुटेज हेर्दा सामान्य विवाद भएको देखिन्छ।
प्रहरीले अपराधीलाई आइतबार पक्राउ गरेको छ । सिसिटिभी मा कैद भएको अपराधीको तस्बिरलाई प्रहरीले सार्वजनिक गरे पछि प्रहरीले सो व्याक्ती बारे सुराकी पाएको बताइएको छ।
शंकाषपद् सो व्याक्ती लाई पक्राउ गरि छापा मार्दा रगत लागेको चक्कु पनि फेला पारेको छ। ३२ वर्षिय उक्त आरोपीलाई थप अनुसन्धान को लागि लिमासोल प्रहरी चौकीमा लगिएको छ।
