आफ्नै भान्जाले चक्कु प्रहार गरि मामाको हत्या गरेका छन् । १ सय २० रुपैँयाका कारण भान्जाले मामाको हत्या गरेका हुन् ।
यो घटना भारतको मध्य प्रदेशको हो । मामा कयूमको माछाको पसल थियो र त्यसैको छेउमा भान्जा कूल्लुको होटल ।
कुल्लुले मामाको पसलबाट माछा लगेका थिए ।
पछि मामाले पैसा लेउ भन्दा उनीहरुबीच विवाद शुरु भएको थियो ।विवाद चर्कीदै जाँदा कूल्लुले मामालाई चक्कु प्रहार गरे ।
त्यसपछि कूल्लु फरार भएका थिए । घाइते कयूमको अस्पतालमा उपचारको क्रममा मृत्यु भएको हो ।
भारतीय प्रहरीका अनुसार कूल्लु अहिले फरार रहेका छन् । उनको खोजी कार्य जारी रहेको र घटनाबारे थप अनुसन्धान गरिरहेको प्रहरीले बताएको छ ।
ललितपुरमा हम्मर प्रहार गरेर एक भारतीय नागरिकको हत्या
ललितपुरको सानेपामा एक जना भारतीय नगारिकको हत्या भएको छ ।
हम्मर प्रहार गरेर भारत, राजस्थानका ५९ वर्षीय सत्यनारायण पारिकको हत्या भएको हो ।
ललितपुर प्रहरी प्रमुख एसएसपी किरण बज्राचार्यले झ्यालबाट कोही व्यक्ति घरमा प्रवेश गरेर उनलाई हम्मर प्रहार गरेको हुनसक्ने देखिएको बताइन् ।
उनका अनुसार घरका केही सामान पनि हराएका छन्, त्यसैले चोरी गर्ने उद्देश्यले आएको व्यक्ति घटनामा संलग्न हुनसक्ने आशंका गरिएको छ ।
अन्तिम पटक पारिकले शुक्रबार साँझ एक जनासँग कुरा गरेका छन् ।
त्यसपछि कसैसँग सम्पर्क भएको नदेखिएको प्रहरी बताउँछ ।
‘घटना पनि शुक्रबार रातिकै हुनसक्छ,’ प्रहरी अधिकृतहरु भन्छन्, ‘आइतबार १० बजे थाहा पाएपछि प्रहरी पुगेको थियो ।’
प्रहरीले अनुसन्धानका लागि तालिमप्राप्त कुकुर र फरेन्सिक विज्ञलाई पनि घटनास्थलमा लगेको थियो ।
नजिकै रहेका क्लोज सर्किट (सीसी) टीभी क्यामराका फुटेजको विश्लेषण पनि प्रहरी अधिकृतहरुले गरिरहेका छन् ।
प्रहरीले शवलाई पोष्टमार्टमका लागि त्रिवि शिक्षण अस्पताल, महाराजगञ्ज पठाएको छ । पोष्टमार्टमपछि मृत्युको समय र कारणबारे खुल्नेछ ।
पारिक इलेक्ट्रोनिक सामग्रीसँग सम्बन्धित पसलमा मार्केटिङको काम गर्थे
। उनी २० वर्षदेखि नेपालमा बसिरहेका छन्, १२ वर्षदेखि घटना भएको घरको माथिल्लो तलामा बसिरहेका थिए । पछिल्लो समय उनी घरमा एक्लै थिए ।
तल को फोटो मा क्लिक गरि यो समाचार पनि पढ्नुहोस्।
