काठमाडौं। नेपाल कम्युनिष्ट पार्टी (एमाले)का महासचिव शंकर पोखरेलले जनतालाई पार्टीमा जोड्न जनताका मुद्दालाई प्राथमिकता दिनुपर्ने बताएका छन्।
ललितपुरको च्यासलस्थित एमाले बागमती प्रदेश कमिटीको कार्यालयमा वागमती प्रदेशअन्तर्गतका विभागीय प्रमुख, सचिव, जनसंगठन इञ्चार्ज तथा प्रमुखको बैठकलाई आज सम्बोधन गर्दै उनले जनतालाई पार्टीमा जोड्न सकेमात्र पार्टी बन्ने बताए।
महासचिव पोखरेलले पार्टी र संगठनमा काम नगर्नेहरूले जिम्मेवारी लिनु नहुने बताए। उनले जसका लागि काम गर्ने हो त्यही समुदायमा नरहने व्यक्तिले जिम्मेवारी पूरा गर्न नसक्ने बताए। ‘हामी पार्टीका नेताहरूलाई पदीय जिम्मेवारी दिने अर्थमा मात्र जनसंगठन बनाइरहेका छौँ, काम गर्न समुदायमा पुग्ने हिसाबले संगठन निर्माण भएकै छैन, हाम्रा जनसंगठन पार्टीका नेताहरूलाई व्यवस्थापन गर्ने थलो भएका छन्’, उनले भने।
महासचिव पोखरेलले पार्टी र संगठन निर्माणका बारेमा गम्भीर भएर सोच्नेबेला आएको बताए। ‘पार्टीको राजनीतिले मात्र जनाधार विस्तार हुँदैन, त्यसलाई समुदायमा आधारित बताउनुपर्छ’, उनले भने।
पार्टीका बागमती प्रदेश इञ्चार्ज राजन भट्टराईले मिसन–२०८४ लाई लक्षित गरेर जनसंगठन पार्टी विस्तारमा लाग्नुपर्ने बताए। पार्टीका प्रदेश अध्यक्ष कैलाश ढुङ्गेलले बागमती प्रदेशमा संगठन विस्तार तीव्र गतिमा भइरहेको जानकारी दिए।
सामाग्री श्रोत :
‘जनतालाई पार्टीमा जोड्न जनताका मुद्दालाई प्राथमिकता दिनुपर्छ’
काठमाडौँ । टिकटकले आफ्नो ‘फर यु’ (For You) पेजमा प्रयोगकर्ताहरूलाई थप नियन्त्रण दिनका लागि नयाँ फिचर ल्याएको छ । कम्पनीले यसका लागि ‘म्यानेज टपिक्स’ (Manage Topics) र एआई-आधारित किवर्ड फिल्टर (AI-powered Keyword Filters) नामक नयाँ फिचर ल्याएको हो ।
जसले प्रयोगकर्तालाई आफ्नो फिडमा देखिने सामग्रीलाई अझ राम्रोसँग व्यवस्थापन गर्न सघाउ पुर्याउने छन् । टिकटकको ‘म्यानेज टपिक्स’ फिचरमार्फत तपाईँले शीर्ष १० क्याटेगोरीमा विभाजन गरिएका कन्टेन्ट मध्ये आफ्नो ‘फर यु’ फिडमा कुन कत्तिको देखापर्ने बनाउने भनेर कस्टमाइज गर्न सक्नु हुनेछ । जसलाई रचनात्मक कला, डान्स, फेसन तथा ब्युटी, फुड एन्ड ड्रिङ्स, हेल्थ एन्ड फिटनेस, ह्युमर, लाइफस्टाइल, नेचर, पेट्स, स्पोर्ट् र ट्राभलसँग सम्बन्धित कन्टेन्टको रूपमा वर्गीकरण गरिएको छ ।
यो सुविधा गत वर्ष अमेरिकामा परीक्षण गरिएपछि अहिले विश्वव्यापी रूपमा लागु गरिएको टिकटकले जनाएको छ । कम्पनीका अनुसार यी सेटिङले विषयवस्तुहरूलाई पूर्ण रूपमा हटाउने छैनन् । यद्यपि प्रयोगकर्ताको रुचि परिवर्तन हुँदै जाँदा तिनीहरू कति पटक सिफारिस हुन्छन् भन्ने कुरामा प्रभाव पर्न सक्छ । सेटिङ मिलाएपछि, परिवर्तनहरू लागु हुन केही समय लाग्न सक्ने टिकटकले बताएको छ । यो सुविधाले तपाईँको ‘फर यु’ फिडमा देखिने भिडिओहरूलाई मात्र असर गर्नेछ ।
कसरी प्रयोग गर्ने ‘म्यानेज टपिक्स’ ?
यो सुविधा प्रयोग गर्नका लागि तपाईँ आफ्नो टिकटकको सेटिङहरूमार्फत Content preferences हुँदै Manage topics मा जानुपर्ने हुन्छ । यस बाहेक तपाईँ आफ्नो ‘फर यु’ फिडमा देखिएको कुनै पनि पोस्टको शेयर बटनमा ट्याप गरेर Why this video मा गएर Adjust your For You मार्फत Manage Topics मा जान सक्नुहुन्छ । त्यहाँबाट, तपाईँले प्रत्येक विषयवस्तु मुनि रहेको स्लाइडरलाई दायाँ/बायाँ सार्न सक्नुहुन्छ । जसले तपाईँ त्यस्ता भिओयोहरू कत्तिको हेर्न चाहनुहुन्छ भनेर सङ्केत गर्छ । सेटिङ मिलाएर Save मा ट्याप गर्नुपर्ने हुन्छ ।
पछिल्लो अध्यावधिक: जेठ २१, २०८२ २२:४९
सामाग्री श्रोत :
टेक पाना
काठमाडौं- चितवनस्थित भरतपुर अस्पताल र कैलालीस्थित गेटा अस्पताल (दशरथ चन्द स्वास्थ्य विज्ञान विश्वविद्यालय)मा एमबीबीएस सुरु गर्न ५ करोड बजेट विनियोजन गरिएको छ।
स्वास्थ्य तथा जनसंख्या मन्त्रालयले यस वर्षदेखि ती दुई ठाउँमा एमबीबीएस सुरु गर्ने लक्ष्य लिएको हो।
लामो समयदेखि गेटामा एमबीबीएस सुरु गर्ने भनिएपनि अझै तयारी पूरा भएको छैन। दशरथ चन्द स्वास्थ्य विज्ञान विश्वविद्यालय ऐन भर्खरै पारित भएको छ।
त्यसैगरी भरतपुरले पनि एमबीबीएस सञ्चालनका लागि केही समयदेखि नै तयारी गरिरहेको छ।
सामाग्री श्रोत :
swasthyakhabar
गण्डकी। गण्डकी प्रदेश सरकारले पटकपटक नीति, कार्यक्रम र बजेटमा घोषणा गरेका महत्त्वपूर्ण खेल पूर्वाधारका योजना कार्यान्वयनमा आउन सकेका छैनन्। निर्माण सुरू हुन नसकी अलपत्र रहेका ती योजनालाई प्रदेश सरकारको नीति तथा कार्यक्रममा भने बर्सेनि प्राथमिकताकासाथ समावेश गर्ने गरिएको छ।
आज सार्वजनिक आगामी आव २०८२/०८३ को नीति तथा कार्यक्रममा पनि तिनै खेल पूर्वाधार निर्माणको घोषणाले निरन्तरता पाएको छ। खेलकुद प्रवर्द्धन गर्न पूर्वाधार निर्माण, खेलाडी सम्मान र खेल पर्यटनको विकास गरिने नीति तथा कार्यक्रममा उल्लेख छ। संघ, प्रदेश र स्थानीय तहबीचको साझेदारीमा मुस्ताङमा उच्च पर्वतीय रंगशाला निर्माणलाई अगाडि बढाउने जनाएको छ।
प्रदेश सरकारले आव २०७५/७६ मै मुस्ताङको बारागुङ मुक्तिक्षेत्र गाउँपालिकामा उक्त रंगशाला बनाउने घोषणा गरेको थियो। जसलाई संघ सरकारलेसमेत आगामी आवको बजेटमा समावेश गरेको छ। प्रदेश सरकारले घोषणा गरेकै वर्ष आयोजनाको प्राविधिक अध्ययन र विस्तृत परियोजना प्रतिवदेन (डिपिआर)का लागि रु एक करोड बजेट छुट्याएको थियो।
प्रदेश गौरवको आयोजनाका रूपमा रहेको सो आयोजनामा बर्सेनि छुट्टिने बजेट कामै नभई ‘फ्रिज’ हुने गरेको छ। जग्गा प्राप्तिमा भएको ढिलासुस्तीले रंगशाला निर्माणको योजना सुस्ताएको प्रदेश सरकारको भनाइ छ। प्रसिद्ध मुक्तिनाथ मन्दिरको दक्षिणपट्टी छिङ्गुरमा जग्गा व्यवस्थापनको काम भइरहेको जनाइएको छ। थोरङ्ग भञ्ज्याङ जाने मार्गको ३७ सय मिटरभन्दा बढीको उचाइमा छिङ्गुर क्षेत्र पर्छ। उक्त रंगशालामा फुटबल मैदान, कभर्डहलदेखि आवश्यक खेल पूर्वाधार बन्ने जनाइएको छ।
आगामी आवको नीति तथा कार्यक्रममा प्रदेशमा क्रिकेट रंगशाला निर्माणको पनि घोषणा गरिएको छ। उक्त घोषणा पनि नयाँ भने होइन। प्रदेश सरकारले गौरवको आयोजनाका रूपमा समेटेको क्रिकेट रंगशाला पनि जग्गाकै कारण अन्योलमा परेको छ। पोखरा महानगरपालिका–३३ पशुपतिघाटमा अन्तरराष्ट्रियस्तरको क्रिकेट रंगशाला निर्माणको पहल विसं २०७१ देखि नै सुरू भएको थियो। प्रदेश सरकार बनेपछि लाखौँ खर्चेर रंगशालाको विस्तृत परियोजना प्रतिवेदन (डिपिआर) पनि तयार पारियो।
रंगशाला निर्माणको काम सुरू हुन सकेन। रेखदेख र संरक्षण नहुँदा रंगशालाको जग्गा नदी कटानको जोखिममा परेको छ। पशुपतिघाटमा रंगशाला बनाउने योजना अलपत्र छाडेर प्रदेश सरकार अहिले नयाँ जग्गाको खोजीमा लागेको छ। पशुपतिघाटमा रंगशालाको योजना दिगो हुने नदेखिएपछि विकल्प खोजिएको प्रदेशको सामाजिक विकास, युवा तथा खेलकुद मन्त्रालयले जनाएको छ।
क्रिकेटको गन्तव्य सहरका रूपमा विकास गर्न पोखरामा अन्तरराष्ट्रिय मापदण्डको रंगशाला चाहिने खेल क्षेत्रको पदाधिकारीहरूको माग छ। क्रिकेट रंगशालाका लागि रु एक अर्ब ३६ करोड लागत लाग्ने अनुमान गरिएको छ। विस्तृत परियोजना प्रतिवदेनमा १८ हजार दर्शक क्षमताको प्यारापिटसहित टि-२०, एक दिवसीय र टेस्ट म्याच खेल मिल्नेगरी पूर्वाधार तयार पारिने उल्लेख छ।
रंगशालामा १३० भिभीआइपी सिट, एक हजार दुई भिआइपी र स्पेशल, ९०० सिट क्षमताको खेलाडी कक्ष, एक सय क्षमताको मिडिया कक्ष बन्ने जनाइएको थियो। स्रोत जुटाएर तीनरचार वर्षभित्रमै रंगशाला निर्माण गर्ने प्रदेश सरकारको योजना कार्यान्वयनमा भने आउन सकेको छैन। नीति तथा कार्यक्रममा संघ सरकारसँग मिलेर पोखरा रंगशालाको स्तरोन्नति गरिने उल्लेख छ। अन्तरराष्ट्रियस्तरको पोखरा रंगशालामा ‘फ्लड लाइट’ छैन।
केही खेल पूर्वाधारको पनि अभाव छ। ठूलो धनराशि खर्चेर बनाइएको रंगशालामा ‘फ्लड लाइट’ नहुँदा रात्रिकालीन खेलकुद सञ्चालन हुन सकेको छैन। अन्तरराष्ट्रिय फुटबल महासंघ (फिफा)को मान्यता पाउन पनि रंगशालामा ‘फ्लड लाइट’ अनिवार्य हुनुपर्छ। १६ हजार ५०० दर्शक क्षमताको उक्त रंगशालामा कतिपय खेल पूर्वाधार र भौतिक संरचनाको भने अझै पनि अभाव छ।
पोखरा रंगशालामा ‘फ्लड लाइट’का लागि करिब रु १२ करोड लाग्ने अनुमान गरिएको छ। राष्ट्रिय खेलकुद परिषद्ले केही वर्षअघि ‘फ्लड लाइट’का लागि छुट्याएको रु पाँच करोड बजेट कोभिड–१९ महामारीका कारण काम हुन नसकी फिर्ता भएको थियो।
सामाग्री श्रोत :
काठमाडौँ । सामसङले आफ्ना प्रयोगकर्ताहरूका लागि एक महत्त्वपूर्ण सूचना जारी गरेको छ । कम्पनीले दुई वर्षदेखि निष्क्रिय रहेका सामसङ अकाउन्टहरूलाई डिलिट गर्ने नयाँ नीति ल्याएको हो ।
यदि तपाईँले पछिल्लो दुई वर्षयता आफ्नो सामसङ अकाउन्ट लगइन गर्नुभएको छैन भने आगामी ३१ जुलाईभित्र अकाउन्ट एक्टिभ गर्नुपर्नेछ । अन्यथा त्यस्तो अकाउन्ट सधैँका लागि मेटिनेछ ।
सामसङले ग्राहकहरूलाई ईमेलमार्फत निष्क्रिय अकउन्टहरूका बारेमा जानकारी दिन थालेको छ । सामसङले पठाएको ईमेलमा भनिएको छ, “यदि कुनै अकाउन्ट डिलिट भएमा त्यसमा पहुँच पाउन सकिने छैन र अकाउन्टमा जोडिएका सबै डेटा डिलिट हुनेछन् । साथै मेटिएका अकाउन्ट र डेटा पुनः प्राप्त गर्न सकिने छैन ।” यसको अर्थ, यदि भविष्यमा सामसङका डिभाइसहरूमा फर्किन चाहनु भयो भने तपाईँले आफ्नो पुरानो अकाउन्टमा रहेका डेटा गुमाउन सक्नुहुन्छ ।
यसले विशेषगरी ग्यालेक्सी स्टोर र सामसङ हेल्थ, ग्यालेक्सी वेयरेबल्स जस्ता सामसङका एपहरू प्रयोग गर्ने प्रयोगकर्ताहरूलाई असर गर्नेछ । यी सेवाहरूमा लगइन गर्न सामसङ अवश्यक आवश्यक पर्ने भएकाले डेटा गुम्ने जोखिम रहनेछ ।
आफ्नो अकाउन्ट कसरी बचाउने ?
तपाईँको सामसङ अकाउन्ट निष्क्रिय हुनबाट बचाउन एकदमै सजिलो छ । सामसङका अनुसार प्रत्येक दुई वर्षमा कम्तीमा एकपटक लगइन गरेमा अकाउन्ट सक्रिय रहेको मानिन्छ ।
तर तपाईँ भविष्यमा सामसङका उत्पादनहरूमा फर्किने योजनामा हुनुहुन्न भने आफैँ म्यानुअल रूपमा अकाउन्ट डिलिट गर्नुको साटो कम्पनीलाई नै मेटाउन दिन सक्नुहुन्छ ।
पछिल्लो अध्यावधिक: जेठ २१, २०८२ २२:१८
सामाग्री श्रोत :
टेक पाना
कीर्तिपुर– कीर्तिपुर नगरपालिकाका मेयर कृष्णमान डंगोलले चुनावी प्रतिबद्धता पूरा गर्दै पदबहालीको ६ महिनामा विष्णुदेवी अस्पतालमा २४ घण्टे इमर्जेन्सी सेवा सुरु गरेका छन्। २०८१ मंसिरमा नेपाली कांग्रेसबाट उपनिर्वाचनमा मेयरमा निर्वाचित डंगोलले आफ्नो कार्यकालको आधा अवधि बाँकी रहँदा यो महत्वपूर्ण कदम चालेका हुन्।
संघीयता कार्यान्वयनअघि नै १५ शय्यामा स्तरोन्नति भएको विष्णुदेवी अस्पताल लामो समयदेखि जीर्ण भौतिक संरचनाका कारण स्वास्थ्य चौकी स्तरको दिउँसो मात्र चल्ने सेवामा सीमित थियो। स्थानीय तहलाई हस्तान्तरण भए पनि प्रभावकारी सेवा दिन नसकेको गुनासो बढिरहेका बेला मेयर डंगोलले आज एक समारोहबीच २४ घण्टे इमर्जेन्सी सेवा शुभारम्भ गरेका हुन्।
कीर्तिपुर नगरपालिका स्वास्थ्य शाखाका अमृतजंग बस्नेतले यो पहिलो चरणको सेवा विस्तार भएको बताए। “भौतिक संरचना मर्मत, निर्माण र उपकरण खरिदमा समय लागेकाले अहिले इमर्जेन्सी सेवाबाट सुरु गरेका हौं। अब छिट्टै बर्थिङ सेन्टर, फार्मेसी, एक्स–रे र इन्डोर सेवासहित अस्पतालको भव्य उद्घाटन हुनेछ,” उनले भने। हाललाई २४ घण्टे इमर्जेन्सी सेवा, आधारभूत प्रयोगशाला, भिडियो एक्स–रे, इको स्क्रिनिङ, जनरल फिजिसियन, बालरोग विशेषज्ञसहितका सेवा उपलब्ध गराइएको छ।
मेयर डंगोलले अस्पताललाई आफ्नो प्रमुख एजन्डा बनाएका छन्। “म आधा कार्यकालका लागि निर्वाचित भएको हुँ। बाँकी दुई वर्षमा अस्पताललाई सुदृढ बनाउन सबैको साथ चाहिन्छ,” उनले भने। उपनिर्वाचनका बेला कांग्रेस महामन्त्रीले कीर्तिपुरमा स्वास्थ्य, शिक्षा र आइटी क्षेत्रमा जोड दिँदै मासिक ३–४ लाख कमाउने आधार बनाउने भाषण चर्चित बनेको थियो। यो कदमले त्यही सकारात्मक परिवर्तनको ढोका खोलेको स्थानीयको भनाइ छ।
यो सेवाले कीर्तिपुरवासीको स्वास्थ्य सेवामा पहुँच विस्तार हुने अपेक्षा गरिएको छ।
सामाग्री श्रोत :
swasthyakhabar
काठमाडौं। ऊर्जा, जलस्रोत तथा सिँचाइमन्त्री दीपक खड्काले बैंक तथा वित्तीय संस्थाले ‘टेक एण्ड पे’ को विषयलाई लिएर जलविद्युत् क्षेत्रमा लगानी नगर्नुपर्ने कुनै कारण नरहेको बताएका छन्। अपि पावर लिमिटेडको सहायक कम्पनी दार्चूला पावर कम्पनीले दार्चुलामा निर्माण गर्न लागेको मध्य चमेलिया (२८.३ मेवा) जलविद्युत् आयोजनाको वित्तीय व्यवस्थापन समारोहमा उनले बजेटमा राखिएको ‘टेक एण्ड पे’ को विषयलाई लिएर लगानी नगर्नुपर्ने कुनै कारण नभएको बताएका हुन्।
‘बजेटमा ‘टेक एण्ड पे’ को शब्दले प्रवेश पाएपछि वित्तीय व्यवस्थापन कसरी होला भन्ने चिन्ता लिनुभएको होला, नआत्तिकन लगानी गर्नुहोस्, उक्त प्रस्ताव ऊर्जा मन्त्रालयको होइन, सो प्रस्तावलाई संशोधन गर्न अर्थ मन्त्रालयसँग छलफल भइरहेको छ,’ मन्त्री खड्काले भने।
ऊर्जामन्त्री खड्काले सरकारले आगामी १० वर्षमा २८ हजार ५०० मेगावाट विद्युत् उत्पादन गर्ने लक्ष्य लिएकाले उक्त लक्ष्य पूरा गर्न निजी क्षेत्रको महत्त्वपूर्ण भूमिका रहेको बताए। ‘उत्पादन गर्नुपर्ने स्रोत हामीसँग छ, बजार हामीसँग छ, लगानी किन नगर्ने,’ उनले भने।
ऊर्जा क्षेत्रका बाधक कानून र सोचलाई परिवर्तन गर्दै सरकार अगाडि बढ्न चाहेको उनको भनाइ छ। मन्त्री खड्काले नेपालमा भएका स्रोतको उच्चतम सदुपयोग गरेर गरिब तथा विपन्न नागरिकलाई समृद्धि बनाउने बाटोमा सरकार लागिरहेको बताए।
उनले मध्ये चमेलिया जलविद्युत् आयोजनालाई समयमै सम्पन्न गर्न आग्रह गरे। ‘आयोजना समयमा सम्पन्न गर्न सकियो भने बढी लाभान्वित हुन पाइन्छ, जति लामो समय भए त्यति ब्याज बढ्ने र लाभ लिन समय लाग्ने, हुन्छ, समयमै काम सम्पन्न गर्नुस,’ उनले भने।
दार्चुलाका प्रतिनिधिसभा सदस्य एवम् पूर्वमन्त्री दीलेन्द्रप्रसाद बडूले आयोजना निर्माणसँगै सिङ्गोमुलुक र दार्चुलावासीले लाभ पाउने विश्वास व्यक्त गरे। उनले निजी क्षेत्रलाई प्रसारण लाईन निर्माणमा ल्याउन सके उत्पादित विद्युत् खेर नजाने बताए। उनले आगामी दिनमा पनि दार्चुलामा लगानी गर्न लगानीकर्तालाई आग्रह गरे।
नेपाल बैंकको अगुवाइमा निर्माण हुन लागेको उक्त आयोजनामा नबिल बैंकले पनि लगानी गर्ने प्रतिबद्धता जनाएको छ। रु पाँच अर्ब ६६ करोड लगानीमा निर्माण हुन लागेको उक्त आयोजना आगामी डेढ वर्षभित्र सम्पन्न गर्ने कम्पनीका अध्यक्ष सञ्जीव न्यौपानेले जानकारी दिए।
सामाग्री श्रोत :
काठमाडौँ । विश्वको सबैभन्दा लोकप्रिय मेसेजिङ प्लेटफर्म ह्वाट्सएपले आफ्ना प्रयोगकर्ताहरूका लागि अन्ततः बहु प्रतिक्षित ‘युजरनेम’ फिचर ल्याउने भएको छ । यस फिचरको आगमनसँगै प्रयोगकर्ताहरूले अब आफ्नो वास्तविक फोन नम्बर शेयर नगरिकनै अरूसँग जोडिन सक्नेछन्, जसले गोपनीयतामा ठुलो सुधार ल्याउने अपेक्षा गरिएको छ ।
वाबेटाइन्फोले ह्वाट्सएपको हालैको टेस्टफ्लाइट बेटा भर्सनमा यो फिचर रहेको कुरा पत्ता लगाएको हो । हाल यो फिचर बेटा टेस्टरहरूका लागि समेत लाइभ नगरिएको भए पनि, यसको ‘स्ट्रिङ्स’ (सम्बन्धित कोडका अंशहरू) बेटा भर्सनमा फेला परेका हुन् । जसबाट यो फिचर आउने क्रममा रहेको सङ्केत गर्छ । यो नयाँ सुविधाले ह्वाट्सएपलाई टेलिग्राम र सिग्नलजस्ता अन्य आधुनिक मेसेजिङ प्लेटफर्मको स्तरमा ल्याउनेछ, जहाँ प्रयोगकर्ताहरूले आफ्नो छुट्टै ‘ह्यान्डल’ तथा युजरनेम रोज्न सक्नेछन् ।
यो प्रणाली विशेष गरी फोन नम्बरको गोपनीयतालाई ध्यानमा राखेर डिजाइन गरिएको हो । यो फिचर लाइभ भएपछि तपाईँको फोन नम्बर नभएका प्रयोगकर्ताहरूले समेत तपाईँको युजरनेम देख्नेछन् ।
नयाँ युजरनेम प्रणालीका लागि ह्वाट्सएपले केही नियमहरू पनि निर्धारण गरेको छ । जसअनुसार युजरनेमको सुरुवात ‘www.’ बाट गर्न पाइने छैन । किनभने यसले प्रयोगकर्ताहरूलाई कुनै आधिकारिक वेबसाइटसँग अन्तरक्रिया गरिरहेको भ्रममा पार्न सक्छ । त्यस्तै कम्तीमा एउटा अक्षर अक्षर (letter) हुनैपर्नेछ, जसले केवल अङ्क वा प्रतीकहरूबाट बनेका युजरनेम मात्र प्रयोग गर्ने कार्यलाई रोक्नेछ ।
साथै युजरनेमका लागि साना अक्षरहरू (a–z), अङ्कहरू (0–9), पिरियड (.) र अन्डरस्कोर (_) मात्र प्रयोग गर्न पाइनेछ । यसले सबै युजरनेमहरूमा एकरूपता र सफा संरचना कायम राख्न मद्दत गर्नेछ ।
प्रयोगकर्ताले एक पटक भ्यालिड युजरनेम छनौट गरिसकेपछि ह्वाट्सएपले ‘कन्फेटी एनिमेन’ सहित यसलाई पुष्टि गर्नेछ । त्यसपछि, कुराकानी र ग्रुप च्याटहरूमा प्रयोगकर्ताको फोन नम्बरको साटो युजरनेम देखा पर्नेछ ।
यदि प्रयोगकर्ताले आफ्नो युजरनेम परिवर्तन गरेमा ह्वाट्सएपले च्याटहरूमा एक ‘सिस्टम मेसेज’ छोडेर अरूलाई यस परिवर्तनको बारेमा जानकारी दिनेछ । यो हाल प्रोफाइल फोटो वा फोन नम्बर अपडेट गर्दा अपनाइने तरिका जस्तै हो । यसका अतिरिक्त, ह्वाट्सएपको वेब भर्सनमा आउने आगामी अपडेटले प्रयोगकर्ताहरूलाई आफूले चाहेको युजरनेम उपलब्ध छ कि छैन भनेर चेकजाँच गर्ने अनुमति पनि दिनेछ ।
कहिलेसम्म आउला ह्वाट्सएपको युजरनेम फिचर ?
यो फिचर अझै विकासकै चरणमा छ र सार्वजनिक परीक्षणका लागि रोल आउट भएको छैन । बेटा भर्सनमा यसका लागि आवश्यक ‘स्ट्रिङ्स’ देखा परेसँगै यो फिचर चाँडै नै सुरु हुने सङ्केत मिलेको छ ।
पछिल्लो अध्यावधिक: जेठ २१, २०८२ १९:३
सामाग्री श्रोत :
टेक पाना
काभ्रे– काभ्रेपलाञ्चोकको बेथानचोक गाउँपालिका–६ मा भएको बस दुर्घटनामा मृत्यु भएकी महिलाको सनाखत भएको छ ।
दुर्घटनामा बनेपा नगरपालिका–९ नयाँबस्तीकी ६५ वर्षीया कृष्णमाया तिमल्सिनाको मृत्यु भएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक मिनबहादुर घलेले जानकारी दिए ।
बुधबार साँझ ५:४० बजे पनौती बसपार्कबाट मेदाम्चुतर्फ जाँदै गरेको बा ३ ख ४४३५ नम्बरको बस चिप्लिएर सडकबाट झण्डै ३५ मिटर तल खसेको हो ।
दुर्घटनामा घाइते हुनेहरूमा बस चालक बेथानचोक-६ का ४१ वर्षीय रामप्रसाद ढुंगाना, बनेपा-९ की ३२ वर्षीया संगीता आचार्य र उनकी १ वर्षीया छोरी सरगम तिमल्सिना छन् ।
घाइते चालकलाई शीर मेमोरियल अस्पताल, बनेपा पठाइएको उनले जनाए । संगीताको आमाछोरीलाई धुलिखेल अस्पताल रिफर गरिएको छ ।
बसमा चालक र सहचालकसहित सातजना सवार रहेको उनले सूचना अधिकारी घलेले बताए । सहचालकसहित अन्य सकुशल रहेको उनले बताए । दुर्घटनाबारे विस्तृत अनुसन्धान भइरहेको प्रहरीले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौं- काठमाडौंको धापासीमा रहेको ग्राण्डी अस्पतालमा ढाडको बांगोपनासँग सम्बन्धित स्कोलियोसिस बारे जनचेतना मूलक अन्तरर्क्रिया कार्यक्रम सम्पन्न भएको छ । अस्पतालमा आयोजित सचेतना कार्यक्रममा स्कोलियोसिसका अप्रेसन गरेका बिरामी आफ़न्तजन तथा अस्पतालका डाक्टर, नर्स कर्मचारी लगायतको उपस्थिति रहेको थियो।
संसारभर अंग्रेजी महिनाको जूनलाई स्कोलियोसिस जनचेतना महिनाका रुपमा बिभिन्न कार्यक्रम गर्दै मनाइदै आइएको छ ।
अस्पतालका मेडिकल डाइरेक्टर डा विनोद विजुक्छेले स्कोलियोसिसको समस्या जन्मदेखि नै हुने गरेपनि बढी मात्रामा १० देखि २० वर्ष उमेर समूहका बालबालिकामा हुने गरेको बताए। जन्मजात बाहेक नशा सम्बन्धि समस्याको कारण पनि उक्त समस्या देखिने गरेको डा विजुक्छेको भनाई छ ।
स्कोलियोसिसको समस्या छोराहरुको तुलनामा छोरीहरुमा बढी मात्रामा हुने गरेको पाईन्छ । एक जना छोरामा देखियो भने सातजना छोरीहरुमा यो समस्या देखिने सम्भावना रहेको डा विजुक्छेले बताए।
स्कोलियोसिसको समस्या घरका बुबाआमा र स्कुलका शिक्षक तथा साथिहरुले बढी मात्रामा पत्ता लगाउने गरेका छन्। लुगा लगाउँदा नमिल्नु, एउटा कुम माथि र अर्को तल देखिनु, एकातिरको ढाडको भाग माथि उठ्नु लगायत यसका समस्या रहेको उनले बताए।
डा विजुक्छेले मेरुदण्डको भाग बाङ्गो हुँदै गएको अवस्थामा यसले बच्चाहरुको फोक्सो र मुटुको कामलाई असर पुर्याउने गरेको भन्दै समयमै उपचार गर्नु जरुरी रहेको बताए।
नेपालमा सन् २००६ बाट स्कोलियोसिसको शल्यक्रिया सुरु गरिएको थियो।
कार्यक्रममा स्कोलियोसिसका अप्रेसन गरेका बिरामी तथा आफ़न्तजनले स्कोलियोसिस समस्याका कारण भोग्नु परेका शारीरिक तथा मानसिक पीड़ा साथै उपचार पश्चात आफ्नो जीवनमा आएको परिवर्तन लगायतका बिषयमा आफनो धारणा राखेका थिए। जुन महिनालाई स्कोलियोसिस जनचेतना महिनाका रुपमा अन्तर्राष्ट्रिय रुपमा नै मनाउने गरिएको छ भने ग्राण्डी अस्पतालले पनि हरेक वर्ष बिभिन्न कार्यक्रम गर्दै आएको छ।
सामाग्री श्रोत :
swasthyakhabar
