काठमाडौँ । मानसिक तनावको अवस्थालाई मापन गर्न विद्युतीय ट्याटुको प्रयोग सम्भव हुने अध्ययनले देखाएको छ । द गार्डियनमा प्रकाशित एक समाचारअनुसार अमेरिकास्थित टेक्सस विश्वविद्यालयका वैज्ञानिकहरूले विशेष प्रकारको इलेक्ट्रोनिक ट्याटु (ई-ट्याटु) विकास गरेका छन् । यो ई-ट्याटु व्यक्तिको निधारमा टाँसेर मानसिक तनावको अवस्था तत्कालै ट्र्याक गर्न सकिने बताइएको छ ।
अनुसन्धानकर्ताहरूका अनुसार यो प्रविधि पाइलट, चिकित्सक, नर्स लगायत उच्च जोखिममा काम गर्ने पेशागत समूहका लागि विशेष उपयोगी हुन सक्छ । उपकरणले मानसिक तनाव अत्यधिक भएको अवस्थामा प्रयोगकर्तालाई सचेत गराउनेछ । यसले उनीहरूलाई आफैँ सम्हालिन लिन, सहकर्मीको सहयोग लिन वा एआईको सहायताबाट काम व्यवस्थापन गर्न सघाउनेछ ।
अनुसन्धानकर्ता डा. नानशु लुले द गार्डियनसँग भने, “उच्च दबाब र जोखिमपूर्ण कामका लागि मानसिक कार्यभार वास्तविक समयमा डिकोड गर्नसक्ने उपकरण हुनु अत्यन्तै महत्त्वपूर्ण छ । यसले तनावका कारण हुन सक्ने दुर्घटना रोक्न मात्र नभई व्यक्तिको समग्र मानसिक स्वास्थ्य जोगाउन पनि सहयोग गर्छ ।”
पुराना ईईजी (मस्तिष्क तरंग) र ईओजी (आँखाको गति) उपकरणहरू तारजालयुक्त, भारी र प्रयोगमा असहज हुने हुँदा यस ई-ट्याटु त्यस्ता उपकरणहरूको हलुका, लचिलो र वायरलेस विकल्प हो ।
ग्रेफाइटमा आधारित यो ई-ट्याटु निधारमा टाँसिने हुन्छ । यसमा रहेका चार ओटा ईईजी इलेक्ट्रोडहरूले निधारको विभिन्न भागमा मष्तिष्कको गतिविधि मापन गर्छन्, जब कि आँखाको वरिपरि राखिएका ईओजी इलेक्ट्रोडहरूले आँखाको गति टिप्छन् ।
अनुसन्धानअनुसार, चिप र ब्याट्रीसहितको यो पूरै प्रणालीको लागत २०० अमेरिकी डलर (लगभग १४८ पाउन्ड) भन्दा कम पर्ने अपेक्षा गरिएको छ । साथै, भविष्यमा यस उपकरणले मापन गरेको डेटा मोबाइल एपमार्फत पठाइने र चाप बढी भएको खण्डमा प्रयोगकर्तालाई सूचना दिने प्रणाली पनि विकास हुने बताइएको छ ।
पछिल्लो अध्यावधिक: जेठ १६, २०८२ २३:१३
सामाग्री श्रोत :
टेक पाना
भक्तपुर। सहिद धर्मभक्त राष्ट्रिय प्रत्यारोपण केन्द्र भक्तपुरले मिर्गौला प्रत्यारोपणपश्चात सगरमाथाको सफल आरोहण गर्ने कीर्तिमानी आरोही सोलुखुम्बुको माप्य दूधकोशी गाउँपालिका–७ सोलावनका ३६ वर्षीय पेम्बा शेर्पालाई नगदसहित सम्मान गरेको छ।
आज भक्तपुरस्थित केन्द्रमा आयोजना गरेको सम्मान कार्यक्रममा अस्पतालका कार्यकारी निर्देशक डा पुकारचन्द्र श्रेष्ठले सगरमाथा आरोही शेर्पालाई रु एक लाख ५० हजारसहित सम्मान पत्र प्रदान गरेका हुन्। केन्द्रबाट बाजागाजासहित भक्तपुर दरवार स्क्वायरसम्म पदयात्रा गरी विशेष सम्मान गरिएको थियो।
स्वास्थ्य तथा जनसङ्ख्यामन्त्री प्रदीप पौडेलले शेर्पालाई सम्मान गर्दै मिर्गौला प्रत्यारोपण गरेको पहिलो सगरमाथा आरोहण गर्ने शेर्पाले विश्वमै पहिलो रेकर्ड कायम गरी नयाँ इतिहास रचेकोको बताए।
मन्त्री पौडेलले शेर्पा र उजको परिवारलाई सम्मान गर्दै अंग प्रत्यारोपण गरेको व्यक्तिले अरू व्यक्ति जस्तै समान्य जीवन बिताउन सक्छ भन्ने सन्देश अन्य सेवाग्राहीहरू माझ पुर्याउन आवश्यक रहेको बताए। शेर्पाको सफलताले नेपाल र नेपालीको शीर उच्च पार्ने ऐतिहासिक कदम भएको भन्दै मन्त्री पौडेलले पेम्बा शेर्पालाई प्रत्यारोपण प्रवर्द्धन दूतका रुपमा नियुक्त गर्ने प्रतिबद्धता व्यक्त गरे।
सगरमाथा आरोहण गर्नका लागि नाम दर्ता गर्न लाग्ने शुल्क केन्द्रले ब्यहोरिदिने प्रतिबद्धता व्यक्त गरेअनुसार दर्ता शुल्क वापतको रकम आजको सम्मान कार्यक्रममा प्रदान गरी सम्मान गरेको कार्यक्रममा केन्द्रका कार्यकारी निर्देशक डा श्रेष्ठले बताए।
उनले पेम्बालाई हिमाल चढ्न मिल्छ भनेर आफूले प्रेरणा दिएको र मिर्गौला प्रत्यारोपण गरेको व्यक्ति हिमाल चढ्न मिल्छ कि मिल्दैन भनेर पेम्बाले सोध्न आउँदा अरू जस्तै सामान्य जीवनयापन भएकाले सगरमाथा चढ्न जाँदा हुन्छ भनेर सल्लाह दिएको स्मरण गरे।
कार्यक्रममा आरोही शेर्पाले मृत्युबाट उम्केर बल्लतल्ल नयाँ जीवन पाएको मान्छे फेरि मृत्युको मुखमा किन जान्छस् भनेर धेरैले सम्झाउँदा पनि अरूसँग सहयोग जुटाइ २५–३० लाख खर्च गरेर सगरमाथा चढ्न खोजेको देख्दा धेरैले असम्भव कार्यको लागि बढी जिद्धी नगर भन्दै सुझाव दिएको बताए।
उनले सहिद धर्मभक्त राष्ट्रिय प्रत्यारोपण केन्द्रबाट आफूले पाएको मायाँ र उच्च मनोवलका साथ आफू सगरमाथा आरोहण गर्न सक्षम भएको प्रमाणित गर्न दृढ संकल्पित भएको भन्दै यस आरोहणको सफलताले आफूमा साहस र आत्मविश्वास बढेको बताए।
कार्यक्रममा आरोही शेर्पाले यस आरोहणले आफूमा साहस र आत्मविश्वास झनै बढेको र आगामी दिनमा विश्वको सातवटै महादेशको उच्च शिखरहरू आरोहण गर्ने प्रतिबद्धता व्यक्त गरे। कार्यक्रममा अस्पतालका डा कल्पना श्रेष्ठसहित अन्य डाक्टरलगायतले खादा ओढाएर शेर्पालाई सम्मान गरेका थिए।
वैदेशिक रोजगारीका क्रममा मिर्गौला फेल भएको पत्ता लागेपछि स्वदेश फर्किएका शेर्पाले २०७९ कात्तिक २ गते सहिद धर्मभक्त राष्ट्रिय प्रत्यारोपण केन्द्रमा डा पुकारचन्द्र श्रेष्ठको नेतृत्वको टोलीबाट मिर्गौला प्रत्यारोपण गराएका थिए।
सगरमाथा आरोही शेर्पाले यस आरोहणले आफूमा साहस र आत्मविश्वास झनै बढेको र आगामी दिनमा विश्वको सात वटै महादेशको उच्च शिखरहरू आरोहण गर्ने कुरा बताए। सन् २०२४ मार्च २२ मा लोबुचे हिमाल आरोहण गरेका उनले गत मे १४ मा सफलतापूर्वक सगरमाथा आरोहण गरि कीर्तिमान कायम राखेका थिए।
सामाग्री श्रोत :
काठमाडौँ । अमेरिकामा बस्दै आएका नेपाली मूलका मिन गुरुङ पक्राउ परेका छन् । सामाजिक सञ्जालमार्फत घृणा फैलाउने, धम्की दिने र मानहानी गर्ने कार्यमा संलग्न भएको आरोपमा उनलाई अमेरिकी आप्रवासन तथा भन्सार प्रवर्तन निकायले मे २१ मा नियन्त्रणमा लिएको हो ।
हाल उनी पश्चिम भर्जिनियाको हन्टिङ्टनस्थित हिरासत कक्षमा रहेको बताइएको छ । गुरुङ लामो समयदेखि टिकटकलगायत विभिन्न सामाजिक सञ्जालमा सक्रिय थिए ।
उनलाई भिडिओहरूमा नेपाली तथा भुटानी समुदायलाई लक्षित गर्दै गालीगलौज र धम्की दिने सामग्रीहरू प्रसारण गरेको आरोप लागेको छ । उनको यस्तो कार्यले सामाजिक सद्भावमा नकारात्मक असर पारेको भन्दै नेपाली तथा भुटानी समुदायहरूले विरोध जनाएका थिए ।
प्राप्त उजुरीका आधारमा गरिएको प्रारम्भिक अनुसन्धानपछि गुरुङलाई उक्त निकायले नियन्त्रणमा लिएको हो । निकायका अनुसार गुरुङमाथि आप्रवासन कानुन उल्लंघन, घृणात्मक अभिव्यक्ति, र समुदायबीच वैमनस्यता फैलाएको आरोप लागेको छ ।
उनलाई चाँडै आप्रवासन अदालतमा उपस्थित गराइने भएको छ । टिकटकमा गुरुङको गिरफ्तारीसम्बन्धी समाचार फैलिएपछि धेरै प्रयोगकर्ताले यसबारे आफ्नो धारणा राखिरहेका छन् ।
पछिल्लो अध्यावधिक: जेठ १६, २०८२ १२:४१
सामाग्री श्रोत :
टेक पाना
सुदूरपश्चिम। सुदूरपश्चिम प्रदेश सरकारले आगामी आर्थिक वर्ष २०८२/८३ को नीति कार्यक्रममा रोजगारी सृजना गरी बेरोजगारी एवं गरिबी न्यूनीकरण गर्ने कार्यक्रमलाई उच्च प्राथमिकता दिने भएको छ। प्रदेशसभा आजको बैठकमा प्रदेश प्रमुख नजिर मियाँले प्रदेश सरकारको आगामी आर्थिक वर्ष २०८२/८३ को वार्षिक नीति तथा कार्यक्रम प्रस्तुत गर्दै बढ्दो जनशक्ति पलायनलाई रोक्ने, सामाजिक न्याय र समावेशिता प्रवर्द्धन गर्ने […]
सामाग्री श्रोत :
सुदूरपश्चिम सरकारको नीति कार्यक्रम: गरिबी न्यूनीकरणमा प्राथमिकता
काठमाडौँ । सरकारले सरकारवादी मुद्दाहरूमा बहस र पैरवीको गुणस्तर तथा क्षमता अभिवृद्धिका लागि ‘विद्युतीय न्यायाधिवक्ता कार्यक्रम’ सञ्चालन गर्ने भएको छ ।
आगामी आर्थिक वर्ष २०८२/८३ को बजेट प्रस्तुत गर्दै अर्थमन्त्री विष्णु पौडेलले उक्त कार्यक्रम घोषणा गरेका हुन् । उनले न्याय प्रणालीलाई सरल, सहज, पहुँचयोग्य, छरितो र प्रभावकारी बनाउने उद्देश्यले सूचना प्रविधिको अधिकतम उपयोग गरिने स्पष्ट पारे ।
न्यायमा सबैको समान पहुँच सुनिश्चित गर्न लक्षित वर्ग केन्द्रित निःशुल्क कानुनी सहायता कार्यक्रम पनि सञ्चालन गरिने मन्त्री पौडेलले उल्लेख …
सामाग्री श्रोत :
टेक पाना
काँक्रेविहार (सुर्खेत)। कर्णाली प्रदेशका मुख्यमन्त्री यामलाल कँडेलले कर्णालीमा पाइने जडीबुटीको चोरी, पैठारी रोक्नुपर्नेमा जोड र्दिएका छन्। जडीबुटी कागजमा थोरै, ट्रकमा धेरै निर्यात हुने गरेकाले सरोकारवालाले यो विषयमा गम्भीर हुनुपर्ने उनको भनाइ छ।
आज वीरेन्द्रनगरमा आयोजित वन उपभोक्ता महासंघको कार्यक्रममा उनले सबैले जडीबुटीको राजधानी कर्णाली भनेपनि खोज्दा नपाइने बताए। ‘जडीबुटीको चोरी, निकासी, पैठारीको विषयमा मभन्दा बढी तपाईँहरू नै जानकार हुनुहुन्छ’, उनले भने, ‘म भर्खर एक वर्षदेखि सरकारमा छु, थोरैथोरै जान्या छु। तपाईँहरु त वर्षौँदेखि सिफारिस गरिरहनुभएको छ।’
मुख्यमन्त्री कँडेलले वन अधिकारीहरूकै संलग्नतामा जडीबुटीको चोरी, पैठारी र निकासी हुने गरेको जानकारी आएकाले सचेत हुन आग्रह गरे।
सामाग्री श्रोत :
काठमाडौं– कांग्रेसका पूर्वसांसद मोहम्मद आफताब आलमलाई मस्तिष्कघात भएपछि उपचारका लागि अन्नपूर्ण न्युरो अस्पताल भर्ना गरिएको छ ।
शुक्रबार उनको स्वास्थ्यमा समस्या देखिएपछि आईसीयूमा राखेर उपचार भइरहेको अन्नपूर्ण न्युरोका मेडिकल डाइरेक्टर डा. सुदन ढकालले बताए ।
रौतहटमा भएको बम विस्फोटका अभियुक्त आलम बुधबार साँझ ललितपुरस्थित नख्खु कारागारबाट रिहा भएका थिए । जिल्ला अदालत रौतहटको आदेशलाई उल्ट्याएर बुधबार उच्च अदालत जनकपुर, अस्थायी इजलास वीरगन्जले रिहा गर्न आदेश दिएको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौँ । नियो गेमिङ स्टोरले एसईई तथा कक्षा १२ को परीक्षा दिएर बसेका विद्यार्थीहरूलाई लक्षित गर्दै छुट अफर सार्वजनिक गरेको छ ।
सीमित अवधिका लागि ल्याइएको अफर अन्तर्गत विद्यार्थीहरूले एसुस, रग (रिपब्लिक अफ गेम्स) लगायतका गेमिङ र नन-गेमिङ ल्यापटप तथा कस्टम पीसीहरूमा विशेष छुट पाउने भएका छन् ।
छुट पाउन विद्यार्थीहरूले परीक्षाको प्रवेशपत्रसहित नियो गेमिङ स्टोरमा सम्पर्क गर्नुपर्ने छ । यो अफर अनलाइन तथा स्टोर दुवै माध्यमबाट उपलब्ध छ ।
विद्यार्थीहरूलाई अध्ययन, गेमिङ र सिर्जनात्मक कार्यका लागि आवश्यक प्रविधि सहज मूल्यमा उपलब्ध गराउने उद्देश्यले यो अफर ल्याएको नियो गेमिङ स्टोरले जनाएको छ ।
पछिल्लो अध्यावधिक: जेठ १६, २०८२ १३:४५
सामाग्री श्रोत :
टेक पाना
लुम्बिनी। रुपन्देहीको रोहिणी गाउँपालिका–४ कोटहवामा स्थापित प्राङ्गारिक मल उद्योग आजदेखि औपचारिक रूपमा सञ्चालनमा आएको छ।
भैरहवाका उद्योगी दम्पती सिद्धार्थ अग्रवाल र पुनमकुमारी अग्रवालको रु ३० करोडको लगानीमा ‘ग्रो मोर फर्टिलाइजर एण्ड केमिकल प्रालि’ मार्फत गत वर्षदेखि मल उत्पादन सुरु भएको थियो।
उद्योगले प्रतिदिन दुई सय मेट्रिक टन मल उत्पादन क्षमता रहेको र हाल ‘रत्नम्’ ब्रान्डमा दैनिक ८० मेट्रिक टन मल उत्पादन गरिरहेको उद्योग सञ्चालक अग्रवालले जानकारी दिए। उद्योगको आज एक कार्यक्रमका बीच लुम्बिनी प्रदेशका मुख्यमन्त्री चेतनारायण आचार्यले औपचारिक उद्घाटन गरे।
कार्यक्रममा मुख्यमन्त्री आचार्यले मानव स्वास्थ्य र माटोको उर्वराशक्ति सुरक्षाका लागि प्राङ्गारिक मलको प्रयोग अपरिहार्य रहेको बताए। उनले प्रदेश सरकारले नीति तथा कार्यक्रममा सिङ्गो प्रदेशलाई प्राङ्गारिक बनाउने नीति अघि सारेको स्पष्ट पार्दै त्यसका लागि प्रवर्द्धनमुखी कार्यक्रम सञ्चालन गरिने जानकारी दिए।
रासायनिक मलको प्रयोगबाट उत्पादन हुने खाद्यान्नका कारण नागरिक रोगी बन्ने, नयाँ नयाँ रोग देखिने गम्भीर समस्या रहेको बताए। उनले प्रदेशमा मात्र हरेक वर्ष एक हजारभन्दा बढी क्यान्सरका बिरामीको उपचारमा खर्च गर्नुपरेको उल्लेख गर्दै उनले रासायनिक मल र विषादीयुक्त खानेकुरा क्यान्सरको प्रमुख कारणका रूपमा प्रमाणित भइसकेकाले १५ वर्षभित्र लुम्बिनीलाई अग्र्यानिक प्रदेश बनाउने संकल्प गरिएको बताए।
मुख्यमन्त्री आचार्यले प्राङ्गारिक मलबाट उत्पादन हुने खाद्यवस्तु तथा फलफूल विदेश निर्यात गर्ने प्रशस्त सम्भावना रहेको उल्लेख गर्दै प्रदेशका केही पालिकालाई प्राङ्गारिक पालिकाका रूपमा घोषणा भइसकेको जानकारी दिए।
कार्यक्रममा पूर्वसांसद घनश्याम यादव, प्रमोद यादव, रोहिणी गाउँपालिकाका अध्यक्ष विद्या यादवलगायतले मुलुकको ठूलो प्राङ्गारिक मल उद्योग लुम्बिनी प्रदेशमा सञ्चालनमा आउँदा किसानले मलको अभाव झेल्न नपर्ने धारणा राखे।
उद्योगका सञ्चालक सिद्धार्थ अग्रवालले कच्चा पदार्थ आयातमा कर छुटको व्यवस्था गरिनुपर्नेमा जोड दिँदै स्वदेशी प्राङ्गारिक मलको बजारीकरणमा सरकारले सहयोग गर्नुपर्ने माग गरे।
उद्योगकी प्रबन्ध निर्देशक पुनमकुमारी अग्रवालले कोरोना संक्रमणका कारण आफ्नै बुबालाई गुमाउनुपरेको स्मरण गर्दै श्रीमान् पनि संक्रमित भएर अस्पताल भर्ना भएको अवस्थामा मानव स्वास्थ्य र माटोको उर्वराशक्ति जोगाउन प्राङ्गारिक मल उद्योग सञ्चालन गर्ने निर्णय लिइएको उल्लेख गरिन्।
सामाग्री श्रोत :
काठमाडौं– काठमाडौंको दरबारमार्गमा निषेधित क्षेत्र घोषणा गरिएको छ ।
जिल्ला प्रशासन कार्यालय, काठमाडौंले भोलिदेखि असार २४ गतेसम्मका लागि निषेधित क्षेत्र घोषणा गरेको हो ।
प्रमुख जिल्ला अधिकारी ऋषिराम तिवारीका अनुसार, केशरमहल चोकदेखि नारायणहिटी दरबार संग्रहालय दक्षिण गेट हुँदै जयनेपाल मोडसम्म निषेधित क्षेत्र घोषणा गरिएको छ ।
त्यस्तै, महेन्द्र शालिक हुँदै नारायणहिटी दरबार संग्राहालय दक्षिण गेटसम्म निषेधित क्षेत्र घोषणा गरिएको हो ।
प्रमुख जिल्ला अधिकारी ऋषिराम तिवारीका अनुसार, केशरमहल चोकदेखि नारायणहिटी दरबार संग्रहालय दक्षिण गेट हुँदै जयनेपाल मोडसम्म निषेधित क्षेत्र घोषणा गरिएको छ ।
त्यस्तै, महेन्द्र शालिक हुँदै नारायणहिटी दरबार संग्राहालय दक्षिण गेटसम्म निषेधित क्षेत्र घोषणा गरिएको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
