इस्लामवाद ।जैश ए मोहम्मदका प्रमुख र घोषित अन्तर्राष्ट्रिय आतंकवादी मौलाना मसूद अजहरले ‘अपरेशन सिन्दुर’को हमलाका बारेमा मुख खोलेका छन् ।
काश्मिरको पहलगाम आतंकवादी हमलाको बदला लिन भारतले ‘अपरेशन सिन्दूर’ अन्तर्गत गरेको लक्षित हवाई हमलामा आफ्नो परिवारका १० सदस्य र उनका चार सहयोगी मारिए पछि उनले मुख खोलेका हुन् ।
बहावलपुरको जामिया मस्जिद सुभान अल्लाहमा जैश ए मोहम्मदको मुख्यालयमा भएको आक्रमणमा मारिनेहरूमा उनको जेठी बहिनी, बहिनीका पति, एक भतिजा र उनकी श्रीमती, एक भान्जी र परिवारका पाँच छोरा छोरीहरू समावेश थिए भनेर अजहरले जानकारी दिएको भारतीय सञ्चारमाध्यमले उल्लेख गरेका छन् ।
मे ७ को रातमा भारतले गरेको ‘अपरेशन सिन्दूर’ पछि परिवारका १४ सदस्य गुमाएका अजहरले आफूलाई कुनै पछुतो र निराशा पनि नरहेको प्रारम्भिक प्रतिक्रिया दिएका छन । उनले भने, “बरु मेरो मनमा बारम्बार यही विचार आउँछ कि म पनि चौध सदस्यको यो खुसी कारवाँमा म किन सामेल हुन सकिन,” अन्तर्राष्ट्रिय आतंकवादीले भने, ‘उनीहरूको जाने समय आएको थियो, जानु भयो तर भगवानले उनीहरूलाई कहिल्यै मार्नु हुन्न।’ उनले यो भने कि मारिएकाहरू अल्लाहका पाहुना बनेका छन्।
५६ वर्षीय मसूद अजहर संयुक्त राष्ट्र सुरक्षा परिषद्द्वारा अन्तर्राष्ट्रिय आतंकवादीको सूचीमा रहेका छन । भारतमा धेरै आतंकवादी हमलाको योजनामा संलग्न रहेको उनी माथी आरोप छ।
जसमा मुख्यतया २००१ को भारतको संसदमा हमला, २००८ को मुम्बई हमला, २०१६ को पठानकोट हमला र २०१९ को पुलवामा हमलालगायतमा उनको सहभागिगता रहेको जनाउँदै आइएको छ। यी अन्तराष्ट्रिय आतंकवादी पाकिस्तानमा रहेको कुरा ‘ओपन सेक्रेट’ भए पनि इस्लामाबादले बारम्बार उनीबारे कुनै जानकारी नभएको कुरा अस्वीकार गर्दै आएको थियो ।
‘आज राती, मेरो परिवारका दस सदस्यहरू सँगै यो खुशीको साथमा आशिष् पाएका छन । यसमा पाँच निर्दोष बच्चाहरू, मेरी जेठी बहिनी, उनको आदरणीय पति, मेरो विद्वान भतिजा र उनी पत्नी र मेरो प्यारो विद्वान भाञ्जी, मेरो प्यारो भाइ हुजैफा र उनकी आमा, दुई अन्य प्रिय साथीहरूले सहादात प्राप्त गरेका छन्, उनीहरूलाइ अल्लाहले बोलाउनु भएको छ,’ उनले भने ।
सामाग्री श्रोत :
१४ सदस्य गुमाएका पाकिस्तानी आतंकवादीले भने, ‘न मलाई पछुतो छ, न निराश नै छु’
काठमाडौँ । नेपालकाे डिजिटल भुक्तानी नेटवर्क फोनपेले २१औं एसियन पेमेन्ट नेटवर्क (एपीएन) फोरमको आयोजना गरेको छ । काठमाडौंस्थित हिल्टन होटलमा मे ६ र ७ गते भएको कार्यक्रममा एसियाका १४ सदस्य राष्ट्रका प्रतिनिधिहरूको सहभागिता रहेको थियो ।
फोरममा डिजिटल भुक्तानीका प्रवृत्ति, सीमापार कारोबार तथा वित्तीय समावेशीताबारे छलफल गरिएको थियो । कार्यक्रमकै अवसरमा नेपालका प्रधानमन्त्री केपी शर्मा ओलीसँग एपीएन प्रतिनिधिहरूले भेटघाट पनि गरेका थिए ।
यसैबिच फोनपेका प्रतिनिधि एपीएनको उपाध्यक्ष पदमा चयन भएका छन् । प्राविधिक उपसमितिको अध्यक्ष पद पनि फोनपेलाई प्रदान गरिएको छ ।
एपीएनको नेतृत्वमा फिलिपिन्सको ‘BancNet’ अध्यक्ष बनेको छ भने अन्य पदहरूमा विभिन्न देशका प्रतिनिधिहरू चयन भएका छन् । यसअन्तर्गत व्यापार उप-समितिको अध्यक्षमा इन्डोनेसियाको ‘Rintis’ र उपाध्यक्षमा भियतनामको ‘NAPAS’ चयन भए । प्राविधिक उप-समितिको उपाध्यक्षमा चीनको ‘UnionPay’ चयन हुँदा जोखिम उप-समितिको अध्यक्षमा थाइल्याण्डको ‘NITMX’ र उपाध्यक्षमा इन्डोनेसियाको ‘Artajasa’ चयन गरिए । मलेसियाको ‘PayNet’ लाई आगामी कार्यकालका लागि लेखा परीक्षक र सिंगापुरको ‘NETS’ लाई कोषाध्यक्ष नियुक्त गरियो ।
फोनपेका सीईओ दिवश कुमारले नेपालमा फोरम आयोजना हुनु डिजिटल भुक्तानी क्षेत्रमा नेपालको क्षमता र क्षेत्रीय सहकार्यको प्रतीक भएको बताए ।
फोरममा सहभागीहरूबिच डिजिटल भुक्तानी प्रणाली सुदृढ पार्ने रणनीति, प्रविधिको प्रयोग र सुरक्षा व्यवस्थाका उत्कृष्ट अभ्यासहरूबारे छलफल भएको थियो ।
पछिल्लो अध्यावधिक: बैशाख २५, २०८२ ८:१८
सामाग्री श्रोत :
टेक पाना
एजेन्सी –भारतले पाकिस्तानमाथि गरेको मिसाइल आक्रमणमा परी मृत्यु हुनेको संख्या ३१ पुगेको छ । राति १ः०५ बजेदेखि साढे १ बजेसम्म भारतले पाकिस्तानका नौ स्थानलाई लक्षित गर्दै आक्रमण गरेको अन्तर्राष्ट्रिय समाचार संस्था रोयटर्सले पाकिस्तानी सेनालाई उद्धृत गर्दै जनाएको छ ।
प्रवक्ता अनुसार आक्रमणमा ४६ जना घाइते भएका छन् । भारतले उक्त आक्रमण ‘अपरेसन सिन्दुर’ नाम दिँदै पहलगाममा भएको आतंकवादी हमलाको प्रतिउत्तर भनेको छ ।
भारतको हवाई आक्रमणपछि पाकिस्तानले जम्मु–कश्मीरको लाइन अफ कन्ट्रोल क्षेत्रमा बमबारी गर्दा १० जना भारतीय नागरिकको मृत्यु भएको बताइएको छ ।
पाकिस्तानी प्रधानमन्त्री शहबाज शरिफले भारतले ठूलो गल्ती गरेको भन्दै त्यसको मूल्य चुकाउनु पर्ने चेतावनी दिएका छन् । भारतले पनि पुनः आक्रमण भए कडा जवाफ दिने बताएको छ ।
फ्रान्सले भारतको समर्थन गर्दै आतंकवादविरुद्धको लडाइँमा साथ रहने विज्ञप्ति निकालेको छ । अमेरिका, चीन र रुसलगायतका देशले दुवै पक्षलाई संयमता अपनाउन आग्रह गरेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौं। प्रतिनिधि सभाको बैठक बिहीबार बिहान बस्दैछ। बैठक आज बिहान ११ बजे संघीय संसद् भवन नयाँ बानेश्वरमा बस्न लागेको हो।
बैठकमा आर्थिक वर्ष २०८२-०८३ को सरकारको वार्षिक नीति तथा कार्यक्रममाथि छलफल हुनेछ।
राष्ट्रपति रामचन्द्र पौडेलले यही वैशाख १९ गते संघीय संसदको दुवै सदनमा सरकारको नीति तथा कार्यक्रम प्रस्तुत गरेका थिए ।
बैठकमा आज पनि सांसदहरूले आफ्नो धारणा राख्दै सरकारको नीति तथा कार्यक्रमबारे बोल्नेछन्।
सामाग्री श्रोत :
काठमाडौँ । अश्लील डिपफेक सामग्री सार्वजनिक गर्दै आएको बदनामी वेबसाइट मिस्टरडिपफेक्स (MrDeepFakes) बन्द भएको छ । वेबसाइटको मुख्य पेजमा राखिएको एक सन्देश अनुसार मुख्य सेवा प्रदायकले सेवा बन्द गरिदिएपछि वेबसाइट सञ्चालन गर्न असम्भव भएको हो ।
वेबसाइटको होमपेजमा राखिएको सूचनामा भनिएको छ, “एक महत्त्वपूर्ण सेवा प्रदायकले स्थायी रूपमा सेवा समाप्त गरेको छ । डेटा हराएका कारण सञ्चालन जारी राख्न असम्भव भएको छ ।”
उक्त पेजमा थप भनिएको छ, “हामी फेरि सुरु गर्ने छैनौं । यस्तो दाबी गर्ने कुनै पनि वेबसाइट नक्कली हो । यो डोमेन केही समयपछि समाप्त हुनेछ र भविष्यमा यसको प्रयोगको लागि हामी जिम्मेवार हुने छैनौं ।” यो सन्देश एक हप्तामा हटाइने पनि बताइएको छ ।
यो वेबसाइट प्रयोगकर्ताहरूलाई सहमति बिना डिजिटल रूपमा परिवर्तन गरिएका स्पष्ट यौन सामग्री अपलोड गर्न अनुमति दिने कारणले कुख्यात थियो । यसमा विशेषगरी सेलिब्रेटीहरूका नक्कली भिडिओहरू हुन्थे । तर सामान्य व्यक्तिहरूको तस्बिर दुरुपयोग भएका धेरै घटनाहरू पनि थिए ।
स्ट्यानफोर्ड विश्वविद्यालय र क्यालिफोर्निया विश्वविद्यालय, सान डिएगोका अनुसन्धानकर्ताहरूले गरेको सन् २०२४ को एक अध्ययन अनुसार यी डिपफेक भिडिओहरू बनाउनुको उद्देश्य यौन सन्तुष्टि, साथै लक्षित व्यक्तिहरूको अपमान र मानहानि गर्नु थियो ।
अनुसन्धान पत्रमा भनिएको छ, “नोभेम्बर २०२३ सम्म मिस्टरडिपफेक्सले ३,८०० व्यक्तिहरूलाई चित्रण गर्ने ४३ हजार यौन डिपफेक भिडिओहरू होस्ट गरेको थियो । यी भिडिओहरू १.५ अर्बभन्दा बढी पटक हेरिएको छ ।”
ती भिडिओहरू मध्ये ९५.३% लक्षित व्यक्तिहरू महिला सेलिब्रेटीहरू थिए ।
यस्ता समस्याको समाधानका लागि अमेरिकी संघीय सरकार सक्रिय हुँदै गएको छ । गत साता अमेरिकी प्रतिनिधिसभाले ‘Take it Down Act’ पारित गर्यो, जसले डिपफेकमार्फत तयार गरिएका अवाञ्छित यौनजन्य सामग्री सार्वजनिक गर्नेमाथि कडा कारबाही र जरिवाना लागु गर्ने व्यवस्था गरेको छ ।
यो विधेयक यसअघि नै सिनेटबाट पारित भइसकेको छ भने राष्ट्रपति ट्रम्पको हस्ताक्षरको प्रतीक्षामा रहेको छ ।
पछिल्लो अध्यावधिक: बैशाख २५, २०८२ ७:१८
सामाग्री श्रोत :
टेक पाना
काठमाडौँ – आज विश्व स्मृति एवं मेलमिलाप दिवस हो । संयुक्त राष्ट्रसङ्घको आह्वानमा दोस्रो विश्वयुद्धमा ज्यान गुमाएकाहरूको सम्झना एवं मेलमिलाप दिवसका रुपमा सन् २००४ देखि यो दिवस मनाउन प्रारम्भ भएको हो ।
राष्ट्रसङ्घीय महासभाले मे ८ र ९ तारिखमा यो दिवस मनाउन विश्वका सबै देशहरुलाई आह्वान गरेअनुरुप विभिन्न राष्ट्रसङ्घीय निकाय, गैरसरकारी संस्था तथा व्यक्तिले समाज र देशका निम्ति योगदान आफ्ना अग्रज एवं दोस्रो विश्वयुद्धका सबै पीडितहरूको स्मरण तथा उनीहरुप्रति श्रद्धाञ्जली अर्पण गरेर स्मृति दिवस मनाउँदै आएका छन् । न्युयोर्कस्थित राष्ट्रसङ्घीय मुख्यालयमा आज विशेष स्मृतिसभा हुँदैछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौं। हाल देशमा पश्चिमी वायु तथा स्थानीय वायुको प्रभाव रहेको छ। यसका साथै बंगालको खाडी र अरब सागर बाट भित्रीरहेको जलवाष्पयुक्त हावाको समेत आंशिक प्रभाव रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर आंशिक देखी साधारणतया बदली रहेको छ। देशको पहाडी भू०भागको थोरै स्थानहरुमा हल्का वर्षा भइरहेको छ। दिउँसो देशको […]
सामाग्री श्रोत :
ललितपुर। प्रधानमन्त्री केपी शर्मा ओलीले जनतालाई अनावश्यक रूपमा निराश बनाउनु एक प्रकारको अपराध हुने बताएका छन्।
‘लोकान्तर डटकम’ को नवौँ वार्षिकोत्सवका अवसरमा आज आयोजित विशेष संवादमा प्रधानमन्त्री ओलीले देशलाई बर्बादीतिर धकेल्ने होइन आशावादीतामा फर्काउनुपर्नेमा जोड दिएका हुन्।
मुलुकमा विकास र समृद्धिका प्रयास भइरहे पनि मानिसहरूमा निराशा छाउनुको कारण के होला रु भन्ने प्रस्तोता विमल गौतमको प्रश्नको जवाफ दिँदै प्रधानमन्त्री ओलीले भने, ‘केही फेसबुक र युट्युब र आँखामा कालो पट्टी बाँधेर हेर्ने दृष्टिकोण भएकाहरूका कारण निराशा छ, भनेर मुलुकलाई बदनाम गर्न खोजिएको छ। त्यो यथार्थ होइन।’
विगतमा आफू प्रधानमन्त्री हुँदा थालेका महत्त्वपूर्ण आयोजना र चालिएका कदमलाई तीव्रताका साथ पूरा गर्ने दृढता लिएर सरकार अघि बढिरहेकाले युवाहरूलाई निराश होइन, हामी आफँैले आफ्नो देश बनाउन सक्छौँ भन्ने आशावादका साथ देशभित्रै केन्द्रित हुन आग्रह गरे।
‘यहाँ काम गर्ने मान्छे छैन, मान्छेहरू काम पाइन्छ भनेर देश बाहिर गइरहेका छन्। यस देशमा केही भएन भन्ने मिसनका साथ सञ्चालित र पुरातनवादी तत्त्वहरू छटपटाएका छन्। उसले दुई सय पचास वर्ष शासक भएर खाएको सम्झिएको छ। उनीहरू यो लोकतान्त्रिक प्रणालीको चुनावबाट आउने सम्भावना नदेखेर मुलुकमा केही पनि भएन भन्दैछन्,’ प्रधानमन्त्री ओलीको भनाइ थियो, ‘अधिनायकवाद र तानाशाहमा विश्वास गर्नेहरूले आशा जगाउने कुरा गर्दा पनि गाली गरिरहेका छन्। आशावाद र विकासको कुरा गर्ने कलाकारको चलचित्र बहिष्कार गर्ने भन्न पछि पर्दैनन्। यस्तो खालको असहिष्णुता र संकीर्णता बोक्नेहरूले लोकतन्त्र पचाउन नसकेका हुन्। यथार्थमा लोकतन्त्र श्रेष्ठ विकल्प हो। यसको विकल्प छैन, त्यसैगरी आशावादीता ठिक बाटो हो, यसलाई छोड्न हुँदैन।’
सामाग्री श्रोत :
जनतालाई अनावश्यकरूपमा निराश बनाउनु एक प्रकारको अपराध हो: प्रधानमन्त्री
मकवानपुर। हेटौँडा उपमहानगरपालिका-१६ र १७ को सिमानामा पर्ने गैरी गाउँको सडकमा गत वैशाख १९ गते बलेरो जिप भासिएर बेपत्ता भएको घटना अध्ययनका लागि आएको टोली काठमाडौं फर्किएको छ।
भूगर्भविद्हरुको टोलीले जिप भासिएको स्थान वरिपरि बोरिङ गरेको पानी संकलन गरी ल्याब परीक्षणका लागि आज काठमाडौंमा फर्किएको हो।
टोली प्रमुख नारायण अधिकारीले उक्त स्थानवरिपरिको जमिनको अवस्था झन् भासिँदै गएकाले अनुसन्धान कार्यमा अवरोध देखिएकाले पानीको ल्याब परीक्षणबाट आएको ‘रिपोर्ट’ अनुसार दोस्रो चरणको अनुसन्धान र खोजतलास गर्ने कार्यलाई तीव्रता दिइने बताए।
टोलीले मंगलबार र आज उक्त स्थान वरिपरि खोजतलास गरिए पनि हालसम्म जिप फेला पार्न नसकिएको जिल्ला प्रहरी कार्यालयका प्रवक्ता तथा प्रहरी नायब उपरीक्षक श्यामुल अर्यालले जानकारी दिए। उनका अनुसार भासिएको स्थान वरिपरि आवतजावत गर्न रोकी थप मानवीय र अन्य सवारीसाधनको क्षति हुन नदिन प्रहरीले सुरक्षा घेरामा राखेको छ।
सामाग्री श्रोत :
