काठमाडौँ । डीजी नेपाल फिनटेक च्यालेन्ज अन्तर्गत हाम्रो पेले प्रयोगकर्ताले अन्तरक्रिया वा कुराकानीमार्फत नै कारोबार गर्न सक्ने एपको परीक्षण सुरु गरेको छ।

स्विस एजेन्सी फर डेभलपमेन्ट एन्ड कोपरेशनको सहयोगमा सञ्चालित उक्त कार्यक्रम नेपाली फिनटेक कम्पनीहरूलाई प्रविधि प्रयोगमार्फत समाजमा सकारात्मक प्रभाव पार्ने समाधानको परीक्षण गर्न प्रोत्साहित गर्ने उद्देश्यले सञ्चालन गरिएको हो।

हाम्रो पेले विकास गरिरहेको एपले प्रयोगकर्तालाई सामान्य संवाद शैलीमा निर्देशन दिएर आर्थिक कारोबार गर्न सक्ने सुविधा दिनेछ। यसबाट डिजिटल कारोबारलाई अझ सहज र पहुँचयोग्य बनाउने अपेक्षा गरिएको छ।

हाम्रो पेका अनुसार, “कुराकानीबाट कारोबार सम्भव हुने यो एपले विशेषगरी डिजिटल साक्षरतामा सीमितता भएका समुदायलाई लक्षित गरेर तयार पारिएको हो।” एआईमा आधारित यो एपमार्फत प्रयोगकर्ताले वित्तीय साक्षरताको अध्ययन, कारोबारका लागि सरोकारवालसँग सिधा सम्पर्क तथा भुक्तानी समेत गर्न सक्ने बताइएको छ ।  

पछिल्लो अध्यावधिक: बैशाख २१, २०८२ ८:३६

काठमाडौं – गायक गोपिकृष्ण खतिवडा र गायिका जमुना खतिवडाको स्वरमा रहेको नयाँ लोकगीत ‘दिलको राजा दिलकी रानी’ को म्युजिक भिडियो सार्वजनिक भएको छ । प्रेम भाव र पारिवारिक आत्मीयता समेटिएको यस गीतमा शब्द र सङ्गीत स्वयं गोपिकृष्ण खतिवडाले तयार पारेका हुन् । जमुना खतिवडाको सुमधुर स्वरले गीतमा मिठास थपेको छ भने रमण थामीको सङ्गीत संयोजनले आधुनिक र आकर्षक बनाएको छ ।

गीतको रेकर्डिङ अनिश योञ्जनले त्रिताल रेकर्डिङ स्टुडियो अनामनगरमा गरेका हुन् । मिक्सिङ सुन्दर लामाले गरेका छन् भने गिटारमा सबिर कार्की, मादल, तबला र ढोलकमा अनिल मगर र बाँसुरीमा सम्पूर्ण लामाको योगदान रहेको छ । सङ्गीत पक्षमा प्रयोग भएका पारम्परिक बाजा र आधुनिक संयोजनको मेल दर्शकका लागि आकर्षणको विषय बनेको छ ।

म्युजिक भिडियोमा भीमसेन खतिवडा, नारायण चौलागाईं र सरस्वती चौलागाईंको अभिनय समावेश छ । उनीहरूले गीतको भावलाई गहिरो अभिनयमार्फत प्रस्तुत गरेका छन् । नृत्य निर्देशन आशिष लामाले गरेका छन् भने सुबिन दाहालले सम्पादन मार्फत भिडियोमा प्रवाह र सौन्दर्यता थपेका छन् ।

भिडियोलाई ठाकुर खतिवडाले निर्देशन गरेका हुन् । ‘दिलको राजा दिलकी रानी’ को छायाङ्कन मेलम्ची नगरपालिका–२ र काठमाडौँको गोकर्णेश्वर क्षेत्र मा गरिएको हो, जसले ग्रामीण र सहरी वातावरणलाई सँगसँगै प्रस्तुत गरेको छ। भिडियो जमुना खतिवडा युट्युब च्यानलमार्फत सार्वजनिक गरिएको छ ।

गीतले नेपाली लोक संगीतको मौलिकता, पारिवारिक सम्बन्ध र प्रेम भावनालाई आधुनिक दृश्य प्रभावमार्फत दर्शक–श्रोतासमक्ष प्रस्तुत गर्ने प्रयास गरेको छ । लोक–प्रेमी दर्शकले गीतलाई सकारात्मक प्रतिक्रिया दिने अपेक्षा गरिएको छ ।

भिडियोः

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

काठमाडौं । अमेरिकी राष्ट्रपति डोनाल्ड ट्रम्पले आफूलाई पोपको रूपमा एआई उत्पन्न छवि पोस्ट गरेपछि केही क्याथोलिक धार्मिक गुरूहरूले आलोचना गरेका छन्।

ह्वाइट हाउस आधिकारिक सोशल मिडिया खातामा द्वारा साझा गरिएको यो तस्विर, क्याथोलिकहरूले २१ अप्रिलमा मृत्यु भएका पोप फ्रान्सिसको मृत्युमा शोक गर्ने र अर्को पोन्टिफ छनौट गर्ने तयारी गर्दा आएको हो।

न्यूयोर्क राज्य क्याथोलिक सम्मेलनले ट्रम्पलाई विश्वासको खिल्ली उडाएको आरोप लगाएको छ। उनले पत्रकारहरूलाई ठट्टा गर्दै ‘म पोप बन्न चाहन्छु’ भनेको केही समय पछि यो पोष्ट आएको हो

क्याथोलिक धर्मको उपहास गरेको आरोप लाग्ने ट्रम्प पहिलो राष्ट्रपति होइनन्। पूर्व अमेरिकी राष्ट्रपति जो बाइडेनले एक वर्ष पहिले फ्लोरिडाको ताम्पामा गर्भपतन समर्थक पहुँच र्‍यालीमा क्रसको चिन्ह बनाए पछि आक्रोश पैदा गरेको थियो ।

भ्याटिकनका प्रवक्ता म्याटियो ब्रुनीले शनिबार पत्रकारहरूसँगको ब्रीफिंगमा ट्रम्पको तस्विर र भुमिकाको बारेमा प्रश्नहरूको जवाफ दिन अस्वीकार गरेका छन्। भ्याटिकनले बुधबार देखि फ्रान्सिसको उत्तराधिकारी छनोट गर्न सम्मेलन आयोजना गर्ने तयारी गरिरहेको छ।

शुक्रबार राति ट्रम्पले पोस्ट गरेको तस्बिरमा उनले सेतो क्यासक र पोइन्टेड मिटर लगाएका छन्, परम्परागत रूपमा विशपले लगाउने जस्तो। र, उनले आफ्नो घाँटीमा ठूलो क्रस लगाएका छन र र आफ्नो औंला समातेको छ, त्यसमाथी गम्भीर अनुहारको अभिव्यक्तिको साथ।

न्यूयोर्क राज्य क्याथोलिक सम्मेलन, जसले न्यूयोर्कमा विशपहरूको प्रतिनिधित्व गर्दछ, सो तस्विरको आलोचना गर्न एक्समार्फत गरेको हो । ‘यस छविको बारेमा चतुर वा हास्याँस्पद केहि छैन, श्रीमान राष्ट्रपति,’ समूहले लेखेको छ।

‘हामीले भर्खरै हाम्रा प्रिय पोप फ्रान्सिसलाई बिदा गरयौंर कार्डिनलहरू सेन्ट पिटरको नयाँ उत्तराधिकारी चयन गर्नको लागि एउटा भव्य सम्मेलनमा प्रवेश गर्न लागिरहेका छन्। हामीलाई खिल्ली नगर्नुहोस्,’ भन्दै ट्रम्पको आलोचना भएको विविसीले जनाएको छ ।

काठमाडौँ । माइक्रोसफ्टले अब खोलिने सबै नयाँ खाताहरूमा पासवर्ड बिना नै साइन-इन गर्ने प्रणाली अनिवार्य गर्ने भएको छ । कम्पनीले हालै सार्वजनिक गरेको ब्लग पोस्टमा नयाँ प्रयोगकर्ताले पासवर्ड राख्नुपर्ने आवश्यकता नरहने बताएको हो।

“नयाँ प्रयोगकर्ताहरूले विभिन्न पासवर्डलेस विकल्प प्रयोग गरी खाता खोल्न सक्नेछन्, र उनीहरूले पासवर्ड कहिल्यै प्रयोग गर्नुपर्ने छैन,” माइक्रोसफ्टको ब्लगमा उल्लेख गरिएको छ।

पासवर्डलेस साइन-इन प्रणालीमा बायोमेट्रिक प्रमाणीकरण (जस्तै औँठाछाप वा अनुहार स्क्यान) र प्रयोगकर्ताको डिभाइससँग जोडिएको पिन कोडमार्फत साइन-इन गर्न सकिनेछ । माइक्रोसफ्टका अनुसार यस प्रविधिले साइबर सुरक्षालाई बलियो बनाउनुका साथै प्रयोगकर्ताको लग-इन अनुभवलाई पनि सहज बनाउनेछ।

कम्पनीले पासवर्डलेस प्रविधिलाई प्रभावकारी रूपमा प्रस्तुत गर्न साइन-इन इन्टरफेस पनि परिमार्जन गरेको छ। नयाँ इन्टरफेसले सबैभन्दा सुरक्षित विकल्प पहिचान गरी प्रयोगकर्तालाई डिफल्ट रूपमा सुझाव दिने बताइएको छ।

हाल पासवर्ड प्रयोग गरिरहेका प्रयोगकर्तालाई पनि पासवर्ड हटाएर पासकी (passkey) प्रयोग गर्न मिल्ने सुविधा दिइएको छ। कम्पनीका अनुसार यो परिवर्तनले लग-इन समय घटाउने, पासवर्ड प्रयोगमा २० प्रतिशतसम्म कमी ल्याउने र फिशिङ तथा व्यक्तिगत विवरण चोरीजस्ता साइबर आक्रमणबाट सुरक्षा प्रदान गर्ने अपेक्षा गरिएको छ । 

पछिल्लो अध्यावधिक: बैशाख २१, २०८२ ९:३

नवलपरासी– शनिबार रातिदेखि निरन्तर परेको वर्षाका कारण पूर्वपश्चिम राजमार्गको नारायणघाट–बुटवल सडकखण्ड अवरुद्ध भएको छ ।

सडक विस्तारका क्रममा रहेको यस सडकको दाउन्ने क्षेत्रमा निरन्तरको वर्षाका कारण सडकमा सवारीसाधन चिप्लिन थालेपछि सडक अवरुद्ध भएको जिल्ला प्रहरी कार्यालयका सूचना अधिकारी प्रहरी नायब उपरीक्षक मधु नेपालले जानकारी दिए ।

उनले रातिदेखि परेको पानीका कारण सडक चिप्लो भएर पूर्ण रूपमा अवरुद्ध हुँदा यो सडक भएर यात्रा गर्ने सम्पूर्ण यात्रुहरूलाई वैकल्पिक सडकबाट यात्रा गर्न समेत आग्रह गरेका छन् ।

सडक विस्तारको कामलाई तीव्र पार्न दाउन्ने खण्डमा राति ११ देखि बिहान ५ बजेसम्म दैनिक रूपमा सडक पूर्ण रूपमा बन्द गरिँदै आएको छ । रातिदेखि नै बन्द भएको यस सडक वर्षाका कारण आवागमन बन्द भएपछि सवारीसाधनको लाइन लामो हुँदै गएको सूचना अधिकारी नेपालले जानकारी दिए ।  

त्यसैगरी, रातिदेखि परेको अविरल वर्षाका कारण हेटौँडाबाट काठमाडौँ जाने कान्तिलोकपथ अवरुद्ध भएको छ । 

वर्षाका कारण बागमती नदीमा बाढी आउँदा कान्ति लोकपथ अन्तर्गत मकवानपुरको भिमफेदी गाउँपालिका– ८ र ललितपुरको बागमती गाउँपालिका– २ को सिमानामा रहेको बागमती खोला डाइभर्सन बगाउँदा सडक पूर्ण रूपमा अवरुद्ध भएको मकवानपुर जिल्ला प्रहरी कार्यालयले जानकारी दिएको छ ।

प्रहरीका अनुसार उक्त डाइभर्सन बगाएपछि आज बिहान ६ बजेदेखि नै  सवारी साधनको आवतजावत अवरुद्ध भएको हो । अहिले प्रहरी टोली घटनास्थलमा खटिएको छ र अवरुद्ध सडक खुलाउने प्रयास जारी रहेको जिल्ला प्रहरी कार्यालयका प्रहरी नायब उपरीक्षक श्यामु अर्यालले  जानकारी दिए । प्रहरीले यात्रीलाई हेटौँडाबाट काठमाडौँ जान अन्य  मार्ग प्रयोग गर्न आग्रह गरेको छ ।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

भक्तपु। गएरातिदेखिको वर्षाले अरनिको राजमार्गअन्तर्गत भक्तपुरको सूर्यविनायक–जगाति सडकमा आवत जावत गर्न समस्या भएको छ ।

जिल्ला ट्राफिक प्रहरी परिसर भक्तपुरका प्रमुख एवं प्रहरी निरीक्षक प्रदीप खत्रीले वर्षाका कारण भक्तपुरको सूर्यविनायक–जगाति हुँदै काभ्रेपलाञ्चोक जाने निर्माणाधीन सडक एकतर्फी रूपमा सञ्चालन गरिएको जानकारी दिए ।

भक्तपुर र काभ्रे जिल्ला जोड्ने राजमार्गमा छ लेनको सडक निर्माणमा ढिलाइ भएसँगै काभ्रेको साँगा र भक्तपुरतर्फ आउने सडकमध्ये भक्तपुर खण्ड वर्षाका कारण निकै जोखिम बढेसँगै अरनिको राजमार्ग एकतर्फी मात्र सञ्चालन गर्नुपरेको जनाइएको छ ।

सडकमा सवारीसाधन चिप्लिएर जोखिम बढेपछि काभ्रेबाट भक्तपुरतर्फ आउने सवारीसाधन मात्र साँगबाट आउन दिएको उनले जानकारी दिए । उनका अनुसार भक्तपुर हुँदै काभ्रे जाने दुई पाङ्ग्रेलगायत हल्का चार पाङ्ग्रे सवारीसाधन जगातिबाट च्याम्हसिं हुँदै ताथली–नाला सडकबाट बनेपा निस्कने गरी सवारीसाधनलाई डाइभर्सन गरिएको छ ।

भक्तपुरबाट काभ्रे जाने ठूला मालवाहक सवारीसाधनलाई भने सल्लाघारीको चौर र जगातिमै रोकिएको छ । सूर्यविनायक–धुलिखेल सडकखण्ड निर्माणाधीन अवस्थामा रहेका कारण साँगा खण्डमा हल्का वर्षाले पनि सडक हिलाम्मे हुने गरेको छ ।

गाडी चिप्लिएर सयौँ फिट तल खस्ने जोखिम रहेपछि सवारीसाधनलाई एकतर्फी गरिएको हो । बाटो हिलाम्मे भएर चिप्लिन थालेपछि ठूला सवारीसाधन माथि उक्लनै नसक्ने, सडकमै भासिने गरेका छन् भने साना सवारी चिप्लेर लड्ने गरेको ट्राफिक प्रहरीको भनाइ छ । वर्षामा जोखिम बढे पनि समस्या समाधानका लागि तीव्रगतिमा काम हुन नसक्दा समस्या आएको छ ।

काठमाडौं– अहिले देशमा पश्चिमी वायु तथा स्थानीय वायुको प्रभाव रहेको छ । साथै बङ्गालको खाडीबाट भित्रिरहेको जलवाष्पयुक्त हावाको समेत आंशिक प्रभाव रहेको छ ।

जल तथा मौसम विज्ञान विभाग मौसम पूर्वानुमान महाशाखाका अनुसार अहिले काठमाडौं उपत्यकासहित देशका अधिकांश पहाडी भूभागमा वर्षा भइरहेको छ । बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानमा चट्याङ्गसहित हल्कादेखि मध्यम वर्षा भइरहेको छ ।

आज दिउँसो देशभर आंशिकदेखि साधरणतया बदली रहने छ । कोशी र लुम्बिनी प्रदेशलगायत देशका पहाडी भूभागका केही स्थान तथा बाँकी भूभागका थोरै स्थानमा चट्याङ्ग र हावाहुरीसहित हल्कादेखि मध्यम वर्षाको सम्भावना रहेको छ । देशका हिमाली भूभागका थोरै स्थानमा हल्का हिमपातको सम्भावना रहेको छ ।

यस्तै, आज राति देशको पहाडी भूभागमा आंशिकदेखि साधारणतया बदली रही बाँकी भूभागमा आंशिक बदली रहने छ । देशको पहाडी भूभागका थोरै स्थान र बाँकी भूभागको एकदुई स्थानमा चट्याङ्गसहित हल्कादेखि मध्यम वर्षाको सम्भावना रहेको छ । हिमाली भूभागका एकदुई स्थानमा हल्का हिमपातको सम्भावना रहेको छ ।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

काठमाडौं। संघीय संसदका ४ वटा समितिका बैठक बस्दैछ। संघीय संसद सचिवालय सिंहदरवारमा उक्त बैठक बस्नेछ।

जसअनुसार अर्थ समितिको बैठकमा बैंक तथा वित्तीय संस्था सम्बन्धी ऐन, २०७३ लाई संशोधन गर्न बनेको विधेयक सम्बन्धमा विज्ञहरूसँग  छलफल हुने भएको छ। जुन बैठक बिहान ११ः३० बजेवाट सुरू हुनेछ।

न्तर्राष्ट्रिय सम्बन्ध र पर्यटन समितिको बैठकमा भने समितिको वार्षिक प्रतिवेदन बारे आन्तरिक छलफल हुने भएको छ । जुन बैठक बिहान ११ः०० बजे बोलाइएको छ।

कृषि, सहकारी तथा प्राकृतिक स्रोत समितिको बैठक बिहान १०ः३० बजे बोलाइएको छ। जुन बैठकमा प्रधानमन्त्री कृषि आधुनिकीकरण परियोजना सम्बन्धी र समग्र कृषि क्षेत्रको बिकासमा सिंचाई, मलखाद, चक्लाबन्दी, प्रविधिको प्रयोग, अनुदान, बजारीकरण लगायतका विषयमा कृषि, वन, उर्जा, भूमि र अर्थ मन्त्रालयसँग छलफल हुनेछ।

उता, सार्वजनिक लेखा समितिको बैठकमा भने दुइ वटा अजेन्डामा छलफल हुँदैछ। जसअनुसार सालेसको २३ औं प्रतिवेदनको मस्यौदा र पोखरा विमानस्थल स्थलगत अध्ययन उपसमितिको प्रतिवेदन सम्बन्धमा तथा उजुरी तथा बेरुजु छलफलको प्रगति सम्बन्धमा थप निर्णय हुनेछ। जुन बैठक बिहान ११ः३० बजेवाट सुरू हुनेछ।

काठमाडौं – रोयल च्यालेन्जर बंगलोरु (आरसिबी) इन्डियन प्रिमियर लिग (आईपीएल)को शीर्ष स्थानमा पुगेको छ । शनिबार राती भएको सनसनी पूर्ण खेलमा चेन्नई सुपर किङलाई दुई रनले हराउँदै आरसिबी १६ अंकका साथ शीर्ष स्थानमा पुगेको हो ।

२१४ रनको लक्ष्य पछ्याएको चेन्नईले ५ विकेटको क्षतिमा २११ रन मात्र जोडेको हो । चेन्नईका लागि अन्तिम ओभरमा १५ रन आवश्यक रहेको समयमा सुरुवाती तीन बलमा यस दयालले दुई रन दिएर महेन्द्र सिंह धोनीको विकेट लिएका थिए ।

तीन बलमा १३ रन चाहिएको अवस्थामा पहिलो बलमा नै शिवम दुवेले छक्का प्रहार गरेका थिए । उनले छक्का प्रहार गरेको बल नोबल थियो । अब चेन्नईको जितका लागि तीन बलमा ६ रन आवश्यक थियो भने फ्रिहिटको अवसर समेत चेन्नईलाई थियो । त्यस पछिको तीन बलमा पनि दयालले तीन रन मात्र खर्चिए । सनसनीपूर्ण अन्तिम ओभरमा चेन्नई चुक्दा आरसिबीले दुई रनको जित निकालेको हो ।

चेन्नईका लागि आयु मन्थ्रेले सर्वाधिक ९४ रनको योगदान गरे । ४८ बलको सामना गरेका उनले ९ चौका र पाँ छक्का प्रहार गरे । रविन्द्र जडेजाले अविजित रहँदै ४५ बलमा ७७ रन जोडे । आरसिबीका लुङ्गी एनगीडीले चार ओभरमा ३० रन खर्चेर तीन विकेट लिए ।

यस अघि टस हारेर पहिले ब्याटिङ गरेको आरसिबीले पाँच विकेटको क्षतीमा २१३ रन जोडेको हो । बंगलोरका ज्याकोब बेथेल, विराट कोहली र रोमारियो सेफर्डले अर्धशतक प्रहार गरे । सेफर्डले १४ बलमा अविजित ५३ रन प्रहार गरे । उनले ६ छक्का र ४ चौका हिर्काएका थिए । उनले खालेल अहमदको एकै ओभरमा ३३ रन प्रहार गरेका थिए । आरसिबीले अन्तिम दुई ओभरमा ५१ रन जोडेको हो ।

आरसिबीका लागि बेथेल र कोहलीले पावर प्लेमा कुनै विकेट नगुमाई ७१ रन जोडेका थिए । कोहलीले ६२ तथा बेथेलले ५५ रन जोडे । चेन्नाइका माथेस पाथिरनाले तीन विकेट लिए । तालिकामा आरसिबी १६ अंक सहित शीर्ष स्थानमा छ । चेन्नई भने चार अङ्कसहित पुछारमा छ । चेन्नाई यस अघि नै प्रतियोगिताबाट बाहिरिसकेको छ । 

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

श्री शाके १९४७ । बि स २०८२ साल वैशाख २१ गते आईतबार । इश्वी सन २०२५ मे ४ तारीख । वैशाख शुक्ल पक्ष सप्तमी तिथी तिष्य नक्षत्र शूल योग वणिज करण चन्द्रमा कर्कट राशिमा आनन्दादि योगमा श्रीवत्स योग सिद्धार्थी नाम संवत्सर सुर्य उत्तरायण वसन्तऋतु रवि सप्तमी व्रत गंगा सप्तमी गंगोत्पत्ति

मेष : चु, चे, चो, ला, लि, लु, ले, लो, अ

अवसर प्राप्त भए पनि तत्काल फाइदा हेर्दा परिस्थिति बिग्रन सक्छ। मिहिनेतले समस्या सुल्झनेछन्। पहिलेका कमजोरी सुधार गर्ने अवसर प्राप्त हुनेछ। कृषि तथा पशुधनबाट लाभ मिल्नेछ। टाढिएका आफन्त नजिकिन सक्छन्। पुरानो सम्झौता भंग हुन सक्छ। शुभचिन्तकहरूलाई साथ लिएर काममा जुट्नुहोला, महत्त्वाकांक्षी योजना प्रारम्भ हुने समय छ।

वृष : इ, उ, ए, ओ, बा, बि, बु, बे, बो

परिस्थिति अनुकूल हुनेछ र लगनशीलताले लक्ष्यमा पुर्याउनेछ। छोटो समयमा फाइदा उठाउन सकिनेछ। सहयोगीहरूले काममा साथ दिनेछन्। मिहिनेत गर्दा राम्रो परिणाम प्राप्त हुनेछ। तारिफयोग्य काम गर्दै धन आर्जन गर्न सकिनेछ। प्रतीक्षित नतिजाले उत्साह जगाउनेछ। थोरै लगानीबाट पनि नाफा कमाउन सकिनेछ। व्यापारमा फाइदा हुनेछ।

मिथुन : का, कि, कु, घ, ङ, छ, के, को, ह

सेयर तथा लगानीबाट लाभ मिल्नेछ। बौद्धिक कार्यबाट पनि दिगो फाइदा उठाउन सकिनेछ। सुखद् समाचारले उत्साह जगाउनेछ। मिहिनेतले सम्मानित स्थान दिलाउन सक्छ। अध्ययनमा प्रगति हुनेछ भने ज्ञानलाई निखार्ने अवसर प्राप्त हुनेछ। दिगो काम प्रारम्भ गर्ने समय छ। प्रेम र मित्रताको बन्धनसमेत कसिलो हुनेछ। व्यवसायमा मनग्य धनलाभ हुनेछ।

कर्कट : हि, हु, हे, हो, डा, डि, डु, डे, डो

रमाइलो भेटघाट तथा खानपानकाे आनन्द प्राप्त हुनेछ। तारिफयाेग्य कामले प्रशंसा एवं ख्याति बढ्नेछ। सफलताकाे अनुभवले थप उत्साहित भइनेछ। नयाँ कामको प्रस्ताव आउनेछ भने सहयोगीहरूले हाैसला जगाउनेछन्। पहिलेका कमजोरी सुधार गर्दै पछिका लागि याेजना बनाउने समय छ। नयाँ पहिरनले व्यक्तित्व निखार्ने अवसर पनि प्राप्त हुनेछ।

सिंह : मा, मि, मु, मे, मो, टा, टि, टु, टे

अवसरको खोजीमा केही दौडधुप गर्नुपर्ला। घरखर्च बढ्नुका साथै अर्थ अभावले सताउने हुँदा होसियारीसाथ काममा जुट्नुहोला। आफ्नाबाटै टाढिनुपर्ने परिस्थिति आउन सक्छ। बेहोसीले नोक्सान पुर्याउन सक्छ। नाम र दामका लागि आज गरिएको खर्च व्यर्थ हुने हुँदा सजग रहनुहोला। खर्च लागे पनि टाढाको यात्रा गर्ने प्रक्रिया भने अघि बढ्न सक्छ।

कन्या : टो, प, पि, पु, ष, ण, ठ, पे, पो

प्रतीक्षित नतिजाले उत्साह जगाउनेछ। मिहिनेत गर्दा दिगो फाइदा हुने काममा जग बसाउने मौका छ। आम्दानीका नयाँ स्रोत फेला पर्नेछन्। पहिले गरेका कामबाट प्रशस्त लाभ हुनेछ। आयआर्जन बढ्ने र उठ्नुपर्ने रकम हातलागी हुने समय छ। कृषि, पशुपालन तथा व्यापारमा प्रशस्त फाइदा हुनेछ। चल-अचल धनको उपयोगबाट मनग्य फाइदा उठाउन सकिनेछ।

तुला : र, रि, रु, रे, रो, ता, ति, तु, ते

कर्मका प्रेरक र सहयाेगी बढ्नाले कर्मसाधना सिद्ध हुनेछ। मिहिनेतले सजिलै लक्ष्यमा पुर्याउनेछ। प्रतीक्षित नतिजाले उत्साह जगाउनेछ। विभिन्न अवसरले पछ्याउनेछन् भने दिगो काममा जग बसाउने अवसर प्राप्त हुनेछ। विशिष्ट व्यक्तिहरूसँग मित्रता बढ्न सक्छ। व्यवसायमा लाग्नेहरूलाई विशेष फाइदा होला। दाम, इनाम र प्रतिष्ठा कमाउने बेला छ।

वृश्चिक : तो, ना, नि, नु, ने, नो, या, यि, यु

प्रतीक्षित नतिजाले उत्साह जगाउनेछ। चुनौतीहरू पन्छाउँदै चिताएको काम बनाउन सकिनेछ। रोकिएका काम सम्पादन हुनेछन् भने मिहिनेतले लक्ष्यमा पुर्याउनेछ। सानो प्रयत्नले धेरैको भलाइ गर्न सक्छ। महत्त्वपूर्ण कामको जग बसाउने समय छ। समाजमा तारिफयोग्य काम गर्दै राम्रो उपलब्धि हातपार्न सकिनेछ। लगनशीलताले सम्मानित स्थान दिलाउनेछ।

धनु : ये, यो, भ, भि, भु, ध, फा, ढ, भे

पहिलेका समस्या दोहोरिनाले उत्साहमा कमी आउला। गोपनीयता बाहिरिनाले समस्या पर्न सक्छ। स्वास्थ्यमा निकै ध्यान पुर्याउनुहोला। सानातिना काममा अल्झनुपर्दा ठूलो काम रोकिन सक्छ। आशा देखाउनेहरूको भरपर्दा धोका पाइएला। खर्च बढ्नाले अर्थ अभाव महसुस हुनेछ। आफ्ना कमजोरीको फाइदा अरूले उठाउने चेष्टा गर्नेछन्, सजग रहनुहोला।

मकर : भो, ज, जि, खि, खु, खे, खो, गा, गि

मन मिल्ने साथी भेटिनुका साथै प्रेम र मित्रताको बन्धन कसिलो हुनेछ। कामको चापबाट फुर्सद पाइनेछ। व्यवसायले मनग्गे आम्दानी दिलाउनेछ। विभिन्न सहयोग र उपहार हातलागी हुनेछ। घरेलु असमझदारीले समस्या निम्त्याए पनि परिवारजनको साथले नयाँ आशा जगाउनेछ। रमाइलो यात्रा गर्ने साइत जुर्नेछ। वादविवादबाट अलि टाढै रहनुहाेला।

कुम्भ : गु, गे, गो, सा, सि, सु, से, सो, द

मिहिनेतीहरूका लागि समय उत्साहजनक रहनेछ। प्रतिस्पर्धामा विजय प्राप्त हुनेछ भने द्वेष तथा ईर्ष्या गर्नेहरूले हार खानेछन्। पराक्रमद्वारा अधिकार स्थापित गर्न सकिनेछ। चुनौती चिर्दै काम बनाउन सकिनेछ। मिहिनेतले प्रतिद्वन्द्वी परास्त हुनेछन्। आर्थिक लाभ हुने विशेष काम शुभारम्भ गर्ने समय छ। विगतका कर्मको उचित प्रतिफल प्राप्त हुनेछ।

मीन : दि, दु, थ, झ, ञ, दे, दो, च, चि

प्रयत्न गरेका काम सजिलै सम्पादन हुनेछन्। अध्ययनमा राम्रो उपलब्धि हासिल गर्न सकिनेछ। बौद्धिक प्रतिस्पर्धामा विजयी भइनेछ। प्रतिष्ठित काम सम्पादन गर्ने मौका छ। सेवामूलक कामबाट धनलाभ हुनेछ। स्वास्थ्य सबल रहनेछ। पशुपालन तथा कृषि क्षेत्रबाट पनि राम्रो लाभ मिल्नेछ। सन्तान वा अनुयायीले राम्रो साथ दिनेछन्। फाइदाको स्रोत पहिल्याउन सकिनेछ।