भक्तपुर। राष्ट्रिय परीक्षा बोर्डले यही वैशाख ११ गतेबाट शुरु हुने कक्षा १२ को परीक्षा स्थगित नगरिएकाले परीक्षाको तयारीमा निरन्तर लाग्न विद्यार्थीहरुलाई आग्रह गरेको छ।

शिक्षक आन्दोलनका कारण कक्षा १२ को परीक्षा स्थगित भएको जनाउँदै आज सामाजिक सञ्जालमा संप्रेषण भएको सूचनाले विद्यार्थीलाई भ्रमित पार्न खोजेको भन्दै यस्ता भ्रमा नपरी परीक्षाको तयारीमा जुट्न विद्यार्थीहरुलाई बोर्डल आग्रह गरेको छ।

आज बोर्डले एक विज्ञप्ती जारी गर्दै परीक्षा पूर्वनिर्धारित तालिकाअनुसार हुने जानकारी दिँदै सामाजिक सञ्जालमा आएको विज्ञप्ति अनधिकृत भएकाले भ्रम फैलाउनेलाई कारबाही गरिने जनाएको छ।

बोर्डले आज सहज वातावरणमा परीक्षा सञ्चालनका लागि समन्वय र सहकार्य गर्न अभिभावक, शिक्षक एवं प्रधानाध्यापकलाई अपिल पनि गरेको छ।

परीक्षा जस्तो संवेदनशील विषयमा बोर्डको लेटरप्याडमा अध्यक्षको हस्ताक्षर राखि अनधिकृत र भ्रामक सूचना सम्प्रेषण गर्ने उपर साईबर कानुनअनुसार आवश्यक कारवाहीका लागि प्रकृया अगाडि बढाइएको बोर्डले विज्ञप्तीमार्फत जनाएको छ। बोर्डको वेभसाईटमार्फत् सूचना सार्वजनिक हुने हुँदा अन्य श्रोतबाट प्रवाह भएका कुनै पनि सूचनामा भर नपर्न अनुरोधसमेत गरेको छ।

काठमाडौँ । युनाइटेड अरब इमिरेट्स (यूएई) मा रहेका नेपालीलाई लक्षित गर्दै आइएमई पेले यूएईको भुक्तानी सेवाप्रदायक जिंगल पेसँग साझेदारी गरेको छ ।

यस साझेदारीसँगै अब यूएईबाट नेपाल पैसा पठाउने प्रक्रिया थप सहज, छिटो र सुरक्षित हुने आइएमई पेले जनाएको छ ।

कम्पनीले जारी गरेको विज्ञप्ति अनुसार जिंगल पे एप प्रयोग गरेर केही सेकेन्डमै यूएईबाट नेपालमा आइएमई पे वालेट वा बैंक खातामा पैसा पठाउन सकिनेछ ।

साथै ग्राहकले आकर्षक विनिमय दर पाउने र कारोबार गर्दा कुनै सेवा शुल्क नलाग्ने कम्पनीले जनाएको छ ।

पछिल्लो अध्यावधिक: बैशाख ५, २०८२ १७:३

चितवन– प्रधानमन्त्री केपी शर्मा ओलीले विकासमा पूर्वाग्रह र मतभेद नराखी काम गर्न आग्रह गरेका छन्।चितवनको पूर्व पश्चिम राजमार्गको पुल्चोक–गोन्द्राङ– ६ लेन सडकको आज उद्घाटन गर्दै विकासमा एकताबद्व भएर लाग्न आग्रह गरे।

उनले भने, ‘अहिले चुनाव लाग्या पनि छैन र चुनाव प्रचार गर्नु पर्‍या पनि छैन । त्यतापट्टि गइहाल्नुपर्ने आवश्यकता पनि छैन । म आग्रह गर्न चाहान्छु, सबैलाई सधैँ राजनीति मात्रै, सधैँ चुनाव मात्रै होइन । विकासमा ध्यान दिउँ । हामीले एक भएर देश बनाउनुपर्नेछ । मतभेदमा होइन एकतामा जोड दिउँ । विचारमा विविधता हुनसक्छ तर देशको विकास गर्ने कुरामा मतभेद राख्न आवश्यक छैन । देशको विकास हामी सबै मिलेर गर्ने हो । कोही आएर हाम्रो देश बनाउँदैन । आफ्नो बलमा लोकतन्त्रलाई बलियो बनाउँदै राष्ट्रिय एकताका साथ एकजुट भएर अघि बढेर विकास गर्नुपर्छ ।’

प्रधानमन्त्री ओलीले चितवन जिल्ला त्रेतायुगदेखि नै राम जन्मेदेखिको ऐतिहासिक महत्व बोकेको जिल्ला भएको उल्लेख गर्दै यो एउटा सभ्यताको सुरुआत भएको भूभाग भएको बताए।

उक्त सडक खण्डको २०७७ माघ १७ गते प्रधानमन्त्री ओलीले नै शिलान्यास गरेका थिए। सडक रु एक अर्ब १३ करोड ३५ लाख ३४ हजारमा निर्माण सम्पन्न भएको हो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

काठमाडौं। खानेपानीमन्त्री प्रदीप यादवले जनताको विश्वास जित्न आवश्यक लगानी र समन्वयलाई निरन्तरता दिने प्रतिबद्धता गरेका छन्।

काठमाडौं उपत्यका खानेपानी व्यवस्थापन बोर्डको २०औँ वार्षिकोत्सव समारोहलाई सम्बोधन गर्दै उनले नीति निर्माणमा जनआवाजलाई प्राथमिकता दिँदै कार्यान्वयनमा पारदर्शिता र परिणाम सुनिश्चित गरिने बताए।

उनले भने, ‘खानेपानी जनताको जीवनसँग प्रत्यक्ष जोडिएको संवेदनशील अधिकार हो भन्ने मान्यताका आधारमा नीतिगत, प्रविधिगत र प्रशासनिक सुधारमार्फत दीर्घकालीन, दिगो र समावेशी विकासको दिशामा सरकार र बोर्डसँगसँगै अघि बढ्नेछौँ।’

बोर्डले अघि सारेका योजनाले नागरिकको जीवनस्तर, जनस्वास्थ्य तथा वातावरणीय दिगोपनमा अतुलनीय योगदान दिएको उल्लेख गरे। ‘खानेपानी क्षेत्रको सुधारका लागि आवश्यक सबै पहल, लगानी र समन्वयलाई मेरो व्यक्तिगत प्रतिबद्धता छ’, उनले स्पष्ट पारे।

सो अवसरमा खानेपानी मन्त्रालयका सचिव ई प्रमिलादेवी शाक्य बज्राचार्यले बोर्डले नागरिकलाई प्रत्यक्ष सेवा पुर्याउँदै आएको बताए।

बोर्डका कार्यकारी निर्देशक डा सञ्जीवबिक्रम राणाले चार सयभन्दा बढी स्थानमा वर्षा पानी संकलन प्रणाली स्थापना भई करिब एक लाख जनसङ्ख्या लाभान्वित भएको, दुई सय तीनवटा ढुंगेधारा, इनार र कुवा संरक्षण एवं पुनःउत्थानले सांस्कृतिक र सामुदायिक जलस्रोतलाई पुनर्जीवित बनाएको, ३१ स्थानमा पानी एटिएम प्रणालीमार्फत गुणस्तरीय पिउने पानी सर्वसुलभ रूपमा उपलब्ध गराइएको जानकारी दिए।

काठमाडौँ । नेपाल विद्युत प्राधिकरणले विद्युतीय सवारीसाधन चार्जिङ स्टेसनलाई दिँदै आएको सुविधा रोक्का गरेको छ । यसअघि तत्कालीन कार्यकारी निर्देशक कुलमान घिसिङले ईभी चार्जिङ स्टेसनलाई प्रोत्साहन दिन २०७७ सालमा विनियमावली संशोधन गरेर विशेष सुविधा व्यवस्था मिलाएका थिए ।

यसअन्तर्गत प्राधिकरणले चार्जिङ स्टेसनसम्म १ किलोमिटर दूरीसम्म निःशुल्क लाइन विस्तार गर्ने, २०० केभी क्षमतासम्मको ट्रान्सफर्मर जडान गरिदिने तथा २०० केभीभन्दा माथिको अवस्थामा हाइटेन्सन लाइन तानिदिने व्यवस्था गरेको थियो । यही सुविधाका कारण देशभर २०० भन्दा बढी स्थानमा उच्च क्षमताका ईभी चार्जिङ स्टेसन निर्माण भएका थिए ।

प्राधिकरणले निजी आवास, कार्यालयहरू, फर्म, कम्पनी, संस्था, सार्वजनिक स्थल लगायतमा सार्वजनिक चार्जिङ स्टेसन स्थापना गर्न स्वीकृति दिएको थियो । ​तर अहिले चार्जिङ स्टेसनको माग निकै बढेको र प्राधिकरणसँग ट्रान्सफर्मरको पनि अभाव रहेको कारण देखाउँदै हितेन्द्र देव शाक्य नेतृत्वको विद्युत प्राधिकरणले यो सुविधा रोक्का गरिदिएको हो ।

“हामीले प्रोत्साहनको लागि भनेर चार्जिङ स्टेसनमा सुविधा पुर्याउँदै आएका थियौँ । तर पछिल्लो समय चार्जिङ स्टेसन ठुलो व्यवसाय नै बन्यो र हामीले माग धान्न नसक्ने देखियो,” प्राधिकरणका निर्देशक एवं ऊर्जा दक्षता तथा चुहावट नियन्त्रण विभागका प्रमुख नवराज ओझाले टेकपानासँग भने ।

प्राधिकरणले विनियमावली नै परिवर्तन गरेर यो सुविधा रोक्ने निर्णय नगरेको, तर अहिले आइरहेका मागलाई भने रोक्का गरिएको ओझाले सुनाए । उनका अनुसार अब प्राधिकरणको सञ्चालक समितिले थप छलफल गरेर यो सुविधाबारे नीतिगत निर्णय गर्नेछ । ‍

प्राधिकरणको पछिल्लो कदमसँगै नयाँ चार्जिङ स्टेसन निर्माणमा प्रभाव पर्ने देखिएको छ ।

पछिल्लो अध्यावधिक: बैशाख ५, २०८२ १७:४८

काठमाडौं– सञ्चारिका समूहको अधिवेशनमा उम्मेदवार बनेका ४ जनालाई नेकपा एमालेनिकटको प्रेस चौतारी नेपालले साधारण सदस्यसमेत नरहने गरी कारबाही गरेको छ । सँगै एमाले पार्टीको सदस्यतासमेत खारेज  गर्न भन्दै सिफारिस गरिएको छ ।

चौतारीका महासचिव हीरामान लामाले विज्ञप्ति निकाल्दै उक्त कारबाहीको जानकारी गराएका छन् । कारबाही गरिएकाहरूमा पूर्वकेन्द्रीय सचिव लोग्सरी कुँवर, पूर्वकेन्द्रीय समिति सदस्य पवित्रा सुनार, केन्द्रीय सदस्य तारा चापागाईं र निर्वाचन आयोग पूर्वसदस्य दीपा रेग्मी छन् ।

सञ्चारिका समूहजस्तो गैरराजनीतिक संस्थामा कांग्रेस-एमालेनिकटका पत्रकार संगठनले भागबण्डा गरेर ‘नांगो हस्तक्षेप’ गरेकोमा सरोकारवालाले चिन्ता व्यक्त गरेका छन् । उनीहरूमाथि संगठनको हितविपरीत अन्य पार्टीको उक्साहटमा उम्मेदवारी दिएको आरोप लगाइएको छ ।

बन्दना राणा, बबिता बस्नेतलगायतका अग्रजहरुले स्थापना गरेको पत्रकार महिलाहरुको विशुद्ध गैरराजनीतिक प्रकृतिको संस्थामा यसपटक प्रेस चौतारी र प्रेस युनियनले एमाले र कांग्रेसको बनाएर राजनीति घुसाएको आरोप छ । 

अध्यक्ष र उपाध्यक्षको उम्मेदवार बनेका चौतारीले कारबाही गरेका पवित्रा सुनार र लोग्सरी कुँवरलाई माओवादीनिकट प्रेस सेन्टरले समर्थन गरेको छ । यी दुवै पदमा अब प्रेस चौतारीकै सदस्यहरुबीच प्रतिस्पर्धा हुने भएको छ । 

कांग्रेसनिकट प्रेस युनियनले पाएको महासचिव पदमा राधा खनाल निर्विरोध भइसकेकी छन् । प्रेस चौतारीकी पवन वर्षा शाहले उम्मेदवारी फिर्ता लिएसँगै खनाल निर्वाचित भएकी हुन् ।

यो संस्था नेपाली महिला पत्रकारको सहभागिता, क्षमता अभिवृद्धि, र लैङ्गिक समानताका लागि लामो समयदेखि काम गरिरहेको अग्रणी संस्था हो । यसले महिला पत्रकारहरूको पेशागत दक्षता बढाउन तालिम, कार्यशालालगायतका कार्यक्रमहरू सञ्चालन गर्दै आएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

ढोरपाटन (बागलुङ)। यहाँको बागलुङ नगरपालिका–४ ढोडेनीमा करेन्ट लाग्दा एकजनाको मृत्यु भएको छ। १७ वर्षीय शिव थापा मगरको आज साँझ ४ः३० बजे करेन्ट लागेर मृत्यु भएको हो।

बारीमा घाँस काट्ने क्रममा रुखको हाँगाले ३३ हजार केभी प्रसारण लाइनको नाङ्गो तारमा छुँदा करेन्ट लागेर गम्भीर घाइते भएका थापालाई उपचारका लागि धौलागिरि अस्पताल पुर्‍याइएको थियो। अस्पताल ल्याएको केही समयमै डाक्टरले मृत घोषणा रहेको जिल्ला प्रहरी कार्यालयका प्रहरी नायब उपरीक्षक विजय यादवले जानकारी दिए।

थापाको शवलाई शव परीक्षणका लागि अस्पतालमै राखिएको छ। घटनाबारे थप अनुसन्धान भइरहेको प्रनाउ यादवले बताए।

पछिल्लो अध्यावधिक: बैशाख ५, २०८२ १८:५८

काठमाडौं – दाङको लमही–भालुवाङ सडकखण्ड अन्तर्गत सिंगेखोला नजिकै बस दुर्घटना हुँदा दुई जनाको मत्यु भएको छ।

कृष्णनगर घोराहीतर्फ आउँदै गरेको बा ३ ख ७९९६ नम्बरको बस दुर्घटनामा परेको जिल्ला प्रहरी कार्यालय, दाङले जनाएको छ। प्रहरीका अनुसार मृत्यु हुनेमा दाङको राजपुर गाउँपालिका–५ बस्ने ५७ निमसरोज यादव रहेका छन्। 

अर्का एक जना मृतकको भने सनाखत हुन बाँकी छ।

दुर्घटनामा परेर १५ जना घाइते भएका छन्। घाइतेमध्ये ८ जनाको अवस्था मध्यम छ भने ७ जनाको अवस्था सामान्य छ।

अहिले प्रहरीले उद्धारको काम गरिरहेको छ। घटनाबारे थप विवरण आउन बाँकी छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।