काठमाडौं । पूर्वराजा ज्ञानेन्द्र शाहले नागरिक स्वतन्त्रता भन्दा ठूलो तन्त्र र वाद अरु हुन नसक्ने बताएका छन्। नयाँ वर्षको पूर्वसन्ध्यामा आइतबार अवसरमा भिडियो सन्देश जारी गर्दै उनले यस्तो बताएका हुन्।
‘नागरिक स्वतन्त्रता भन्दा ठूलो तन्त्र वा वाद हुँदैन। वास्तविक प्रजातन्त्र त्यहाँ हुन्छ जहाँ राम्रो, नराम्रो जनगुनासो वा गुणगान सुन्ने परम्परा र संस्कार हुन्छ। नेपाली जनतामा देश र भविष्यलाई लिएर जुन खालको जागरुकता पैदा भएको छ। त्यसलाई हामीले सकारात्मक रुपमा लिएका छौं,’ उनले भनेका छन् ।
मुलुकमा व्याप्त अशान्ति, अराजकता, निराशा र असन्तुष्टिबाट आम नेपालीलाई मुक्त गर्न नेपालको राजसंस्थाले जहिल्यै पनि योगदान पुर्याउँदै आएको उनको भनाइ छ।
‘हरेक नयाँ वर्ष नुतन, आशा र विश्वास बोकेर आउने तर वर्षको बिदाइमा एउटा घनघोर निराशाकाबीच हुने गरेको धेरै साल भयो। समाजका विभिन्न दल, वर्ग र जनसमुदायले आफ्नो धारणा, आस्था तथा अभिव्यक्ति राख्न पाउनु प्रजातन्त्रको सुन्दर विशेषता हो। तर, त्यस्तो धारणा र मान्यता प्रस्तुत गर्दा सबैले संयम अपनाउनुपर्छ,’ उनले भनेका छन्।
केही दिन अघि जनप्रदर्शनमा भएको हिंसा, आगजनी, तोडफोडबाट मानवीय एवं भौतिक क्षति भएकोमा अत्यन्तै दुःख लागेको उनको भनाइ छ।
नेपाली जनतामा रहेको देशभक्तिपूर्ण भावना विश्वमै अनुकरणीय र अनुसरणीय रहेको उनले बताए। ‘वर्तमानमा बदलिँदो जनचाहनाको पनि कदर गरी राज्यशक्तिको स्रोत जनता नै हुन् भन्ने मन्जुरी सधैंव स्थापित हुनुपर्दछ । राष्ट्रनिर्माता श्री ५ बडामहाराजधिराजको दिव्य उपदेशलाई नै अबको राज्यसत्ताको मूल मन्त्र सोच्नुमा के होला ? सन्तुलित कुटनैतिक सम्बन्ध र आत्मनिर्भर नेपालको परिकल्पना नै पृथ्वीपथको मुल सार हो । यही नै राजनीतिको मूल धार हुनुपर्ने हो,’ उनले भने।
सामाग्री श्रोत :
पूर्वराजा भन्छन्- नागरिक स्वतन्त्रता भन्दा ठूलो कुनै तन्त्र छैन
काठमाडौँ । आज मसँग क्यामेरा केन्द्रित वा क्यामेरामा ध्यान दिइएको फोन छ, जसको सबै क्यामेरा लेन्स ZEISS सँगको साझेदारीमा विकास गरिएको छ । ZEISS उच्च गुणस्तरको क्यामेरा लेन्स उत्पादनको लागि परिचित छ, जुन प्रायः व्यावसायिक क्यामेराहरूमा प्रयोग हुन्छ ।
यो फोन हो, भी५० फाइभजी । यसको मूल्य २८ हजार रुपैयाँ तोकिएको छ । कम्पनीले ५० दिनको हार्डवेयर रिप्लेसमेन्ट ग्यारेन्टी पनि दिएको छ । आज म यस सामग्रीमा यो फोनको क्यामेरासँगै अन्य सुविधाहरूको चर्चा गर्दैछु ।
सर्वप्रथम, फोनमा अण्डाकार-गोलाकार आकारको क्यामेरा मोड्युल पाउनुहुन्छ । यसमा मिनिमालिस्टिक क्यामेरा बम्प छ, जहाँ डुअल क्यामेरा सेटअप आउरा लाइटसहित उपलब्ध छ ।
मैले सुरुमै उल्लेख गरिसकेको छु कि फोनका सबै पछाडि र अगाडिका क्यामेरा लेन्सहरू ZEISS सँग मिलेर बनाइएका हुन् । यसमा ओआईएसयुक्त ५० मेगापिक्सेलको मुख्य क्यामेरा । ५० मेगापिक्सेलकै अल्ट्रा वाइड क्यामेरा र सेल्फीको लागि पनि ५० मेगापिक्सेलको फ्रन्ट क्यामेरा उपलब्ध गराइएको छ । हामीले सबै क्यामेरा मोडहरूबाट फोटो र भिडिओ खिच्यौं ।
क्यामेरालाई केन्द्रित गरेर ल्याइएको भएता पनि एकदमै फरक खालको क्यामेरा मोडहरू छैनन्, सामान्य क्यामेरा मोडहरू नै पाउन सक्नुहुन्छ । जस्तै; नाइट, पोर्ट्रेट, फोटो, भिडिओ । भिभोले प्रायः दिँदै आएको माइक्रो मुभी यसमा छ भने तपाईंले अन्डर वाटर फोटोग्राफी, सुपरमुन, एस्ट्रो लगायत मोडहरू पनि ।
तर मुख्य क्यामेरा मोडहरू भने पक्कै पनि राम्रो पर्फर्मेन्स गर्ने छन्, यसमा कुनै शङ्का छैन । फोनबाट लिइएको सामान्य फोटोको कुरा गर्दा पनि यो उत्कृष्ट देखिन्छ । जुम गर्दा, क्रप गर्दा पनि क्वालिटी उस्तै रहन्छ ।
फोनबाट लाइभ फोटो पनि खिच्न सक्नुहुन्छ । त्यस्तै, फोनबाट लिइएको पोर्ट्रेट पनि कुनै फ्ल्यागशिप फोनबाट लिइएको भन्दा कम देखिँदैन र सबैभन्दा राम्रो कुरा भनेको तपाईंले फरक फोकल लेन्थमा पोर्ट्रेट फोटो खिच्न सक्नुहुन्छ, जुन २३ मिमी, ३५ मिमी र ५० मिमी हो ।
५० मिमी र ३५ मिमीमा बोकेह इफेक्ट एकदमै राम्रोसँग काम गर्छ । तपाईंले पोर्ट्रेट मोडमा विभिन्न बोकेह फ्लेयरहरू जस्तै सिनेमाटिक, सिने-फ्लेयर, बायोटार लगायत छनौट गरेर पनि तस्बिरहरू लिन सक्नुहुन्छ । यसले तपाईंको फोटोमा कलात्मक प्रभाव थप्छ ।
पर्याप्त प्रकाश भएको अवस्थामा फोटोको गुणस्तर राम्रो छँदैछ, यसबाहेक भित्र पनि यसले सक्दो राम्रो प्रदान गर्छ, राति खिच्दा पनि विस्तृत इमेज पाउन सकिन्छ ।
वाइड एंगल फोटोहरूमा पनि गुणस्तर घटेको खासै महसुस हुँदैन । सेल्फी पनि उत्कृष्ट छ, सेल्फी क्यामेरामा टेलिप्रम्प्टर पनि छ, त्यसैले यदि तपाईं केही रेकर्ड गर्न चाहनुहुन्छ भने फोनको बिल्ट-इन प्रम्प्टरमा टेक्स्ट थपेर रेकर्ड गर्न सक्नुहुन्छ, जुन सामग्री निर्माताहरूका लागि धेरै उपयोगी उपकरण हो ।
भिडिओ रेकर्डिङको कुरा गर्दा, फोरके भिडिओ ३० एफपीएससम्म रेकर्ड गर्न सक्नुहुन्छ । र पछाडिको क्यामेराबाट पनि ३० एफपीएसमा फोरके भिडिओ खिच्न सक्नुहुन्छ । १०८०पी भिडिओ भने ६० एफपीएससम्म रेकर्ड गर्न सकिन्छ ।
२८ हजार रुपैयाँ तिरेपछि ६० एफपीएसमा फोरके भिडिओ हुनुपर्ने अपेक्षा राख्न सकिन्छ । भिडिओ गुणस्तरलाई स्तरीय मान्न सकिन्छ, ओआईएसले राम्रोसँग काम गर्छ ।
मैले फ्रन्ट क्यामेराबाट बोल्दै खिचेको भिडिओ गुणस्तर पनि ठीकठाक छ, स्थिर छ । अर्को रोचक सुविधा भनेको यसबाट पोर्ट्रेट भिडिओ पनि लिन सक्नुहुन्छ, जुन आईफोनहरूमा हुने सिनेमाटिक भिडिओहरू जस्तै हो भन्दा फरक नपर्ला । र हो, हाम्रो आफ्नै आभा प्रकाशलाई नबिर्सौं, जसको अनुभव तपाईंले कम प्रकाशमा फोटो खिचेर लिन सक्नुहुन्छ, समान टोन प्रकाश र फरक बनावटको लागि । र एआई थ्रीडी स्टुडियो प्रकाश पनि छ, हामीले केही क्लिकहरू लिएका छौं जुन स्क्रिनमा देख्न सक्नुहुन्छ ।
क्यामेरामा चेक गर्ने कुराहरू अझै धेरै छन्, जस्तै तपाईंले फिल्म क्यामेरा मोड प्रयोग गर्न सक्नुहुन्छ, जसबाट फिल्मी भाइब्सको अनुभव लिन सकिन्छ । बाँकी धेरै प्रभावहरू, फिल्टरहरू, ब्यूटी मोडहरू त छन्दैछन् । त्यसैले, समग्रमा यो फोनको क्यामेरालाई पूर्ण रूपमा प्याक गरिएको क्यामेरा फोन भन्दा फरक नपर्ला ।
क्यामेराको बारेमा धेरै कुरा भयो, अब फोनतिर फर्कौं । फोन हातमा पर्ने बित्तिकै तपाईंलाई पहिलो नजरमा मन पर्ने यसको रूप हो, जुन पूर्ण रूपमा प्रिमियम फोनको अनुभूति दिन्छ ।
हातमा समात्दा सहज छ, बोक्न सहज र हल्का छ । यसको सहज बनावटका कारण, म तपाईंलाई फोन कभर प्रयोग गर्न सुझाव दिन्छु, जसले तपाईंलाई ग्रिप दिन्छ । डिस्प्लेको कुरा गर्दा, फोनमा ६.७७ इन्चको ४डी घुमाउरो स्क्रिन पाउनुहुनेछ, १२०Hz रिफ्रेस दर सहित । स्क्रिनको चमक ४५०० निट्स पाउन सक्नुहुन्छ, जुन उज्यालो घाममा पनि पर्याप्त भन्दा बढी हो । घुमाउरो स्क्रिनले गर्दा तपाईंलाई फोनमा हेर्ने अनुभव राम्रो महसुस हुन्छ ।
पर्फर्मेन्सतर्फ हेर्दा, यो फोन एन्ड्रोइड १५ मा आधारित छ र भिभोको आफ्नै फन्टच ओएस १५ बाट सञ्चालित छ । प्रोसेसर भने योभन्दा अगाडि लन्च भएको फोन भी४० कै छ, जुन क्वालकम स्न्यापड्रागन ७ जेन थ्री फोर एमएम प्रोसेसर हो ।
अब मलाई लाग्छ भिभोले प्रोसेसर अपग्रेड गर्ने समय भइसकेको छ । तर यो गेमिङ फोन नभएकोले प्रोसेसरले सामान्य कार्यहरू, सामान्य गेमिङहरू र पब्जीजस्ता हेभी गेमहरू पनि सजिलै चलाउन सक्छ ।
फोनमा भीसी स्मार्ट कुलिङ सिस्टम पनि भएकोले तापक्रम व्यवस्थापन हुन्छ । र तपाईंले गेम खेल्दा आफ्नो आवाज परिवर्तन पनि गर्न सक्नुहुन्छ, जुन अनुभव गर्न रमाइलो कुरा हो । त्यसैले, समग्रमा यो फोनको लागि यो प्रोसेसर राम्रो छ भन्दा फरक पर्दैन ।
अब फोनका केही रोचक सुविधाहरू हेरौं । रोचक किनभने फोनमा एआई इन्टिग्रेशनहरू छन्, जस्तै एआई इमेज स्टुडियो अन्तर्गत एआई इरेजर छ, जसको प्रयोगले छविबाट अनावश्यक वस्तुहरू सजिलै मेटाउन सकिन्छ ।
त्यस्तै, लाइभ कटआउटको सुविधा पनि छ, जुन तपाईंले चाहेअनुसार प्रयोग गर्न सक्नुहुन्छ, स्टिकरको रूपमा पनि प्रयोग गर्न सक्नुहुन्छ । आईफोन प्रयोगकर्ताहरूलाई यो सुविधा नौलो नहोला । बाँकी एआई सुविधाहरूको कुरा गर्दा, फोनमा गुगल जेमिनाई एआई पाउनुहुन्छ । त्यस्तै स्क्रिन ट्रान्सलेटको सुविधा पनि पाउनुहुन्छ, जसले १३२ भाषासम्म सपोर्ट गर्दछ । त्यस्तै, सर्कल टु सर्च, एआई ट्रान्सक्रिप्ट, लाइभ टेक्स्ट जस्ता लोकप्रिय एआई सुविधाहरू पनि फोनमा छन् ।
कस्टमाइजेसन अप्सटहरूको कुरा गर्दा धेरै एपहरू र छिटो र सजिलो पहुँचको लागि एज प्यानल छ । यसमा तपाईंले अत्यधिक प्रयोग गर्ने एपहरू थप्न सक्नुहुन्छ । स्प्लिट स्क्रिन, मल्टि विन्डो लगायत मल्टी टास्किङ सुविधाहरू पनि फोनमा छन् ।
फोनमा धेरै विजेटहरू पनि उपलब्ध छन् । फेस आईडी, चार्जिङ, फिंगरप्रिन्टहरूका लागि एम्बियन्ट लाइट इफेक्टहरू, एनिमेसन विकल्पहरू पनि छन् । वालपेपर, थिमहरूमा पनि कस्टमाइजेसनका विकल्पहरू पक्कै भेट्नुहुन्छ ।
अब कुरा गरौं फोनको अर्को प्रमुख आकर्षणको, अनुमान लगाउनुहोस् । हो, यो ब्याट्री हो । भिभो भी५० मा तपाईंले ६००० एमएएच क्षमताको ब्लुभोल्ट ब्याट्री पाउनुहुन्छ ।
ब्लुभोल्ट ब्याट्रीको विशेषता भनेको यसले सानो आकारमा पनि धेरै पावर प्रदान गर्न सक्छ, त्यसैले ६००० एमएएचको ब्याट्री भए पनि फोन पातलो छ । त्यसैगरी, ब्याट्रीमा विस्तारित ब्याट्री लाइफ र शक्तिशाली ब्याट्री स्वास्थ्य पनि पाउन सक्नुहुन्छ ।
ब्याट्री चार्ज गर्न ९० वाटको फ्ल्याश चार्जर उपलब्ध छ, जसले एक घण्टाभित्र फोन पूर्ण रूपमा चार्ज गरिदिन्छ । र फोनमा ७ देखि ८ घण्टाको स्क्रिन टाइम मजाले पाउनुहुन्छ । तपाईं यात्रामा हुनुहुन्छ भने १० मिनेट मात्र फोन चार्ज गरेर पनि आफ्नो धेरै कामहरू सक्नुहुन्छ ।
स्टोरेजतर्फ तपाईंले १२ जीबी र्याम पाउनुहुन्छ, जसलाई थप १२ जीबी भर्चुअल रूपमा विस्तार गर्न सक्नुहुन्छ ।
कनेक्टिभिटीको लागि डुअल ब्यान्ड वाईफाई, डुअल सिम, ब्लुटुथ लगायत पाउनुहुन्छ । र यदि तपाईं संगीत प्रेमी हुनुहुन्छ भने तपाईंको अनुभवलाई अझ राम्रो बनाउन फोनमा डुअल स्टेरियो स्पिकर पनि छ । सेक्युरिटीको लागि पिन, पासवर्ड, इन डिस्प्ले फिंगरप्रिन्ट आदि पाउन सक्नुहुन्छ । थप रोचक कुरा भनेको यो फोनले पानी र धुलो प्रतिरोधका लागि आईपी ६८ र आईपी ६९ रेटिङ पनि पाएको छ, जुन प्रशंसायोग्य छ ।
त्यसैले, तपाईंलाई थाहा भइसक्यो कि यसको मूल्य २८ हजार रुपैयाँ हो । मलाई भने फोनको समग्र कुरा हेर्दा ६० हजार रुपैयाँसम्मको मूल्य यो फोनको लागि उपयुक्त हुन्थ्यो कि जस्तो लाग्यो, प्रि-अर्डर उपहारहरू सहित । बाँकी यदि तपाईं उत्कृष्ट क्यामेरा गुणस्तर, राम्रो लुक्स, राम्रो पर्फर्मेन्स भएको फोन खोज्दै हुनुहुन्छ र राम्रो रकम खर्च गर्न पनि कुनै समस्या छैन भने भिभो भी५० फाइभजी स्मार्ट छनोट हुन सक्छ ।
भिडिओ रिभ्यु
पछिल्लो अध्यावधिक: चैत ३१, २०८१ १८:३
सामाग्री श्रोत :
टेक पाना
काठमाडौं–निजामती कर्मचारीसम्वद्ध ट्रेड युनियनहरूले सरकारसमक्ष १० बुँदे माग अघि सारेका छन्।
संघीय निजामती सेवा ऐन निर्माणमा आफूहरूसँग छलफल नगरी अगाडि बढेमा आन्दोलन गर्ने चेतावनी निजामती कर्मचारीसम्वद्ध ट्रेड युनियनहरूले सामूहिक रूपमा दिएका हुन्।
यसअघि पेश गरिएका मागको समेत ध्यानाकर्षण गराउँदै ६ वटा संगठनले निजामती क्षेत्रका सवाल पूरा नगरे चरणवद्ध आन्दोलनको चेतावनी दिएका छन्।
नेपाल निजामती कर्मचारी संगठन, कर्मचारी युनियन, राष्ट्रिय निजामती कर्मचारी संगठन, एकीकृत सरकारी कर्मचारी संगठन, स्वतन्त्र राष्ट्रसेवक कर्मचारी संगठन र मधेशी कर्मचारी मञ्चले संयुक्त विज्ञप्ति जारी गर्दै उक्त जानकारी गराएका हुन्।
‘निजामती प्रशासनलाई संघीय शासन अनुरूपको ढाँचामा व्यवस्थित गरी जनताको सेवा प्रवाहलाई चुस्त, दुरुस्त, प्रभावकारी, पारदर्शी एवं नागरिकमैत्री गराउने कार्यमा सहयोग पुग्ने गरी ऐन जारी हुन आवश्यक रहेको छ’, यी संगठनले भनेका छन्।
शिक्षकहरूको सडक आन्दोलनप्रति पनि निजामती क्षेत्रमा क्रियाशील यी संगठनले गम्भीर ध्यानाकर्षण भएको व्यक्त गरेका छन्।
सरुवा, बढुवा, पदस्थापन, वृत्ति विकास, कासमुलगायतका सवालमा राखिएको माग पूरा नगरे आन्दोलन गर्ने र उत्पन्न परिस्थितिको जिम्मेवारी सम्बन्धित पक्षले लिनुपर्ने कर्मचारी संग-संगठनको चेतावनी छ।
यस्तो छ उनीहरूले १० बुँदे माग राखेर जारी गरेको संयुक्त विज्ञप्ति-
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
सामाग्री श्रोत :
नेपाललाइभ
केही महिनाअघि एक राष्ट्रिय दैनिक पत्रिकामा एउटा समाचार पढेकी थिएँ। एउटा आरसीटी (दाँतको जरैदेखीको उपचार) को लागि छ महिना कुर्नुपर्छ वीर अस्पतालमा। किन यस्तो? भन्ने प्रश्नमा जवाफ थियो बिरामीको चाप अनि जनशक्तिको अभाव।पहुँचका हिसाबले सिहंदरबारको नजिकै अवस्थित, संघीय सरकार मातहतको एक हिसाबले देशको सबैभन्दा ठूलो सरकारी अस्पतालमा त यो समस्या छ भने काठमाडौं बाहिरको हावामा सुगमदेखि दुर्गम जिल्लाको अवस्था के होला? आफैं अनुमान गर्न सक्नुहुन्छ।विगत केही वर्षदेखि प्रत्यक्ष रुपमा सुक्ष्म तहबाट नियालीरहेको कारणले पनि मलाई यस कुराको त अनुभव भयो कि राज्य अझैपनि दन्त चिकित्सालाई आधारभूत स्वास्थ प्रणाली र पाउनुपर्ने सेवा अन्तरगत मान्न तयार नै छैन। भलै कागजमा भएपनि व्यवहारमा स्वीकार गरेको छैन। हरेक वर्गको मान्छेलाई दाँत तथा मुखको रोग लाग्न सक्छ। तर, राज्य विभिन्न बहानामा पन्छिन खोज्छ। राज्यको लगानी नपाएपछि यसले विस्तारित हुन पाएन। फल्न, फुल्न पाएन। बनेका संरचना जीर्ण बन्दै गइरहेकाछन्। मान्छेमा विस्तारै शिक्षा र चेतनाको विकास भैरहेको छ, मानिस उपचार गराउन चाहन्छन्। तर राज्यको दृष्टिमा नपरेकोले निकै लामो समय पालो पर्खेर गर्नुपर्ने बाध्यता छ। या त महंगो शुल्क त्यो पनि अर्धदक्ष जनशक्तिबाट गर्नुपर्ने बाध्यता छ। कहिलेकाँही त अप्राविधिज्ञबाट पनि उपचार गराउन बाध्य छन् नागरिक।यदि राज्यलाई आवश्यक नै छैन भने किन धेरै उत्पादन गरिरहेको छ? सोच्न पर्नै बेला आएको छ। तर होइन दक्ष जनशक्ति राज्यलाई चाहिएको छ भने हरेक अस्पतालमा पुग्नेगरी लोकसेवाको सिट खुलाउनुपर्ने हुन्छ। हरेक मानिसमा दक्ष जनशक्तिद्वारा उपचार पुगोस् भन्ने हाम्रो ध्येय हो। यो हामी सम्पूर्ण दन्त चिकित्सकको सामूहिक माग हो।दक्ष जनशक्ति बजारमा पसलजस्तै खोलिएका डेन्टल क्लिनिकमा अति न्यून पारिश्रमिकमा काम गर्न बाध्य छन्। यस्ता क्लिनिकमा राज्यको अनुगमन पुगेको छैन। मानिसको पैसा सकिँदैछ, उपचार खस्किँदै छ। तपाईंले दाँत मुखसम्बन्धी उपचार गराउँदै हुनुहुन्छ भने प्रश्न सोध्नुहोला। सचेत रहनुहोला। किनकि राज्य मौन छ। त्यसैले आफैँ सजग रहन जरुरी छ।बीमा कार्यक्रमले भने बिरामीलाई निकै सहज पुर्याएको छ। यसलाई दाँत उखेल्न बाहेकका अन्य उपचारमा पनि समेट्न भने राज्यलाई चुनौती नै छ। पश्चिमा देशको तुलनामा पनि यस कार्य राम्रो रहेकोले सराहना गर्नैपर्छ।दन्त चिकित्सालाई जरुरी छ भन्ने नै सोचिँदैन। शरीरका अन्य भागको जस्तै दाँत, गिजा तथा मुखको रोगको उपचार आवश्यक छ भन्ने कुराको उच्च निकायका कर्मचारी तथा सरोकारवालाहरुकै ध्यानाकर्षण भएको पाइँदैन। आवश्यक गोष्ठी, तालिम त आकाशको फल आँखा तरी मर भएको छ।सरकारी अस्पतालहरुमा नयाँ नयाँ भवनहरु बन्छन्। बिरामीलाई आश्वासन यथाशिघ्र बाँडिन्छ। सबै सेवा प्रवाहलाई कक्ष बनाइन्छ तर दन्त विभागलाई ठाउँ पनि हुँदैन्। ठाउँ नहुनु भनेको सम्बन्धित निकायको गैरजिम्मेवारी मात्रै होइन। सायद दन्त चिकित्साप्रतिको अवमूल्यन हो। दिनानुदिन यस्तो परिस्थितिले गर्दा काम गर्ने उर्जा घटिरहेको छ। यसरी मारमा भने प्रत्यक्ष परोक्ष रुपमा स्वयं चिकित्सक र बिरामी नै पर्ने गर्दछन्।सरकारी संयन्त्र नै यस्तो फितलो भएपछि निजी संरचनामा मनपरी शुल्क असुल हुने गरेको पाइन्छ। गुणस्तरीय उपचारबाट बिरामी बन्चित छन्। सरकारले यसतर्फ सोच्ने बेला आएको छ।तैपनि यो हाम्रो कर्म हो। आफ्नो कर्मलाई धर्म मानेर इमान्दार भएर काम गर्नु नै जीवनको गतिशीलता हो। र हामी दन्त चिकित्सकहरु निरन्तर आफ्नो कर्ममा छौं।-(डा गैरे मध्यबिन्दु प्रादेशिक अस्पतालमा कार्यरत छिन्।)
सामाग्री श्रोत :
swasthyakhabar
काठमाडौं । प्रधानमन्त्री केपी शर्मा ओलीले सरकार हरेक क्षेत्रमा आधारभूत सेवा उपलब्ध गराउन क्रियाशील रहेको बताएका छन्।
आइतबार झापामा गौरादह नगर अस्पतालको शिलान्यास गर्दै प्रधानमन्त्री ओलीले अहिले सूचना र प्रविधि लगाएतका क्षेत्रमा मुलुक निकै अगाडी रहेको भन्दै हरेक क्षेत्रमा आधारभूत सेवा उपलब्ध गराउन सरकार क्रियाशील रहेको बताए।
उनले मुलुकका ७७ जिल्लामा फोरजी सेवा पुराउन सफल भएको र अव फाइभजीको बिकासतर्फ लागेको उल्लेख गरे। उनले गौरिगञ्जको छोटी भन्सार तीन किलोमिटर वर रहेकाले त्यसको अर्थ नहुने भन्दै सीमामा राख्नुपर्ने धारणा राखे। देशभित्र भन्सार कहा राख्ने भन्ने कुरा आफैँले निर्णय गर्ने भन्दै उनले अरुले सिकाउनु नपर्ने जिकिर गरे।
उनले आवश्यकताका आधारमा अस्पतालको सेवा विस्तार गर्दै जान सकिने बताए।
अस्पताल निर्माणका लागि कुल दुई बिगाहा जग्गामा १२ करोड ५९ लाख ७९ हजार चार सय ९६ को लागतमा २०८३ माघ १४ भित्र बन्ने गरी जे एन्ड जे निर्माण सेवासँग सम्झौता गरिएको छ।
सामाग्री श्रोत :
सरकार हरेक क्षेत्रमा आधारभूत सेवा उपलब्ध गराउन क्रियाशील छ : प्रधानमन्त्री
काठमाडौँ । अमेरिकाको भर्जिनियास्थित परामर्शदातृ फर्म बुज एलेन ह्यामिल्टनका अनुसन्धानकर्ता र इन्जिनियरहरूको एक टोलीले १७ मार्च १९५८ मा प्रक्षेपित भ्यानगार्ड-१ नामक स्याटलाइट पृथ्वीमा फर्काउने प्रस्ताव अघि सारेका छन् । यो उपग्रह, जुन एउटा भोगटे जत्रो गोलाकार आकारको छ ।
यो स्याटलाइट ऐतिहासिक अन्तरिक्ष युगको प्रारम्भिक दिनहरूमा प्रक्षेपण क्षमता परीक्षणको रूपमा पठाइएको थियो । त्यस समयका अन्य उपग्रहहरू पृथ्वीको वायुमण्डलमा पुन: प्रवेश गरी जलेर नष्ट भएका छन् । तर भ्यानगार्ड-१ अझै पनि अन्तरिक्षमा चुपचाप पृथ्वीको परिक्रमा गरिरहेको छ ।
अनुस…
सामाग्री श्रोत :
टेक पाना
काठमाडौं– नयाँ वर्ष २०८२ को आगमनसँगै मुलुकको पर्यटन क्षेत्रमा पर्यटकको चहलपहलका कारण उत्साह थपिएको छ।
वसन्त ऋतुको आगमन र विद्यालयको वार्षिक शैक्षिक बिदाका कारण अभिभावक आफ्ना सन्ततिलाई लिएर आन्तरिक पर्यटन प्रवद्र्धनमा निस्किएका छन् भने सरकारी कर्मचारीको पनि वार्षिक बिदा सक्नुपर्ने भएकाले बिदामा पर्यटकीय गन्तव्यमा पुगेका छन्।
जसका कारण पूर्वको पाथीभरादेखि पश्चिमको शैलेश्वरीसम्मका धार्मिकस्थलमा अहिले धार्मिक पर्यटकको चहलपहल बढेको छ। यसले पर्यटन प्रवर्द्धनसँगै मुलुकको अर्थतन्त्रसमेत चलायमान हुन पुगेको छ। मुलुकभित्रका प्रमुख पर्यटकीय गन्तव्यमा आन्तरिक पर्यटकको बाक्लो उपस्थिति रहेको छ।
होटल सङ्घ नेपाल (हान) का अध्यक्ष विनायक शाहका अनुसार नयाँ वर्षको पूर्वसन्ध्यामा अधिकांश पर्यटकीय गन्तव्यमा पर्यटकको चहलपहल बढेको छ।
‘मुलुकभरका होटलहरुमा न्युनतम ३५ देखि झण्डै कुनै स्थानमा शतप्रतिशतसम्म अकुपेन्सी पुगेको छ। केही समय सुस्ताएको व्यवसायमा नयाँ आशा सञ्चार भएको छ ठमेल, पोखरा, सौराहा, लुम्बिनी, भेँडेटारलगायत क्षेत्रमा ‘न्यू इअर इभ’ कार्यक्रम आयोजना गरिएको छ, यसले पर्यटनलाई थप चलायमान बनाएको छ।’
देशका प्रमुख पर्यटकीय गन्तव्यस्थल पाथीभरा, इलाम, तीनजुरे, धरान, भेडेटार, वसन्तपुर, मकालु आधार शिविर, खुम्बु क्षेत्र, सगरमाथा आधारशिविर, लुक्ला, बराहक्षेत्र, बुढासुब्बा, हलेसी, दन्तकाली, केचनाकवल, छिन्नमस्ता, जनकपुरधाम र भरततालमासमेत धेरै सङ्ख्यामा पर्यटक पुगेका छन्।
त्यस्तै, कालिञ्चोक, चरिकोट, शैलुङ, जिरी, पाँचपोखरी, हेलम्बु, पनौती, पलाञ्चोक भगवती, चितवन राष्ट्रिय निकुञ्ज, सौराहा, हेटाँैडास्थित मदनभण्डारी पार्क, पालुङ, दामन, लाङ्टाङ, गोसाइँकुण्ड, नुवाकोट दरबार, बन्दीपुर, पोखरा, गोरखादरबार क्षेत्र, कपिलवस्तु, तिलौराकोट, रामग्राम, बुटवल पाल्ला, लुम्बिनी पर्यटकको प्रमुख गन्तव्य मानिन्छन्।
बर्दिया राष्ट्रिय निकुञ्ज, ढोरपाटन, कर्णाली पुल, काँक्रे बिहार, बुलबुले ताल, शुक्लाफाँटा, दोधारा–चादनी झोलुङ्गे पुल, अपि सैपाल हिमाल, स्वर्गद्धारी, सुपादेउराली, बागलुङ कालिका, गलेश्वर, मुक्तिनाथ, लोमान्थाङ, दाङ, घोडाघोडी, धारापानी, शैलेश्वरी, बडिमालिका, राराताल, बागेश्वरी, स्वर्गद्धारी, रानीमल पछिल्लो समय पर्यटकको आकर्षणको केन्द्र बनेका छन्।
पदयात्रा र पर्वतारोहणको उपयुक्त मौसम भएकाले विदेशी पर्यटक साहसिक पर्यटना लागि हिमाली क्षेत्रमा पुगिरहेका छन्। सगरमाथासहितका हिमाल आरोहण गर्न धेरै सङ्ख्यामा स्वदेशी र विदेशी आरोही आधारशिविर पुगेका छन्।
सङ्घीय राजधानी काठमाडौँ उपत्यका मात्रै नभइ देशका अधिकांश पर्यटकीय गन्तव्यमा पर्यटकहरुको भिडभाड छ। उपत्यकाको नगरकोट, धुलिखेल, लाकुरीझञ्ज्याङ, गोदावरी, चन्द्रागिरि, खुलेखानी, चित्लाङ, शिवपुरी, ककनी, जर्सिङपौवालगायत गन्तव्यमा आन्तरिक पर्यटकको भिडभाड छ।
दक्षिणकाली, पशुपतिनाथ, स्वयभू, बौद्धनाथ, वसन्तपुर, पाटन र भक्तपुर दरबारक्षेत्रमा पर्यटकले भरिभराउ छन्। नगरकोटस्थित नगरकोट अलमस्ट होटलका नवीन गुरुङले आफ्नो होटलमा अकुपेन्सी शतप्रतिशत रहेको उल्लेख गर्दै अन्य होटलमा पनि राम्रो अकुपेन्सी भएको बताउनुभयो।
व्यवसायी उत्साहित
नयाँ वर्षको अवसरमा पर्यटन राजधानी पोखराको पर्यटन चलायमान बनेको छ। तथापि आन्दोलनका कारण पर्यटकले केही बुकिङ् रद्ध गरेका छन्। नयाँ वर्षको सन्दर्भमा पोखरामा हरेक वर्ष तीन/चार दिन पर्यटक बढ्ने गरेको पोखरा पर्यटन विकास परिषद्का अध्यक्ष तारा पहरीले बताए। ‘नयाँ वर्षमा पोखरामा दुईदेखि तीन दिन चहलपहल बढ्छ। विशेषगरी भारतीय र चिनियाँ पर्यटक बढी देखिएका छन्’, उनले भने।
उनका अनुसार पोखरा आसपासका गन्तव्य पर्यटकले भरिभराउ छन्। पर्यटकीय क्षेत्र लुम्बिनीमा पर्यटकको माहोल बढेको छ। पर्यटन राजधानी पोखरामा नयाँ वर्ष तथा महोत्सवले चहलपहल बढाएको छ। रेष्टुरेन्ट एण्ड बार एसोसिएसन (रेबान), पोखराका अध्यक्ष विश्वराज पौडेलका अनुसार यतिबेला अकुपेन्सी ७० प्रतिशतभन्दा बढी पुगेको छ।
भैरहवास्थित सिद्धार्थ होटल सङ्घका अध्यक्ष सिपी श्रेष्ठका अनुसार उक्त क्षेत्रमा अकुपेन्सी ३५ प्रतिशतभन्दा बढी पुगेको छ। नयाँ वर्षको आगमनले पर्यटनलाई चलायमान बनाएको उनको भनाइ छ। भैरहवाका होटलमा विशेषगरी भारतीय पर्यटकले भरिभराउ छन्। आन्तरिक पर्यटक पनि बढेका छन्। होटलहरुले विभिन्न छुट र अफर दिएका छन्। संघका अनुसार भैरहवामा पाँचतारेदेखि पर्यटकस्तरका डेढसय भन्दा बढी होटल सञ्चालनमा छन्।
पर्यटकीय नगरी सौराहामा पनि नयाँ वर्षको सन्दर्भमा पर्यटकको भिडभाड बढेको छ। रेस्टुरेन्ट एण्ड बार एशोसिएशन (रेवान) सौराहाका अध्यक्ष ध्रुव गिरीका अनुसार सौराहामा आन्तरिक र विदेशी पर्यटक उल्लेख्य सङ्ख्यामा पुगेका छन्। नयाँ वर्ष विभिन्न मेला महोत्सवले पर्यटन प्रवर्द्धनमा टेवा पुगेको उनले बताए।
क्षेत्रीय होटल संघ नेपाल चितवनका निवर्तमानअध्यक्ष गङ्गा गिरीका अनुसार चितवनका होटलमा रुम पाउने अवस्था छैन। ‘नयाँ वर्षमा होटलहरुको अकुपेन्सी शतप्रतिशत छ, तीन दिसम्मका लागि कुनै होटलमा रुम उपलब्ध छैनन्’, उनले भने।
ट्रेकिङ एजेन्सीज एशोसिएशन अफ नेपाल (टान)का अध्यक्ष सागर पाण्डे पनि नयाँ वर्ष पर्यटनमा आशा जगाउने वर्ष हुने भएकाले पर्यटन व्यवसायमा सकारात्मक उत्साह थपिएको बताए। उनले भने, ‘आन्तरिक मात्र होइन विदेशी पर्यटक पनि उल्लेख्य सङ्ख्यामा आउने भएकाले पर्यटन व्यवसायीमा पनि हौसला बढेको छ।’
बोर्डको सक्रियता
पर्यटन क्षेत्र चलायमान बनिरहेको र आन्तरिक र अन्तर्राष्ट्रिय पर्यटन आकर्षणका लागि बजारीकरणलाई प्राथमिकताकासाथ अगाडि बढाइएको नेपाल पर्यटन बोर्डले जनाएको छ। बोर्डका प्रमुख कार्यकारी अधिकृत (सिइओ) दीपकराज जोशीले बोर्डले आक्रामक रुपमा अन्तरराष्ट्रिय प्रवर्द्धनको कार्य गरिरहएको जानकारी दिए। उनका अनुसार पछिल्लो पाँच महिनामा विदेशमा १७ वटा बिटुबी कार्यक्रम गरिएको छ।
आन्तरिकतर्फ नेपाल इन्डिया चाइना एक्स्पो सम्पन्न भएको छ भने ‘इस्ट टुरिजम मार्ट’ सकिएको छ। सुदूपश्चिम मार्टको तयारी भइरहेको छ। अन्तरराष्ट्रिय बुद्धिस्ट ट्राभल मार्ट घोषणा गरिएको छ। नेपालका गन्तव्यमा विदेशी इन्फ्लुएन्सर, मिडियालाई भ्रमण गराएर पर्यटन प्रवद्र्धन गरिएको छ।
बोर्डको तथ्याङ्कअनुसार सन् २०२३ मा ११ लाख ४७ हजार पर्यटकले नेपाल भ्रमण गरेका छन्। सन् २०२३ मा १० लाख १५ हजार पर्यटक नेपाल भित्रिएका थिए।
महामारीपूर्व सन् २०१९ मा ११ लाख ९७ हजार ९१ जना पर्यटक नेपाल आएका थिए। तर सन् २०२० मा कोरोना महामारीका कारण विदेशी पर्यटकको सङ्ख्या ८१ प्रतिशतले कमी आइ दुई लाख ३० हजार ८५ सङ्ख्यामा खुम्चियो।
त्यसैगरी, २०२१ मा भने एक लाख ५० हजार नौ सय ६२ पर्यटक नेपाल आएका थिए। हवाई पूर्वाधार र सडक सञ्जाल चुस्तदुरुस्त भएमा मात्रै यो लक्ष्य भेट्टाउन सहज हुन्छ। त्रिभुवन अन्तरराष्ट्रिय विमानस्थल पूर्ण क्षमतामा सञ्चालित छ।
तर, भैरहवास्थित गौतमबुद्ध अन्तरराष्ट्रिय विमानस्थल र पोखरा अन्तरराष्ट्रिय विमानस्थल प्रभावकारी रुपमा सञ्चालनमा आउन सकेका छैनन्। भलै ती दुई विमानस्थलमा अन्तरराष्ट्रिय उडान भने सञ्चालन भइरहेको छ।
सडक सञ्जाल र हवाई सम्पर्क सञ्जाललाई प्रभावकारी बनाउन सकेको खण्डमा मुलुकको पर्यटनले फड्को मार्ने अध्यक्ष शाहको विश्वास छ। नेपाल एशोसिएशन अफ टुर्स एन्ड ट्राभल्स एजेन्ट्स (नाट्टा) का अध्यक्ष कुमारमणि थपलियाले नयाँ वर्षले पर्यटनमा सकारात्मक ऊर्जा थपिएको बताए।
वर्ष २०८१ मा पर्यटन क्षेत्रमा अपेक्षा र निरासा दुबै मिश्रित रहेपनि आगामी वर्षमा पर्यटन क्षेत्रमा उत्साह थपिने उनको विश्वास छ। उनले भने, ‘भैरहवा विमानस्थलमा अन्तरराष्ट्रिय उडान भएको थियो,तर वर्षको उत्तरार्धमा उडान स्थगित भएको छ। महँगो हवाई सेवा भएको वर्षको रुपमा पनि लिन सकिन्छ, समग्रमा आशा मरेको छैन, नीतिगत फड्को मारेर परिणाम ल्याउनुपर्ने अपरिहार्यता छ।’
नयाँ वर्षको सन्दर्मा प्रमुख पर्यटकीय गन्तव्यमा भ्रमणवर्ष जस्ता कार्यक्रम आयोजना गरेर बढीभन्दा बढी पर्यटक आकर्षण गर्ने योजना छ। यसै सन्दर्भमा सन् २०२५ लाई पोखराले भ्रमणवर्षको रुपमा मनाएर २० लाख पर्यटक भित्र्याउने लक्ष्य लिएको छ।
पोखरामा फेवा महोत्सव सुरु भएको छ। नयाँ वर्षको अवसरमा नगरकोटमा वैशाख १ गतेदेखि ‘नगरकोट भ्रमणवर्ष–२०८२ आयोजना हुदैछ। भ्रमण वर्षको शुभारम्भ राष्ट्रपति रामचन्द्र पौडेलले गर्नुहुने तालिका छ।
नगरकोट क्षेत्रको प्राकृति, संस्कृति र इतिहासलाई थप प्रचारप्रसार गर्ने उद्देश्यले नगरकोट नाल्दुम पर्यटन विकास समितिको समन्वयमा भ्रमणवर्ष हुन लागेको हो।
समितिका अध्यक्ष नवीन गुरुङ्ले नयाँ वर्षको अवसरमा नगरकोटमा आन्तरिक र विदेशी पर्यटकको घुइँचो लागेको तथा महोत्सवले पर्यटनमा थप रौनक ल्याउने विश्वास व्यक्त गरे। -रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
सामाग्री श्रोत :
नेपाललाइभ
सेतो कोटएक बस्त्र मात्र होइन, यो त क्रान्तिको कवच हो सास रोकिँदै गएको भिडभित्र, म मृत्युलाई चुनौती दिन्छु। न रातको अँध्यारो डराउँछ, न घामको ताप थकाउँछ, म त संघर्षको सिपाही हुँ — रगत, आँसु र पीडाबीच जीवनको वरण गर्छु। धेरै चोटि भत्किन्छु भित्रभित्रै, तर हरपल वसन्तजस्तै फक्रन्छु, जहाँ पीडा फुल्छ,त्यहाँ आशाको बीज रोप्छु, जहाँ निःशब्द करुणा हुन्छ, त्यहाँ नवीन उज्यालो ल्याउँछु। सेतो कोट,जुन रगत र पसिनाले फुलेको थियो, आज बञ्चरो बनेर आफ्नै सपनाको बिरूद्ध झुकेको छ। जसले जीवन बचाउने शपथ लिएको थियो, उही हातले आज आफ्नो भविष्य कफन बनाइरहेछ। दिन र रातका सीमाना मेटाइ, हामीले बचाउछौँ कयौं सासहरू, तर आफ्नै छातिमा– सुरक्षा होइन, अधिकारको गोली र अपमानका काँडाहरू झर्ने गरेका छन्। सरकारका चिल्लो गेटहरूमा, काँचुली फेर्ने सर्पहरू सल्बलाइरहेछन्, जसलाई न देशको पीडा सुनिन्छ, न सपनाको चीत्कार ! डाक्टर? तिनीहरूका लागि केवल एक साधन, एक प्रयोगशाला भित्र बन्दी सपनाहरू। हजारौं थरि उज्यालाहरू अझै शून्यतामा पलायन भइरहेछन्, विदेशी भुइँमा बलिरहेको न्यानोपन खोज्दै, र माटो ?टुटेका कसमहरूजस्तै चिसो र सुनसान।तर ऐ स्वार्थका पुतलाहरू, सुन ! यो मौनता, यो सहनशीलता अब सकिएको छ, यो अन्यायको बिरुद्ध, अब सेतो कोट स्वयं आगो बन्नेछ! हामी बाँच्न होइनबलिदान दिन जन्मिएका हौं, हामी भत्किन होइन नयाँ इतिहास रच्न आएका हौं !हामी सेतो कोटका योद्धाहरू, जसले आँसुको नदीमा पनि साँचो साहसको पुल बनाउँछौं! सेतो कोट अब चुप रहने छैन, यो कोट अब प्रश्नहरू सोध्नेछन्, यो कोट अब विद्रोहको प्रतीक बन्नेछन् !हामी डाक्टर हौं -तर हामी केवल घाउ टाँस्नेहरू होइनौं, हामी घाउ दिने समाजलाई उपचार गर्न विद्रोहको शल्यक्रिया गर्ने चिकित्सक हौं!सेतो कोट अब तुषारो होइन, सेतो कोट अब आगो हो! सेतो कोट अब परिवर्तनको गर्जन हो !(डा नवीन यादव नेप्लिज मेडिकल स्टुडेन्ट्स एसोसिएसन,बंगलादेशका अध्यक्ष हुन्।)
सामाग्री श्रोत :
swasthyakhabar
काठमाडौं । संयुक्त टे«ड यूनियन सञ्जालले संघीय निजामती सेवा विधेयक अघि बढाउन ढिलाई गरिए आन्दोलन गर्ने चेतावनी दिएको छ।
आइतबार काठमाडौंमा पत्रकार सम्मेलन गर्दै सञ्जालले मुलुक संघीयतामा गएपछि त्यसअनुसारको कानून निर्माण नहुदा संघीय शासन प्रणाली कार्यान्वयनमा समस्या देखिएको भन्दै संघीय निजामती सेवा विधेयक छिटो अघि बढाउन माग गरेको हो।
सञ्जालले संघीय निजामती सेवा ऐन जारी भएपछि संघीय कानुन बमोजिम संघ, प्रदेश र स्थानीय तहमा समायोजन भएका कर्मचारीहरूलाई एक पटकका लागि समयोजनको लागि छनौटको अवसर प्रदान गर्नुपर्ने माग राखेको छ।
त्यस्तै योग्यता पुगेका कर्मचारीलाई श्रेणी वृद्धि गरी तह मिलान गर्नु पर्ने र प्राविधिक सेवामा कार्यरत कर्मचारीहरुको बढुवाको हकमा सेवा प्रवेश गर्दाको शैक्षिक योग्यता वा सेवा प्रवेशको लागि तोकिएको तालिमलाई आधार मानी बढुवा गर्ने ब्यबस्था गर्नुपर्ने माग रहेको नेपाल निजामती कर्मचारी संगठनका महासचिव रामचन्द्र अधिकारीले जानकारी दिए।
त्यस्तै सञ्जालले अस्थायी करारमा काम गरेका कर्मचारीलाई एकपटक उमेरको हद नलाग्ने गरी सिमित प्रतियोगितावाट स्थायी गर्ने र हुन नसक्ने कर्मचारीलाई स्थायी सरहको उपदान दिएर अवकाश दिने व्यवस्था गर्नुपर्नेमा जोड दिएको छ। स्वास्थ्य सेवा र संसद सेवालाई निजामती सेवामा समावेश गरी विशिष्टिकृत सेवाको रुपमा विकास गर्नुपर्ने सञ्जालको माग छ।
सामाग्री श्रोत :
काठमाडौँ । डिजिटल वालेट तथा भुक्तानी सेवा प्रदायक कम्पनी इसेवाले २०० जना कर्मचारी माग गरेको छ । कम्पनीले नेपाल भरका लागि ठुलो सङ्ख्यामा बजार प्रतिनिधि माग गरेको हो ।
आइतबार एक सूचना प्रकाशित गर्दै इसेवाले सो पदका लागि न्यूनतम शैक्षिक योग्यता प्लसटु तय गरेको छ । सूचना अनुसार सुदूरपश्चिम, कर्णाली, लुम्बिनी, गण्डकी, मधेस र कोशी प्रदेशका लागि समान २८/२८ जना र बागमतीका लागि ३२ जना बजार प्रतिनिधि छनोट गरिनेछ ।
योग्यता पुगेका उम्मेदवारहरूले आफ्नो सीभी [email protected] मा जिल्ला उल्लेख गरी पठाउनु पर्नेछ ।
पछिल्लो अध्यावधिक: चैत ३१, २०८१ १२:२२
सामाग्री श्रोत :
टेक पाना
