काठमाडाैं। भक्तपुरको प्रसिद्ध बिस्काः जात्राको अन्तिम दिन शुक्रबार तालाक्वस्थित कुम्हाले टोलमा ‘ल्हा मरुम्ह यसीँ’ (हात नभएको लिङ्गो) ढालिएको छ।

पुरानो वर्षको बिदाइ र नयाँ वर्षको आगमनको अघिल्लो दिन बिहान उठाइएको लिंगाे विधिपूर्वक पूजा गरी ढालिएको हो। ज्याठा गणेशको प्रतीक मानिने लिंगाेको टुप्पोमा प्रसादका रुपमा हरियो घाँस र फूल राखिएको हुन्छ।

लिंगाेमा बाँधिएको चार वटा डोरी फुकाएर सबैतिर तानातान गरी लिंगाे ढाल्ने गरिन्छ। लिंगाे जात्रा हेर्नाले सुख, शान्ति, समृद्धि, सहकाल आउनाका साथै शत्रु नाश हन्छन् भन्ने धार्मिक मान्यता रहको छ। यो जात्रा सम्पन्न भइसकेपछि साँझ गःहिटिमा राखिएको भैरव र भद्रकालीको रथ स्थानीय बासिन्दाले तान्ने परम्परा रहेको स्थानीयहरुको भनाइ छ।

रथ तानेर पुनः तौमढीस्थित भैरव मन्दिरअगाडि ल्याएर राखिएपछि रथको देवतालाई विधिपूर्वक मन्दिरमा लगी विराजमान गराएपछि जात्रा सम्पन्न हुन्छ।

काठमाडौँ । बीवाईडी सिगल अर्थात् डल्फिन मिनीले प्रतिष्ठित वर्ल्ड अर्बन कार अफ द इयर (World Urban Car of The Year) अवार्ड पाउन सफल भएको छ । २०२५ अप्रिल १६ मा अमेरिकाको न्युयोर्कमा आयोजित  न्युयोर्क इन्टरनेसनल अटो शोमा वर्ल्ड कार अवार्ड कार्यक्रम अन्तर्गत बीवाईडीले सो उपाधि पाएको हो ।  

जसमा विश्वभरका ११ उत्कृष्ट सवारीसाधनहरूसँग प्रतिस्पर्धा गर्दै बीवाईडीले पहिलो पटक चिनियाँ अटोमोटिभ ब्रान्डको रूपमा यो अवार्ड हात पारेको बताइएको छ । यससँगै विश्वव्यापी न्यु इनर्जी भेइकल (एनईभी) क्षेत्रमा बीवाईडी पुनः एक पटक अन्तर्राष्ट्रिय बजारमा चर्चाको विषय बनेको छ । 

बीवाईडी सिगलले ओसन एस्थेटिक्स (Ocean Aesthetics) डिजाइनलाई समेटेको छ । जसले यसलाई ताजा, आकर्षक र आधुनिक बनाएको छ ।उच्च सुरक्षा मापदण्ड, स्मार्ट ड्राइभिङ फिचर र उत्कृष्ट सिटी-फ्रेन्ड्ली पर्फमेन्सले गर्दा यो मोडेल विभिन्न प्रमुख बजारहरूमा लगातार बेस्ट सेलरको रूपमा स्थापित हुँदै आएको छ। 

यस पटक वर्ल्ड कार अवार्डका ९६ जना अन्तर्राष्ट्रिय निर्णायकहरू यस कारको डिजाइन, अर्बन मोबिलिटी पर्फमेन्स र युनिभर्सल मार्केट अपिलबाट प्रभावित भएका थिए । बीवाईडीका कार्यकारी उपाध्यक्ष स्टेला लीले भनेकी छिन्, “बीवाईडी सिगललाई वर्ल्ड अर्बन कारको रूपमा सम्मानित गरिनु हाम्रो लागि गर्वको विषय हो। यसले विश्वव्यापी ग्राहकहरूलाई दिगो प्रविधि र उत्कृष्ट सेवा प्रदान गर्ने हाम्रो प्रतिबद्धतालाई पुष्टि गर्छ।” 

पछिल्ला वर्षहरूमा बीवाईडीले अन्तर्राष्ट्रिय बजारमा उचाइ लिँदै आएको छ ।सन् २०२४ मा बीवाईडी डल्फिनले पनि वर्ल्ड अर्बन कार (World Urban Car) कै शीर्ष ३ मा स्थान बनाएको थियो भने बीवाईडी सिल वर्ल्ड कार अफ द इयर (World Car of the Year) को शीर्ष ३ मा पर्न सफल भएको थियो । यस्तो उपलब्धि अहिलेसम्म अन्य कुनै पनि चिनियाँ अटो निर्माता कम्पनीले प्राप्त गर्न सकेका छैनन् । 

बीवाईडीको आधिकारिक वितरक साइमेक्स इंक प्रालिले नेपाली सडकमा यस अघि नै बीवाईडी सिगलको परीक्षण गरिसकेको छ । कम्पनीले छिट्टै नेपालमा यसलाई आधिकारिक रूपमा सार्वजनिक गर्ने सङ्केत दिएको छ । यो मोडेल नेपाली बजारमा बहु प्रतीक्षित ईभीको रूपमा रहेको छ ।

पछिल्लो अध्यावधिक: बैशाख ५, २०८२ १४:१३

चितवन–प्रधानमन्त्री केपी शर्मा ओलीले सरकार ढल्ने हल्ला र चर्चाका पछाडि कुनै सत्यता नरहेको बताएका छन्।

चितवन आइपुगेका ओलीले इच्छाकामना गाउँपालिकाको प्रशासकीय भवन उद्घाटन समारोहमा बोल्दै नयाँ वर्षको दिन माओवादी अध्यक्षले चितवनबाटै ०८२ सालसँगै सरकार फेरिने भनेर दिएको अभिव्यक्तिको जवाफ दिएका हुन्।

ढुक्क भएर देश विकासमा लाग्न अनुरोध गर्दै उनले अहिले हल्लाको पछि लाग्नुपर्ने आवश्यकता नभएको बताए। प्रधानमन्त्री ओलीले अहिलेको सरकारले नै देश विकसित र सुशासनयुक्त बनाउने जिकिर गरे।

‘ढुक्कका साथ विकास निर्माणका काममा लाग्नुस्, नलाग पछि हल्लैको भन्ने गीत छ नि, हल्लाको पछाडि लाग्नुपर्ने आवश्यकता छैन,’ प्रधानमन्त्री ओलीले भने, ‘देशलाई सुशासनयुक्त बनाउन, नेपाललाई समृद्ध देश र सुखी नेपाली बनाउनुपर्छ, त्यो भन्दा परिस्कृत परिमार्जित गन्तव्य अरु छैन।’

उनले सुखी नेपाली र समृद्ध नेपाल धेरै ठूलो औषधि सानो क्याप्सुलमा राखेजस्तो भएको बताए। 

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

धनगढी । अछामको चौरपाटी गाउँपालिकाकाकी १२ वर्षीया बालिकाले छोरीलाई जन्म दिएकी छन्। गत असारमा मामा नाता पर्नेबाट भारतको सुरतमा बलात्कृत भएकी १२ वर्षीया बालिकाले छोरीलाई जन्म दिएकी हुन्।

उनी बलात्कृत भएको गत फागुन महिनामा मात्रै थाहा भएको थियो। त्यतिबेला उनको गर्भ २५ सातामाथिको रहेको पुष्टि भएको थियो। बालिकाले २९ चैतमा सेती प्रादेशिक अस्पताल धनगढीमा छोरीलाई जन्म दिएकी हुन्।

भारतबाट केही महिनाअघि घर फर्किएका अभिभावकले छोरीको पेट ठूलो देखेपछि गत फागुन २ गते बयालपाटा अस्पतालमा जाँचका लागि लगेका थिए। सोही क्रममा उनको भेटमा २५ सातामाथिको गर्भ रहेको पत्ता लागेको हो।

अभिभावकलाई बयालपाटा अस्पताल र जिल्ला अस्पताल अछामले २५ सातामाथिको गर्भपतन गराउन नसक्ने बताएपछि बालिकालाई एकद्वार संकट व्यवस्थापन केन्द्र (ओसीएमसी) कैलालीले हेर्ने गरी सुरक्षित आवास गृहमा राखिएको थियो।

बलात्कारका आरोपित भने अहिलेसम्म फरार अवस्थामा रहेका छन्। झण्डै ५० वर्षीय आरोपितविरुद्ध अछाम प्रहरीमा जबरजस्ती करणी मुद्दा दर्ता छ।

प्रहरीमा जाहेरी दिएको दुई महिना बित्दा पनि अरोपित पक्राउ परेका छैनन्। जिल्ला प्रहरी कार्यालय अछाम भने आरोपित पक्राउ गर्न इन्टरपोलमार्फत प्रक्रिया अगाडि बढाइएको बताएको छ।

काठमाडौँ । अवरुद्ध भएको चार घण्टापछि मात्र नेपाल सरकारका वेबसाइटहरू सञ्चालनमा आएका छन् । राष्ट्रिय सूचना प्रविधि केन्द्र (सरकारको एकीकृत डेटा सेन्टर) को विद्युत् प्रणालीमा समस्या आउँदा बिहीबार बिहान ८ बजेदेखि नै सरकारका महत्त्वपूर्ण वेबसाइटहरू खुल्न छोडेका थिए ।

केन्द्रले आफ्नो विद्युत् प्रणाली अन्तर्गतको लो भोल्टेज प्यानलको अटोमेटिक ट्रान्सफर स्विच (एटीएस) मा समस्या सिर्जना हुँदा विद्युत् आपूर्तिमा व्यवधान आएको उल्लेख गरेको छ । त्यसको मर्मत गर्न भन्दै बिहान ८ बजेदेखि करिब २ घण्टाका लागि सेवा अवरुद्ध हुने उल्लेख गरिएको भए पनि करिब १२ः३० बजेतिर मात्र वेबसाइटहरू खुल्न थालेका हुन् ।

‘अप’ गर्दा डीएनएसमा लोड पर्ने भएकाले केही साइटहरूमा अझै समस्या रहेको सूचना प्रविधि विभागका महानिर्देशक रमेश शर्माले बताए । “अब क्रमशः सबै साइटहरू नियमित रूपमा सञ्चालनमा आउँछन्,” उनले भने ।  

पछिल्लो अध्यावधिक: बैशाख ५, २०८२ १३:१

जनकपुरधाम–यौन दुर्व्यवहार पश्चात मृत फेला परेकी सिरहाको नवराजपुर गाउँपालिका–३ दोनवारी टोलकी आनन्दीदेवी सदायको घटना प्रहरीले तीनसदस्य समिति गठन गरेर अनुसन्धान अघि बढाएको छ।

मधेश प्रदेश प्रहरी कार्यालयले एसएसपी शान्तिराज कोइरालाको नेतृत्वमा तीन सदस्य छानबिन समिति गठन गरेको हो।

सदस्यमा कार्यालयकै प्रहरी निरीक्षक विक्रम साह र अन्य एकजना हबल्दार रहेको मधेश प्रदेशका प्रहरी प्रमुख डीआइजी लालमणि आचार्यले जानकारी दिएका छन्।

बुधबार नै समिति गठन गरेर अनुसन्धान थालिएको छ। मेडिकल रिपोर्टहरू आएपछि जतिसक्दो चाँडो अनुसन्धान टुंग्याएर प्रतिवेदन बुझाउन समितिलाई जिम्मेबारी दिइएको आचार्यले बताए।

गाउँकै २२ वर्षीय सञ्जीवकुमार यादव र ३२ वर्षीय श्यामसुन्दर यादवबाट पुस ९ गते यौन दुव्र्यवहार भोगेकी आनन्दी गत मंगलबार दिउँसो आफ्नै माइत घरमा मृत फेला परेकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

काठमाडौं । नेपाल राष्ट्र बैंककी कायममुकायम गभर्नर निलम ढुंगानाले आफू गभर्नर बन्न नपाउने निश्चित भइसकेको अवस्थामा गभर्नर बनाइन लागेका गुणाकर भट्टलाई पनि गभर्नर बन्ने बाटो छेकिदिएकी छिन् । उनले भट्टले आफ्नो पदबाट दिएको राजीनामा स्वीकार गर्न अस्वीकार गरेकी हुन् ।

नेपाल राष्ट्र बैंक ऐनअनुसार राष्ट्र बैंकका बहालवाला कर्मचारीहरुमध्ये डेपुटी गभर्नरलाई मात्रै गभर्नर बनाउन मिल्छ । अन्य पदमा भएकाहरुलाई योग्यता पुगेको भए पनि पदमा रहेकै अवस्थामा गभर्नर नियुक्त गर्न मिल्दैन । अन्य पदमा रहेकाहरु गभर्नर बन्ने भए पहिले आफू कार्यरत रहेको पदबाट राजीनामा दिएर राष्ट्र बैंकको कुनै पनि जिम्मेवारीबाट बाहिरिइसकेको हुनुपर्छ ।

यही कानुनी व्यवस्थाका कारण आफू गभर्नर बन्ने पक्का भएपछि भट्टले आफ्नो पदबाट राजीनामा दिएका थिए । भट्ट अहिले राष्ट्र बैंकको कार्यकारी निर्देशक छन् । उनले यो पदबाट राजीनामा दिएर जिम्मेवारीबाट बाहिरिएपछि मात्रै उनी गभर्नर हुने बाटो खुल्ने भएकोले उनले आज बिहान कामु गभर्नरलाई राजीनामा बुझाएका थिए । कामु गभर्नरले राजीनामा स्वीकृत गर्न अस्वीकार गरेपछि भने उनको गभर्नर बन्ने बाटो छेकिएको छ ।

प्रचलित कानुनअनुसार सामान्यतया कसैले पदबाट दिएको राजीनामा अस्वीकृत गर्न भने पाइँदैन । कसैले आफ्नो पदबाट राजीनामा दिइसकेपछि त्यो राजीनामा स्वतः स्वीकृत भएको मानिन्छ । तर, जिम्मेवारीमा रहेको व्यक्तिले जिम्मेवारी हस्तान्तरण गर्ने प्रक्रियागत काममा भने केही समय लाग्न सक्छ । राजीनामा दिएपछि व्यवहारिक रुपमा पदमुक्त भएको मानिने भए पनि राजीनामा औपचारिक रुपमा स्वीकृत नहुँदासम्म भने प्रक्रियामै रहेको मानिन्छ ।

कामु गभर्नर ढुंगानाले भट्टको राजीनामा अस्वीकृत पनि गरेकी छैनन् । उनले राजीनामा अस्वीकृत गरेको भए यसलाई कानुनको उल्लंघन मान्न सकिन्थ्यो तर उनले अस्वीकृत समेत नगरेको हुनाले भट्टले दिएको राजीनामा प्रक्रियामै रहेको अवस्थामा छ । राजीनामा प्रक्रियामै रहेकोले उनी औपचारिक रुपमा पदमुक्त भएको मान्न मिल्दैन । र, पदमुक्त नभएकोले उनी गभर्नर बन्न मिल्दैन । कामु गभर्नर ढुंगानाले राजीनामा स्वीकृत गर्न जति समय लगाउँछिन् भट्टको नियुक्ति त्यति नै पर धकेलिनेछ । राजीनामा स्वीकृत गर्ने समय सीमाबारे कुनै स्पष्ट कानुनी व्यवस्था छैन ।

काठमाडौँ । दर्जनौँ सरकारी वेबसाइटहरू एकाएक डाउन भएको पाइएको छ । शुक्रबार बिहानदेखि सूचना प्रविधि विभाग, राष्ट्रिय सूचना प्रविधि केन्द्र, नेपाल दूरसञ्चार प्राधिकरण, सञ्चार मन्त्रालय लगायतका प्रमुख साइटहरू चल्न छोडेका हुन् ।

सूचना प्रविधि विभागका महानिर्देशक रमेश शर्माले राष्ट्रिय सूचना प्रविधि केन्द्र (सरकारको एकीकृत डेटा सेन्टर) मा पावर सप्लाईको समस्या आएका कारण वेबसाइटहरू प्रभावित भएका छन् । नेपाल विद्युत् प्राधिकरणको लाइनमा समस्या आएका कारण डेटा सेन्टरको विद्युत्‌ आपूर्ति रोकिएको छ ।

संवेदनशील मानिएका साइटहरूलाई जनेरेटरको सहयोगमा सञ्चालनमा ल्याइएको भए पनि अन्य साइटहरू चल्न सकेका छैनन् । अबको केही समयमा बन्द भएका सम्पूर्ण साइटहरू पुनः सञ्चालनमा आउने महानिर्देशक शर्माले जानकारी दिए ।

त्यसो त काठमाडौँ सिंहदरबारमा रहेको एकीकृत डेटा सेन्टरमा समस्या आउँदा सरकारी सिस्टमहरूलाई ब्याकअप दिन हेटौँडामा रिकभरी साइट समेत बनाइएको छ । तर उक्त साइटले समेत धान्न नसक्ने गरी सरकारी सिस्टम तथा साइटहरू प्रभावित भएका छन् ।

पछिल्लो अध्यावधिक: बैशाख ५, २०८२ १०:३१