गोरखा । पहिरोका कारण गोरखाका ग्रामीण क्षेत्र प्रवेश गर्ने मुख्य सडकहरु अवरुद्ध बनेका छन्। गोरखा–आरुघाट सडकको ढुङ्गागाडे खण्डमा पहिरो जाँदा सवारी आवागमन ठप्प भएको हो।

ग्रामीण क्षेत्रतर्फ जाने मुख्य सडक पहिरोले क्षतिग्रस्त हुँदा उत्तरी गोरखा प्रवेश गर्ने यात्रुले सास्ती खेप्नु परेको छ। सो सडक पहिरिएपछि सदरमुकामबाट सहिदलखन गाउँपालिका, भीमसेनथापा गाउँपालिका, आरुघाट गाउँपालिका, धार्चे तथा चुमनुब्री गाउँपालिकातर्फ जाने सवारीसाधन चल्न नसकेका प्रहरी नायव उपरीक्षक इन्द्रप्रसाद सुवेदीले बताए।

‘ढुङ्गाढेको खोल्सामा कल्भर्ट भासिएको छ’, उनले भने, ‘त्यहाँबाट सवारीसाधन चल्न सकेका छैनन्।’ सडक क्षतिग्रस्त भएपछि पूर्वाधार विकास कार्यालयले साइनबोर्ड राखी अन्य वैकल्पिक मार्ग अपनाउन आग्रह गरेको छ। साथै जिल्ला प्रशासन कार्यालयले सार्वजनि सूचना जारी गरी सो सडक मर्मत नहुञ्जेल वैकल्पिक मार्ग अपनाउन सूचित गरेको छ।

सहायक जिल्ला प्रमुख अधिकारी एवं विपद् फोकल पर्सन चित्राङ्गत बरालले गोरखा–आरुघाट सडकमा चारपाङ्ग्रे सवारीसाधान आवतजावत हुन नसक्ने गरी क्षति पुगेको बताए। पूर्वाधार कार्यालयका प्रमुख गणेश सुवेदीले सो सडक यथाशीघ्र मर्मत गरिने बताए। रासस

काठमाडौँ । यात्राको क्रममा आइपर्ने आपत्कालीन अवस्थाका लागि एन्ड्रोइड फोनहरूमा थुप्रै बिल्ट-इन सुरक्षा र आपत्कालीन फिचरहरू छन्, जुन धेरै प्रयोगकर्ताहरूलाई थाहा हुँदैन । यी फिचरहरूले तपाईँको फोनलाई आपतकालीन समयमा लाइफलाइनको रूपमा काम गर्न सक्षम तुल्याउन सक्छ । यात्रामा निस्किनु अघि यी फिचरहरू सेटअप गर्नु भयो भने आपत्कालीन अवस्थामा ठुलो सहयोग मिल्न सक्छ । यहाँ त्यस्ता केही फिचरहरू बारे चर्चा गरेका छौँ ।

लक स्क्रिनमा आपतकालीन सम्पर्क र मेडिकल जानकारी देखाउने

यो फिचरले फर्स्ट रेस्पोन्डरहरूलाई तपाईँको फोन अनलक नगरिकनै महत्त्वपूर्ण स्वास्थ्य विवरणहरू (जस्तै: ब्लड ग्रुप, एलर्जी, औषधि, मेडिकल कन्डिसन, अङ्गदानको स्थिति) र आपत्कालीन सम्पर्कहरू हेर्न मद्दत गर्छ । यो फिचर Settings > Safety & emergency > Medical information वा Personal Safety app मार्फत सेटअप गर्न सकिन्छ ।

कस्टम लक स्क्रिन मेसेज

फोन हराएमा वा चोरी भएमा यो फिचरले तपाईँको फोनको लक स्क्रिनमा सम्पर्क नम्बर वा ई-मेल ठेगाना भएको मेसेज देखाउन मद्दत गर्छ । जसले गर्दा फोन भेट्टाउने व्यक्तिले तपाईँलाई सजिलै सम्पर्क गर्न सक्छ । यसलाई Settings > Display > Lock screen > Add text on lock screen मा गएर सेट गर्न सकिन्छ ।

इमर्जेन्सी एसओएस (Emergency SOS) सेटअप गर्ने

यो फिचरले एकै इसारामा आपत्कालीन स्थितिको जनाउ दिने अनुमति दिन्छ । यसले आपत्कालीन सेवाहरूमा डायल गर्छ र तपाईँले चुनेका सम्पर्क नम्बरहरूमा मेसेज पठाउँछ । ती सम्पर्क नम्बरहरूले गुगल म्याप्समा तपाईँको लोकेसन ट्र्याक गर्न सकिने लिङ्क पनि पाउँछन् । यसलाई Settings > Safety & emergency वा Personal Safety मा गएर सेटअप गर्न सकिन्छ । यसमा पाँच पटक पावर बटन दबाउने इसारा प्रयोग हुन्छ । यसले आवश्यक परेमा स्वचालित भिडिओ रेकर्डिङको विकल्प पनि प्रदान गर्छ ।

सेफ्टी चेक (Safety check) शेड्युल गर्ने

जोखिमपूर्ण ठाउँमा जाँदा यो फिचरले टाइमर सेट गर्न मद्दत गर्छ । यदि टाइमर समाप्त भएपछि तपाईँले ठीक भएको प्रतिक्रिया दिनुभएन भने, यसले आपत्कालीन अवस्था मान्छ र तपाईँले सेट गरेका सम्पर्क नम्बरहरूलाई गुगल म्याप्समा तपाईँको यकिन भएको अन्तिम लोकेसन (last known location) को लिङ्क पठाउँछ । यो फिचरले फोनको ब्याट्री सकिए पनि वा सिग्नल नभए पनि त्यस्तो लोकेसन शेयर गर्न सक्छ । यसलाई Personal Safety app मा फेला पार्न सकिन्छ ।

आपतकालीन अलर्ट प्रसारण (Emergency alert broadcasts) सेटअप गर्ने

एन्ड्रोइडले आधिकारिक आपत्कालीन अलर्टहरू (जस्तै: विपद्, सार्वजनिक सुरक्षा खतरा, वा गम्भीर मौसम सम्बन्धी अलर्ट) प्राप्त गर्न सक्छ । यी अलर्टहरू फोन साइलेन्टमा हुँदा पनि ठुलो आवाजमा बज्छन् र थप जानकारीको लागि लिंक समावेश गर्दछन् । Settings > Notifications अथवा Personal Safety एपमा गएर Emergency alerts सेट गर्न सकिन्छ ।

फाइन्ड हब (Find Hub) /फाइन्ड माई डिभाइस (Find My Device) सेटअप गर्ने

यो गुगल सर्भिसकै अंश हो, जसले तपाईँको हराएको वा चोरी भएको फोन पत्ता लगाउन र सुरक्षित गर्न मद्दत गर्छ । android.com/find वा Find My Device एप प्रयोग गरेर तपाईँले नक्सामा फोनको लोकेसन हेर्न, रिङ बजाउन, नयाँ पिन राखेर लक गर्न वा रिकभरी मेसेज देखाउन सक्नुहुन्छ । अन्तिम उपायको रूपमा, तपाईँ आफ्नो डेटा सुरक्षित गर्न फोनमा रहेको डेटा टाढैबाट मेटाउन पनि सक्नुहुन्छ ।

गुगल लेन्स (Google Lens) मार्फत विदेशी भाषा अनुवाद गर्ने

विदेशमा यात्रा गर्दा भाषा बुझ्न समस्या भएमा गुगल लेन्सको ट्रान्सलेट फिचर प्रयोग गर्न सकिन्छ । गुगल एपमा रहेको क्यामेरा आइकनमा ट्याप गरेर Translate चयन गरी विदेशी भाषामा लेखिएका स्थानमा फोन देखाउँदा रियल टाइम अनुवाद देखिन्छ । यो फिचरले अफलाइनमा पनि काम गर्छ । तर त्यसका लागि यात्रा अघि आवश्यक भाषाहरू डाउनलोड भने गर्नुपर्ने हुन्छ ।

डु नट डिस्टर्ब (Do Not Disturb – DND) सेट गर्ने

DND मोड अन हुँदा पनि केही महत्त्वपूर्ण कल वा सन्देशहरू तपाईँलाई प्राप्त होस् भन्ने सुनिश्चित गर्न अपवादहरू सेट गर्न सकिन्छ । जस्तै: परिवारका सदस्यहरू, बारम्बार कल गर्ने नम्बरहरू (Repeated calls) आदिलाई DND बाइपास गर्न अनुमति दिन सकिन्छ । यसका लागि फोनको सेटिङमा रहेको Do not disturb मा जानुहोस् र सुरुमा रहेको xceptions allowed to interrupt मा गएर मिलाउनु होस् ।

वाई-फाई कलिङ (Wi-Fi Calling) इनेबल गर्ने

यात्रा गर्दा सेलुलर नेटवर्कको सिग्नल कमजोर हुन सक्छ वा नहुन पनि सक्छ । वाई-फाई कलिङले तपाईँलाई वाई-फाई नेटवर्क प्रयोग गरेर कल गर्ने र मेसेज पठाउने अनुमति दिन्छ । यसले रोमिङ शुल्कबाट बच्न पनि मद्दत गर्न सक्छ, तर यसका लागि आफ्नो मोबाइल सेवाप्रदायकसँग बुझ्नुपर्ने हुन्छ । यसलाई Settings > Network & internet > Mobile network > Wi-Fi calling मा फेला पार्न सकिन्छ ।

अफलाइन म्याप्स डाउनलोड गर्ने

यात्रामा भरपर्दो इन्टरनेट कनेक्सन नहुन सक्छ । यात्रा गर्नु अघि गुगल म्याप्समा आफ्नो गन्तव्यको अफलाइन नक्सा डाउनलोड गर्दा डेटा वा वाई-फाई बिना नै लोकेसनहरू खोज्न, सेभ गरिएका स्थानहरू हेर्न र ड्राइभिङ निर्देशनहरू प्राप्त गर्न सकिन्छ । जीपीएसले अफलाइन हुँदा पनि काम गर्छ र तपाईँले आफू तत्काल रहेको स्थानको जीपीएस डिरेक्सनहरू शेयर गर्न पनि सक्नुहुन्छ ।

यी फिचरहरूलाई यात्रामा जानुअघि नै सेटअप गर्नुपर्ने हुन्छ । आपत्कालीन तयारीका लागि फोन चार्ज राख्ने र पावर बैँक साथमा बोक्ने जस्ता अन्य व्यावहारिक उपायहरू पनि महत्त्वपूर्ण हुन्छन् ।

पछिल्लो अध्यावधिक: जेठ १८, २०८२ १२:३३

काठमाडौं– राष्ट्रिय प्रजातन्त्र पार्टी (राप्रपा) ले आइतबार प्रदर्शनका क्रममा पक्राउ परेका नेता, कार्यकर्तालाई रिहा नगरे थप आन्दोलनको कार्यक्रम घोषणा गर्ने निर्णय गरेको छ ।

आइतबार बसेको केन्द्रीय कार्यसम्पादन समितिको आकस्मिक बैठकले सो निर्णय गरेको प्रवक्ता मोहनकुमार श्रेष्ठले जानकारी दिए ।

‘राप्रपा नेपालका अध्यक्ष थापा, राप्रपा कार्यसम्पादन समितिका सदस्य सांसद सिंह र गिरफ्तारमा पर्नुभएका सबैको अविलम्ब र बिनाशर्त रिहाइ गर्न राप्रपा सरकारसँग माग गर्दछ,’ राप्रपाको निर्णयमा भनिएको छ, ‘गिरफ्तार हुनुभएका नेता, कार्यकर्ताहरुको रिहाइ नगरिए राप्रपाले आन्दोलनको थप कार्यक्रम घोषणा गर्नेछ ।’

निषेधित क्षेत्र नतोकिएको स्थान नारायणचौर, नक्साल क्षेत्रमा भएको प्रशासनिक हस्तक्षेप भएको भन्दै राप्रपाले घोर भत्र्सना गरेको छ ।

‘प्रदर्शनका क्रममा राप्रपा नेपालका अध्यक्ष कमल थापा र अन्य ७ जनालाई प्रशासनले नियन्त्रणमा लिएको, गिरफ्तार हुनु भएकाहरुलाई भेट्न जाने क्रममा प्रतिनिधिसभाका सांसद मा.दिपक बहादुर सिंहलाई प्रहरी परिसरभित्रै नियन्त्रणमा लिइएको घटना संविधानको व्यवस्था विपरीत, अलोकतान्त्रिक, सर्वसत्तावादी र विचारलाई निषेध गर्ने प्रयास हो भन्ने पार्टीको प्रष्ट धारणा रहेको छ,’ राप्रपाको निर्णयमा भनिएको छ ।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

एजेन्सी । यमनमा गृहयुद्ध जारी रहँदा धेरै वालवालिकाहरुको विचल्ली भएको छ। धेरैले अशक्त जीवनसँग संघर्ष गरिरहेका छन्।

एकै दिनमा तीन भाइबहिनी गुमाएर आफू अपाङ्ग बनेका सात वर्षीय बालक हमेद अल अथौरी कठिन जीवन बाँचिरहेका छन्। मध्य यमनको ताइजको एउटा समुदायमा बस्दै आएका उनीका आसपास बारम्बार गोलीबारी भइरहेको छ।

गोलाबारीका कारण अनगिन्ती नागरिकहरू मारिने र घाइते भइरहेका छन्। अक्टोबर ३०, २०२१ मा, उनी एक घातक बम विस्फोटबाट बच्न सफल भए। तर उनका तीन भाइबहिनीको मृत्यु भएको थियो। र उनले खुट्टा गुमाएका थिए।

‘हामी पसलबाट बाहिर निस्कँदै गर्दा हामीमाथि रकेट खस्यो। त्यसपछि मेरा भाइबहिनीहरू मारिए,’ हमेदले भने।

‘विपत्तिले हाम्रा तीन बच्चाहरूको ज्यान लियो। भगवानलाई धन्यवाद, हमेद बाँचे, तर उनी घाइते भए र जीवनभर बिग्रिएको खुट्टा लिएर बाँच्नुपरेको छ। जसले सधैं पीडा दिनेछ। हामीमाथि यस्तो अप्रत्याशित विपत्ति किन आइपर्छ भनेर हामीले बुझ्न सकेनौं। ठूलो पीडा भोग्यौं र निराश महसुस गर्यौं,’ हमेदका बुबा मुस्तफा अल अथौरीले भने।

हामेद केवल तीन वर्षको हुँदा उनले आफ्नो एउटा तल्लो खुट्टा गुमाए। चार वर्ष बितिसक्यो, उनी अझै पनि एक परोपकारी संस्थाबाट प्राप्त कृत्रिम खुट्टा प्रयोग गर्ने असुविधासँग संघर्ष गरिरहेका छन्।

‘म कृत्रिम खुट्टा बारम्बार लगाउँछु। कहिलेकाहीँ म यसलाई निकाल्छु र कहिलेकाहीँ लगाउँछु। म यसलाई लिएर हिंड्न सक्छु, तर यसले धेरै दुख्छ। म यो रातमा लगाउँदिन,’ हामेदले भने।

हामेदको पीडा कम गर्न उपयुक्त कृत्रिम खुट्टा खरिद गर्न उनको परिवारलाई कठिन भइरहेको छ। उनका आमाबाबुले आफ्नो छोरालाई मद्दत गर्न सक्दो प्रयास गरिरहेका छन्। परिवारले प्रायः उनलाई आफ्नो ढाडमा बोकेर शहर घुमाउँछन्।

‘उनकी आमाले उसलाई आफ्नो ढाडमा बोकेर स्कूल लैजान्छिन् र त्यसपछि कक्षा सकिएपछि घर फर्काउँछिन्। मेरो छोरा सधैंभरि बिग्रिएको खुट्टा लिएर बाँच्नुपर्छ भन्ने थाहा पाउँदा अरू केटाकेटीहरू स्वतन्त्र रूपमा दौडिरहेको देख्दा मेरो मन दुख्छ। म सबै राजनीतिक शक्तिहरूलाई सकेसम्म चाँडो युद्ध रोक्न र मानिसहरूलाई अपाङ्गता भएको जीवनको पीडा वा परिवारका सदस्यहरू गुमाउनुको पीडा दिन बन्द गर्न आह्वान गर्दछु,’ मुस्तफा अल अथौरीले भने। (सीसीटीभीप्लस)

काठमाडौँ । च्याट गर्दा होस् वा कुनै लिखित सामग्री तयार पार्न, पोस्ट लेख्न आदि कामका लागि बेलाबेला मोबाइलमा टाइपिङ गरिरहनु पर्छ । यसका लागि विभिन्न किबोर्ड एपहरू उपलब्ध छन् ।

गुगलको किबोर्ड एप जीबोर्डमा आएको पछिल्लो अपडेटसँगै अब मोबाइलमा टाइपिङ गर्न औँला चलाइरहनु पर्ने बाध्यता पनि हटेको छ । आज हामी तपाईँलाई बोलेकै भरमा आफूले चाहेको भाषामा मोबाइलमा टाइपिङ गर्ने तरिका बताउँदै छौँ ।

• सबैभन्दा पहिला आफ्नो मोबाइलमा टाइपिङ गर्ने कुनै ठाउँमा जानुहोस् (मेसेज, डक्स, नोट आदि) । किबोर्ड एपको रूपमा जिबोर्ड इनेबल गर्नुहोस् । अब किबोर्डको दायाँतर्फ बिच भागमा देखिएको माइक्रोफोनमा ट्याप गरेर चाहेको कुरा बोल्नुहोस्, जुन माथि आफैँ अक्षरमा टाइपिङ हुन थाल्छ । किबोर्डले कुन भाषामा टाइपिङ गरिरहेको छ भन्ने कुरा माइक्रोफोनको आइकनसँगै सङ्केतको रूपमा देखिन्छ ।

• यसमा तपाईँले जुन भाषा सेट गर्नु भएको छ, सोही भाषामा टाइपिङ हुन्छ । यदि नेपाली वा अन्य कुनै भाषामा टाइपिङ गर्न चाहनु हुन्छ भने तलतर्फ फर्केको तिर आइकनमा थिच्नु होस् अथवा किबोर्डको मेनु आइकनमा थिचेर वा तल English/नेपाली लेखिएको स्पेस बटनमा थिचेर ल्याङ्वेज सेटिङमा प्रवेश गर्नु होस् ।

• अब प्लस (+) सिम्बोलसँगै रहेको Add keyboard लेखिएको भागमा दबाउनु होस् र आफूले टाइपिङ गर्न चाहेको भाषा रोज्नुहोस् र Done गर्नुहोस् । 

• बोलेरै टाइपिङ गर्दा तपाईँलाई किबोर्डका अक्षरहरू हेरिरहनु पर्दैन । त्यसलाई हटाएर टाइपिङ गर्ने स्थान फराकिलो बनाउन माइक्रोफोन आइकन सँगै रहेको तलतर्फ फर्केको तीर आइकनमा दबाउनु होस् ।

• त्यहाँ तल पुछारमा बारभित्र सुरुमा GB देखिन्छ, त्यसमा थिच्नु भयो भने किबोर्डमा थप गरिएका भाषासहित इमोजी, ट्रान्सलेट, क्लिपबोर्ड जस्ता विकल्प खुल्छन् । 

अझै धेरै खाली ठाउँ चाहिन्छ भने भर्टिकल टूलबारमा स्विच गर्न पनि सक्नु हुन्छ । त्यससँगैको किबोर्डको आइकनमा दबाउँदा औँलाले टाइपिङ गर्ने किबोर्ड माथि आउँछ । 

पछिल्लो अध्यावधिक: जेठ १८, २०८२ १४:२६

काठमाडौं– गाजापट्टीमा राहत स्वरुप बाँड्न लागिएको खाद्यान्न लिन जाँदै गरेका मानिसमाथि गोली प्रहार हुँदा कम्तीमा ३१ जनाको मृत्यु भएको छ भने दर्जनौं घाइते भएका छन् ।

एसोसिएट प्रेसले प्रत्यक्षदर्शीलाई उद्धृत गर्दै इजरायली सेनाले गोली चलाएको उल्लेख गरेको छ । तर इजरायली सेनाले भने संक्षिप्त विज्ञप्ति जारी गर्दै भनेको छ, ‘हामीलाई मानवीय सहायता वितरण स्थलमा इजरायली सेनाको गोलीबारीबाट घाइते भएको कुनै जानकारी अहिलेसम्म छैन । यो विषय हाल अनुसन्धानमा छ ।’ 

अलजजिराले भने उक्त घटनामा कम्तीमा ३९ जनाको मृत्यु भएको उल्लेख गरेको छ । ती सहायता वितरण केन्द्रहरू इजरायली सैन्य नियन्त्रणमा रहेका क्षेत्रमा रहेको र त्यहाँ अन्यको पहुँच कमजोर भएको अन्तर्राष्ट्रिय संचारमाध्यमले जनाएका छन् । घटनास्थल गाजाको दक्षिणी र मध्य भागस्थित राफाहमा पर्दछ । 

हमासले अमेरिकाले प्रस्ताव गरेको युद्धविराम सम्झौतामा केही परिवर्तनको माग गरेको छ । तर मध्यपूर्वका लागि अमेरिकी विशेष दूत स्टिभ विटकफले समूहको प्रतिक्रिया स्वीकार्य नभएको उल्लेख गरेका छन् । यो पृष्ठभूमिमा गाजापट्टीमा झनै धेरै मानवीय संकट उत्पन्न हुने देखिन्छ । 

शुक्रबारमात्रै संयुक्त राष्ट्रसंघ अन्तर्गतको मानवीय सहायता समन्वय कार्यालयले गाजामा हालसम्मकै गम्भीर संकट उत्पन्न भएको जनाएको छ । 

हमासले इजरायलमा २०२३ अक्टोबर ७ मा आक्रमण गरेपछि २० महिनादेखि जारी युद्धका कारण ठूलो संख्यामा सर्वसाधारण विस्थापित भएका छन् भने निरन्तर बम आक्रमणका कारण कुपोषण सिर्जना भएको छ ।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

भक्तपुर । एक सय २१ वर्ष पुरानो भक्तपुर अस्पताल देशभरकै उत्कृष्ट घोषणा गरिएको छ। भक्तपुर अस्पतालमा आयोजना गरिएको अस्पताल व्यवस्थापन सुदृढीकरण अन्तरगत न्यूनतम सेवा मापदण्ड (एमएमएस) मूल्याङ्कन सार्वजनिक कार्यक्रममा देशभरका अस्पतालमध्ये भक्तपुर अस्पताल १०० पूर्णाकमा ९० अङ्क प्राप्त गर्दै सर्वोत्कृष्ट अर्थात् पहिलो भएको घोषणा गरिएको हो।

कार्यक्रममा बागमती प्रदेशका स्वास्थ्यमन्त्री किरण थापाले भक्तपुर अस्पताल लगातार चौथो पटक प्रथम हुन सफल भएको उल्लेख गर्दै अस्पतालको गुणस्तरमा कुनै कमि आउन नदिन कर्मचारीले इमान्दार भएर काम गर्नुपर्ने बताए।

अस्पतालमा न्यूरो सेवा सञ्चालन गर्न मन्त्रालयले रु एक करोड विनियोजन गरिएको उल्लेख गर्दै उनले एक महिनाभित्र सो अस्पतालमा डायलाइसिस सेवा सञ्चालन गर्ने तथा अस्पतालको पुरानो भवन निर्माणका लागि आगामी आर्थिक वर्षमा बजेट विनियोजन गरिने बताए।

कार्यक्रममा बागमती प्रदेशका स्वास्थ्य सचिव डा.सुमित्रा गौतमले एक सय २१ वर्षको एउटा इतिहास बोकेको देशकै दोस्रो अस्पताल पहिलो हुन सफल भएको उल्लेख गर्दै कर्मचारीको लगनशीलता, व्यवस्थापन समितिको सहयोग र गलत तत्वको प्रभावबाट अस्पताललाई जोगाउन सके सबै अस्पतालले गुणस्तरीय सेवा प्रदान गर्नसक्ने बताइन्।

भक्तपुर अस्पतालको उदाहरण प्रदेशका बाँकी १२ वटा प्रादेशिक अस्पतालमा पनि लागू गर्नुपर्ने उल्लेख गर्दै सचिव गौतमले मन्त्रालयमै बसेर दैनिक रुपमा प्रदेशका १३ अस्पतालमा कति बिरामी आए, कति भर्ना भएलगायत विवरण सबै हेर्न सकिने गरी बागमती स्वास्थ्य एप्स जडान गर्न लागिएको बताइन्।

सङ्घीय सरकारले स्वास्थ्य संस्थाको गुणस्तर मापन गर्न बनेको न्यूनतम सेवा मापदण्ड (एमएमएस) मूल्याङ्कन टिमका संयोजक एवं वीर अस्पताल नर्सिङ कलेजका प्रमुख एवं उपप्राध्यापक रोशनी तुईतुईले देशभरका सकेण्डरी ‘बी’ लेवलको अर्थात देशभरका तीन सय शय्यामा सञ्चालित अस्पतालको मूल्याङ्कन टोलीले गुणस्तर मापन गर्दा भक्तपुर अस्पताल देशभरमा प्रथम भएको घोषणा गर्दै भक्तपुर अस्पताललाई अब प्रतिष्ठान बनाउनुपर्ने बताइन्।

घोषणाअनुसार लुम्बिनी प्रदेशिक अस्पतालले ८९ अङ्क प्राप्त गरी दोस्रो र भरतपुर अस्पताल ८८ अङ्क प्राप्त गरी तेस्रो भएका छन्। बागमती प्रदेशमध्येका १३ अस्पतालमध्ये धादिङ अस्पतालले ८२ अङ्क ल्याएर दोस्रो र त्रिशूली अस्पताल ८१ अङ्क ल्याएर तेस्रो भएको मूल्याङ्कन टोलीका सदस्य एवं वीर अस्पतालका डा.फणिन्द्रप्रसाद बरालले बताए।

अस्पतालका निमित्त निर्देशक सुरेन्द्रप्रसाद भट्टले अस्पतालले दिँदै आएको सेवा तथा सुविधाबारेमा जानकारी गराउदै यसवर्ष बहिरङ्ग, अन्तरगत, शल्यक्रिया, प्रसूतिलगायतका सेवामा बिरामीको आगमन विगतका वर्षमा भन्दा बढेको बताए।

कार्यक्रममा मदन भण्डारी स्वास्थ्य विज्ञान प्रतिष्ठानका उपकुलपति डा.प्रदीप ज्ञवाली, टोलीका सदस्य एवम् बागमती प्रदेश अस्पताल विकास तथा अनुगमन शाखाका प्रमुख नवीन दर्नाल, बागमती प्रदेश स्वास्थ्य निर्देशनालयका निर्देशक डा.नरेन्द्रकुमार झा, भक्तपुरका प्रमुख जिल्ला अधिकारी गोपालप्रसाद अर्याल, भक्तपुर नगरपालिका–९ का वडाध्यक्ष तथा अस्पताल विकास समितिका सदस्य रवीन्द्र ज्याख्व, अस्पतालका वरिष्ठ नर्सिङ निरीक्षक रोशनी श्रेष्ठलगायतले असल नेतृत्व आएमा अस्पतालमा सुधार गर्न सकिने बताएका थिए। रासस

काठमाडौँ । कम्प्युटर विज्ञानमा स्नातक गरिरहेका विद्यार्थीहरूले गैरसरकारी संस्थाका लागि निःशुल्क वेबसाइट बनाउने घोषणा गरेका छन् । विद्यार्थीले सञ्चालन गरिरहेको ‘कोडिङ फर सोसल गुड नेपाल’ले वेबसाइट बनाउन चाहने गैरसरकारी संस्थालाई सम्पर्कमा आउन आग्रह गरेको हो । 

संस्थाको “कोड फर च्यारिटी” कार्यक्रममार्फत विभिन्न गैरनाफामुखी संस्थाहरूका लागि नि:शुल्क वेबसाइट डेभलप गरिने संस्थाका सभापति आशिष पन्थीले बताए । उनका अनुसार यसअघि दुई ओटा संस्थाको लागि वेबसाइट बनाउने काम पूरा भइसकेको छ । हालसम्म नेसनल एडलसेन्ट ब्वाइज नेपाल (एनएबीएन) र “सस्टिनेवल एक्सन अफ्रिका” नामक गैर नाफामुखी संस्थाको वेबसाइट बनाइएको उनले सुनाए ।  एनएबीएनको वेबसाइट तयार गर्न भने अमेरिकास्थित डुक विश्वविद्यालयको टेक्निफाइ स्टुडेन्ट अर्गनाइजेसनका विद्यार्थीहरूसँग समेत सहकार्य गरिएको थियो ।

वेबसाइटका  लागि चाहिने होस्टिङ र डोमेनको खर्च बाहेक सम्पूर्ण प्राविधिक काम निःशुल्क गर्दै आएको पन्थीको भनाई छ । उनले भने, “सकेसम्म जुन संस्थाको वेबसाइट बनाउने हो, उहाँहरूलाई नै होस्टिङ र डोमेन सेटअप गर्न भन्छौँ । त्यसपछि उहाँहरूले डेपलपमेन्टका लागि एक्सेस दिन सक्नुहुन्छ ।” 

संस्थाले नै होस्टिङ र डोमेन सेटअप गर्ने हो भने त्यसमा लाग्ने खर्च पारदर्शी भएर लिने गरेको दाबी उनले गरे । सो बाहेक वेबसाइट डेभलपमेन्टको प्राविधिक काममा कुनै खर्च लिने नगरिएको उनको भनाई छ । वेबसाइट बनाइएपछि पनि संस्थाले एक वर्षसम्म वेबसाइटलाई चाहिने अन्य प्राविधिक सहयोग दिइने जनाएको छ । 

सन् २०२३ मा स्थापना भएपनि गत वर्ष काठमाडौँमा दर्ता भएर कोडिङ फर सोसल गुड नेपाल सञ्चालनमा आएको हो । कम्प्युटर विज्ञान पढिरहेका विद्यार्थीले खोलेको उक्त संस्थाका अध्यक्ष विवेक भण्डारी काठमाडौँमा बस्छन् । संस्थामा संलग्न अधिकांश सदस्य भने बुटवलमा कार्यरत छन् । कोड फर सोसल गुड नेपालको कोर टिममा ६ जना रहेको उनले बताए । 

त्यस बाहेक टिममा कक्षा १२ सक्काएर बसेका तथा स्नातक सुरु गरेका विद्यार्थीलाई तालिम दिएर स्वयंसेवकको रूपमा खटाइन्छ । संस्थामा स्वयंसेवकका रूपमा काम गर्न चाहनेका लागि सामाजिक सञ्जाल र वेबसाइटमार्फत फाराम खुलाउने गरिएको छ । धेरैको आवेदन आउने भएकाले अन्तर्वार्तामार्फत स्वयंसेवक छनोट गर्दै आएको पन्थीले बताए । 

हाल भने संस्थासँग कुनै परियोजना नभएकाले नयाँ परियोजनाहरू खोजी भइरहेको उनले बताए । “समाजलाई केही सकारात्मक प्रभाव पारिरहेका र अनलाइन प्रेजेन्स खोजी रहेका संस्थालाई प्राविधिक सहयोग उपलब्ध गराउन खोजी रहेका छौँ,” उनले थपे ।

दर्ता भएका वा नभएका संस्थालाई वेबसाइट बनाउन तथा सञ्चालन गर्न प्राविधिक सहयोग उपलब्ध गराउने उनले बताए । आफ्नो वेबसाइट बनाउन चाहने संस्थाले यहाँ क्लिक गरेर फाराम भर्न सक्नेछन् । “कोड फर च्यारिटी”बाहेक संस्थाले कम्प्युटर विज्ञान विषयका बारेमा सचेतनाका कार्यक्रम र अनलाइन वर्कशप पनि सञ्चालन गर्दै आएको छ । विद्यालयमा पुगेर कक्षा ९ देखि १२ कक्षासम्मका विद्यार्थीलाई कम्प्युटर साइन्स क्लब खोल्न सघाउने र सञ्चालन गर्ने खालका जानकारी समेत दिने गरिएको छ । 

प्राविधिक सिप भएका विद्यार्थीले थप सिक्न सकुन् भनेर कोड फर च्यारिटी सञ्चालनमा ल्याइएको पन्थीले बताए । यो परियोजनाले विद्यार्थीको ज्ञान थप निखारिने र संस्थाहरूलाई पनि फाइदा पुग्ने उनको विश्वास छ ।

पछिल्लो अध्यावधिक: जेठ १८, २०८२ २२:५

काठमाडौं– राजावादी समूहले भोलि (जेठ १९ गते) उपत्यका बन्द गर्ने घोषणा गरेका छन् ।

राजसंस्था पुनस्र्थापनाका लागि गठित संयुक्त जनआन्दोलन समितिका संयोजक नवराज सुवेदीले एक विज्ञप्ति जारी गर्दै भोलि उपत्यका बन्दको घोषणा गरेका हुन् ।

सरकारले आफूहरूको आन्दोलनमा बर्बर दमन गरेको आरोप लगाउँदै राजवादी समूहले आन्दोलनको स्वरुप परिवर्तन गर्न बाध्य भएको जिकिर गरेको छ ।

‘सरकारको बर्बर दमनको विरोध गर्दै हामी आन्दोलनको स्वरुप परिवर्तन गर्न बाध्य भएका छौं । यसै क्रममा भोली जेठ १९ गते हामीले उपत्यका बन्दको घोषणा गरेका छौं,’ सुवेदीले जारी गरेको विज्ञप्तिमा भनेको छ ।

त्यस्तै, उपत्यका बन्दको क्रममा आ–आफ्नो टोल र चोकमा बसेर सक्रिय भूमिका निर्वाह गर्न आन्दोलनमा सहभागीहरूलाई विज्ञप्तिमार्फत आह्वान गरिएको छ ।

आइतबार भएको आन्दोलनको क्रममा राप्रपा नेपालका अध्यक्ष कमल थापा, राप्रपाका सांसद दीपक सिंह लगायत पक्राउ परेका थिए ।

उनीहरूमाथि प्रहरीले दमन गरेको आरोप राजावादी समूहले लगाएको छ ।

‘शान्तिपूर्ण आन्दोलनकै क्रममा राप्रपा नेपालका अध्यक्ष कमल थापालाई प्रहरीले जसरी अमानवीय तवरले पक्राउ गर्‍यो त्यसको हामी निन्दा गर्दछौं,’ सुवेदीले जारी गरेको विज्ञप्तिमा भनिएको छ ।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

काठमाडौं । काठमाडौंको नारायणचौरमा आज भएको प्रदर्शनका क्रममा पक्राउ परेका राप्रपा नेपालका अध्यक्ष पूर्वउपप्रधानमन्त्री एवं गृहमन्त्री कमल थापासहित सात जनालाई रिहा गरिएको छ ।

निषेधित क्षेत्र तोड्न खाजेपछि आज दिउँसो पक्राउ गरिएकामा अहिले राति सात जनालाई छाडिएको र एक जनालाई भने हिरासतमै राखिएको प्रहरी परिसर काठकाडौंका प्रवक्ता, प्रहरी उपरीक्षक अपिलराज बोहराले जानकारी दिए।

उक्त प्रदर्शनमा सुरूमा ६ जना र पछि दुई गरी आठ जनालाई पक्राउ गरिएको थियो। पक्राउ परेकामध्ये रौतहट घर भएका हिन्दूवादी धार्मिक अभियन्ता बताउने डा. राजीव झाले मापसे गरेर प्रहरीलाई गालीगलौजसमेत गरेकाले हिरासतमै राखिएको बोहराले बताए।

रिहा हुनेमा थापासहित सांसद दीपक सिंह, ललितपुरकी शिला राणा, भक्तपुर थिमिका राकेश बस्नेत, नुवाकोटका रामचन्द्र लामिछाने, टोखाका विनोद कपाली, भक्तपुरका सरोज तिमिल्सिना छन्।

राजतन्त्रको पक्षमा राप्रपा, राप्रपा नेपाललगायतले केही दिनदेखि उपत्यकामा प्रदर्शन गरिरहेका छन्।