काठमाडौँ । डट जीओभी डट एनपीको साटो डट ओआरजी डट एनपी प्रयोग गरिरहेका सरकारी संस्थाको डोमेन नाम फेरिने भएको छ । सरकारले केही दिन अघि सङ्घीय संसद्मा दर्ता गरेको सूचना प्रविधि तथा साइबर सुरक्षा विधेयकमा सरकारी डोमेन नाममा एकरूपता ल्याउने गरी राखिएको प्रस्तावले केही सरकारी निकायलाई प्रभावित पार्ने देखिएको हो ।
विधेयकको परिच्छेद-५ मा डोमेन नाम, दर्ता र व्यवस्थापन सम्बन्धी व्यवस्था छ । जस अन्तर्गत रहेको दफा ४० को उपदफा ४ मा सरकारी निकायले आफ्नो कार्यालयको डोमेन नाम गभर्मेन्ट डट एनपी अन्तर्गत दर्ता गर्नुपर्ने प्रावधान राखिएको छ । यही व्यवस्थाले गर्दा डट ओआरजी रहेका सरकारी संस्थाहरूको डोमेन नेम फेरिने भएको हो ।
नेपाल विद्युत् प्राधिकरण, नेपाल राष्ट्र बैँक, नगर विकास कोस, नेपाल स्वास्थ्य अनुसन्धान परिषद् जस्ता सरकारी संस्थाहरूले डट जीओभी डट एनपी नभएर डट ओआरजी डट एनपी डोमेन नाम प्रयोग गर्दै आएका छन् ।
संसद्मा दर्ता भएको विधेयक समितिमा दफावार छलफल भए पश्चात् दुवै सदन मार्फत् पारित हुनेछ । पारित विधेयकमा यही प्रस्तावित व्यवस्था कायम रहेको तथा प्रमाणीकरण भएको खण्डमा डट ओआरजी डोमेन प्रयोग गरिरहेका सरकारी संस्थाले आफ्नो डोमेन नाम परिवर्तन गर्नुपर्नेछ । यस्तो अवस्थामा nrb.org.np रहेको राष्ट्र बैँकको डोमेन नाम फेरिएर उदाहरणको रूपमा nrb.gov.np वा nrb.org.gov.np हुन सक्नेछ ।
पछिल्लो अध्यावधिक: असार १, २०८२ १४:१९
सामाग्री श्रोत :
टेक पाना
काठमाडौं– अवरोधकाबीच सभामुख देवराज घिमिरेले संसद्को कार्यसूची अघि बढाएपछि प्रतिपक्षी दल राष्ट्रिय प्रजातन्त्र पार्टी (राप्रपा) का सांसदहरू बैठक छाडेर बाहिरिएका छन्।
सभामुखले समय दिएपनि प्रमुख सचेतक ज्ञानेन्द्र शाहीले दादागिरी गरेर सदन चलाउन खोजिएको भन्दै गृहमन्त्रीको राजीनामा र भिजिट भिसा प्रकरणको छानबिनको माग यथावत् रहेकोले नबोल्ने बताए।
बैठकमा प्रतिनिधि सभामा राष्ट्रिय स्वतन्त्र पार्टी (राप्रपा)ले वेल घेराउ गरिरहेका छन्। राष्ट्रिय प्रजातन्त्र पार्टी (राप्रपा)ले आसनमै उभिएर विरोध जनाइरहेको थियो।
तर, केहीबेर अघि राप्रपाका सांसदहरू बैठक छाडेर निस्किएका हुन्।
यस्तो अवस्थामा प्रतिनिधि सभामा सभामुख देवराज घिमिरेले आकस्मिक समय चलाइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
काठमाडौं- नेपाल फार्मेसी संघले सरकारद्वारा गठित औषधि नीति सुझाव समितिको प्रतिवेदनलाई आवश्यक र समयानुकूल रहेको भन्दै स्वागत गरेको छ।
संघले विज्ञप्ति जारी गर्दै औषधि तथा स्वास्थ्य क्षेत्रको सुधारको उद्देश्यसहित प्रस्तुत प्रतिवेदनलाई संघले आवश्यक र समयानुकूल रहेको भन्दै सकारात्मक रुपमा लिएको हो।
‘सञ्चार माध्यमहरू, विभिन्न संघसंस्थाहरू र सरोकारवाला निकायबाट उठाइएका सुझाव, प्रतिक्रिया र जिज्ञासालाई नेपाल फार्मेसी संघले गम्भीरतापूर्वक अध्ययन गरेको छ। औषधि तथा स्वास्थ्य क्षेत्रको सुधारको उद्देश्यसहित प्रस्तुत उक्त प्रतिवेदनलाई संघले आवश्यक र समयानुकूल पहलको रूपमा लिएको छ र यसका सन्दर्भमा सकारात्मक स्वागत गर्दछ,’ संघद्वारा जारी विज्ञप्तिमा भनिएको छ।
संघले सधैं सर्वसुलभ, गुणस्तरीय र सुरक्षित औषधिको पहुँचलाई प्राथमिकतामा राख्दै बिरामी उपभोक्ता, स्वास्थ्यकर्मी, औषधि व्यवसाय र औषधिको गुणस्तरसँग सम्बन्धित विषयहरूलाई समान महत्त्व दिँदै आएको विषय पनि विज्ञप्तिमा रहेको छ।
औषधिलाई नागरिकको जीवन र स्वास्थ्यसँग प्रत्यक्ष जोडिएको संवेदनशील सेवाको रूपमा लिँदै संघले यसको गुणस्तर, मूल्य र आपूर्ति प्रणालीमा राज्यको जिम्मेवार, प्रभावकारी र उत्तरदायी भूमिका हुनुपर्नेमा जोड दिएको छ।
हेरौं विज्ञप्तिको पूर्णपाठ
सामाग्री श्रोत :
swasthyakhabar
काठमाडाैं। महालक्ष्मी विकास बैंकको ३१ औं वार्षिकोत्सवको अवसरमा २० वर्ष सेवा प्रदान गरेका कर्मचारीहरुलाई एक विशेष कार्यक्रमसहित सम्मान गरिएको छ।
बैंकमा इमान्दार, निष्ठा, समर्पण, दायित्वबोध र व्यवसायिकता साथ २० वर्ष सम्म निरन्तर रुपमा बैंकको स्थायित्व, विकास र उत्कृष्टताको यात्रामा महत्वपुर्ण सेवा तथा योगदान पुर्याए बापत ३६ जना कर्मचारीहरुलाई काठमाण्डौंमा आयोजित एक विशेष कार्यक्रमकाबीच सम्मान गरिएको हो।
विभिन्न शाखा कार्यालयहरु तथा केन्द्रीय कार्यालयमा रही सेवा प्रदान गरिरहेका उक्त कर्मचारीहरुलाई बैंकका अध्यक्ष, सचालक समितिका सदस्यहरु तथा प्रमुख कार्यकारी अधिकृतले सम्मान गरेका हुन्।
उक्त कार्यक्रममा संचालक समिति सदस्यहरु, बैंकका उच्च पदस्थ अधिकारीहरु, विभागीय प्रमुखहरु, प्रदेश प्रमुखहरु, काठमाण्डौं उपत्यकाका शाखा प्रबन्धकहरु लगायत अन्य कर्मचारीहरुको उपस्थिति रहेको थियो। सम्मानित कर्मचारीको ज्ञान, सीप, अनुभव र मार्गदर्शनले बैंकलाई अझ बलियो बनाउने विश्वास लिइएको छ।
साथै उक्त कार्यक्रममा महालक्ष्मी टोष्टमास्टर क्लबको औपचारिक सुरुवात समेत गरिएको छ। टोस्टमास्टर इन्टरनेशनलद्वारा मान्यता प्राप्त यो क्लबमार्फत बैकका कर्मचारीहरुमा नेतृत्व क्षमता, सार्वनजानिक वक्तृत्व कला, आत्मविश्वास तथा संचार कौशल अभिवृद्धिमा सहयोग पुर्याउने लक्ष्यसहित गठन गरिएको हो। विकास बैंकहरुमा टोस्टमास्टर क्लबको औपचारिक सुरुवात गर्नेमा महालक्ष्मी विकास बैंक पहिलो विकास बैंक बनेको छ।
जेष्ठ महिना भर बैंकले ३१ औं वार्षिकोत्सव मनाउन तय गरेको पूर्व निर्धारित सम्पूर्ण कार्यक्रमहरु समेत सफलतापूर्वक सम्पन्न भएका छन्। यस अवसरमा आगामी दिनहरुमा बैंकले आफ्ना ग्राहकहरुलाई थप अत्याधुनिक, सुरक्षित तथा सहज बैंकिङ सुविधा उपलब्ध गराउन प्रतिबद्धता समेत जाहेर गरेको छ।
सामाग्री श्रोत :
महालक्ष्मी विकास बैंकको ३१ औं वार्षिकोत्सवको अवसरमा कर्मचारी सम्मानित
काठमाडौँ । मोबाइलमा नोटिफिकेसन आउने बित्तिकै, होमपेजबाटै क्लिक गरी नोटिफिकेसन हेर्ने बानी छ भने सतर्क हुनुपर्ने समय आएको छ । डिजिटल ठगहरूले प्रयोगकर्तालाई ठगि गर्ने नयाँ तरिका निकालेका छन् । मेसेज वा ईमेल मार्फत मात्र नभइ ह्वाकरहरूले मोबाइलमा आउने नोटिफिकेसनमार्फत पनि फिसिङ लिंक पठाउन सकिने पत्ता लागेको छ । यस्तो घटनाहरू भइरहेका पनि हुन्छन् ।
एन्ड्रोइड अथोरिटिमा प्रकाशित एक समाचारका अनुसार हालै अनुसन्धानकर्ताहरूले एन्ड्रोइडको नोटिफिकेसन फिचरमा नयाँ सुरक्षा कमजोरी फेला पारेका छन् । यस कमजोरीको फाइदा उठाइ ह्याकरले एन्ड्रोइड प्रयोगकर्तालाई मोबाइलमा नोटिफिकेसन पठाउँछन् । उक्त नोटिफिकेसनमा क्लिक गरेपछि प्रयोगकर्तालाई फिसिङ साइटमा पुर्याइन्छ ।
सो साइटबाट व्यक्तिगत विवरणको चोरीदेखि ठगिसम्मका घटना हुने बताइएको छ । कम्प्युटर इन्जिनियर ग्याब्रियल डिग्रेगोरियोले यो समस्या पत्ता लगाएका हुन् । उनका अनुसार मोबाइलमा “Open link” भन्ने नोटिफिकेसन आउँछ । एन्ड्रोइड नोटिफिकेसन प्रणालीले युनिकोड क्यारेक्टरहरू राम्रोसँग ठम्याउन सक्दैन ।
यसकै फाइदा उठाएर ठगहरूले ओपन लिंक भन्ने नोटिफिकेसनमा युनिकोड प्रयोग गरी फिसिङ लिंक पठाउने गरेको पाइएको हो । प्रयोगकर्ताले देख्ने लिंक सुरक्षित देखिए पनि क्लिक गरेपछि उनीहरूलाई अन्य जोखिमपूर्ण साइटमा रिडाइरेक्ट गरिन सक्छ ।
यस्तो प्रकारको नोटिफिकेसन आउदा प्रयोगकर्ताले दैनिक प्रयोग गरिरहेको कुनै एपबाट आएको जस्तो र साइडमा गुगलको लोगो सहित ओपन लिंक भने लेखिएको देख्न सकिन्छ । झट्ट हेर्दा सधैँ आउने नोटिफिकेसन जस्तो देखिने हुनाले प्रयोगकर्ता झुक्किन पुग्छन् ।
कम्पनीले गत मार्च महिनामा नै गुगल बग हन्टर कार्यक्रम मार्फत यस समस्याको विषयमा जानकारी दिएको थियो । गुगलले यसलाई ‘मध्यम खतरा’ (moderate severity) को रूपमा वर्गीकृत गरेको छ, जसका कारण तुरुन्तै सुरक्षा अपडेटमार्फत यो समस्यालाई समाधान गरिने छैन । यो समस्या आगामी अपडेटमार्फत समाधान गरिने अपेक्षा गरिएको छ ।
पछिल्लो अध्यावधिक: असार १, २०८२ १२:३०
सामाग्री श्रोत :
टेक पाना
काठमाडौँ– प्रतिनिधिसभा बैठक सुरु भएको छ।
संसद भवन नयाँ बानेश्वरमा बिहान ११ बजे बोलाइएको बैठक झण्ड दुई घण्टा ढिलागरी बैठक सुरु भएको हो।
२० दिनदेखि जारी संसदको अवरोध हटाउन सभामुख देवराज घिमिरेले आइतबार प्रमुख सचेतकहरूको बैठक बोलाएका थिए।
तर विपक्षी दलहरू राष्ट्रिय स्वतन्त्र पार्टी(रास्वपा) र राष्ट्रिय प्रजातन्त्र पार्टी(राप्रपा)ले आ–आफ्ना अडान कायमै राखेकाले सहमति हुन सकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
नेपालको कर्णाली प्रदेश आर्थिक, सामाजिक र स्वास्थ्यक्षेत्रमा पछाडि परेको क्षेत्र हो। यहाँका नागरिकहरूलाई प्राथमिक स्वास्थ्य सेवा अझै पनि पूर्ण रूपमा उपलब्ध हुन सकेको छैन। यस समस्यालाई समाधान गर्ने उद्देश्यले सन् २०६८ सालमा संसदीय अधिनियम मार्फत कर्णाली स्वास्थ्य विज्ञान प्रतिष्ठान (Karnali Academy of Health Sciences – KAHS) को स्थापना गरिएको हो। यस प्रतिष्ठानको मुख्य लक्ष्य कर्णाली क्षेत्रमा गुणस्तरीय स्वास्थ्य सेवा प्रदान गर्ने, स्थानीय स्तरमा स्वास्थ्यकर्मीहरू तयार गर्ने र स्वास्थ्य सम्बन्धी अनुसन्धानलाई बढावा दिने रहेको छ।
तर, स्थापनादेखि नै यस संस्थाले विभिन्न चुनौतीहरू सामना गरिरहेको छ। कर्णालीको भौगोलिक दुर्गमता, रोगीको अपर्याप्त संख्या, अनुभवी तथा कुशल नेतृत्वको अभाव, शिक्षकहरूको कमी, र आवश्यक पूर्वाधारको अभावले गर्दा यो प्रतिष्ठान अहिलेसम्म पनि संक्रमणकालीन अवस्थामा छ। यसले न केवल शैक्षिक गुणस्तरमा असर पारेको छ, बरु स्थानीय जनताको विश्वास पनि पूर्ण रुपमा आर्जन गरेको छैन। यसैले, यस लेखमा कर्णाली स्वास्थ्य विज्ञान प्रतिष्ठानको अतीतको इतिहास, वर्तमान अवस्था र भविष्यमा यसले अपनाउनुपर्ने रणनीतिहरूको विश्लेषण प्रस्तुत गरिएको छ।
अतीत (स्थापनाको पृष्ठभूमि र प्रारम्भिक चुनौतीहरू)
कर्णाली स्वास्थ्य विज्ञान प्रतिष्ठानको स्थापना नेपालको स्वास्थ्य शिक्षा र सेवाको इतिहासमा एक महत्त्वपूर्ण घटना हो। यसको स्थापना गर्दा मुख्य उद्देश्य कर्णाली जस्तो पछाडिएको क्षेत्रमा स्वास्थ्य सेवाको पहुँच बढाउने, स्थानीय स्तरमा डाक्टर, नर्स, र स्वास्थ्यकर्मीहरू तयार गर्ने र स्वास्थ्य अनुसन्धानलाई प्रोत्साहन दिने रहेको थियो। तर, स्थापनाको प्रारम्भिक चरणदेखि नै यसले धेरै समस्याहरू सामना गर्न पर्यो।
प्रारम्भिक चुनौतीहरू मध्ये सबैभन्दा ठूलो समस्या अनुभवी तथा कुशल नेतृत्वको अभाव रहेको थियो। यसको मुख्य कारण सहप्राध्यापक नै उपकुलपती बन्न पाउने, राजनीतिक हस्तक्षेप, मेडिकल कलेज अनुभवहीन प्रशासन, र दूरदर्शिताको अभावले गर्दा संस्थानको विकास योजना सही ढंगबाट कार्यान्वयन हुन सकेन। यसले गर्दा शैक्षिक पाठ्यक्रमहरू समयमै सुरु गर्न गाह्रो भयो, र विद्यार्थीहरूले आवश्यक प्रायोगिक ज्ञान पाउन असमर्थ बने।
अर्को प्रमुख समस्या आर्थिक अभाव रहेको थियो। केन्द्र सरकारले प्रतिष्ठानलाई पर्याप्त बजेट उपलब्ध गराउन नसकेपछि, आधारभूत संरचना जस्तै अस्पताल, प्रयोगशाला, पुस्तकालय, र छात्रावासहरूको विकासमा ढिलाइ भयो। यसले गर्दा विद्यार्थीहरू र शिक्षकहरू दुबैको मनोबलमा नकारात्मक असर पर्यो।
शिक्षकहरूको अभाव पनि एउटा प्रमुख समस्या बन्यो। कर्णाली क्षेत्रको दुर्गमता र सुविधाको अभावले गर्दा अनुभवी डाक्टर र प्राध्यापकहरू यहाँ काम गर्न आउन अनिच्छुक रहे। यसले गर्दा विद्यार्थीहरूलाई गुणस्तरीय शिक्षा दिन गाह्रो भयो, र प्रतिष्ठानको प्रतिष्ठामा नकारात्मक असर पर्यो।
वर्तमान अवस्था (संक्रमणकालीन चुनौतीहरू र प्रगति)
हाल कर्णाली स्वास्थ्य विज्ञान प्रतिष्ठानले विभिन्न चुनौतीहरू बाबाजुद पनि केही प्रगति गरेको छ। यसले नर्सिंग, जनस्वास्थ्य, एम.बि. बि.एस. तथा फार्मेसी जस्ता कोर्सहरू सञ्चालन गरिरहेको छ। तर, नेपाल मेडिकल काउन्सिल (NMC) ले तोकेका मापदण्डहरू पूरा गर्न अहिलेसम्म पनि गाह्रो भइरहेको छ। यसको प्रमुख कारण रोगीको कम संख्या, शिक्षकहरूको अभाव, र प्रयोगशाला कमी, पुस्तकालय कमी जस्ता आधारभूत सुविधाहरूको कमी हो।
रोगीको कम संख्याले विद्यार्थीहरूलाई व्यावहारिक प्रशिक्षण दिन गाह्रो बनाएको छ। धेरै बिरामीहरूले KAHS को अस्पतालभन्दा अन्य सुभिधा सम्पन्न अस्पताल वा काठमाडौंका प्रतिष्ठानहरूमा उपचार गर्न जाने गरेका छन्। यसले गर्दा विद्यार्थीहरूले पर्याप्त क्लिनिकल अनुभव पाउन असमर्थ बनेका छन्।
प्रशासनिक स्तरमा पनि धेरै समस्याहरू छन्। कर्मचारीहरू समयमै तलब नपाउने, बढुवाको अवसर नहुने, र कामको बोझ बढी हुने समस्याले गर्दा संस्थानको कार्यक्षमतामा असर पर्दैछ। यसबाहेक, खरिद प्रक्रियामा भ्रष्टाचारको आरोपले संस्थानको प्रतिष्ठामा धक्का लागेको छ।
तर, यसबीचमा केही सकारात्मक पक्षहरू पनि छन्। अनुभबी तथा प्राध्यपक सह- प्राध्यपक तहका डाक्टरहरु ल्याउन नसकिए पनि हालसालै केही युवा डाक्टरहरूले कर्णालीमा काम गर्ने इच्छा जनाएका छन्, जसले गर्दा भविष्यमा शिक्षकको अभाव केही हदसम्म कम हुने आशा बनेको छ। त्यस्तै, प्रदेश सरकारले पनि यस संस्थानलाई सहयोग गर्ने घोषणा गरेको छ, जसले गर्दा आर्थिक अभाव केही न्यून हुने सम्भावना छ।
भविष्यको योजना र सुधारका उपायहरू
कर्णाली स्वास्थ्य विज्ञान प्रतिष्ठानले यदि सही रणनीति अवलम्बन गर्न सक्यो भने, यो न केवल कर्णालीको स्वास्थ्य सेवामा ठूलो योगदान दिन सक्छ, यसले नेपालको एक प्रमुख चिकित्सा शिक्षण संस्थानको रूपमा पनि विकसित हुन सक्छ। यसका लागि निम्न उपायहरू अपनाउन आवश्यक छन्।
सबैभन्दा पहिले, संस्थानको नेतृत्व सुधार गर्नुपर्छ। प्राध्यपक तहको स्वस्थ्यको कुनै पनि बिधमा योग्य र अनुभवी व्यक्तिहरूलाई उपकुलपती जस्तो उच्च प्रशासनिक पदमा नियुक्त गरेमा संस्थानको दिशा निर्धारण सही हुन सक्छ। राजनीतिक हस्तक्षेपलाई न्यूनीकरण गरेर, पारदर्शिता र जवाफदेहिता बढाउनुपर्छ।
दोस्रो, आर्थिक स्रोत बढाउनुपर्छ। केन्द्र र प्रदेश सरकारले संयुक्त रूपमा यस संस्थानलाई विशेष बजेट उपलब्ध गराउनुपर्छ। यसबाहेक, अन्तर्राष्ट्रिय सहयोगी संस्थाहरूसँग सम्झौता गरेर पनि आर्थिक सहयोग लिन सकिन्छ।
तेस्रो, शिक्षकहरू आकर्षित गर्न विशेष प्रोत्साहन दिनुपर्छ। कर्णाली जस्तो दुर्गम क्षेत्रमा काम गर्न आउने डाक्टर र प्राध्यापकहरूलाई आवास, यातायात, र आर्थिक सुविधा उपलब्ध गराउनुपर्छ। त्यस्तै, स्थानीय युवाहरूलाई छात्रवृत्ति दिएर पढाएर फिर्ता ल्याउने प्रणाली विकास गर्नुपर्छ।
चौथो, स्वास्थ्य सेवालाई विस्तार गर्नुपर्छ। जिल्ल स्वास्थ्य बिस्तार गरी १३ वटा नै जिल्लमा लक्ष्यित मोबाइल क्लिनिक, टेलीमेडिसिन, र सामुदायिक स्वास्थ्य कार्यक्रमहरू सञ्चालन गरेर स्थानीय जनताको विश्वास जित्नुपर्छ। यसले गर्दा रोगीको संख्या बढ्नेछ, र विद्यार्थीहरूलाई व्यावहारिक प्रशिक्षण पनि प्राप्त हुनेछ।
अन्तिममा, अनुसन्धानलाई प्राथमिकता दिनुपर्छ। कर्णाली क्षेत्रमा पाइने विभिन्न रोगहरू, पोषण अभाव, र स्वास्थ्य समस्याहरूमा अनुसन्धान गरेर यस संस्थानले राष्ट्रिय र अन्तर्राष्ट्रिय स्तरमा पहिचान बनाउन सक्छ।
अन्त्यमा
कर्णाली स्वास्थ्य विज्ञान प्रतिष्ठानले कर्णाली क्षेत्रको स्वास्थ्य सेवामा क्रान्तिकारी परिवर्तन ल्याउन सक्ने सम्भावना राख्दछ। तर, यसका लागि राजनीतिक इच्छाशक्ति, योग्य नेतृत्व, र जनसहभागिता आवश्यक छ। यदि समयमै सुधारका कदम चालिएन भने, यो संस्था आफ्नो उद्देश्यबाट टाढा जान सक्छ। त्यसैले, सरकार, स्थानीय निकाय, शिक्षक, विद्यार्थी, र नागरिक समाज मिलेर यसलाई सुदृढ बनाउने प्रयास गर्नुपर्छ। कर्णाली स्वास्थ्य विज्ञान प्रतिष्ठानको भविष्य यसैमा निर्भर छ।
सामाग्री श्रोत :
swasthyakhabar
काठमाडौं। नेपाल राष्ट्र बैंकले आज बजारबाट ४० अर्ब रुपैयाँ तरलता झिक्ने भएको छ।
बैंकिङ प्रणालीमा बढ्दो निक्षेपको तुलनामा कर्जा लगानी बढ्न नसक्दा केन्द्रीय बैंकले निरन्तर रुपमा बजारबाट तरलता झिक्ने गरेको छ। केन्द्रीय बैंकले आज(आइतबार) निक्षेप संकलन उपकरणका माध्यमबाट ४० अर्ब रुपैयाँ तरलता झिक्न लागेको हो।
इच्छुक बैंक तथा वित्तीय संस्थाहरुले दिउँसो ३ बजेसम्म आवेदन दिन सक्नेछन्। पछिल्लो रिपोर्ट अनुसार बैंकहरुको कूल निक्षेप ६९ खर्ब ८६ अर्ब रुपैयाँ पुगेको छ। तर यता कर्जा लगानी ५५ खर्ब ५९ अर्ब रुपैयाँ हाराहारी मात्र भएको छ।
सामाग्री श्रोत :
काठमाडौँ । एनसेलले आफ्ना सधैँ अन सेवाका ग्राहकका लागि नयाँ अफर ल्याएको छ । आज, १ असारदेखि सुरु भएको ‘सधैँ अन करोडपति’ नामक यो अफर आगामी १२ हप्तासम्म चल्नेछ । यसअन्तर्गत ग्राहकले हरेक हप्ता १० जनाले जनही १ लाख रुपैयाँ नगद पुरस्कार जित्न सक्नेछन् भने बम्पर उपहारको रुपमा एकजना ग्राहकले १ करोड रुपैयाँ जित्ने मौका पाउनेछन् कम्पनीले जनाएको छ ।
यसका साथै प्रत्येक ग्राहकले डेटा, भ्वाइस वा डिजिटल सेवालगायत विभिन्न सेवा बोनस स्वरूप प्राप्त गर्ने कम्पनीको भनाइ छ । यो योजनामा सहभागी हुन ग्राहकहरूले कम्तीमा ९९ रुपैयाँ वा सोभन्दा माथिको कुनै पनि एनसेल सेवा, जस्तै नयाँ सिम, डेटा प्याक, भ्वाइस प्याक, एसएमएस प्याक, रोमिङ प्याक वा कम्बो प्याक लिनु पर्नेछ । यो योजना आइतबारदेखि शनिबारसम्मको साप्ताहिक चक्रअनुसार सञ्चालन हुनेछ ।
कम्पनीका अनुसार हरेक ९९ रुपैयाँ बराबरको सेवा खरिद गर्दा ग्राहकले योजनाको १ वटा टिकट प्राप्त गर्नेछन् । यदि ग्राहकले ४९९ रुपैयाँ बराबरको सेवा खरिद गर्छन् भने, ५ वटा टिकट प्राप्त हुनेछ । यसको मतलब प्याकको मूल्य जति बढी भयो जित्ने सम्भावना पनि त्यत्तिकै बढी हुन्छ ।
सेवा खरिद गर्ने बित्तिकै प्राप्त टिकट हेर्न मिल्ने लिंक तुरुन्त सोही नम्बरमा एसएमएसमार्फत पठाइने कम्पनीको भनाइ छ । अथवा एनसेल एपमार्फत, *९९९९# डायल गरेर, वा चालु हप्ताका लागि १ र सम्पूर्ण योजना अवधिका लागि २ टाइप गरी ९९९९ मा एसएमएस पठाएर आफूले पाएका टिकटहरू हेर्न सक्ने व्यवस्था गरिएको कम्पनीले उल्लेख गरेको छ ।
साथै रिन्यूअल वा रोमिङ सेवा खरिद गर्दा ग्राहकले नगद पुरस्कार जित्ने दोब्बर मौका पाउने कम्पनीले बताएको छ । उदाहरणका लागि, सामान्य रूपमा ९९ रुपैयाँको सेवा वा प्याक खरिद गर्दा एउटा टिकट प्राप्त हुनेछ भने सो सेवा रिन्यूअल वा रोमिङ हो भने ग्राहकले दुई वटा टिकट पाउनेछन् ।
कम्पनीका अनुसार कुनै पनि नेपाली बैंकमा खाता र प्यान नम्बर भएका सबै प्रिपेड, पोस्टपेड र वायर–फ्री ग्राहकहरू यस योजनामा सहभागी हुन योग्य छन् । पोस्टपेड प्रयोगकर्ताहरूले मासिक रूपमा सक्रिय रहेर वा नयाँ पोस्टपेड सिम खरिद गरेर सहभागी हुन सक्नेछन् । हरेक रिन्यूअलमा टिकटहरू स्वचालित रूपमा जारी हुन्छन् ।
यस योजना अवधिभर प्रत्येक आइतबार साँझ ६:३० देखि ७:०० बजेको समयामा एनसेल यूट्युव च्यानल, एनसेल एप र कान्तिपुर टिभीमार्फत प्रसारण हुने कार्यक्रममार्फत नगद पुरस्कार विजेताहरू घोषणा गरिने छन् । नगद पुरस्कार हस्तान्तरण प्रक्रियाका लागि एनसेलले विजेताहरूलाई सिधै सम्पर्क गर्ने बताइएको छ ।
पछिल्लो अध्यावधिक: असार १, २०८२ ११:३१
सामाग्री श्रोत :
टेक पाना
काठमाडौं– सभामुख देवराज घिमिरले सदनको अवरोध खुलाउने विषयमा रास्वपा कार्यवाहक अध्यक्ष डीपी अर्याल र राप्रपा अध्यक्ष राजेन्द्र लिङ्देनसँग छुट्टा-छुट्टै छलफल गरेका छन्।
रास्वपा कार्यवाहक अध्यक्ष अर्यालसँग बानेश्वरस्थित कार्यकक्षमा छलफल गर्दै सभामुखले संवैधानिक सीमाका कारण बजेटमाथिको छलफल सुरू गर्नैपर्ने बाध्यता रहेको, अवरोधको स्वरुप बदल्न आग्रह गरेका हुन्।
अर्यालले आफूहरूको अवरोध जारी रहने बताउँदै संसदलाई मर्यादित बनाउने प्रतिबद्धता जनाएको सभामुखको सचिवालयले जनाएको छ।
गत शुक्रबारको बैठकमा अवरोधका क्रममा संसदीय मर्यादाविपरीतका गतिवधि भएको भन्दै आज बिहान प्रमुख दलका सचेतकहरूले सभामुखको ध्यानाकर्षण गराएका थिए।
सभामुखले अध्यक्ष लिङ्देनसँग पनि टेलिफोन गर्दै संवैधानिक बाध्यता बुझिदिन आग्रह गर्दै आफ्ना विषयलाई राखेर सदन सुचारू गर्ने वातावरण बनाउन सहयोग गर्न आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
सामाग्री श्रोत :
नेपाललाइभ
